Xafiiska Ganacsiga iyo Gaadiidka M.M.Dhagaxbuur

Xafiiska Ganacsiga iyo Gaadiidka M.M.Dhagaxbuur Boggan waa madal rasmi ah oo u taagan Xafiiska Ganacsiga & Gaadiidka maamulka magaalada dhagaxbuur.

‎Xafiiska Ganacsiga iyo Gaadiidka Ee Maamulka Magaalada Dhagaxbuur ayaa Maanta Qabtay shir ay ka Soo qayb galeen Dhammaa...
02/08/2026

‎Xafiiska Ganacsiga iyo Gaadiidka Ee Maamulka Magaalada Dhagaxbuur ayaa Maanta Qabtay shir ay ka Soo qayb galeen Dhammaan Wadayaasha bajaajta magaalada, kuwa yaryar iyo Bajajta Force da. Shirka waxaa shir-guddoominayay Madaxa Xafiiska Ganacsiga iyo Gaadiidka, Mudane Axmed Xaashi Ahmed iyadoo ay ku wehelinayeen masuuliyiinta Komishanka Booliska Maamulka Magaalada Dhagaxbuur.
‎
‎Ujeeddada shirka ayaa ahayd xoojinta hirgelinta shuruucda Gaadiidka iyo dhaqan-gelinta awaamiirta uu soo saaray Xafiiska Ganacsiga iyo Gaadidka DDS. Intii uu shirku socday waxaa diiradda lagu saaray xakamaynta xawaaraha xad-dhaafka ah Ee gaadiidka gudaha magaalada, ka hortagga qaadista rakaabka iyo Xamuulka ka badan inta sharcigu oggol yahay, abaabulka bajaajta yaryar ee iskaashatooyinka, iyo adkaynta ku dhaqanka shuruucda gaadiidka.
‎
‎Gabagabadii kulanka, waxaa si wadajir ah la isugu raacay in si buuxda loo dhaqan-geliyo dhammaan qodobadii laga heshiiyey, si loo xaqiijiyo isu socod gaadiid oo ammaan ah, nidaamsan, isla markaana waafaqsan shuruucda.
‎
‎"Waaxda Warfaafinta iyo Xidhiidhka Dadwaynaha Ee Xafiiska"
‎

Barnaamijka Dhaxal-Reebka Cagaaran Oo Lagu Beerayo 800 Milyan Oo Geed Hal Maalin Oo Ku Beegan Hamale/27/2018T.I"Geed Bee...
31/07/2026

Barnaamijka Dhaxal-Reebka Cagaaran Oo Lagu Beerayo 800 Milyan Oo Geed Hal Maalin Oo Ku Beegan Hamale/27/2018T.I

"Geed Beer, Rajo Beer; "

Kulan balaadhan oo ay isugu yimaadeen bahwadaagta secterka gaadiidka ayaa ka qabsoomay madasha kulamada ee mini hall ka ...
24/07/2026

Kulan balaadhan oo ay isugu yimaadeen bahwadaagta secterka gaadiidka ayaa ka qabsoomay madasha kulamada ee mini hall ka xafiiska.

Kulakan oo uu shirgudoominayay wisiirku xigeenka xafiiska mudane xasan sheekh yuusuf ayaa laga wada hadlay qodobo dhawr ah oo uu ugu h**eeyo yaraynta iyo ka hortaga shilalka.

Shilalka gaadiidku waa dhibaato weyn oo saameysa nolosha dadka, qoysaska, iyo bulshada. Hal ilbiriqsi oo taxaddar la’aan ah wuxuu sababi karaa dhimasho, dhaawac culus, burbur hantiyeed, iyo murugo muddo dheer socota.

Talaabooyinka degdega ah ee uu xafiisku qaadayo waxaa ka mid ah
Awaamirta lagu Xalinayo Xalka degdega iyo qeybinta motooyinka

Waxaan ugu baaqeynaa dhammaan darawallada iyo isticmaalayaasha waddooyinka inay u hoggaansamaan shuruucda gaadiidka isla markaana taxdar sameeyaan.

Waaxda Warfaafinta iyo Xidhiidhka Dadwaynaha Ee Xafiiska.

