Komishinii Naamusaa fi Farra Malaammaltummaa Oromiyaa Damee G/G Kibbaa

02/09/2026

Karaawwan Ijoo Armaan Gadii Kana Hojiin Irra Oolchuun Ittisa Malaammaltummaa Irratti Gahee Olaanaa Taphata.

1.Kenna Tajaajilaa Uummataaf Kennamu Dijiitaalessuu: Tajaajilootni kanneen akka kaffaltii gibiraa, bittaa mootummaa, kenninsa hayyama daldalaa fi bulchiinsa lafaa karaa toora intarnaatiitiin akka kennamu taasisuun tuttuqii namoota giddutti raawwatamu hirdhisuu.
2.Qabeenya Galmeessisuu fi Qabeenya Maddi Isaa Hin Beekamne Dhaaluu:
Qamoota bu'uura labsiiwwan qabeenya galmeessisuu fi beeksisuutiin hin galmeessifne akka galmeessan gochuu, kanneen faallaa seericha dhaabatan irratti tarkaanfii seeraa fudhachuu. Akkasumas qabeenya fi maallaqa maddi isaa seeraan ibsuu hin danda'amne adeemsa seeraatiin dhaaluun tarkaanfii fudhachuu.
3. Qo'annoo Hojimaataa Gaggeessuudhaan Saaxilamummaa Malaammaltummaan Ittiin Uumamuun Duuchuu: Dursanii qo'annoo hojimaataa dhaabbilee mootummaa fi misoomaa keessatti gaggeessuun adeemsa hojimaata badaa fi malaammaltummaaf qaawwa banu sirreessaa deemuu.
4. Eegumsa Seeraa Eeruu Kennitootaaf Taasifamu Mirkaneessuu: Namoota akkasumas hojjattoota hannaa fi malaammaltummaa saaxilaniif eegumsa seeraa mirkaneessuudhaan akka namootni biroos malaammaltummaa irratti duulan jajjabeessuu.
5. Ijaarsa Safuufii fi Barnoota Naamusaatiin Sochii Uummataa Uumuu: Dhalootni akka safuu gonfatee guddatu akkasumas barnootni naamusaa bu'uura jabaa irratti akka ijaaramu maatiin, manneen barnootaa,dhaabbileen amantaa fi hawaasni waloon irratti hojjachuun karaawwan ijoo malaammaltummaan ittiin ittifamuu danda'uun.

Dhaloota Safuun Ijaaruun;Kenna Tajaajilaa Hojimaataan!
Komishinii Naamusaa fi Farra Malaammaltummaa Oromiyaa Damee G/G Kibbaa

02/09/2026

Hojiin Ijaarsa Safuu, Naamusaa fi Ittisa Malaammaltummaa Tarsiimoon Hogganamuu Qaba Jedhadhe!

01/09/2026

Qo'annoo

31/08/2026

Gahee Barnootni Ittisa Malaammaltummaa Keessatti Qabu
1. Barnootni Jijjiirama Amalaa Fiduudhaan Naamusnii fi Amanamummaan Bu'uura Cimaa Irratti Akka Hundaa'u Godha.
Barnoonni amala dhuunfaa bocuudhaan amanammuummaan hawaasa keessatti akka lafa qabatu taasisuu keessatti shoora ol'aanaa taphata.

2.Barnootni Akka Lammiileen Seera Hojii Irra Oolchanii fi Mirga Isaaniitiif Falmatan Uumaman Taasisa.
Namni sammuun isaa barnootaan qarame akka seerotni sirnaan hojii irra oolan godha, akkuma jeneeral Taaddasee Birruu jedhan mirga ofii gaafata, mirga namaas hin sarbu. Yoo seerotni ittisa malaammaltummaatiin wolqabatan sirnaan hojii irra oolan ammoo malaammaltummaan ni hirdhata.
Kanaafuu qaamni dhimmi ilaallatu hundinuu caabiinsa barnootaa dandamachiisuu irratti tokkumaan hojjaachuu qaba.

