Kallacha Oromiyaa

07/09/2026

Qaammee 2 : Olka’iinsa!
==
Mootummaan Paartii Badhaadhinaatiin durfamu, jijjiirama siyaasaa bara 2010 dhufe hordofee, fedhii fi dheebuu uummanni bu’uuraalee misoomaaf qabu deebisuuf xiiqiin hojjechaa tureera. Jijjiiraman dura gaaffiiwwan misoomaa uummata biraa ka'u tursiisuuf waadaa sobaafi maqaa pirojektii siif ijaarra jedhuun dhagaa bu'uuraa kaa'amaa ture hambisuun hojii qabatamaafi pirojektoota fayyadamummaa uummataa qabatamaan mirkaneessan ijaaruun jajaajilaaf banaa taasisuutti ceesisee jira.

Waggoota muraasa keessatti hanqinaalee fi cabiinsi gama kanaan turan wal'aanamuun pirojektoonni xixiqqaa hanga gurguddaatti Ariitii, Qulqullinaa fi Baay’inaan ijaaramani tajaajilaaf banaa ta’anii jiru.
Keessattuu, pirojektoonni gurguddoon akka Hidha Haaromsa Guddicha Itoophiyaa, Misoomni kooridarii fi paarkiwwan gurguddoon sagantaa Maaddii Biyyaaf jedhuun ijaaramaa turan akkasumas pirojektoonni bu’uuraalee misoomaa biroo, dandeettii raawwachiisummaa biyya keenyaa guddisuufi gaaffii misoomaa uummatni biyya keenyaa waggoota dheeraaf kaasaa ture deebisuu keessatti gahee olaanaa taphataniiru.

Pirojektoonni kunneen bu’aa misoomaa qofa osoo hin taane, maqaa fi dhageettii Itoophiyaa sadarkaa Addunyaatti olkaasaa jiru.

Dandeettiin biyya tokkoo pirojektoota gurguddaa karoorsuu, qabeenya ishee gurmeessuun raawwachuufi hojiiwwan bu’aa dhalootaaf turan raawwachuu danda’uun madaalama. Pirojektoonni kunneen, Itoophiyaan biyya pirojektoota gurguddoo ofiin karoorsuu fi raawwachuu dandeessu, carraa fi invastimantii haaraa uumuu akkasumas, biyya hirkattummaafi gargaarsa malee guddina ishee saffisiisuu dandeessu akka taate Addunyaa barsiistee jirti.

Ijaarsi pirojektoota haaraa, warshaa xaa’oo, Buufata Xiyyaaraa Idil Addunyaa Bishooftuu, Misoomni humna Niwukilaraafi Gaazii uumamaa akkasumas hojiiwwan misoomaa biroo, dandeettii biyya keenyaa gara sadarkaa haaraatti ceesisuu akka danda'an tarkaanfiiwwan akeekaa jiraniidha.

Pirojektoonni kunneen maqaa Itoophiyaa ol kaasuu, dhageettii ishee guddisuu fi gahee isheen waltajjii addunyaa irratti qabdu olkaasuu keessatti shoora olaanaa ni qabaatu.

Milkaa’inootni kunis rakkoolee keessoo wal xaxaa biyyattiitti waggoota lakkoofsisaniifi dhiibbaa addunyaa hedduufi ulfaatoo dandamachuun kan argamaniidha. Qormaata muudate hunda carraatti jijjiiruun injifannoo argameedha.Ammas humna, qabeenyaafi carraa jiru hojiirra oolchuun imala olka’iinsaa itti fufsiisuun barbaachisaadha.

06/09/2026

Qaammee 1: Guyyaa Oomishtummaa !

06/09/2026

EthioTelecom Riijinii Kibba Kibba bahaa Barattoota Abdii Boruutiif Deeggarsa Meeshaalee barnootaa qarshii miiliyeena walakkaatti tilmaamamu gumaacha taasise.

Kallacha Oromiyaa: Qaammee 1,2018 Dhaabbanni EthioTelecom Riijinii Kibba Kibba bahaa Tajaajila lammummaa ganna kanaatiin deeggarsa qarshii miiliyeena lamaa olitti tilmaamamu harka qalleeyyiif gumaachuusaa ifoomseera.