Naqshadda Mashruuca Horumarinta Marinada Magaalada Dhagaxbuur oo la Soo BandhigayKulan lagu soo bandhigayay naqshadda Ma...
24/07/2026

Naqshadda Mashruuca Horumarinta Marinada Magaalada Dhagaxbuur oo la Soo Bandhigay

Kulan lagu soo bandhigayay naqshadda Mashruuca Horumarinta Marinada Magaalada Dhagaxbuur (Degahbur Corridor Development Project), ayaa maanta ka qabsoomay Xafiiska Horumarinta Magaalooyinka iyo Dhismaha DDS.

Kulanka oo ay goob-joog ahaayeen Wasiir Ku-xigeenka Xafiiska, Inj. Cabdiqaadir Bashiir iyo Duqa Magaalada Dhagaxbuur, Mudane Cabdixakiin Macalin isla markaana ay ka qayb galeen khubaro iyo injineerro ka tirsan xafiiska, ayaa si qoto dheer loogu falanqeeyay naqshadda mashruuca, iyadoo la isla eegay tayada, baaxada, awooda dhaqaale iyo sida ugu habboon ee mashruucu uga jawaabi karo baahiyaha kordhaysa ee magaalada Dhagaxbuur.

Mashruucan oo qorshihiisu yahay in la bilaabo sannadka cusub, waxa uu door muhiim ah ka qaadan doonaa casriyeynta Magaalada, hagaajinta isku socodka gaadiidka iyo dadka, kobcinta ganacsiga, kor u qaadista bilicda Magaalada, iyo abuurista jawi ku habboon maalgashiga iyo horumarka magaalooyinka. Sidoo kale, mashruucu waxa uu xoojin doonaa kaabeyaasha magaalada isaga oo gacan ka geysanaya kor u qaadista adeegyada bulshada iyo tayada nolosha shacabka.

Naqshadda mashruuca oo ay diyaarisay shirkadda latalinta ee Hal-beeg Consultant, ayaa si faahfaahsan loogu soo bandhigay kulanka, waxaana injineerrada iyo khubarada xafiisku usoojeediyeen talobixin farsamo oo gashi unoqonaysa tayaynta turxaab-bixinta naqshadda.

Gabagabadii kulanka, waxaa la isku raacay in talooyinka wax-ku-oolka ah ee la soo jeediyay lagu daro naqshadda mashruuca, islamarkaana dib loogu kulmo fadhi labaad oo lagu qiimeyn doono nooca ugu dambeeya ee naqshadda ka hor inta aan la ansixinin Naqshada mashruuca.

Golaha Kaabineega Maamulka Magaalada ayaa maanta yeeshay kulankoodii ugu horreeyay ee Sanad-Miisaaniyeedka 2019 T.I, kaa...
16/07/2026

Golaha Kaabineega Maamulka Magaalada ayaa maanta yeeshay kulankoodii ugu horreeyay ee Sanad-Miisaaniyeedka 2019 T.I, kaas oo uu shir-guddoominayay Duqa Magaalada Mudane Cabdixakim Macalin.

Kulanka ayaa diiradda lagu saaray ajandeyaal muhiim u ah horumarinta maamulka, adeegyada bulshada iyo kor u qaadista dakhliga magaalada, kuwaas oo kala ahaa:

🔹 Ka doodista iyo ansixinta xeernidaameedka maraynta xoolaha lagu dhex dhaqdo gudaha magaalada, si loo xoojiyo dadaallada ku aaddan cagaarinta iyo bilicda magaalada.

🔹 Ka doodista iyo ansixinta xeernidaameedka taarifka dakhliga adeegyada Dawladda Hoose.

🔹 Dib-u-habaynta jadwalka dakhliga iyo habraaca qaadistiisa, si shacabka loogu fududeeyo inay si hufan ugu xisaabtamaan wakhtiyada lacag-bixinta ee dakhliga bilaha iyo sanadkan la qaado

🔹 Ka wada hadalka jihooyinka iyo mudnaanta qorshaha Sanad-Miisaaniyeedka 2019 T.I.

