Jimma City Constructin Authority

11/04/2026

⚠️ OOF-EEGGANNOO HATATTAMAA ⚠️

​Hubannoo Hawaasa Magaalaa Jimmaa Hundaaf!

​Dhaabbanni "Key Housing Financial Solution" jedhamuun of waamu magaalaa keenya Jimmaan keessatti namoota mana jireenya hin qabneef qarshii muraasan mana jireenya isiniif ijaarree isiin simachifne jedhee sochii erga jalqabee bubulee jira.
Hata'u Male Dhaabbanni kun:-

1. Wajjira Konistiraakshinii irra eyyama diiggaafi eyyama ijaarsa fudhadhee harkaan gahannee jira jechuun ifomsee jira. Hata'u male eyyama ijaarsas ta'e kan diiggaa akka hin fudhanneefi seera qabeessa akka hin taane maqaa Wajjira kenyaatin hawaasa kenyaaf ibsuun hawaasni kenya gocha seeran ala kanan akka hin gowwomfamne ergaa isa dabarfata.

2. Maallaqa qusannaa fi kaffaltii duraa (Down payment) garmalee xiqqaa ta'een mana isiniif ijaarra jedhee hawaasa kenya gowwomsuutti jira.

3. Waraqaa hayyama hojii fi beekamtii Baankii Giddu-galeessaa (National Bank) irraa barbaadamu akka hin qabne mirkaneefanne jirra.

4. Mali ittiin maallaqa sassaabaa jiru mala hanna ammayyaa (Scam) wan ta'ef
​Hawaasni keenya maallaqa keessan wan ragaa quubsaa hin qabneti akka hin baafne dhaamsa kenyaa.

​

08/04/2026

Unki eyyama ijaarsa ittin kennamu jijjiramee.
Bitootessa 30/2018 (ATKMJ)
Abbaan Taayitaa Konastrakshinii Magaala jimmaa unka eeyyama ijaarsaa ittin kennaa ture booca ( ) walin duuka deemtuu fuula 4 kan ture gara unka fuula tokko gochuudhan hojii irra olchee jira.
Unkii kun kan guutamu oggeessa wajjira Konstraakshiniitiin kan guutamu yoo ta'u karaa dijitaala ta'en wiirtuu tajaajila iddoo tokkotti fayyadamuudhan karaa salphaa fi haala ammayyaa ta'en akka rawwatu ibsamee jira.
Dabalatan wajjiri Abbaa Taayitaa Konistiraakshinii Magaalaa Jimmaa ijaarsa gamoo darbii tokkoo(G+1) fi isaa ol jiru oggeessa gorsaa fi gargaara ijaarsa ( consultant) sanaatif Abban ijaarsichaa oggeessa ofii issatif filateen akka hogganamu ibsee jira.
Jijjiramni kun kan barbaachiseef tarkaanfii biyyi kenya Itiyoophiyaan gara dijitaalati taasisaa jirtu milkeessuufi gahee mataa isaa akka qabu hubachuun hojiitti galamee jira.

19/02/2026

Karoora qindoominaa hojii mirkaneessa gahumsa ogummaa oggeesotaa walin hojechuuf maryatamee jira
‎Jimma
‎
‎Guraandhala 12/2018 (ATKMJ)
‎
‎Karoora qindominaa Biroo ATKMJ, BCHUOJ FI EMGJ walin qindaa'e
‎
‎
‎Karoori qindoominaan hojeechuu maal akka ta'ef fayidaa karoori qindominaa mana hojii motummaa fi hawaasaf qabu ballinaan ibsame jira
‎Dabalataan Barbaachisummaan karoora qindoominaan hojechuu fi Bu'aa karoora qindoomina irraa egaamu eramee jira
‎
‎Ogummoota leenjiin/Hubannoon/ Madaallii irrati keennamu gulantaa ogummaa COC sadakaa adda addatin yoo ta'u mata dureewwan leenjii masonry, carpentry and joinery, bar-bending, fi matadurewwan 13 dabalate leenjiin ogummaa oggeesotaaf akka kennamu hubatame jira.
‎
‎Gaheen hojii ATKMJ ,BCHUOJ fi EMGO jimmaa caasaa isaa hunda sadarkaadhan adda basee fedhii fi qooda fudhatoota karoora qindoomina rawwachisuusuuf irrati hojechuuf yeroo rawwii hojii karoora qindoomina saganteessuun waligalamee mallattoodhan golabame jira
‎

31/01/2026

26/12/2025

Bulchiinsa Magaalaa Jimmaatti hojiin suphaa daandii keessoo xiyyeeffannaa olaanaan hojjatamaa jira.