Dhaloota Safuun Ijaaruun;Kenna Tajaajilaa Hojimaataan!

28/08/2026

Nama ragaa sobaa qopheessaa ture irratti himannaan baname.
Hagayya 22/ 2018 KNFMNO Damee G/G Kibbaa, Shaashamannee:- Himatamaan Kaalid Awwal jedhamu gocha yakkaa kana kutaa magaalaa Gullallee, aanaa 8 iddoo addaa ‘Aaddisuu gabayaa’ jedhamutti raawwate.
Qajeelchi Intilijeensii Olaanaan Poolisii Kutaa Magaalaa Gullallee hordoffii fi too’annoo cimaa guyyoota wolitti aanan sadiihiif taasiseen, namni Kaalid Awwal jedhamu ragaawwan sobaa garagaraa qopheessaa akka ture mirkaneesseera.
Qajeelchi Intilijeensii Olaanaan erga hordoffii fi Oppereshiniin namticha to'annoo jala oolcheen booda, bakka daldalaa hojii namtichi maxxansaa itti gaggeessu keessatti sakatta'insa taasifameen sanadootni sobaa maqaa dhaabbilee mootummaa garaagaraatiin qophaa'an argamaniiru.
Isaan keessaas:- Sanadoota sobaa Waajjira Galmeessa ragaa siivilii kutaa magaalaa Gullallee aanaa 8,Waajjira Galmeessa ragaa siivilii kutaa magaalaa Qirqoos aanaa 1, Ragaa sobaa Waajjira Mirkaneessa Ragaa kutaa magaalaa Eekkaa, Chaappaa geengoo fi gubbaa irraa kan Buufata Fayyaa Mootummaa Naannoo Benishaangul Gumuz, woraqaa ragaa dhalootaa, ragaa akkaataa kaffalti gibiraa Biiroo Galiiwwan Bulchiinsa Magaalaa Finfinnee, ragaa Forensiki Biiroo Qorannoo Yakkaa Poolisii Federaalaa, ragaa qorannoo konkolaataa kan woggaa, akkasumas meeshaalee fi deeskitoppii ragaa sobaa ittiin qopheessuuf fayyadamaa ture 2, filaashii fi pirintarii of keessaa qaba.
Poolisiin qorannoo ragaadhaan deeggarame qindeessee galmee qorannichaa gara Abbaa Alangaa Kutichaatti ergee akka himatni irratti banamu taasiseera taasiseera.
Qajeelchi Waliigalaa Poolisii Magaalaa Finfinnee hawaasni ragaa sobaa qopheessuunis ta'ee tamsaasuun diinagdee fi nageenya biyyattii irra dhiibbaa hamaa kan geessisu ta'uun dabalataanis, ittigaafatamummaa yakkaa kan hordofsiisu ta'uu hubachuudhaan namoota gocha akkasii keessatti hirmaatan seeraaf dabarsee kennuu akka qabu ergaasaa dabarseera.

Maddi: Fuula facebook Addis Ababa Police

Dhaloota Safuun Ijaaruun; Kenna Tajaajilaa Hojimaataan!

28/08/2026

Waan hardha kunuunfametu boru bu'aa gaarii buusa!

26/08/2026

Qabaachuun Ittisa Malaammaltummaa Keessatti Gahee Guddaa Qaba! Namummaan sirna beekumsa Oromoon heera Waaqaa ittiin hubatu, hiikkatuu fi ittiin jiraatuudha. Safuu fi safeeffannaa/seera Uumaa-uumamaa beekanii kabajanii ittiin jiraachuudha.

25/08/2026

qajeeltoo bu'uuraa namaa fi bineensa bosonaa jiddutti garaagarummaa uumu, kompaasii dhalli namaa ittiin of qajeelchu,
hin jirre namoomni hin jiru.
hin jirre malaammaltumatu babaldhata,
hin jirre ilmatu haadhaaf abbaa dhaana,
hin jirre eera uumaatitu caba, biyyatu jiga.