Kulanka intii uu socday waxaa si qoto dheer looga dooday ajandeyaasha horyaalay, iyadoo xubnaha Golaha Kaabineegu ay soo bandhigeen aragtiyo iyo talooyin wax-ku-ool ah oo lagu horumarinayo adeegyada magaalada.

Gabagabadii kulanka, Duqa Magaalada Mudane Cabdixakim Macalin ayaa soo jeediyay jihooyin iyo tilmaamo guud oo lagu hirgelinayo qodobadii laga dooday, waxaana Golaha Kaabineegu isku raaceen in la meel mariyo go’aannada iyo jihooyinka kasoo baxay kulanka si loo dardargeliyo horumarka magaalada iyo tayeynta adeegyada loo hayo bulshada.

‎Alxamdulillaah.‎‎Waxaan si rasmi ah u soo Gunaanadnay Qiimayntii shaqaalaha Ee Xafiiska Ganacsiga iyo Gaadiidka Ee M.M....
05/07/2026

‎Alxamdulillaah.
‎
‎Waxaan si rasmi ah u soo Gunaanadnay Qiimayntii shaqaalaha Ee Xafiiska Ganacsiga iyo Gaadiidka Ee M.M. Dh/Bur. Qiimayntan waxay ku soo dhammaatay jawi wanaagsan, hufnaan, isla-xisaabtan iyo wada-shaqayn.
‎
‎Waxaan mahad iyo bogaadin u jeedinaynaa dhammaan shaqaalihii ka qayb qaatay, kuwaas oo muujiyey dulqaad, masuuliyad iyo karti shaqo. Waxaan rajaynaynaa in natiijada qiimayntani ay noqoto mid horseed u noqota horumar, tayeynta adeegga iyo kor u qaadidda waxqabadka xafiiska.
‎
‎Waxaan Alle uga baryaynaa inuu inagu guuleeyo gudashada waajibaadkeenna, kana dhigo dadaalkeenna mid miro dhal ah. Guul iyo horumar ayaan u rajaynaynaa dhammaan bahda Xafiiska Ganacsiga iyo Gaadiidka ee M.M. Dh/Bur.

"Waaxda Warfafinta Ee X,G,G,M,Dh,bur"

05/07/2026

Waxaa Si Rasmi ah Noogu Soo Dhamaatay Qiimayntii Shaqaalaha Ee
Xafiiska Ganacsiga iyo Gaadidka Ee M,M,DH,BUR

Waxaa maanta si rasmi ah xarigga looga jaray mashaariicdii sannad-miisaaniyadeedka 2018. Duqa magaalada, Mudane Cabdixak...
03/07/2026

Waxaa maanta si rasmi ah xarigga looga jaray mashaariicdii sannad-miisaaniyadeedka 2018. Duqa magaalada, Mudane Cabdixakiin Maalin, oo ay weheliyaan hoggaaminta magaalada, ayaa si wadajir ah u sameeyey munaasabadda xarig-jarka.

Mashaariicda maanta la soo gabagabeeyey waxay isugu jiraan:
14 mashruuc oo dhisme ah, 6 mashruuc oo dayactir ah iyo 4 mashruuc oo iib ah

Waxaa intaas dheer in si wanaagsan ay u socdaan mashaariic kale oo muhiim ah, kuwaas oo ay ka mid yihiin Mashruuca Adeegga Halgoob ee Messob, dhammaystirka jidka lami sugaha ee isku xidha jidka awaare iyo jidka xaafada 07aad, iyo 18 kiiloomitir oo isugu jira ballaadhinta laydhka iyo rakibidda tiirasha laydhak ee xaafadaha 4,2,8 9, sidoo kale waxa daraasadka balaadhinta laydhka la dhamaystiray xafadaha, 03, 04, 06, 07, qaybo ka mid ah xaafadaha 02 iyo 08.

Mashaariicdani waxay wax weyn ka badali doonaan bilicda magaalada, waxayna si toos ah u taabanayaan adeegyada iyo nolosha bulshada, iyagoo ka tarjumaya dadaalka joogtada ah ee maamulka magaalada ee ku aaddan horumar waara iyo adeeg bulsho oo tayo leh.