Dhaabbatichi Hagayya 29-2018 irraa jalqabee hanga Qaammee 1/2018 tti guyyoottan sadeen darbaniif walitti aansuun hojii tajaajila lammummaatiin deeggarsa qarshii miiliyeena lamaa olitti tilmaamamu harka qalleeyyii fi maanguddoota nama isaan gargaaru hin qabneef gumaachuusaa beeksiseera.

Daayirektarri Riijinii Kibba Kibba bahaa Awwal Abubakar, EthioTelecom tajaajila Teelee kominikeeshinii qulqullinnaan hawaasa biraan gahuun cinaatti; Kaayyoo Itoophiyaa Dijitaalessuu milkeessuu fi dhimmoota hawaasummaa irrattis deeggarsa namoomaarratti xiyyeeffate aantummaan hojjachaa jiraachuu dubbatan

Hojii tajaajila lammummaa ganna kanaatiin guyyoottan sadeen darbaniif walitti aansee gumaacha taasisaa turuu dubbatan.

Haaluma kanaan guyyaa har'aas Barattoota Abdii Boruutiif Deeggarsa Meeshaalee barnootaa Darzaana 500 Barattoota aanaalee Godina Baalee keessa jiraniif gumaacha taasisuu himaniiru.

Dhaabbatichi Guyyaa kaleessaas Waaldaa Maamguddoota Magaalaa Roobee keessa jiraataniif deeggarsa namoomaa qarshii miiliyeena tokkoo fi Kuma 400 ta'u gumaacha taasisuu yaadachiisaniiru.

Hojjattoonni dhaabbatichaa "Dhiiga deebi'u kenninee; Lubbuu hin deebine haa baraarruu!" ergaa jedhuunis dhiiga yuniitii 15 arjoomuusaanis ibsaniiru.

Dabalataan; Dhaabbatichi baruma kana keessa Kaafamtoota misoomaa sababa eeggumsaa fi kunuunsa Paarkii biyyaalessaa Gaarreen Baaleetiif Aanaa Goobbaa Ganda Riraa irraa buqqa'aniif deeggarsa qarshii kuma 200 gumaacha taasisuusaa yaadachiisaniiru.

Ittigaafatamaan Waajjira Bulchiinsa Godina Baalee Obbo Muktaar Maammiyyaa deeggarsa dhaabbanni EthioTelecom Barattoota isaaniitiif taasise kana galatoomfachuun, dhaabbileen misoomaa biroos hojii eebbifamaa namaaf rabbi birattillee galata qabu kanarratti hirmaannaa cimaa taasisuu akka qaban dhaamaniiru.

Kantiibaa Ittaanaan Bulchiinsa Magaalaa Roobee Obbo Jamaal Abbaagaroo saganticharratti argamuun qaamolee deeggarsa namoomaa kana taasisan galatoomfataniiru.

Nama gargaaruuf nama ta'uun qofti gahaadha kan jedhan Obbo Jamaal; aadaa fi duudhaa wal gargaarsaa abbootii keenyarraa dhaalle kana cimsinee itti fufsiisuun dirqama hunda keenyaati jedhan.

Akka Bulchiinsa Magaalaa Roobeettis hojii tajaajila lammummaa ganna kanaatiin manneen harka qalleeyyii ijaarsisuu, deeggarsa meeshaalee barnootaa, arjooma dhiigaa, dhaabbii biqiltuu Ashaaraa Magariisaa fi deeggarsa harka qalleeyyii fi qaamaan miidhamtootaa walitti qabuun namoota humna hin qabne diinagdeen utubuu irratti hojiin bal'aan hojjatamaa jiraachuu ibsaniiru.

Maatiin Barattootaa fi Maanguddoonni deeggarsi kun isaaniif taasifames qaamolee deeggarsa kana isaaniif taasise galatoomfachuun deeggarsa argatanittis gammadoo ta'uu himaniiru.

