Waajjira Kominikeeshiinii Bulchiinsa Magaalaa Hoolataa

07/09/2026

Magaalaa Hoolataa: Feestivaala Goobeefi Shinooyyee!

06/09/2026

Aadaan Keenya Miidagina Keenya!
Magaalaa Hoolataa: Feestivaala Goobeefi Shinooyyee!

06/09/2026

Qaammee 1 Guyyaa Oomishtummaa!

Magaalaa Hoolataatti kabajni Qaammee 1 dhaadannoo "Oomishtummaan imala gara olka’insaa" jedhuun marii paanaaliitiin qooda fudhattoota waliin erga gaggeeffameen booda omishni dhaabbilee investimentii magaalichaan omishaman daawwatameera.

06/09/2026

Magaalaa Hoolataa: Goobeefi Shinooyye

06/09/2026

Qaammee Guyyaa 1: Guyyaa Oomishtummaa!

Qaammee 1, 2013 - Magaalaa Hoolataatti Qaammeen 1: Guyyaan Oomishtummaa mata duree oomishtummaan gara imala olka'insaa" jedhuun Marii Paanaaliin Kabajamee Jira.

Kaayyoon Qaammee -1, Guyyaa oomishtummaa jedhamee sadakaa Magaalaa, Naannoofi akka biyyaatti kabajamuu ijaarsa diinagdee damdaneessa jalqabame caalatti bu'aa qabeessummaa isaa mirkaneessuun imala waan hundaan of danda'uun birmadummaa biyya keenyaa guutuu taasisuun olka'iinsa biyya keenyaa sadarkaa amansiisaa irraan gahuu milkeessuudha.

Kabaja Qaammee Guyyaa 1: Guyyaa Oomishtummaa kana irratti Itti GaafatamaanPaartii Badhaadhinaa Damee Magaalaa Hoolataa Obbo Adam Umar haasaa taasisaniin, Qaammeen duudhaafi safuun kan masakame, yeroo qophii waggaa haaraa bara waliin maree dhufudha. Yeroo hojii keenya waggaa darbee keessatti madaallu, hanqinaafi cimina xiinxallee injifannoo olaanaaf yeroo itti of qopheessinu; torbee Qammee namni hundi yaadaa haaraafi hojii haaraan bara haaraa simachuuf itti qophaa'udha jedhan.

Itti dabaluun Obb Obbo Adam bara kana Qaammeen tokko guyyaa oomishtummaa ta’ee akka kabajamu mootummaan moggaafauu eeranii, Dhaabbileen mootummaafi lammileen hiyyummaafi boodatti hafummaan injifatamee gara imala badhaadhaatti olka’iinsi taasifamaa jiru akka milkaa’uuf gumaacha guddaa isaan irraa eegamu bahuu akka qaban himaniiru.

Oomishtummaanis daandii injifannoo olaanaa galmoota mootummaan qabame mirkaneessuun olitti kabaja lammileefi birmadummaa biyyaa tiksuuti.

Biyyi keenya dilbii qabeenya uumamaa hedduun kan badhaate taatus, qabeenyaafi carraawwan qabdutti osoo hin fayyadamin gadadoofi hiyyummaa keessa jiraachaa turte. Jijjiiramaan booda garuu qabeenya uumamaa uumaan ishee badhaasetti fayyadamuun hiyyummaa seenaa taasisuuf tarkaanfii fudhatamaa jiruun boqonnaa haaraan saaqamuu Obbo Adam eeranii, oomishtummaa argamaa jiru guddisuuf hojii hunda qulqullina, baay’inaafi ariitiin hojjechuun galma qabame milkeessuun abdiirraa gara ifa qabatamaatti ce’uun olka’iinsi haaraan eegalameera jedhan.

Bulchiinsa magaalchaatti rifoormii dinagdee gooroo akka biyyaatti bahe bu'uureffachuun injifannoowwan galmaa’aan itichuun imalli badhaadhinaa gara olka’iinsa olaanaatti akka ce’uuf kutannoon hojjetamaa jira. Qaammee tokko guyyaa oomishtummaa sababeeffachuun dhaadannoo ‘Oomishtummaan imala gara olka’insaa’ jedhuun kabajachaa jirra. Galmi keenya rifoormiiwwan dinagdee gooroo hojiirra oolchuun guddina dinagdee itti fufiinsa qabuufi damdamataa ta’e uumuudha. Kanaanis gargaaramtummaa gara oomishtummaatti cehuun roga hundaan karoora of-danda’uu mirkaneessuuf xiyyeeffanoon hojechuun barbaachisaadha.

