Ururka Hor-umarinta Ardayda iyo Aqoonyahanka Jarar

Ururka Hor-umarinta Ardayda iyo Aqoonyahanka Jarar Ururka horumarinta ardayda iyo aqoonyahanku wuxuu utaaganyahay kor uqaadida tayada waxbarashada gobal

10-12 May 2026Booqashadii Degmooyinka Gaashaamo iyo DaroorXubno kamida Gudiga ururka UHAAJ, ayaa booqasho ku tagay Degmo...
14/05/2026

10-12 May 2026
Booqashadii Degmooyinka Gaashaamo iyo Daroor

Xubno kamida Gudiga ururka UHAAJ, ayaa booqasho ku tagay Degmooyinka Gaashaamo iyo Daroor ee gobolka jarar.

Ujeedadda ururka ee booqashadan iyo qadobada noosoo qabsoomay ayaa ahaa:-
• Waxaanu wacyigalin, dardaaran iyo ogaysiis usamaynay dhamaan dugsiyada kuyaala xarunta degmooyinka ee Sare iyo Dhexe.
• Waxaanu booqannay dugsiga Hoyga gaashaamo halkaas oo aanu kula kulanay maamulka dugsiga, kana helay warbixinta dugsiga, waxaanu lakulay ardayda dhigata dugsigan, islamarkaana siinay wacyigalin ku haboon iyo dardaraan. Waxaanu booqanay Laybareeriga dugsiga kaas oo sifiican ushaqeeya.

• Waxaanu lakulanay qaybo kamida haldoorka dhalinyarada iyo aqoonyahanka ee jooga degmooyinkaas, kuwaas oon kala hadalay qaabkii ay uxoojin lahaayeen isxilqaanka, una samaysan lahaayeen gudiyo kashaqeeya qaabka ay degmooyinkaasi uyeelan lahaayeen Laybareeriyo shaqeeya, Bilaabida waxbarashada xagaaga iyo in ardayda dhigata dugsiyada sare ee dadaasha iyo ciddii kale ee dhigi karta maadooyinka ay ubilaabi lahaayeen maadooyin kabid u ah ardayda dugsida dhigata.

• Waxaan lakulanay Gudoomiyayaasha iyo qaybo kamida Maamulka degmooyinkaas. Anaga oo kala hadalay qaabkii waxbarashada loogu wada dadaali lahaa iyo in ay dhalinyarada iyo ciddii kale ee kashaqaynaysa arimaha bulshada gaar ahaan waxbarashada loola shaqayn lahaa.

• Oogu danbayn waxaanu siinay Degmooyinkaas buugaag kala duwan oo kusaabsan manhajka waxbarashada ee cusub, Gaashaamo 150 buug loona qaybiyay Makatabadda guud ee Gaashaamo iyo Laybareeriga Dugsiga Hoyga Gaashaamo. Degmada Daroorna waxaanu siinay 100 buug oo la dhigay Laybareeriga dugsiga sare.

Oogu danbayn waxaa si wanaagsan noogu soo dhamaaday safar dheer oo ujeedkiisu ahaa in xoojinta dadaalada waxbarshada. Anaga oo sii marray Degmada Dhagaxbuur-Gunagafo-Dig-Gaashaamo-Daroor-Awaare- Yoocaale.

Mahadcelin
Waxaanu umahad celinaynaa Allah oo noo suuro galiyay in ay howshaasi siwaanagsan oo nabad galiyo ah noogu qabsoonto, sidoo kale waxaan umahad celinaynaa Maamuladda degmooyinkaas qaybihiisa kala duwan oo si kal furnaan leh noola shaaqeeyay, noona soo dhaweeyay. Waxaa kale oo aanu umahad celinaynaa Maareeyaha Dugdiga Hoyga Gaashaamo oo sifiican noola shaqyeeyay. Waxaa kale oo aan umahad celinaynaa Madaxa Xafiiska Waxbarashada ee gobolka jarar Mudane Axmed Sheekh Ibraahin oo howshan u ahaa tiir muhiim ah.

Sidoo kale waxaan aad oogu mahadcelinaynaa Maamulka Magaalada Dhagaxbuur oo naga caawiyay gaadiidka iyo Shidaalkaba.