Kominikeeshinii Magaalaa Roobeetiin

06/09/2026

06/09/2026

Qaammee 01: Oomishtummaa!
‎
Kallacha Oromiyaa: ‎Qaammee 01, 2018- Godina Qellem Wallaggaatti Qaammeen 1 Guyyaan Oomishtummaa Aanaa Sadii Canqaatti daawwannaa hojiilee misoomaa garaagaraan kabajame
‎
‎Guyyoonni Qaammee bara kanaa ergaawwan garaagaraan kabajamuu kan eegale yoo ta'u, guyyaan jalqabaas har'a guyyaa oomishtummaa jedhamuun kabajamaa jira

Akka Godina Qellem Wallaggaattis guyyaa har'aa aanaa Sadii Canqaatti daawwannaa hojii kilaasteroota oomishaan kabajameera

Bulchaan Aanaa Sadii Canqaa Obbo Yohaannis Mangashaa aanichatti oomishaafi oomishtummaa guddisuuf hojiilee bal'aan hojjetamaa jiraachuufi bara kanas aanichatti Lafti hektaarri kuma 26 ol qotamuun misoomaa kan jiru ta'uu himanii; callaan kuntaalli Miliyoona 1 fi kuma 400 ol kan eegamu ta'uus himan

Godinichatti bara kana lafa hektaara kuma 4 fi 700 ol qotamuufi kana irraas callaan kuntaala miliyoona 14 ol kan eegamu ta'uu Itti Gaafatamaan Waajjira Qonnaa Godinichaa Obbo Mul'ataa Waaqjiraa himan

Oomishaafi oomishtummaa guddisuun Badhaadhina Maatiif biyyaa mirkaneessuuf hojiin hojjetamaa jiru Godinichatti sadarkaa olaanaan guddachaa jiraachuu himan Itti Gaafatamaan Waajjira Paartii Badhaadhinaa Damee Godinichaa Obbo Iyyaasuu Zambaabaa. Kominikeeshinii Godinichaatiin

06/09/2026

Bara darbe al-ergii oomisha industiriifi hortiikaalchariirraa doolaara bil.1.5 arganneera- Obbo Ahimad Idiris

Kallacha: Qaammee 01, 2018- Bara baajataa darbe al-ergii oomisha industiriifi hortiikaalchariirraa galiin doolaara biliyoona 1.5 argamuu Hoogganaan Biiroo Investimentiifi Industirii Oromiyaa Obbo Ahimad Idiris ibsan.

Guyyaa oomishtummaa sababeeffachuun daawwannaa hojiilee qonnaafi industirii Godina Shawaa Bahaatti taasifamerratti ergaa dabarsaniin, biyyi oomishtummaan of hin dandeenye birmadummaa guutuu akka hin qabne kaasanii, biyya abboonni lafeefi dhiigaan tiksanii asiin gahan birmadummaashee guutuu taasisuuf oomishtummaan dabaaluun dirqama ta'uu ibsan.

Naannoo Oromiyaatti oomishaafi oomishtummaa dabaluun olka'iinsa biyyaa dhugoomsuuf sochiin gama qonnaafi industiriitiin taasifamaa jiru bu'aawwan abdachiisaa argamsiisaa jiraachuus dubbataniiru.

Naannichatti waggoota 8 dura pirojektoonni investimentii kuma 9 hin caalle yeroo ammaa kuma 43 irra gahuu kan himan Obbo Ahimad, kana keessaas industirii manufaakchariingiin kuma 10 ta'uu eeran.

Humni oomishtummaa investimentii naannichaas dhibbeentaa 46 irra kan ture yeroo ammaa dhibbeentaa 69.7 irra gahuu ibsaniiru.

Sosochii Itoophiyaan haa oomishtuu milkeessuuf xiyyeeffannoo kennamee hojjatameen oomisha toonii miliyoona 10 ol oomishuun kan alaa galuun bakka buusuu kaasanii, kanaanis doolaarri biliyoona 2.5 akka bakka buufame dubbataniiru.

Dabalataanis, humna oomishtummaa keenya guddisuun al-ergii dabaluuf hojii bal'aa hojjatamaa tureen, bara darbe al ergii oomisha industiiriifi hortiikaalchariirraa galiin doolaarri biliyoona 1.5 argamuus himan.

Damee investimentiifi industirii kanaaniis dargaggeessa baay'eef carraan hojii uumamuu dubbataniiru.

