Bale Zone Communication Office

06/09/2026

Qaammee 1: Guyyaa Oomishtummaa !

06/09/2026

Qaammee 1 — Guyyaa Oomishtummaa
*****
"Oomishaafi oomishtummaa guddisuun wabii nyaataa fi of-danda’uu haa mirkaneessinu" Obbo Birhaanuu Afraasaa; Ittigaafatamaa Waajjira Paartii Badhaadhinaa Damee Godina Baalee

Kominikeeshinii Godina Baalee

06/09/2026

Qaammee 1: Guyyaa Oomishtummaa
*****
Qaammee 1/2018 (KGB) Aanaalee Godina Baaleetti Qaammee 1, Guyyaa Oomishtummaa sababeeffachuun daawwannaan hojiilee misoomaa garaagaraa gaggeeffameera.

Daawwannaan kunis oomishaafi oomishtummaa qonnaan bulaa dabaluun, oomisha alaa galan kan biyya keessaa bakka buusuufi al-ergii guddisuun dinagdee biyyaalessaa cimsuuf kan kaayyeffatedha.

🌱 Oomishtummaan bu’uura badhaadhinaati!

06/09/2026

Guyyaan Oomishtummaa Qaammee 1 Godina Baaleetti hojiilee misoomaa fi oomishaa garaagaraa daawwachuun kabajame.

Kominikeeshinii Godina Baalee

06/09/2026

06/09/2026

06/09/2026

06/09/2026

06/09/2026

Milkaa’inni Damee Qonnaa Olka’iinsa Biyyaa Dhugoomsuu Keessatti Gahee Olaanaa Qabaachuu Eerame
******
Qaammee 1, 2018 (KGB) – Godina Baaleetti milkaa’inni damee qonnaa bara oomishaa 2018 galmaa’e, olka’iinsa biyyaa dhugoomsuu keessatti agarsiistuu ta’uu himame.

Guyyaan Oomishtummaa Qaammee 1, mata-duree “Olka’iinsa Biyyaa Dhugoomsuu, Oomishtummaa Guddisuu” jedhuun, Godina Baalee Aanaa Agaarfaatti hojiilee misoomaa qonnaa daawwachuun kabajameera.

Saganticharratti misooma qamadii, misooma aananii fi hojiiwwan inisheetiviiwwan qonnaa keessatti galma’aan daawwatamaniiru.

Itti Gaafatamaan Waajjira Paartii Badhaadhinaa Damee Godina Baalee, Obbo Birhaanuu Afraasaa, imalli badhaadhinaa wabii nyaataa fi of-danda’uu mirkaneessuuf taasifamaa jiru har’a qabatamaan mul’achuu eegaluusaa ibsaniiru.

Keessattuu, dameen qonnaa oomisha midhaanii guddisuu, qonna ammayyeessuu, misooma jallisii babal’isuu, sanyii filatamaa fayyadamuu, horsiisa beeyladaa cimsuu fi gabaa qonnaa fooyyeessuun bu’aawwan jajjabeessaa galmeessisaa jiraachuu eeraniiru.

Itti Gaafatamaan Waajjira Qonnaa Godina Baalee, Obbo Aliyyii Muhammad, misooma qamadii jallisii bonaa, qonna kilaastaraa fi oomishtummaa guddisuun bu’aawwan argaman boqonnaa haaraa bananii jiru jedhan.

Qonnaan bultoonni bishaan jallisii fi sanyii filatamaa fayyadamuun yeroo bonaa qamadii oomishuun oomishtummaa fi galii isaanii guddisuu danda’uus ibsaniiru.

Akka Obbo Aliyyiin jedhanitti, bara oomishaa 2018/2019tti Godina Baaleetti lafa heektaara kuma 580 ol misoomaa jiru irraa callaan kuntaala miliyoona 19 ol argachuuf karoorfamee jira.

Bulchaan Aanaa Agaarfaa, Obbo Abdulqaadir Usmaan, damee qonnaa cimsuu fi ammayyeessuun galmoota ce’umsa misooma qonnaa, kanneen akka al-ergii guddisuu, oomisha biyya alaa galan kan biyya keessaan bakka buusuu, wabii midhaan nyaataa mirkaneessuu fi carraa hojii uumuu irratti bu’aan jajjabeessaan galmaa’aa jiraachuu himaniiru.

