Afar Regional Health Bureau

22/05/2026

Millê Daqaarak Qadayti Magaalal Massakaxxale Cajji Awwal Qarba Isih Geytimak Qamaliyyat Abtam Dudda Qaafiyat Fanteena Dooqaysiise.

Rakaakayak Qaafiyat Biiro Awsî Rasuk Millê Daqaarak Qadayti Magaalal Mango Ummattah Ayfaf Taceem Dudda Qaafiyat Fanteena Dooqaysisse.

Tama Dooqaysoh Aracal Qafár Rakaakayak Naharsi Saqal Massakaxxale Cajji Awwal Qarbay, Qaafiyat Biirok Saqalah Yan Massakaxxale Yaasin Cabiibiy, Awsî Rasuk Xintoh Abbah Yan Gifta Naasir Cammaduy, Millê Daqaarih Miraaciinu Kee Millê Daqaarih Ummatta Elle Geytimteh Sugtem Tamixxige.

Ta Qaafiyat Fanteenah Xiso Dariifah Ummatta Mango Waddiirah Luk Sugte Qaafiyat Ayfaf Kee Qaafiyat Guddussoh Essero Qadayti Ummattah Gacisam Duuda Abina Kinnim Tamixxige.

Ta Qaafiyat Fanteena Qaafiyat Biiro Kee Agatak Tellemmo Bank Sitta Luk Cattiimak 50 Millionuk Amô Takke Lakqot Xiseenim Kee Qamaliyyat Ayfaafak Xabba Haanam Mango Ayfaf Addat Le Standardik Tan Qaafiyat Fanteena Kinnim Tamixxige.

Tama Dooqaysoh Aracal Yab Abeh Suge Qafár Rakaakayak Naharsi Saqal Massakaxxale Cajji Awwal Qarba Iyyeemih Rakaakay Doolat Ummattah Rakiiboh Fayxi Aracat Haytuh Baxsaluk Qaafiyat Langih Baxsale Hangi Yaceenih Taamitak Geytimaanam Qaddoyse.

Asaaku Dooqaysisne Qaafiyat Fanteena Ummatta Mexxat Le Qaafiyat Ayfaf Geytu Kee Rifer Raaqisoonuh Kaxxa Doori Lem Qafár Rakaakayak Naharsi Saqal Massakaxxale Cajji Awwal Qarba Qaddoyse.

Tonnah Kaadu Qaafiyat Biirok Saqalah Yan Massakaxxale Yaasin Cabiib Iyyeemih Ta Qaafiyat Fanteena Dariifah Ummattah Baxsale Qaafiyat Ayfaf Aceelem Kee Baxsaluk Qadayti Magaala Data Gitih Addal Tan Magaala Kinnuuk Mango Qawwalayla Taafeh Tan Way Xayikkeek Qawwalayla Edde Taafe Mari Ayfaf Elle Giyam Xiiqa Qaafiyat Fanteena Kinnim Tamixxige Axcuk Yaabe.

​

19/05/2026

Asaaki Macsenta Qafár Ayyuntak Qaafiyat Kee Kusaq Institute Dengu Deqsitta Dalkah Kalalu Wagittaamal Maglableela Luk Hangisso Gudgud Gexsisse.

Dengu Deqsitta Dalkay Dubti Magaala Kee Dubti Daqaarih Caddol Astooti Akak Tumbulle Mannal Kalalaanam Duudumtaamal Baxaabaxsale Maktabittek Tewqe Maglableela Luk Walal Gudgud Gexsitak Maacise.

Ta Dalka Kaaniqeytah Arowuk Tamaate Dalka Kinni Way Ta Dalkak Astooti Moyyâ Berraay, Dagar Niqnay, Aliyoo kee Kaxxa Dagar Ecla Kinnim Tamixxige.