Naannichatti dhaabbilee investimentiif haala mijataa uumameen hirmaannaan abbootii qabeenyaa dabalaa jiraachuus ibsanii, ce'uumsi gara industiriitti taasifamaa jirus milkaa'aa jiraachuu himaniiru. Oliifan Raggaasaatiin

06/09/2026

Agarsiisa Feestiivaala Goobeefi Shinooyyee Magaalaa Amboofi Magaalaa Roobeetti gaggeeffame suuraan.

06/09/2026

Pirezidaantiin Mootummaa Naannoo Oromiyaa Obbo Shimallis Abdiisaa du'aan addunyaa kanarra boqochuu Artistii Qabsooftuu Ilfinash Qannoon gadda itti dhaga'ame ibsan.

Kallacha Oromiyaa: Qaammee 1,2018
Pirezidaantiin Mootummaa Naannoo Oromiyaa Obbo Shimallis Abdiisaa du'aan addunyaa kanarra boqochuu Artistii Qabsooftuu Ilfinash Qannoon gadda itti dhaga'ame ibsan.

Guutumman ibsa isaanii akka armaan gadiiti.

Du'aan addunyaa kanarraa darbuu artistiifi qabsooftuu Ilfinash Qannoo yemmuun dhagahu gadda guddaatu natti dhagahame. Ilfinash Qannoo aartiifi qabsoo walfaana tarkaanfachiisun gahee gulantaan qabsoo ummata keenya barasii gaafatu bahachaa turteerti. Artistii gameettii akka ishee dhabuun ummata keenyaaf gadda guddaadha.

Gadda guddaa darbuu Ilfineshiin natti dhagahame irra deebiin ibsaa, maatii, dinqisiiffattootafi ummata keenyaaf jajjabina, lubbuu isheef qananii jannataan hawwa!

06/09/2026

Agarsiisa Feestiivaala Goobeefi Shinooyyee Qindoomina Bulchiinsa Magaalaa Walisoofi Godina Shawaa Kibba Lixaatiin Qophaa'e Suuraan.

06/09/2026

Qaammee 1 : Guyyaa Oomishtummaa Buunnoo Beddellee
~
Mootummaan karoora oomishaaf oomishtummaa dachaan dabaliin wabii midhaan nyaataan of danda'uu darbees guddina damee qonnaa daran saffisiisuuf tarsiimoo haaraa bocuun milkaa'inootni hedduun argamaniiru.

Keessumaa sosochii Itoophiyaan haa oomishtu jedhuu fi karoora hirkattummaa irraa gara oomishtummaatti jedhuun hojiiwwan oomisha dachaan dabaluu hedduun hojjetamaniiru. Kana tumsuufis pootenshaala misoomaa adda baasuun humnaaf qabeenya guutuun misoomsuu, inisheetiiviiwwan qonnaa bahan hojiirra oolchuu, qorannoof teknoloojiiwwan qonnaa guutuu fayyadamuu fi kilaasteraan misoomsuun oomishaaf oomishtummaa dabaluun xiyyeeffannoon hojjetamaa turee jira. Kanaanis bu'aawwan abdachiisoon karoora badhaadhina maatii hanga biyyaa dhugoomsuun akka danda'amu mul'isan argamaniiru. Kun ammoo tattaaffii wabii midhaan nyaataan ofdanda'uuf taasifamuu fi sharafa dhiheessii gabaa alergiitiin argamu dachaan dabaluuf gumaacha guddaa baha.

Akka Godina Buunnoo Beddelleettis oomishaaf oomishtummaa dabaluun gama tokkoon galii oomishtootaa fooyyessuun akkasumas fedhii dhiheessii fayyadamtoota oomishaa guutuuf hojjetamaa jira. Oomishtootni teknoloojiin akka deeggaramanii fi kilaasteraan akka misoomsan taasisuun jiruuf jireenyi isaanii damee kanaan akka fooyya'uu taasifamaa jira.

Haaluma kanaan guyyaa har'aas dhaadannoo "Qaammee 1 : Guyyaa Oomishtummaa" jedhuun sagantaan daawwannaa misooma qonnaa Aanaa Daaboo Haannaatti geggeeffamaa jira. Godinichatti inisheetiiviiwwan qonnaa 33 bahan keessaa 31 hojiirra oolaa kan jiran yootahu bara kana lafa hektaara kuma 380 ol oomisha akaakuu addaddaan uwwifame irraa oomishni callaa kuntaalli miliyoona 15 ol nii abdatama.