Qonnaan bultoonni Aanaa Agaarfaa gama isaaniitiin, xiyyeeffannoo mootummaan damee qonnaatiif kenne, deeggarsa, hordoffii fi gorsa argataniin qonna ammayyeessuun oomishaafi oomishtummaa isaanii guddisuu danda’uu ibsaniiru.

Akkasumas, hojiiwwan horsiisa beeyladaa fi dameewwan qonnaa biroo irratti hojjetamaniin jireenya isaanii fooyyeffachuu fi dinagdee isaanii utubuu danda’uus himaniiru.

Kominikeeshinii Godina Baaleetu Gabaase
fans Oromia Bureau Of Agriculture/Biiroo Qonnaa Oromiyaa Oromia Prosperity Party / OPP /

06/09/2026

Artist Ilfinesh Qannoo Bara Dukkanaatti Qabsoo Oromoo Artiin Humneessite Du'aan Dhabuun Gadda Guddaadha
~~~

Artiin jiruuf jireenya Uummataa kan dammaksu, jijjiiramaaf kan hiriirsu, gaddaafi gammachuu kan mul'isu utubaa guddicha eenyummaa Uummataa ijaarudha. Artist Ilfinesh Qannoos umurii ijoollummaatiin Galaanaa Artii Oromootti kan makamteefi hanga du'aan Addunyaa kanarraa of biraa dhabnuutti uummata Oromoof akka dungoo ifaa bara jireenya isaanii guutuu Uummata tajaajilaniiru

Artist Ilfinesh Qannoo ilaalcha caastolcheen gadaantummaafi barmaatilee boodatti hafaa dubartoota irra ture cabsuun nama jabduu hojii Artiin ashaara dhalootaaf jiraatu keesse du'aan dhabuun gadda guddaadha.

Bara dukkanaa Afaan Oromootiin wellisuu mitii, dubbachuunuu akka yakkaatti ilaalamu irraa eegalee hojii Artiitiin uummata Oromoo ijaaruu, tokkummaaf hiriirsuufi duudhaa, Aadaaf Afaan Oromoo guddisuu keessatti gumaacha guddaa kan taasiste dubartii jabduu Oromoon qabudha.

Artist Ilfinesh Artii Oromoo ceesisuufi Oromummaa jabeessuu keessatti sagalee kilolee qabanitti fayyadamuun dandeettiis cimsachaa uummata Oromoo bara isaanii guutuu tajaajilaniiru.

Gaafa Artist Ilfinash Qannoo dhukkubsachuu eegalte irraa eegalee mootummaan Naannoo Oromiyaa baasiiwwan gara garaa danda'uu yaalchisaa turus, guyyaa rabbi isaaniif qabe waan ta'eef Artist Ilfinesh boqotaniiru.

Artistii jabduu kana du'aan wayita of biraa dhabnu kan gaddinu ta'us, hojiiwwan Artii seenaafi Oogbarruu Oromoo guddisuu keessatti Aetist Ilfinesh ba'achaa turaniin Oromoon hundi kan jajjabaatudha.

Dhalootni haaraan kun guca qabsoo Artist Ilfineshfi waayilootni isaanii qabsiisaniin injifannoo aarsaa qaaliin galmaa'e tiksuun sadarkaa olaanaatti ceesisuuf kutannoon hojjechuutu irraa eegama.

Mootummaan Naannoo Oromiyaa imaanaa Artist Ilfinesh Qannoofii qabsaa'ota biyyaafi saba ofii ijaaruuf aarsaa kaffalan kudhaammatee injifannoo caaluuf hojjechaa jira.

Qabsooftuu mirga dhala namaa Artist Ilfinesh Qannoo du'aan of biraa dhabuutti gaddi guddaan kan nutti dhaga'ame ta'uu ibsaa Uummata Oromoo maraafi maatii hundaaf jajjabina hawwina.

Biiroo Kominikeeshinii Oromiyaa
Qaammee 1/2018
Finfinnee