Allah ayaa mahad oo dhan iskaleh

Dhagaxbuur- waxaa xalay lagu qabtay xaflad si heer sare ah losoo agaagsimay, oo lagu dabaaldegay sannad guuradii 7-aad, ...
09/04/2026

Dhagaxbuur- waxaa xalay lagu qabtay xaflad si heer sare ah losoo agaagsimay, oo lagu dabaaldegay sannad guuradii 7-aad, ee kasoo wareegtay aas-aaska Maktabadda dadwaynaha Dhagaxbuur.

Munaasibaddan waxaa kasoo qaybgalay, maamulka Gobalka Jarar, maamulka magaalada Dhagaxbuur, hogaaminta degmada Dhagaxbuur, maamulka sare ee ururka UHAAJ, iyo dhammaan qaybaha kale ee bulshada magaalada Dhagaxbuur.

Intii munaasabaddu socotay waxaa goobta laga jeediyay taariikhdii maktabadda, waxtarkii ay soo kordhisay iyo qorshaha mustaqbalka.

Gabagabadii munaasabadana waxaa abaalmarinno kala duwan la gudoondiiyay, xafiisyadii iyo xubnihii taageerada ka gaystay horumarinta maktabadda.

Allah Mahadleh

Maktabadda dadwaynaha Dhagaxbuur oo 7 sanno jirsatey.Waxay bahda Makatabaddu u dabaaldagaysa sannadguurada 7aad ee kasoo...
08/04/2026

Maktabadda dadwaynaha Dhagaxbuur oo 7 sanno jirsatey.

Waxay bahda Makatabaddu u dabaaldagaysa sannadguurada 7aad ee kasoo wareegatey markii ka aasaasey.

munaasabada sanadguurada 7aad ayaa caawa oo khamiisa lagu xusayaa hoolka makhtabada.

Bahda maktabadu waxay kugu casuumaysaa in aad qayb ka noqoto bulshada caawa u dabaaldagaysa sanad guudarada 7aad

Shirkada Safaricom ayaa deeq buugaag ah oodhan 1,200 oo buug, qiima ahaana gaadhaya 500,000 birr ku wareejisay maktabadd...
13/02/2026

Shirkada Safaricom ayaa deeq buugaag ah oodhan 1,200 oo buug, qiima ahaana gaadhaya 500,000 birr ku wareejisay maktabadda dadwaynaha Dhagaxbuur.

Xafladda wareejinta deeqdan waxaa goob joog ka ahaa qaar kamida hogaaminta maamulka magaalada Dhagaxbuur, maamulka sare ee maktabadda, iyo wakiilo ka socday shirkadda Safaricom.

Ururka UHAAJ wuxuu umahadcelinayaa shirkadda Safaricom iyo cid kasta oo qayb ka ah dadaalada kor loogu qaadayo tayada waxbarashada Gobalka.

Allah Mahadleh

Xubno wasiir ku xigeeno heer deegaan ah ayaa soo indho indheeyay maktabada magaalada dhaxbuur. Wasiir ku xigeenada xafii...
10/02/2026

Xubno wasiir ku xigeeno heer deegaan ah ayaa soo indho indheeyay maktabada magaalada dhaxbuur.

Wasiir ku xigeenada xafiiska maalgashiga iyo warshadaha, xafiiska haweenka iyo madaxa golaha dhexe ee garabka haweenka xafiiska xisbiga PP oo ay weheliayaan M. M. Dhagaxbuur, ayaa soo indho indheeyay maktabada magaalada dhagaxbuur, si ay ugu kuurgalaan baahiyaha maktabada iyo nidaamka ay u shaqayso.

Tartanka Qur’aanka kariimka oo saaka ka furmay Dhagaxbuur.Waxaa saaka ka furmay magaalada Dhagaxbuur, taratanka Qur’aank...
08/02/2026

Tartanka Qur’aanka kariimka oo saaka ka furmay Dhagaxbuur.

Waxaa saaka ka furmay magaalada Dhagaxbuur, taratanka Qur’aanka kariimka ah oo ay ku tartamayaan arday lagasoo kala xulay madrasooyinka kala duwan ee maamulka magaalada Dhagaxbuur.

Inta uusocda tartankani ardaydu waxay ku tartami doonaan, qaybaha tobanka Jus, labaatanka, iyo sodonka Jus, waxaana la abaal-marin doonaa ardayda kaalamaha h**e gala insh Allah.

Dhammaan tartamayaasha guul ayaan urajaynaynaa idamka Alle.