Kanaafuu naamusa gonfachuun kabaja namummaa horannee itti gaafatamummaa keenna haa baanuu!"

24/08/2026

24/08/2026

Qabeenyaa fi Maallaqa Maddi Isaa Hin Beekamne –Labsii 881/2007, Kewt.21
Kutaa 2ffaa
Kutaa 1ffaa keessatti maalumaa yakka malaammaltummaa qabeenyaa fi maallaqa maddi isaa hin beekkamnee ilaallee turre, kutaa 2ffaa fi hardhaa keessatti yaadota furmaataa akka yakki kun hin uumamne taasisan ilaalla.
Jalqaba irratti hojjattootni mootummaa fi jaarmiyaalee ummataa akkasumas namni kamuu ilaalchaa fi yaada karaa seera qabeessaan duroomutti akka amanu hojjachuun barbaachisaa dha.
Ilmi namaa kamuu qabeenyi gammachuu dhugaa namaa kennu kan dafqaan, carraaqqii fi bu’aa ba’ii hedduun karaa seera qabeessan argame akka ta’e amanee fudhachuu qaba.
 Qabeenyi karaa seera qabeessaan argame of eeggannoo guddaan hojii irra oola.
 Namni qabeenya karaa seera qabeessan horate hundinuu qabeenya isaa hin qisaasessu, araada gara garaa kan fayyaa isaa miidhuuf itti hin fayyadamu, sababni isaa dadhabbii meeqaan akka fide waan beekuuf of eeggannoon itti fayyadama. Qabeenyi dadhabbii malee argame garuu salphaatti manca’uu ykn qisaasa’uu danda’a sababni isaas xaarii tokko malee sammuu fi seeraan wolitti bu’aa argame waan ta’eef.
 Qabeenyi carraaqqiin argamu akka namni jireenya kaayyoo fi hiika ifa ta’e qabaatu godha; qabeenyi dadhabbii malee argamu garuu yeroo baay’ee duwwaa ta’aa, akka kaayyoo jireenyaa hin qabaanne nama godhee sodaadhaan marfamanii tasgabbii sammuu malee akka jiraatan nama godhuu danda’a.
Inni lammaaffaa fi namoota qajeeltoo namummaa fi seeraa irraa goruudhaan qabeenya maddi isaa hin beekkamne horatan karaa seeraatiin gara seeratti deebisuun yakka kana ittisuun barbaachisaa dha. Kunis kan ta’u:
 Labsiii qabeenya beeksisuu fi galmeessuu lakk.668/2002 sadarkaa Federaalaatti fi labsii lakk.169/2003 Sadarkaa Naannoo Oromiyaatti tumamee jiru hojii irra oolchuun haala salphaa ta’een ragaa argachuun olaantummaan seeraa akka mirkan’u taasisuun, qabeenya karaa seeraan alaan argame dhaaluun barbaachisaa dha.
 Bu’uura labsii kanaatiin muudamaan, filatamaan uummataa fi hojjataan mootummaa qabeenyaa fi madda galii maqaa isaa fi maatii isaatiin jiru yeroo seeraan taa’e keessatti beeksisuu fi galmeessisuu akka qabu, dirqama kana yoo hin baane qabeenyichi bu’uura lab. lakk.881/2007 kwt.21 tin akka qabeenya maddi isaa hin beekamneetti akka ilaallamu lab. lakk.668/2002 kwt.13 jalatti tumameera.
Wolumaagalatti qabeenya seera qabeessa horachuun boqonnaa sammuu namaa kennuun itti gaafatamummaa seeraa jalaas waan nama baasuuf qabeenya carraaqqii dhuunfaatiin horatame qabaannee malaammaltummaa irratti haa duulluu.

Dhaloota Safuun Ijaaruun; Kenna Tajaajilaa Hojimaataan!