Ta Aracal Geytimak Yab Abteh Sugtem Qaafiyat Biirok Saqalah Yan Massakaxxale Yaasin Cabiib Kinnuuk Iyyeemih Ta Dalka Kalalaanamih Caddol Maglableela Sitta Luk Cattiimak Taamittam Faxximtam Kee Ta Dalka Kaxxa Bohoy Le Dalka Akke Waytam Kinnuuk Astooti Elle Tumbulle Maritte Sissikuk Dayli Fanteenah Amaatuk Akah Dayliman Innah Ummattah Baritto Yaceenim Faxximta Axcuk Kassiise.

Tonnah Kaadu Qafár Ayyuntak Qaafiyat Kee Kusaq Institutek Saqalah Yan Gifta Cammadu Acmad Iyyeemih Ta Dalkah Astooti Elle Tumbulle Dubti Daqar Kee Dubti Magaala Caddol Baxsale Kattat Kee Kusaq Abak Away Uddur Ta Dalka Kalalaanamih Taama Meqe Caddot Tanim Kinnuuk Ummattak Mabla Yayxibixeenimih Taamoomil Maglableela Nee Cattaanam Faxximta Axcuk Yaabe.

16/05/2026

Ogaysime Qaafiyat Gaaduy Gexsitak Geytima Macaddot Yanim Yabloonuh Loogiyah Magaalâ Kee Dubtî Magaalah Gufne Tekke.

Ta Gufnek Lafale Hadaf Acayuk Geytiman Ogaysime Qaafiyat Ayfaf Ummattah Guddussaanamih Caddol Akkuk Geytima Gaadi Macaddot Yanim Yableeni Gidi Kinnim Tamixxige.

Ta Ayfaf Ummattah Meqe Gurral Amcayyuk Geytimam Kee Raqte Daqoorit Kaadu Ta Gaaduy 12 Ayro Takkem Gexsitak Sugu Waa Meqennal Biyak Geytimaanam Tamixxige.

15/05/2026

Japan Doolatak Geytime Maalih Qokolul UNFPA Sidiica Rakaakayal Abbinossu Wayta Projectih Qimbisiisiyyi Taddiira Gexsitte.

UNFPA Ayduma Ni Rakaakayih Caddol Inonti Kee Alaaqa Raba Daggoysaanamal Mangol Qokolitte Abak Temeetem Tamixxige.

Ta Project Qafár Rakaakayay, Soomalih Rakaakay Kee Addis Ababah Magaalah Xiinissoh Caddol Abbinoowu Waa Project Kinnim Tamixxige.

Ta Taddiirah Aracal Qaafiyat Biirok Inontiiy, Alaaqa Kee Cata Qunxaaneytih Xayrekterih Yan Gifta Macammad Qabdulkadiriy, UNFPA Agat Caddol Awlaytuh Yan Gifta Koffi Kouamey, JICA Ethiopia Awlaytuh Yan Gifta Hiroyuki Yakushi Geytimteh Sugtem Tamixxige.

Ossotinah Kaadu Qaafiyat Biiro Kee Hospitalittek Tewqe Mihratleelah Kayzen Taamoomi Wagittaamal Aydakaakan Yeceen.

15/05/2026

UNICEF Deqsitta Meqem Abittoh Egla Kee Rakaakayak Qaafiyat Biiro Sitta Luk Cattiimak 16.5 Millionuk Amo Takke Lakqot Soolrwa Xaamak Xayyoosen.

Ta Soolarwa Konoy Takke Rasitte Kee 22 Takke Daqooritik Qaafiyat Fanteenanih Caddol Inonti Kee Alaaqay Tonnah Kaadu Ummatta Meqe Ayfaf Yamcawwuh Baahen Mansoofah Qokol Kinnim Tamixxige.

Ta Soolarwak 20 Rakaakayak Qaafiyat Biiro Isi Lakqot Xaamtem Kee 20 Kaadu UNICEF Xaamitem Kinnuuk Qaafiyat Biiro Siraglele Taqabiy Yani Hangit Haak Xaamte Mansoofa Kinnim Tamixxige.

Ta Mansoofah Qokolih Aracal Qaafiyat Biiroh Saqal Massakaxxale Yaasin Cabiib Kee Biirok Miraaciini Makaado Geytimak Ta Qokol UNICEFik Qafar Rakaakayih Luddih Saqalah Yan Dr Woisa Acmad Gabaak Tabsaanam Tekkem Tamixxige.

