Masha Woreda Finance and Economic Dev't office-የማሻ ወረዳ ፋይናንስና ኢኮኖሚ ልማት ጽ/ቤት

16/02/2024

01/02/2024

በመንግስት አገልግሎትና አስተዳደር ማሻሻያ ሪፎርም ላይ የገንዘብ ሚኒስቴርና የሲቪል ሰርቪስ ኮሚሽን የምክክር መድረክ ተካሄደ

ጥር 22/ 2016 ዓ.ም - በምክክር መድረኩ ላይ በመንግስት አገልግሎትና አስተዳደር ማሻሻያ ሪፎርም ይዘት፣ በመንግስት አገልግሎትና አስተዳደር ፖሊሲ፣ በመንግስት ሰራተኞች ብቃት ምዘና ማዕቀፍ እና በፖሊሲው ማስፈጸሚያ ዕቅድ ላይ ለገንዘብ ሚኒስቴርና እና ተጠሪ ተቋማት አመራሮች በሲቪል ሰርቪስ ኮሚሽን አመራሮችና ባለሙያዎች ማብራሪያ ተሰጥቷል፡፡

በዚሁ የምክክር መድረክ ላይ ከቀረበው ገለጻም የመንግስት አገልግሎትና አስተዳደር ማሻሻያ ሪፎርም ዋነኛ ዓላማ የመንግስት ተቋማትን አደረጃጀትና አሰራር በማዘመን በክህሎትና በባህሪ የበቃ የሰው ኃይል አስተዳደርና ልማትን በመዘርጋት ለተገልጋዩ ኅብረተሰብ ቀልጣፋና ውጤታማ አገልግሎት በመስጠት የሀገርን የዕድገትና የልማት ግቦች እውን ማድረግ እንደሆነ ተብራርቷል፡፡

የገንዘብ ሚኒስትር ክቡር አቶ አህመድ ሽዴ በምክክር መድረኩ ላይ ተገኝተው ባደረጉት ንግግር የገንዘብ ሚኒስቴር ለመንግስት ተቋማት የካፒታልና መደበኛ በጀት በመመደብ እና ሀገራዊ ጠቀሜታ ላላቸው ፕሮጀክቶች ከተለያዩ ምንጮች ሃብት በማሰባሰብ ከፍተኛ ሚና የሚጫወት ተቋም መሆኑን አስታውሰው ሚኒስቴሩ በመንግስት አገልግሎትና አስተዳደር ማሻሻያ ሪፎርሙ ለሙከራ ትግበራ አንዱ ሆኖ በመመረጡ የተሰማቸውን ደስታ ገልጸዋል፡፡

ክቡር ሚኒስትሩ አያይዘውም ሪፎርሙን ማስፈጸም የሚችል የፕሮጀክት ጽ/ቤት በማደራጀት፣ በቂ ሃብት በመመደብ እና እቅድ በማውጣት በቶሎ ወደ ትግበራ እንገባለን ብለዋል፡፡

የገንዘብ ሚኒስቴር ዴኤታ ዶክተር ኢዮብ ተካልኝ በበኩላቸው ትልልቅ ሀገራዊ ሪፎርሞችን መሸከም የሚችል ጠንካራ ሲቪል ሰርቪስ እንደሚያስፈልግ ጠቅሰው የመንግስት አገልግሎትና አስተዳደር ማሻሻያ ሪፎርም ከፍተኛ ትኩረት የሚሰጠው መሰረታዊ ጉዳይ መሆኑን አመልክተዋል፡፡

ሌላው በውይይት መድረኩ ላይ የተገኙት የሲቪል ሰርቪስ ኮሚሽነር ዶክተር መኩሪያ ኃይሌ የመንግስት አገልግሎትና አስተዳደር ማሻሻያ ሪፎርም የገንዘብ ሚኒስቴርን ጨምሮ ለሙከራ በተመረጡ ሰባት የፌዴራል ተቋማት ላይ ተግባራዊ እንደሚደረግ ጠቁመው ሪፎርሙ፤ የመንግስት ተቋማት አሰራራቸውን በማዘመን ለተገልጋዩ ኅብረተሰብ ቀልጣፋና ውጤታማ አገልግሎት ለመስጠት የሚያስችል መሰረታዊ ለውጥ ለማምጣት እንደሚያስችል አስረድተዋል፡፡

28/10/2023

የክልሉ ፋይናንስና ኢኮኖሚ ልማት ቢሮ የልማት ድርጅቶች የጋራ ፎረም ውይይት በሀላላ ኬላ ሪዞርት እያካሄደ ይገኛል።

የደቡብ ምዕራብ ኢትዮጵያ ህዝቦች ክልል ፋይናንስና ኢኮኖሚ ልማት ቢሮ በክልሉ ከሚንቀሳቀሱ የተለያዩ የሲቪል ልማት ድርጅቶች ጋር የጋራ ፎረሙ ውይይት በሀላላ ኬላ ሪዞርት በማካሄድ ላይ ይገኛል።

12/05/2023

የሀዘን መግለጫ
*************
በማሻ ወረዳ ፋ/ኢ/ል/ጽ/ቤት የስራ ባልደረባ የነበሩት አቶ አክሊሉ እንደሻዉ ጮሮ ባደረባቸዉ ህመም በህክምና ሲረዱ ቆይተዉ በትናትናዉ እለት ህይወታቸዉ አልፏል:: አቶ አክሊሉ በስራቸዉ ታታሪ ቅን እና ሰዉ አክባሪ የመ/ቤታችን የስራ ባልደረባ ነበሩ::መ/ቤታችን በአቶ አክሊሉ ህልፈት የተሰማዉን ጥልቅ ሀዘን እየገለፀ ለቤተሰብ ለወዳጅ ዘመዶቻቸዉ እና ለስራ ባልደረቦቻቸዉ መፅናናትን ይመኛል::
መ/ቤቱ

27/11/2022

#እንኳን አደረሳችሁ!!

