Welkait Tegede Setit Humera Zone Disaster Risk Management Office

08/10/2026

08/10/2026

07/10/2026

በአውራ ወረዳ የሴቶች፣ ወጣቶችና ማህበራዊ ጉዳይ ፅህፈት ቤት 15ኛውን ዓለም አቀፍ እና ሀገራዊ የታዳጊ ሴቶች ቀን አከበረ።

በአማራ ክልል ወልቃይት ጠገዴ ሰቲት ሁመራ ዞን የአውራ ወረዳ የወረዳው የሴቶች፣ ወጣቶችና ማህበራዊ ጉዳይ ፅህፈት ቤት የስራ ሂደት ወ/ሮ ገነት ከፍያለው እና ሌሎችም የስራ ሂደቶችና ባለሙያዎች በተገኙበት 15ኛውን ዓለም አቀፍ እና ሀገራዊ የታዳጊ ሴቶች ቀን በአውራ አንደኛና መካከለኛ ደረጃ እንዲሁም ሁለተኛና መሰናዶ ትምህርት ቤት ተማሪዎችን ያሳተፈ "የህፃናት ጋብቻን ማስቆምና በታዳጊ ሴቶች መብት ላይ ኢንቨስት ማድረግ" በሚል መሪ ቃል ተከብሯል።

በዚህ በዓል የተገኙት የሴቶችና ህፃናት ስራ ሂደት ወ/ሮ ገነት ከፍያለው እንደገለፁት የታዳጊ ሴቶች መብት ሲከበር እና ስንጠብቅ የነገዋን የበለፀገች ሀገር እየገነባን መሆናችንን ማወቅ አለብን ሲሉ ተናግረዋል።

አክለውም የታዳጊ ሴቶች ማህበራዊ፣ ኢኮኖሚያዊ እና ፖለቲካዊ ተሳትፎ ማደግ ለቤተሰብም ሆነ ለሀገር እድገት ያለው አስተዋጽኦ ከፍተኛ መሆኑን ጠቅሰው በተለይም እድሜያቸው ሳይደርስ ለሚፈጸሙ የህፃናት ጋብቻዎችና መሰል ኋላ ቀር ልማዶች ማብቂያ ሊኖራቸው ይገባል ብለዋል።

በተጨማሪም በወረዳው የጤና ፅ/ቤት የኤች.አይ.ቪ/ኤድስ መከላከልና መቆጣጠር ባለሙያ አቶ በሪሁን ልዑለይ እንዳሉት የታዳጊ ሴቶችን ጤና መጠበቅ የኤች.አይ.ቪ ስርጭትን ለመግታት ቁልፍ መፍትሄ ነው። የህፃናት ጋብቻዎች እና ጎጂ ልማዳዊ ድርጊቶች ታዳጊ ሴቶችን ለከፍተኛ የጤና እክልና ለኤች.አይ.ቪ ኤድስ ኢንፌክሽን እንደሚያጋልጧቸው አስገንዝበዋል።

ጨምረውም የህፃናት ጋብቻ ልጃገረዶችን ከአእምሯዊ እና አካላዊ እድገታቸው ውጭ ለብዙ ጫናዎች ይዳርጋል። በተለይም ያለ እድሜ የሚፈጸሙ ጋብቻዎች እና ፆታዊ ጥቃቶች ታዳጊ ሴቶችን ለኤች.አይ.ቪ/ኤድስ እና ለተለያዩ ተላላፊ በሽታዎች ያጋልጣሉ። ስለዚህ ጤናማ እና ንቁ ትውልድ ለመፍጠር የታዳጊ ሴቶችን አካላዊና ስነ-ልቦናዊ ደህንነት መጠበቅ የሁላችንም የጋራ ኃላፊነት ሊሆን ይገባል ብለዋል።

ከዚህ ጋር አያይዘው የወጣቶችና ህፃናት መርማሪ ሀኪም አቶ ክንድየ ቢክስ ያለ እድሜ የሚፈጸም ጋብቻ በታዳጊዎች አካልና ስነ-ልቦና ላይ የማይሰረዝ አሻራ ይጥላል።

ከህክምና አንፃር የህፃናት ጋብቻ የሚያስከትላቸውን አሰቃቂ የጤና ጉዳቶች ለምሳሌ፡ የእርግዝና ውስብስብ ችግሮች፣ ፊስቱላ እና የስነ-ልቦና ጉዳቶች አሉት።
እንደ ህክምና ባለሙያነቴ በየቀኑ የምመለከተው ሃቅ አለ፤ ይኸውም የህፃናት ጋብቻ ለታዳጊዎች አካላዊ እና ስነ-ልቦናዊ እጅግ ከባድ ጉዳት አለው። የሴት ልጅ አካል ሙሉ በሙሉ ሳይበስል እና ለእርግዝና ሳይዘጋጅ የሚደርስ መጥፎ ጫና በወሊድ ጊዜ ለሚከሰቱ አደገኛ ችግሮችና ለዘለቄታውም ህይወት አደጋ ያጋልጣቸዋልና
ሕግንና ሰብአዊነትን አክብረን የህፃናትን ህክምናና ጤናማ እድገት ማስጠበቅ አለብን ሲሉ አቶ ክንዳለም ቢክስ ገልፀዋል።

በመጨረሻም የሴቶችና ህፃናት ስራ ሂደት አቶ ጀጃው ኃይሉ እንደገለፁት ህግን በማስከበር እና ማህበረሰቡን በማንቃት የህፃናት ጋብቻን ከስሩ ነቅለን ማጥፋት የምንችል ሲሆን ለዚህም የመንግስት አካላት፣ የህግ አስከባሪዎች እና የማህበረሰቡ ተሳትፎ ተቀናጅቶ በመስራት ወንጀለኞችን ለህግ ማቅረብ እና መብትን ማስጠበቅ እንደሚገባ ተናግረዋል።

አያይዘውም የታዳጊ ሴቶች መብት የሚረጋገጠው በወረቀት ላይ ብቻ ሳይሆን መሬት ላይ ባሉ ተጨባጭ እርምጃዎች ነው። ሆኖም በእውቀት፣ በክህሎት እና በጤና የታነፀች ታዳጊ ሴት የነገ አገር ተረካቢ ብቻ ሳይሆን የዛሬ የለውጥ ሞተርም ናት። በመሆኑም በሴቶች መብት ላ

07/10/2026

07/10/2026