The UNICEF Afar Field Office handed over solarization materials for 22 selected health facilities from 5 zones in Afar, which is worth 16.5 million Birr.

During handover, Ato Yassin Habib Afar RHB Head and Bureau Management Members and Ato Woisa Ahmed, Chief of UNICEF Afar Field office, were present.

The solarization support will resolve the electric power interruptions and improve clinical care provisions for Afari mothers and children.

14/05/2026

Rakaakayak Qaafiyat Biiro Regulatory Xayreketet Abnisso Kusaaqih Gudgud Gexsiise.

Rakaakay Qaafiyat Biirok Regularatory Xayrekterih Caddol Akkuk Temeete Taamoomi Xayyoowak Qaku Kee Gabul Maca Akak Ceelak Sugem Wagsiisak Abnisso Kusaaqih Gudgud Gexsitem Tamixxige.

Taamah Abnissol Baar Le Walal Gexsiteek Gamadal Qaku Dambiyakaay, Gabul Diggoysak Gexaanam Faxximtaamal Afkan Yomcowwe.

Tama Gudgudul Geytimak Farmo Tatrussem Qaafiyat Biirok C/Saqalah Yan Gifta Witikka Noore Kinnuuk Iyyeemih Daqoorit Caddo Kee Rakaakay Caddol Makmok Maaqabo Kee Wakti Elle Tatreh Geytima Caagida Baxsale Kattat Kee Kusaq Abak Ummatta Biyaktam Duddda Caagida Lowsissaanamih Taama Diggoysak Gexaanam Faxximta Axcuk Farmo Tatruse.

Ta Gudgud Qaafiyat Malaak Kee Qaafiyat Biiro Sitta Luk Cattiimak Bicissem Kee Daffeynat Tengele Daqooritih Taama Elle Aboonu Wan Tabletitte Yaceenim Tekkem Tamixxige.

14/05/2026

Qaafiyat Biirok Saqalah Yan Massakaxxale Yaasin Cabiib Qaafiyat Ayfaafih Mattacoh Xiinissoh Riform Koobahissa Makaado Luk Walale.

Rakaakayak Qaafiyat Biiro Rakaakay Caddol Konooy Takke Biirooray Riformit Culteh Geytimtak Tiyak Teena Kinnuuk Ta Riform Qaafiyat Ayfaafih Mattaco Yaysiisenim Kinnuuk Makaado Akah Xisak Abbinos Meqe Gurral Akak Gexak Geytima.

Qaafiyat Malaakak Temeete Technical Makaado Kee Qaafiyat Biirok Technical Makaado Sitta Luk Gacak Xaloot Le Riform Taama Abak Geytiman.

13/05/2026

በሰመራ ሎጊያ እና በዱብቲ ከተሞች የተቀናጀ የጤና ዘመቻ አፈጻጸም በሥራ ኃላፊዎች ተጎበኘ

​በአፋር ክልል በሰመራ ሎጊያ እና በዱብቲ ከተሞች እየተተገበረ የሚገኘው የተቀናጀ የጤና ዘመቻ ያለበትን ደረጃ ለመገምገም የሚያስችል የመስክ ምልከታ ተካሄደ።

​በዚህ የክትትልና ግምገማ ጉብኝት ላይ የአፋር ክልል ጤና ቢሮ ምክትል ኃላፊ ክቡር አቶ ዊቲካ ኖራን ጨምሮ የጤና ሚኒስቴር ከፍተኛ የሥራ ኃላፊዎች እና የክልሉ ሱፐርቫይዘሮች ተገኝተዋል።

​የጉብኝቱ ዋና ዓላማ በከተሞቹ እየተሰጡ ያሉ የተቀናጁ የጤና አገልግሎቶች ለኅብረተሰቡ በአግባቡ ተደራሽ መሆናቸውን ማረጋገጥና የዘመቻው አፈጻጸም የተቀመጠለትን ግብ እያሳካ መሆኑን በቦታው ተገኝቶ ለመታዘብ ነው።