Waxaa si rasmi ah loo bilaabay taarikada cusub ee heer dal lagu mideyay Faa’iidooyinka taarikada cusub waxaa ka mid ah👉...
16/06/2026

Waxaa si rasmi ah loo bilaabay taarikada cusub ee heer dal lagu mideyay

Faa’iidooyinka taarikada cusub waxaa ka mid ah

👉 Gaari kasta oo la diiwaangeliyo wuxuu yeelanayaa lambar iyo xarfo aqoonsi oo u gaar ah, iyo sidoo kale sticker gaar ah.

👉 Taarikadu waxay yeelanaysaa cabbir, naqshad iyo heerar waafaqsan heshiisyada caalamiga ah, iyadoo lagu dari doono summadda dalka Itoobiya ee “ETH” ee lagu aqoonsado heshiiska Vienna.

👉 Waxay suurtagelinaysaa in dib loo xaqiijiyo sharciyadda diiwaangelintii iyo dukumentiyadii h**e ee gaadiidka, kadibna dib loo diiwaangeliyo si nidaamsan.

👉 Taarikadu waxay ka samaysnaanaysaa qalab si cad looga arki karo xaalado iftiin oo kala duwan, iyadoo leh astaamo ka tarjumaya iftiinka.

👉 Waxaa lagu qorayaa qaab si fudud ay u akhrisan karaan bulshada iyo hay’adaha amniga.

👉 Waxaa lagu dari doonaa astaamo amni sida hologram, calaamadda biyaha (watermark) iyo qoraal yar-yar (microtext) si looga hortago been-abuurka iyo wax-is-dabamarinta.

👉 Waxay la jaanqaadaysaa nidaamyada dijitaalka ah iyadoo adeegsanaysa Barcode, QR Code iyo RFID chips, taas oo fududaynaysa kaydinta xogta iyo la socodka gaadiidka.

👉 Waxaa laga samaynayaa qalab adkaysi u leh cimilooyinka adag iyo isticmaalka muddada dheer.

👉 Tayadeedu way sarreysaa iyadoo kharashka la dhimayo.

👉 Gaadhigu wuxuu yeelanayaa hal taariko iyo sticker lagu dhejiyo muraayadda h**e (windshield) inta uu diiwaangashan yahay ilaa laga saaro adeegga.

👉 Isbeddelkan cusub wuxuu gacan ka geysanayaa:

* Ka hortagga taarikooyinka isku ekaada.
* Joojinta taarikooyinka sharci-darrada ah.
* Yaraynta dambiyada la xiriira gaadiidka.
* Ka hortagga xatooyada gaadiidka.
* Xoojinta amniga iyo dabagalka gaadiidka iyadoo la adeegsanayo tignoolajiyad casri ah.

nidaamkan cusub wuxuu door weyn ka qaadanayaa hagaajinta amniga, maamulka iyo dabagalka gaadiidka dalka.

Degaanka somalida gaadiidka taarikada ka qaatay waxay gaadhayaan ilaa 40k dhamaantood iyo kuwa cusub waxaa lasin doonaa sanadka 2019

Waxaan si kal iyo laab ah idiinka Mahadcelinaynaa Dulqaadka Aad u Muujiseen intii Aad Sugaysay Qaybinta Taarikada Cusub ...
11/06/2026

Waxaan si kal iyo laab ah idiinka Mahadcelinaynaa Dulqaadka Aad u Muujiseen intii Aad Sugaysay Qaybinta Taarikada Cusub Ee Gaadiidka.
‎
‎Maanta Waxaa si Rasmi ah Magaalada Addis Ababa Uga bilaabatay Qaybinta Taarikada Cusub Ee Gaadiidka.
‎
‎Waxaa La Sameeyey Dhammaan Diyaar-garowgii Lagama maarmaanka ahaa Si Adeeggu u Noqdo Mid degdeg ah, hufan, Daahfuran, isla Markaana Si fudud Loo heli karo.
‎Dhamman Deeganada Sidoo Kale Waa Laga bilaabi Doonaa Dhawaan

Address

Degeh Bur

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when Xafiiska Ganacsiga iyo Gaadiidka M.M.Dhagaxbuur posts news and promotions. Your email address will not be used for any other purpose, and you can unsubscribe at any time.

Shortcuts

Share

Category