Jimmaa,Muddee 17/2018(ATKMJ)
Bulchiinsi Magaalaa Jimmaa suphaa daandiiwwan keessoo gandoolee 12 keessatti baajata Mana Qopheessaa birrii miliyoona 83 oliin hojjataa jiraachuu Manni Qopheessaa magaalichaa ibsee jira.

Bulchiinsa magaalaa Jimmaatti hojiiwwan misoomaa fayyadamummaa hawaasaa mirkanessan hedduun hojjatamaa jiru. Magaalichatti fayyadamummaa hawaasaa mirkaneessuuf hojii hojjatamaa jiru keessaa hojiin bu'uraalee misoomaa isa ijoodha.
bu'uruma kanaan bara kana birrii 83,592,092.57(Miliyoona saddeetamii sadi'iif kuma dhibba shaniif sagaltamii lamaaf birrii sagaltamii lamaan) suphaan daandii keessoo gaggeeffamaa jiru cimee itti fufee jira.

Hojigaggeessaan Mana Qopheessaa Magaalaa Jimmaa obbo Hayidar Dirrib yaada kennaniin,bulchiinsi magaalichaa xiyyeeffannaa suphaa daandii keessoof kenneen hojjataa jiruun bara 2018 daandii keessoo KM 119.8 birrii miliyoona 83 oliin gandoolee 12 keessatti hojjachuuf karoorfatee hojiitti kan gale yemmuu ta'u hanga yeroo kanaatti suphaa daandii qabanne keessaa dhibbeentaa 50 ol hojjachuun kan danda'ameera jedhanii; hojii hojjatame kanaanis rakkoo hawaasaaf deebii kennuun danda'amuu isaa himaniiru.
Obbo Hayidar dabaluunis hojii bara kanaa ariitii fi qulqullina olaanaan hojjataa waan jirruuf kan hafes yeroo gabaabaa keessatti ni xumurra jedhaniiru.
Guyyaa har'aas Koreen pirojektii Magaalichaa hojii suphaa daandii kana sadarkaa inni irra jiru daawwatee jira.

29/11/2025

‎Magaalaa Jimmaatti teeraazoon qulqullina ol'aanaan oomishamee gabaaf dhiyaataa jira.
‎
‎Jimmaa, Sadaasa 20/2018 (WATKMJ)
‎Bulchiinsa Magaalaa Jimmaatti interpiraayizoonni gurmaa'anii industirii godoo keessatti teeraazoo qulqullina qabu oomishuun gatii madaalawaan gabaaf dhiyeessaa jiru.
‎
‎Industiriin godoo bu'uura industirii guguddoo waan ta'eef Bulchiinsi Magaalichaa oomishaalee industirii godoo guddisuuf xiyyeeffannoon hojjetaa jira. Teeraazoo barbaachaaf fagoo osoo hin deemin asuma Magaalaa Jimmaa Ganda Saxoo Samarootti ni argattu.

15/11/2025

15/11/2025

“Jimmatti misoomni koriidarii magaalaa qofa osoo hintaane aadaa hojii jijjiireera”
- Injinar Fallaqaa Fayyisaa
*************
Gaazexaa Bariisaa
Finfinnee: Jimmatti misoomni koriidarii eegalamuun miidhagina magaalaa dabaluu qofa osoo hintaane aadaa hojii ture jijjiiruusaa Ittigaafatamaan Waajjira Abbaa Taayitaa Konistiraakshinii Magaalaa Jimmaa Injinar Fallaqaa Fayyisaa beeksisan.

Injinar Fallaqaan tibba darbe Gaazexaa Bariisaaf akka ibsanitti, hojiin misooma koriidarii Finfinneetti aansee Jimmaatti eegalame.

Hojii koriidarii eegaluun dura magaalaan Jimmaa akka duriitti ittifufsiisuun miidhaa akkamii akka qabuufi miidhagsuun ammoo faayidaa inni qabu ilaalchisee hojii hubannoo uumuu bal’inaan kennameera. Ummannis hubannoo argateen hojii misooma koriidarii hojjetamaa jiru kana karaa guutuun deggaraa jira.