​አሁን ላይ ይኸው የተቀናጀ የጤና ዘመቻ በአፋር ክልል በአጠቃላይ በ 11 ወረዳዎች ተጀምሮ በጥሩ ሁኔታ ላይ እንደሚገኝና ለኅብረተሰቡም አስፈላጊው የጤና አገልግሎት እየተሰጠ ይገኛል።

13/05/2026

13/05/2026

Asaakî Macsenta Kilbatti Rasuk Konnabi Daqaaral 250 Amô Takke Buxah Inonti Kee Buxah Abbobti Dooqaysiisen.

Qaafiyat Siirat Aracat Gacuh Qaafiyat Ekisteeshinih Taddiira Diggoysaanam Faxximtam Kinnuuk Isinni Kee Isinni Buxah Maray Tonnah Kaadu Dariifah Ummatta Barisoonuh Qaafiyat Ekisteshinih Caddol 25 Amô Takke Buxah Inonti Kee Buxah Abbobti Barisak Sugeeni Dooqaysiisenim Tamixxige

Konnabi Daqaarih Caddol A sanatih Addat Qimboh Adda 18 Yakke Baakeji Barisak Sugen 250 Amo Yakke Mara Dooqaysiisenim Tamixxige.

Qaafiyat Ekisteshinih Taddiirak Qimboh Abbiniysiyyi Cogda Awda Caddol Pakeej Aydakaakan Yaceenim Kee Faxxiima Qokol Kee Kattat Abak Wagsiisa Pakeej Abbinoosa Buxâ Mari Moodel Akkuk Akah Dooqaysiman Innah Abaanam Kinnim Tamixxige.

Tá Aydakakan Beyte Buxah Inontí Kee Buxah Abbobti Been Aydakaakan Gersi Maray Dariifal Yanih Acayuk package abbinoosaanamal Fayxi Le Buxâ Mara Aydakaakanisak Gersi Buxâ Mara Barisak Akah Milaagan Inna Kee Abak Raag Akah Tabaatabsan Innah Abaanamih Taama Takkem Faxximtam Tamixxige.

Tama Taddiirah Aracal Konnabi Daqaarak C/Saqal Kadir Musay, Daqaarak Partik Ciggiila Saqal Gifta Ibraahim Yusufu Kee Daqaarak Qaafiyat Kutbeh Buxah Saqal Gifta Cusen Adam Geytimak Dooqaysimeenitih Farmo Tatruseenih Sugeenim Tamixxige.

12/05/2026

Asaakî Macsenta Qaafiyat Biiro Qaafiyat Ayfaafih Mattacoh Xiinissoh Riform Wagsiisak Biirok Management Adoytit Kee Technical Makaado Luk Hangisso Gudgud Gexsisse.

Ta Gudgud Qaafiyat Malaak Kee Qaafiyat Biiro Sitta Luk Cattiimak Qaafiyat Ayfaafih Mattacoh Xiinissoh Riformil Mabbaloowonuh Missossenim Tamixxige.

Ta Gudguduk Lafale Hadaf Qaafiyat Ayfaafih Mattacoh Xiinissoh Riform Gexsit Maca Ceelamal Walalaanam Kee Yan Taqabi Kee Gabul Kusaaqisak Calli Faxxaamah Calli Yaceeni Gidih Missoowe Gudgud Kinnim Tamixxige.

Ta Gudgudul Geytimak Yabti Fakkenta Abtem Qaafiyat Biirok C/Saqalah Yan Gifta Wittika Noore Kinnuuk Iyyeemih Qaafiyat Ayfaafih Mattacoh Xiinissoh Riform Qaafiyat Siiratal Milaagi Yamaatuh Qimbisneh Geytima Riform Kinnuuk Ta Riformil Faxxiima Xaloot Yamaatuh Management Adoytit Kee Technical Makaado Diggoowak Gaxxam Faxximta Axcuk Kassiise.