Mahadcelin;Hawl wadeenada maktabadda dadwaynaha Dhagaxbuur waxay umahadcelinayaan Garabka haweenka xisbiga ee magaalada ...
27/01/2026

Mahadcelin;

Hawl wadeenada maktabadda dadwaynaha Dhagaxbuur waxay umahadcelinayaan Garabka haweenka xisbiga ee magaalada Dhagaxbuur, oo maanta ku wareejiyay deeq buugaag ah oogaadhaysa 100 buug.

Goobta wareejinta buugta waxaa goobjoog ka ahaa maamulka sare ee Ururka UHAAJ, oo uu hogaaminayo gudoomiyaha Ururka UHAAJ Eng Deeq Mukhtaar, waxaana lagu kaydin doonaa maktabadda dadwaynaha Dhagaxbuur.

Allah Mahadleh

Xarunta UHAAJ;Waxaan uqabanay qayb kamida ardayda xarunta wax kabarata Tartanka Qur'anka kariimka ah oo ay ardaydu ku t...
26/01/2026

Xarunta UHAAJ;

Waxaan uqabanay qayb kamida ardayda xarunta wax kabarata Tartanka Qur'anka kariimka ah oo ay ardaydu ku tartamayeen shanta Jus ee hoose.

Tartankan waxaa ka qayb qaatay, arday tiradoodu dhantahay 9 arday, kuwaas oo laga soo kala xulay fasalada kala duwan ee xarunta wax ka dhigata.

Waxaa abaalmarino kala duwan la gudoonsiin doonaa ardayda kaalmaha sare ka gasha imtixaanka, insh Allah.

Xaruntu uma aas-aasna kaliya barashada culuumta science ka e sidoo kale waxay ka qaybqaadata dhisida akhlaaqda, korinta fahanka diiniga ag ee ardayda, iyo isu dheeli-tirka culuumta maadiga ah iyo kuwa diiniga ah ee ardaygu ubaahanyahay.

Allah Mahadleh

Hambalyo Dugsiga sare ee Singub Labada dugsi sare ee Maxamuud Cali iyo Singub oo qayb ka ahaa tartankii dugsiyada magaa...
19/01/2026

Hambalyo Dugsiga sare ee Singub

Labada dugsi sare ee Maxamuud Cali iyo Singub oo qayb ka ahaa tartankii dugsiyada magaalada dhagaxbuur fasaladooda 9aad iyo 10aad ayaa ku tartamay maadooyinka:
1. Xisaab
2. Biology iyo
3. Chemistry

Dugsiga sare ee "SINGUB" ayaa kaalinta 1aad ku guulaystay halka Dugsiga sare ee 'MAXAMUUD CALI" uu galay kaalinta 2aad

Ujeedada tartankan uu ururka UHAAJ uga goleeyahay ayaa ah sare u qaadida, tayaynta iyo dhiirigalinta waxbarashada dugsiyada.

Hambalyo, hambalyo Dugsiga garaad makhtal daahir fasalkiisa 8aad iyo 6aad oo ku guulaystay kaalinta koowaad(1aad). Dugsi...
19/01/2026

Hambalyo, hambalyo Dugsiga garaad makhtal daahir fasalkiisa 8aad iyo 6aad oo ku guulaystay kaalinta koowaad(1aad).

Dugsiyada dawlada ee H/dhexe ee ugaas maxamuud, garaad makhtal daahir, sheekh muumin, xaaji Cali xaydar, Sayid Cali, dulcad iyo Sheekh axmed gole, fasaladoodda 8aad iyo 6aad ee tartanka dugsiyada magaalada dhagaxbuur ayaa soo gabagaboobay.

Waxay ku tartameen maadooyinka kala ah
1. English
2. Xisaab
3. Cilmi deegaan
4. Cilmi bulsho iyo
5. Soomaali .

Kaalmaha dugsiyada iyo fasaladu waxay u kala galeen sidan hoos ku xusan

Fasalka 8aad
1. Kaalinta 1aad, Garaad makhtal daahir
2. Kaalinta 2aad, sayid Cali
3. Kaalinta 3aad xaaji Cali xaydar

Fasalka 6aad
1. Kaalinta 1aad Garaad makhtal daahir
2. Kaalinta 2aad Xaaji Cali xaydar
3. Kaalinta 3aad Dulcad

Waxaa bogaadin mudan dugsiga H/dhexe ee Garaad makhtal daahir oo labada fasalba u galay kaalinta koobaad, hambalyo marlabaad

Address

Degeh Bur

Telephone

+251913118233

Website

Alerts

Be the first to know and let us send you an email when Ururka Hor-umarinta Ardayda iyo Aqoonyahanka Jarar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category