Magaalaa Jimmaatti kana dura waaree boodaafi galgala hojjechuun hinaadeffatamne kan jedhan Injinar Fallaqaan; amma garuu hojii misooma koriidariin walqabatee aadaan waaree boodaafi galgala hojjechuu gabbataa dhufuun jijjiiramuu aadaa hojiif sababa ta’uu ibsaniiru.

Sababa hojii misooma koriidariif namootni baay’een fedhiisaaniin manasaanii kan kaasan yommuu ta’u namoota kaanfis lafti mana bakka buufamuu ibsanii; namoota misoomni kun mana jalaa tuqeef manneen sadarkaasaanii eeggatan ijaaramee kennamuufii, kaaniif ammoo hanga manni ijaaramuufiitti kiraan fuudhuufiin jiraachisuu, namootni mannisaanii kaartaa hinqabne illee gaaga’ama hawaasummaaf akka hin saaxilamneef gurmeessuun lafa mana jireenyaa kennuufii yaadachiisaniiru.

Akka isaan jedhanitti, hojjetamuu misooma koriidariin ummatni magaalatti haala kanaan dura ta’ee hin beekneen bashannanaa, jireenya hawaasummaasaa cimsachaa jiru. Lammiileen biyya alaa osoo hin hafin halkanis ta’e guyyaa bakka misoome kanatti bashannanuun yeroodhaa gara yerootti dabalaa jira.

Magaalattiitti aadaan waa daawwachuufi bashannanuus akka gabbatu ta’eera. Gabaan seeraan alaa sharaafi kontiinara keessatti daldalamu kan gabaa danaa magaalattiifi daldala seera qabeessarratti dhiibbaa uumaa tures furmaata argateera. Murtee hoggansa magaalattiin sheediin sadarkaasaanii eeggatan misooma koriidarii kana keessatti akka hammataman ta’eera.

Hojii misooma koriidarii hojjechuu qofa osoo hintaane tajaajila barbaachisu akka kennuuf qulqullina naannawaarratti hawaasaaf hubannoon kennamuu eeranii; Lagni magaalatti keessa darbu Awweetuu dabalatee misooma koriidarichaa akka kunuunsuu taasisuus ibsaniiru.

Akka Jimmaatti misooma koriidarii kiloo meetira 95 hojjechuuf karoorfame keessaa kiiloo meetira 12.32 ol hojjetamuus himaniiru.

Waaqshuum Fiqaaduutiin
BARIISAA SANBATAA Sadaasa 6 Bara 2018

15/10/2025

Leenjii Miseensota Woldaalee IMX Magaalaa Jimmaaf kennamee
‎ Onkoloolessa 6, 2018 (ATKBMJ)
‎ Jimma
‎
‎Abbaan Taayitaa Konastrakshinii Bulchiinsa Magaalaa Jimmaa miseensota woldaalee IMXf leenjii gahumsa cimsuu kennuu gaggeesseera. Leenjiin kun mata-dureewwan gurguddoo jaha irratti xiyyeeffateera:
‎
‎1. Kaayyoo Mootummaa IMX Hundeessef: – Hojii uumuu, dandeettii ijaarsa guddisuu fi dorgommii dinagdee keessatti hirmaachisuuf IMX’n shoora olaanaa qaba.
‎
‎2. Carraa IMX – Hojii argachuu, muuxannoo fi leenjii dabalataa, akkasumas carraa hojii mootummaa fi dhuunfaa irratti hirmaachuu danda’u.
‎
‎3. Rakkolee IMX – Hanqina dandeetii, meeshaalee ammayyaa fi muuxannoo xiqqaa, akkasumas sodaa dorgommii; akka ta'e hubatamee furmaataa fi mala rakkoo kessaa itti bahuu danda'an hubachisera.
‎
‎4. Gahee Mootummaa – Deeggarsa leenjii, carraa hojii uumuu fi qajeelfama ifaa kennuu; mootummaa fi dhuunfaa waliin hojjechuu irratti haala itti hojechuun danda'amu errati ibsa ballaa kenne jira
‎
‎5. Dambii fi Itti-gaafatamummaa IMX – Hojiin qulqullina qabu, seera eeguu fi nageenya hojii mirkaneessuu fi hojii hojjetamu kessati kan miseensa gutuu hirmaachise ta'u isa ibsi ballaan kenname jira
‎
‎6. Mirga IMX – Dorgommii wal-qixa, deeggarsa mootummaa, leenjii dabalataa fi hayyama seeraa argachuu kessati mirga akka qabanu hubachiifamee jira.
‎
‎Xumura:
‎Leenjiin kun hubannoo fi dandeettii hirmaatota ol-kaasee, walitti dhufeenya mootummaa fi woldaalee IMX cimsuu keessatti shoora guddaa akka taphatuu hirmaatoni eranii jiru. Hirmaattotni miira gammachuu qabuun leenjii kana akka hojii qabatamaati jijjiran itti fayyadaman kallatiin ka'ame golobamee jira.

