Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት

  • Home
  • Ethiopia
  • Wendo
  • Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት

Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት Contact information, map and directions, contact form, opening hours, services, ratings, photos, videos and announcements from Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት, Public & Government Service, wondo genete, Wendo.

06/09/2026

በወንዶ ገነት ከተማ አስተዳደር የአገልግሎት አሰጣጥን ለማሻሻል እየተሰሩ ያሉ የልማት ሥራዎች መካከል በጥቅቱ:-

Mootimma wedellaho noo injo baala horonsidhe loosu kaayyo kalaqate hixammanyite loossanni noota wo/ge/qu/gashshooti xawi...
04/09/2026

Mootimma wedellaho noo injo baala horonsidhe loosu kaayyo kalaqate hixammanyite loossanni noota wo/ge/qu/gashshooti xawisi.

Woxawaaje 29/12/2018M.D
Wo/ge/qu/gashshooti mootimmate komunikeeshiine gajubba borro mine.

Aliyye sidaami zoone wondo gennetete quchumi gashshooti loosu loosaasinete tekinolooje latishshi borro mini 2918 bajeetete diri loosu gumulshanna 2019 bajeetete diri mixonna dagate millimillote bare harinsi.

Dargaho leelle sokkasi saysinohu wondo gennetete quchumi gashshooti jireenyu paarte polotikunna dhuku dhaabbanyoti handaari sooreessi ayirradu kalaa Mokonnini Mengeshihu sokkasinni-mootimmate looso loonseemmo qaxarame yine anga xaaxi'ne agadhinankunni tantanamme mootimma uytano garinni horaameeyye ikkate hixammanya hasiissanota xawisino.

Ayimmate kaarde mataawoqiya (fayda)adhatenni badhera gede'na dihasiissano yee baalu yannasincho tekinolooje horaameessa ikka busulle ikkase xawisino.

Loosu loosaasinetenna tekinoloojete latishshi borro mini sooreessi kalaa Yoseef Eyamohu ripoortesinni sai dirira fakkanu wedellira loosu kaayyo kalanqoonta xawisino.

Addi addi loosu daninni mootimma wedella tantanatenni wedellu horaameeyye ikkano gede lowo injo kalanqoonta huwachiishe kaayyotenni gobbate giddoydinni kayse gobbate gobbayidi geeshsha wedellaho ikkado qajeelsha aatenni bobbaasa dandiinontano kaysino.

Aanteteno wedellu loosu giddora bobbahanno gede mootimma wortino faashsho garinni deerru deerrunkunni tantanante loosu kaayyo horaameeyye ikka hasiissanota xawisino.

Xaphooma loosu kaayyo gobbate giddono ikko gobbate gobbaanni mootimma wedella tantanotenni loosiisate qixaawa ikkase affe wedelluno tenne kaayyo horoonsira hasiissanonsata kulleenna bare gumulantino.

Ledote mashalaqqera linke xiibbine e'e.
https://www.facebook.com/profile.php?id=61565827546873

Spoorte xaadooshshenna baxille hattono eo halashshate jawiidi qeecha afidhinota" Aliyye Sidaami zoone qaru gashshaanchi ...
25/08/2026

Spoorte xaadooshshenna baxille hattono eo halashshate jawiidi qeecha afidhinota" Aliyye Sidaami zoone qaru gashshaanchi kalaa Tsaadiqu Baxisohu xawisi

Wondo gennetete quchumi gashshooti mootimmate kominikeeshiine hajubba borro mine.
Woxawaajje 19/2018M.D wondo gennete.

Aliyye Sidaami zoone Wondo gennetete quchumira gutu spoorte meessi keeranchimmara yaanno massagote qaalinni faajjetenni hanafisiinsoonni

Barete leelle sokka saysinohu Zoonete qaru gashshaanchi kalaa Tsaadiqu Baxisohu hasaawa assanni "spoorte babbaxxino taraabbannokki xisso gargarate noose qeechi addinta jawa ikkase kule, baalunku qansichi spoorte loosa budesi assira hasiissanno" yiino.
Ledote mashalaqqera linke xiibbine e'e.
https://www.facebook.com/profile.php?id=61565827546873

2kki doyicho 100 barri mixo noo deerra keeno assini. Woxawaajje 18/12/2018M. DWondo Gennetete Quchimi Gashshooti Mooti...
24/08/2026

2kki doyicho 100 barri mixo noo deerra keeno assini.

Woxawaajje 18/12/2018M. D
Wondo Gennetete Quchimi Gashshooti Mootimmate Kominikeeshiine hajubba Bo/Mine.wondo gennete.

Qoqqowu deerrini hananfoonnita daga horaameette assate mixo eela dirrase buuxo assa hasiissannotanna mixote garinni loossa loosamase buunxanni massaga hasiissannota bare massagginnori wondo gennetete quchumu gashshooti jireenyu paarte sinu borro mini sooreessa kalaa Huseeni Kedirihunna polotiku handaari sooreessi kalaa Mekonnini mengeshiho.

Quchumu deerrini millimillotenni massanganni ajandubba bandoonniti baala mixante eela dirritinoha ikkanna loossa hendoonni garinninna hansoonni guma abbitanni nooro yanna yannatenni keennanni hara hasiissannota huwachishino.

Barete quchumu xaphooma massagaanonna babbaxitino borro minna ogeeyye leeltinnoha ikkanna loossa baala illacha tunge massagana loosa hasiissannota xawinsoonni.

