Nekemte Town Health Office

31/10/2023

Dhukkuba Gifiraa (Measles)
Gifirri dhibee daddarbaa vaayireesiidhan dhufudha. Dhibeen kun nama kamiyyuu kan miidhu ta’ee, caalmattii garuu daa’imman irratti heddumata.
Mallattoolee Dhukkuba Gifiraa
• Hoo’ina qaamaa , Qufaa/Ukaa
• Dhukkubbii ijaa/diimachuu ijaa , Dhangala’aan funyaaniin ba’uu
• Shiftoo fuularra eegaluun gara kutaa qaama birootti babal’atu
Rakkoo fayyaa wal xaxaa dhukkuba kanaan walqbatee dhufan/complications/:
• Duudummaa, jaamummaa, of wallaaluu, miidhama sammuu, rakkoo afuura baafannaa, garaa kaasaa yeroo dheeraa fi madaa’uu afaanii fa’aadha.
Karaalee Gifirri Ittiin Daddarbu
• Kallattiin dhukkubsataan yeroo qufa’u, dubbatu fi haxxiffatu
• Tuttuqqii nama dhukkubsate fi meeshaalee inni fayyadame irraan
• Qilleensaan vaayireesichi gara nama fayyaatti darbuu danda’a
Tooftaalee ittisa dhukkubichaa
• Talaallii farra Gifiraa(Measles vaccine) marsaa lamaan ji’a 9 fi15 tti fudhachuu
• Vaayitamin A fudhachuu , Qulqullina dhuunfaa fi naannoo eeguu
• Tuttuqqii dhukkubsataa irraa of eeguu fi
• Nama mallattoo dhukkubicha qabu dafanii gara dhaabbata fayyaa geessuu

17/10/2023

Dhukkuboota Talaallidhaan ittifaman (Vaccine Preventable Diseases)
=============≈======================
• Talaallin dandeetti dhukkuba ofirraa ittisuu cimsuuf kennama.
• Sagantaa Talaallii akka biyyaa fi naannoo keenyaatti hojiirra oolaa jiruun dhukkuboota hedduutu ittifama. Dhukkubaa fi gosa talaalii isaa:
1. Dhukkuba Daranyoo Sombaa(TB)- BCG
2. Dhukkuba Laamshessaa( Polio)- Polio
3. Dhukkuba Michii Sombaa(Pneumonia)- PCV
4. Dhukkuba Garaa kaasaa(Diarrhea)- Rota
5. Dhukkuba Difteeriyaa(Diphtheria)- Pentavalent
6. Dhukkuba Qakkee (Pertusis)- Pentavalent
7. Dhukkuba Teetaanasii(Tetanus)- Pentavalent
8. Dhukkuba Tiruu(Hepatitis type b)- Pentavalent
9. Dhukkuba Infulenzaa (H.Infuenza)- Pentavalent
10. Dhukkuba Gifiraa(Measles)- MCV
11. Kaansarii fiixee Gadameessaa(Shamarraniif)-HPV
Daa’imman dhalatanii hanga waggaa 1 fi ji’a 3’tti dhaabbilee fayyaa/wiirtuu talaallii dhiyoo jirutti geessuun talaallii guutuu xumursiisudhaan dhibbeewwan talaallin ittisuu dandeenyu irra haa baraarru!

Talaalamuun mirga daa’immaniiti!
Talaalchisuun dirqama maatiiti!

26/04/2023

(HPV Vaccine)
Talaallii 'HPV' fi dhibee kaansarii fiixee balbala gadameessaa ilaalchisee wantootni hubatamuu qaban :-
1. Talaalliin 'HPV' faalama dhibee kaansarii fiixee balbala gadaameessa irraa ittisa.
2. Vayirasiin (HPV) Ka’umsa Kansarii fiixee balbala gadameessaati.
3. Kansariin fiixee balbala gadameessaa dhibeelee dubartoota Itoophiyaa ajjeessan sadan keessa isa tokkoo dha
4. Talaalliin 'HPV' dhibee kansarii fiixee balbala gadameessaa ni ittisa
5. Talaalliin 'HPV' yeroo ammaa shamarran umuriin isaanii waggaa 14 hundaaf marsaa lamaan ni kennama
6. Talaalliin jalqabaa (HPV1)n kennamee ji'a 6 boooda talaalliin marsaa lammaffaa ni kennama.
7. Dhibee kaansarii fiixee balbala gadameessaa irraa guutumaan guututti baraaramuudhaaf yoo xiqqaate marsaa lama fudhachuutu barbaachisa.

