07/02/2026
Taayitaa Konistiraakshinii Bulchiinsa Magaalaa Bishooftuu
#Haaromsa_Aadaa Guddina Aadaa, Duudhaafi Tokkummaa Biyyoolessaa Cimsuuf!.
=========
leenjiin Haaromsa Aadaa, Mata Duree "Haaromsi Aadaa Dhaloota Aadaa hojii gonfateen Badhaadhina Hunda galeessa dhugoomsuuf" jedhuun Mootummaaf kennamee jira.
Leenjii kenname kana Irratti Aadaa fi duudhaa ganamaa jiru cimsuuf dhaloota aadaan hojii dagaage oomishuu barbaachisadha. Haaromsa aadaa Oromoo sirna ammayyaa fi haala yeroo ammaa waliin wal simsiisuun ijaaruu, Haaromsuu fi Jabeessuu irratti leenjiin kennamee jira.
Aadaan Oromoo bu’uura eenyummaa keenyaati. Seenaa, Safuu, Afaan, Duudhaa fi Falaasama jireenyaa saba keenyaa of keessatti hammata. Haa ta’u malee sababa dhiibbaa gara garaatiin aadaan keenya hedduun laafee, dagatamaa fi cabsamaa tureera. Kanaafuu haaromsi aadaa Oromoo dirqama dhaloota har’aati.
Haaromsa Aadaa kanaanis wantoonni Haaromfamuu qaban ijoo Aadaa hojii keenyaa, Aadaa siyaasaa ana malee (nu malee), ilaalcha hirkattummaa durii irratti hirkachuu, amala, Duudhaa fi Naamusa guddinaa danqanii fi ilaalcha karaa qaxxaamuraa fayyadamuu barbaaduu irraa Haaromfamuudha.
Haaromsa aadaa geggeessuun Aadaa haphate gabbisuuf, Aadaa dhokatte mul’isuuf, Aadaa jiru itti fufsiisuuf, Aadaa makamte qulqulleessuuf, Aadaa badde deebisuuf, akkasumas barmaatilee miidhaa fidan hir’isuuf ni gargaara kan jedhu ibsamee jira
