25/07/2026
የድሬደዋ አስተዳደር ትራንስፖርት እና ሎጂስቲክስ ባለስልጣን የመንገድ ደህንነት እና መድህን ፈንድ ዳይሬክቶሬት የድሬደዋ ፖሊስ ጠቅላይ መምሪያ ትራፊክ ቁጥጥር ዳይሬክቶሬት እና የምስራቅ ሀረርጌ ዞን ጋር በ ጋራ ዓመታዊውን የቅዱስ ገብርኤል የንግስ በዓል በማስመልከት በቁልቢ ከተማ በመንገድ ደህንነት ላይ ያተኮረ የግንዛቤ ማስጨበጥ ስራ አካሂደዋል።
በባለስልጣኑ የመንገድ ደህንነት እና መድህን ፈንድ ዳይሬክቶሬት ዳይሬክተር ኢንጅነር ሁሴን ጀማል በዓሉን በማስመልከት ወደ ከተማችን የመጡ እንግዶችን ተቀብሎ በማስተናገድ እንዲሁም አሽከርካሪዎችም ሆነ ምእመኑ ራሱን ከትራፊክ አደጋ እንዲጠብቅ ከሀምሌ 16 ጀምሮ ሰፊ የግንዛቤ ማስጨበጫ ስራዎችን እየሰሩ እንዳለ ገልፀዋል።
የንቅናቄው አላማ የህዝባችንን ህይወት ከትራፊክ አደጋ መታደግ ነው ያሉት ሀላፊው ይኸንኑ በማጠናከር መነሻውን ከድሬደዋ መዳረሻውን ቁልቢ ከተማ ላይ ያደረገ የምስራቅ ሀረርጌ ዞን ባሳተፈ መልኩ በዋዜማው ሰፊ የግንዛቤ ማስጨበጫ መርሀግብር መካሄዱን ጠቁመዋል።
በዋዜማው ሰፊ የመንገድ ደህንነት ትምህርቶች የተሰጡ በራሪ ወረቀቶችና በድምፅ ማጉያም ግንዛቤ የተሰጠ ሲሆን ይህም በበዓሉለትም ተጠናክሮ እንደሚቀጥል ከወጣው መርሀግብር ለመረዳት ተችሏል።
"የትራፊክ አደጋን በጋራ እንከላከል!"
የመንገድ ትራፊክ ደህንነት ትምህርትና አቅም ግንባታ።