23/09/2025

Magaalaa Jimmaatti hojiin tajaajila lammummaa ciminaan itti fufee hojjetamaa jira.

Jimmaa, Fulbaana 13/2018
Bulchiinsa Magaalaa Jmmaattii Abbaan Taayitaa konistiraakshinii Oromiyaa hojii tajaajila lammummaa garaagaraa hojjetee deeggarsa maatii harka qalleeyyiif hojii Maaddii qooduu taasisee jira.

ATKO guyyaa har'aa barattootaafi Maatii harka qalleeyyii kutaa hawaasaa gara garaa Qaama Midhamtotafi Dubartootaafi Manguddoota 280 deeggarsa meeshaalee barnootaafi meeshaalee nyaataa birrii 529,699 (kuma dhibba 5f kuma 29 fi dhibba jahaaf sagaltamii sagal); deeggarsa yemmuu taasisu mana harka qalleeyyii ijaarsisuuf eegalchiisee jira.
Hojiilee kanneenis qindeessummaa Waajjiraalee Dhimma Dubartiifi Daa'immanii fi Konistiraakshinii Magaalaa Jimmaatiin kan raawwatame ta'uun ibsameera.

Ittaantuu Daayiraktara ol'aanaa Abbaa Taayitaa Konistiraakshiinii fi ittigafatamtuu damee reegulaatoirii Injiinar Leensee Margaa sagantaa kanarratti argamuun ergaa dabarsaniin ATKO hojii tajaajila lammummaa kana yeroo karoorsu waan qabanurraa hanga danda'ameen lammiilee bira dhaabbachuuf kan dhufan yemmuu ta'u guyyaa har'aa maaddii harka qalleeyyiif qooduu, meeshalee barnootaa barattootaaf kennuu fi mana harka qalleeyyii 2 ijaaruun lammiilee keenya bira gargaaruuf jedhanii, hojii tajaajila lammummaa taasifnuf kallattii garaa garaan cimsinee itti fufna jechuun manneen ijaaramaa jiran keessaa tokko xumura irra kana ga'ee fi kan har'a eegalame dabalatee yeroo gabaabaa keessatti xumurree eebbisiifnas jedhaniiru.

I/G waajjira Dhimma Dubartiifi Daa'immanii Magaalaa Jimmaa Aadde Ikiram Abdii gama isaaniin Abbaan Taayitaa Konistiraakshinii hojii eebbifamaa kanaf Magalaa Jimmaa filatee dhufuun deeggarsa taasiseef galateeffataniiru.
I/G Abbaa Taayitaa Konistiraakshinii M/Jimmaa Obbo Fallaqaa Fayyisaa, Ijaarsa Mana harka qalleeyyi eegalame Qindoomina cimaan deeggarsaafi hordoffii gochuun akka ijaarsichi yeroon xumuramu kutannoofi qophaa'ummaa qabanu ibsaniiru.

17/09/2025

Hidha Haaromsaa misiraachuu injifannoo Itoophiyaanotaa!
‎
‎Fulbaana 7/2018 (WATKMJ)
‎Magaalaa Jimmaatti xumuramuu Hidha Haaromsaa hordofuun hiriira gammachuu gaggeeffamee Jira.
‎kana hordofuun hojjeetoni wajjira kenyaa jiraatoota magaala jimmaa walin gara istaadiyeemii Magaalaa Jimmaatti imaluun gammachuu xumuuramuu Hidhaa Haaromsaa Itoophiyaa injifannoo dhalootaa dhalootati darbuu fi dhaloota seenaa hojjete ta'u isaatif gammachuu isaa ibsate jira.