15/08/2022

Gamaggama raawwii hojii bara 2014 fi Karoora bara bajeeta 2015 Waajjira Fayyaa Bul.Magaalaa Naqamtee geeggefame.

Gamaggamni raawwii bara 2014 fi Karoora bara 2015 Waajjira Fayyaa Bulchiinsa Magaalaa Naqamtee Bakka qooda fudhattootni magaallicha,Seekteeralee adda addaa,Hoggantoota oolaanaan Magaalaa Kaantibaa fi Ittigaafataman Paartii magaalaa,Oogeesaalee mediyaalee irraa hojjettan ,oogeessota Dhaabbilee fayyaa fi Hoggantoota fi ogeessota Hoospitaala argamanitti bifa ho'aa ta'een geeggefamera.
Haaluma kanan raawwii bara 2014,karoora bara 2015,Hojiiwwaan fayyaa sadarkaa kutaalee Bulchiinsaatti hojjetaman madaalamee sadarkeessuun Sirni Beekamtiis kennuu raawwatera.

Marii bal'aaniis hirmattoota waltajjiichaan geeggefameera.Raakkoleen hojii keessatti mudatan furmaata isaaf bara bajeeta itti aanuutti akkamiin akka deemamuu qabu irratti yaadni hirmattoota irraa bal'innaan ka'aniru.
Dhumattis Yaadni xumuraa fi Kallatiin gara fuula dura hojii bara bajeeta 2015tiif galtee ta'uu kabajamoo Kaantibaa Bul.Magaalaadhan Kennameera.
Keesaattuu akka kallaatitti kan kennamanis:-
1.Qulqullina Kenna taajajila foyyeessuu
2. Hordoffii manneen nyaataaf dhuagaati ciimsuu
3. Karoora hanga nama dhufaati hirmachiisaa ta'ee xiyyeffanaan gadi buusuu
4. Namusa akkata itti taajajila lannuu irratti foyya'insa agarsiisuu
5. Deggersaa fi hordooffii kan dhaabbatas ta'ee nama dhunfaa Ciimsuu
6. Hirmannaa hawaasan fknf model pharmacy ijaaru
7. Qindoomina Ciimsuu hojjechuun hojii Keenya bara 2015 milka'inan akka raawwanuu kallaattiin Kennameera

Sirna Badhaasaa fi Beekamtiis oogeessota kutaalee Bulchiinsatiif Sadarkaa isaaniin Kennameera

27/05/2022

18/04/2022

Duulli talaallin Pooliyoomarsaa 2ffaan guyyaa 4ffaaf akka Magaalaa keenyatti itti fufinsaan kennamaa waan jiruuf daa'immaan umuriin isaanii waggaa shanii gadi ta'an mara taalalchisuum dararaa Fi du'atii sababan Dhibee pooliyyoon dhufu irraa daa'immaan keessan akka baarartan dhamsa oogummaa isinii dabarsinerra

14/04/2022

Duulli Talaalli Pooliyoo Marsaa 2ffaan Eebla 07-10 bara 2014 daa'imman umuriin isaanii waggaa shanii gadii ta'an hundaaf mana manatti waan kennamuuf daa'immaan keessan taalalchiisuun dhukkubaa fi du'ati sababa dhibee kanan dhufurraa daa'immaan keessan akka baraartan Waajjirri Fayyaa Bulchiinsa Magaalaa Naqamtee ergaa isinii dabarsa

13/04/2022

Orientation for Round2 nOPV2 Campaign and Round1 nOPV2 Performance Review Nekemte Town@NCSH Hall April13,2022