Sosochii manufaakcheriingiitiinis, imala ‘Itoophiyaan haa oomishtu jedhuufi oomisha Itoophiyaa haa bitannu’ jedhu hojiirra oolfameen injifannoon galmaa’aa jirachuu Obbo Adam eeranii, sosochii eegalameen humna oomishtummaa keenyaa guddisnee hiyyummaa injifachuun Itoophiyaa fakkeenya badhaadhaa taate uumuuf galma qabannee yeroo gabaabaa keessatti milkeessuuf tokkummaan gahee keenya bahuu qaba jechuun ergaa dabarsaniiru.

Odeeffannoo dabalataaf:

@ Telegram link: t.me/WDhKMBulchiinsaMagaalaaHoolataa
====
@ Twitter link: https://twitter.com/holatacom/status/
1402157020942307334?s=20
====
@ Inistagram link: https://www.instagram.com/p/
CYB36vUMG00/?utm
====
@ https://youtu.be/8uk4OJFIGp8?si=euUHIM6IA21egCli
=======
@ fb link: https://www.facebook.com/1771965989751058/
posts/
====
@ TikTok link: https://vm.tiktok.com/ZMHT3u5HGcw4b-DEvbW

06/09/2026

06/09/2026

Artist Ilfinesh Qannoo Bara Dukkanaatti Qabsoo Oromoo Artiin Humneessite Du'aan Dhabuun Gadda Guddaadha
~~~

Artiin jiruuf jireenya Uummataa kan dammaksu, jijjiiramaaf kan hiriirsu, gaddaafi gammachuu kan mul'isu utubaa guddicha eenyummaa Uummataa ijaarudha. Artist Ilfinesh Qannoos umurii ijoollummaatiin Galaanaa Artii Oromootti kan makamteefi hanga du'aan Addunyaa kanarraa of biraa dhabnuutti uummata Oromoof akka dungoo ifaa bara jireenya isaanii guutuu Uummata tajaajilaniiru

Artist Ilfinesh Qannoo ilaalcha caastolcheen gadaantummaafi barmaatilee boodatti hafaa dubartoota irra ture cabsuun nama jabduu hojii Artiin ashaara dhalootaaf jiraatu keesse du'aan dhabuun gadda guddaadha.

Bara dukkanaa Afaan Oromootiin wellisuu mitii, dubbachuunuu akka yakkaatti ilaalamu irraa eegalee hojii Artiitiin uummata Oromoo ijaaruu, tokkummaaf hiriirsuufi duudhaa, Aadaaf Afaan Oromoo guddisuu keessatti gumaacha guddaa kan taasiste dubartii jabduu Oromoon qabudha.

Artist Ilfinesh Artii Oromoo ceesisuufi Oromummaa jabeessuu keessatti sagalee kilolee qabanitti fayyadamuun dandeettiis cimsachaa uummata Oromoo bara isaanii guutuu tajaajilaniiru.

Gaafa Artist Ilfinash Qannoo dhukkubsachuu eegalte irraa eegalee mootummaan Naannoo Oromiyaa baasiiwwan gara garaa danda'uu yaalchisaa turus, guyyaa rabbi isaaniif qabe waan ta'eef Artist Ilfinesh boqotaniiru.

Artistii jabduu kana du'aan wayita of biraa dhabnu kan gaddinu ta'us, hojiiwwan Artii seenaafi Oogbarruu Oromoo guddisuu keessatti Aetist Ilfinesh ba'achaa turaniin Oromoon hundi kan jajjabaatudha.

Dhalootni haaraan kun guca qabsoo Artist Ilfineshfi waayilootni isaanii qabsiisaniin injifannoo aarsaa qaaliin galmaa'e tiksuun sadarkaa olaanaatti ceesisuuf kutannoon hojjechuutu irraa eegama.

Mootummaan Naannoo Oromiyaa imaanaa Artist Ilfinesh Qannoofii qabsaa'ota biyyaafi saba ofii ijaaruuf aarsaa kaffalan kudhaammatee injifannoo caaluuf hojjechaa jira.

Qabsooftuu mirga dhala namaa Artist Ilfinesh Qannoo du'aan of biraa dhabuutti gaddi guddaan kan nutti dhaga'ame ta'uu ibsaa Uummata Oromoo maraafi maatii hundaaf jajjabina hawwina.

Biiroo Kominikeeshinii Oromiyaa
Qaammee 1/2018
Finfinnee

06/09/2026