05/10/2022

የማሻ ወረዳ አስተዳደር ምክር ቤት እያካሄደ ባለዉ ጉባኤ በዛሬ ዉሎዉ በወረዳዉ ፋይናንስ እና ኢኮኖሚ ልማት ጽ/ቤት የቀረበዉን የ2015 በጀት አመት ረቂቅ በጀት ብር 132,634,600 አጽድቋል::

22/09/2022

የሸካ ዞን ምክር ቤት መደበኛ ጉባኤውን ማካሄድ ጀመረ
*** *** ***
የሸካ ዞን ምክር ቤት 4ኛ ዙር 10ኛ ዓመት የስራ ዘመን 17ኛ መደበኛ ጉባኤውን በቴፒ ከተማ ማካሄድ ጀምሯል።

የሸካ ዞን ምክር ቤት ዋና አፌ ጉባኤ የተከበሩ አቶ ዮሐንስ ካሳሁን ጉባኤውን በይፋ በከፈቱበት ወቅት ባስተላለፉት መልእክት መደበኛ ጉባኤያችንን እያካሄድን የምንገኝበት ወቅት በዞናችን በተለይም እንደ የኪ ወረዳና ቴፒ ከተማ ላለፉት 3 እና ከዚያ በላይ ዓመታት ተከስቶ የነበረው የፀጥታ ችግር ተቀርፎ ዞኑ ወደ ዘላቂ ሠላም የተሸጋገረበትና የልማት ግስጋሴ የጀመርንበት በመሆኑ እንኳን ደስ አላችሁ፤ ደስ አለን ብለዋል።

ዋና አፌ ጉባኤው አክለውም የሸካ ዞን ምክር ቤትና ህዝብ በሳል የሆነ ውሳኔ በመወሰኑ የዞኑ አስተዳደር መቀመጫውን ቀድሞ ከነበረበት ማሻ ከተማ ወደ ቴፒ ተዛውሮ ቀልጣፋ አገልግሎት መስጠት ከመጀመሩም ባለፈ ይህ ታርካዊ ውሳኔ በመወሰኑ ድርብ እድል ማለትም ቴፒ የዞን መቀመጫ በመሆኗ ከደቡብ ምዕራብ ኢትዮጵያ ህዝቦች ክልላዊ መንግስት ብዝሀ ዋና ከተሞች ውስጥ አንዷ ከተማ ሆና እንዲትመረጥ መወሰኑና ስራ የሚጀምሩበት ወቅት መሆኑ ጉባኤያችንን ልዩ ያደርገዋል ሲሉም አንስተዋል።

አሸባሪው ህውሓት ሠላምን አልፈልግም በማለት ለ3ኛ ጊዜ የከፈተብንን ጦርነት ለመመከት የዞኑ ህዝብ በሁሉም ዘርፍ ያሳየው ደጀንነት የሚመሰገን መሆኑን የጠቆሙት ዋና አፌ ጉባኤው ይሄው አንድነትና ትብብር በልማቱም ልደገም ይገባል ብለዋል።

ለሁለት ተከታታይ በሚቆየው መደበኛ ጉባኤ የምክር ቤቱ የ2014 አፈጻጸም፣የአስተዳደሩ የ2014 ዓ.ም አፈጻጸም፣ የከፍተኛ ፍርድ ቤት አፈጻጸም ሪፖርት እንዲሁም የ2015 ዓ.ም እቅድ የሚቀርብ ሲሆን የ2015 ዓ.ም በጀትና ልዩ ልዩ ሹመትም ቀርቦ እንደሚጸድቅ ይጠበቃል::
የሸካ ዞን መንግስት ኮሙኒኬሽን ጉዳዮች

https://t.me/Deb

18/09/2022

ይህ የሀገሩን ሉአላዊነት ለማስከበር ዳር ድንምበሯን ከወራሪ ጠላቶች ከተላላኪ ባንዳዎች ለመጠበቅ በግንባር ከጠላት ጋር እየተዋደቀ ለሚገኘዉ ለጀግናዉ የሀገር መከላከያ ሰራዊት ድጋፍ የሚዉል ከሸካ ዞን ከማሻ ወረዳ ህዝብ የተበረከተ 30 የእርድ ሰንጋ ነዉ::

10/09/2022

የማሻ ወረዳ ፉይናንስና ኢኮኖሚ ልማት ጽ/ቤት ለመላዉ ወረዳችና ለከተማችን እንዲሁም ለመላዉ የሀገራችን ህዝቦች እንኳን ለ2015 አዲስ አመት አደረሳችሁ እያለ መልካም ምኞቱን እየገለፀ አዲሱ አመት ለሀገራችን የሰላም የብልፅግና አመት እንዲሆን ይመኛል::
መልካም አዲሰ አመት!!