Ledote mashalaqqera linke xiibbine e'e.
https://www.facebook.com/profile.php?id=61565827546873

Doorantino hayissote sircho saadatewiinni afi'nanni laalchi luphimara'' yaanno uminni Hayissote kayisho doorammo dargira...
19/08/2026

Doorantino hayissote sircho saadatewiinni afi'nanni laalchi luphimara'' yaanno uminni Hayissote kayisho doorammo dargira kayinsoonni.

Woxawaajje 13/12/2018M.D
Wondo gennetete quchumi gashshooti mootimmate komunikeeshiine hajubba borro mine.

Aliyye sidaami zoone wondo gennetete quchumi gashshooti saadate jiro latishshi borro mini woyyaabbino hayissote sirchi kaysho 2019 bajetete diri faajjetenni hanafisiisate bare harisi.

Dargaho leelle hasaawu afiifa'no assinohu wondo gennetete quchumi Amaalete mini qaru sogaafichi ayirradu kalaa Mariqoosi Sh*ttiha ikkanna baalanti massagaanonna qaddo saada ce'e galtino teessaano noowa cuuko 01 olliira woyyaabbino hayissote kaysho dooramino baychira kayinsoonni.

Kayshu hasiishshi wayyaabbino saadate sircho hardisatenna saadatewiinni afi'nanni laalcho halashshate ikkase ayirradu qaru songaafiichi kalaa Marqoos Sh*ttihu huwachiishino.

Saadate jiro borro mini sooreessi kalaa Deressu Daggifehu hayissote kayishi sufanoha ikkasi xawise techo ninke assinoomohu dagate leelishshate geeshshira ikkanna dagano maatetenna jireenyu mittimma buuxisate saadate hayisso sircho wayyaawinoha kayisira hasiissano yiino.

Xaphooma Hayissote kayisho guuratenni fulte dooramino dargira kayisatenni, Aanteteno hallanyuno uurrinshubbano ikkito mootimma wortano raginni horonsi'ne horaameeyye ikka busulle ikkase xawise hasaawasi gumulino.

Ledote mashalaqqera linke xiibbine e'e.
https://www.facebook.com/profile.php?id=61565827546873

2019M.D umikki doycho xibbu barri mixo giddo illacha tunge loonsanni loossa wondo gennetete quchumu gashshooti faajje as...
12/08/2026

2019M.D umikki doycho xibbu barri mixo giddo illacha tunge loonsanni loossa wondo gennetete quchumu gashshooti faajje assi.

Woxawaajje 06/12/2018 M.D
Wondo gennetete quchumi gashshooti mootimmate komunikeeshiine hajubba borro mine, wondo gennete.

Aliyye sidaami z00ne wondo gennetete quchumi gashshooti 2019 diri umikki doycho 100 barrinni baxxino illacha tunge jeefinsanni qara qara mixo wo'ma massagaano noowa faajje xawisi.

Dargaho leelte barre massaginori sidaamu dagoomu qoqqowi quchumu pilaane qara instituutete sooreessi kalaa Tegenu Taadele, Aliyye sidaami zoone miinju handaari biddishi sooreessi kalaa Daniel Deressuhunna wondo gennetete quchumi qaru kantiibi injineeri Temesgen Terrefehu ikkitanna insano skkonsa aanano garinni sayisino.

Sidaami gede sau yannara assinoonni sidaama sorraate gaadi yannara abbinoonni gumi addinta naaxxisiisannoha ikkasinni taayixe 100 barri mixo giddo amandoonni loossa illacha tunge loonse guma maareekka hasiissannota kalaa Tegenu Taadelehu xawisinno.

Wondo gennetete quchumi qaru kantiibi injineeri Temesgeen Terrefehu xibbu barri mixo umikki doycho illacha tungoonni hajubba aana baalanti massagaano hashsha barra yitu ikkiinni kaajjilunni loosa hasiissanota xawisino.

Tenne mixora kaima ikkihu sa'u yannara daga paartenkera uuyitino jawu baychi addintanni hanbanni ikkiha ikkasi kaiminni tenne dagara latishsha loosatenni kaseenya buuxisiisa hasiissano daafiraati yiino.

Xibbu barri loosi giddo balaxo uyiine loonsanni loossa sanadetenni irkinse shiqinshooniha ikkanna sanade shiqishinohu wondo gennetete quchumi gashshooti Ijireenyu paarte polotikunna dhuku dhaabbanyoti handaari sooreessi kalaa Mokoninni Magashiha ikkanna:

Illachuwa..
Korderete looso,turiizimete looso, dikkonna daddallu loossa, saaddate kilinike,industurete loossa,hosipitalete owaantenna xaggate shiqqo,kaa'lammo insheetubba hattono, dikko geisate noo injo baala horonsira ikkitanna kuri illacha tunge xibbu barri giddo lifinxetenni massange gundanire

Korderete looso,turiizimete looso dikkonna daddallu loossa, saaddate kininike,industuretenni loossa,hosipitalete owaantenna xaggate shiqqo,kaa'lammo insheetubba hattono, dikko geisate injo kuri illacha tunge xibbu barri giddo lifixetenni massange gudanire ikkase xawisino.

Xaphooma mixo garunni jeefo gantanno gede baalunkura uyinoonisi yawo garunni gumulsiissate gadacho noosi yinoonni.

Ledote mashalaqqera linke xiibbine e'e.
https://www.facebook.com/profile.php?id=61565827546873

Woyyaawino rosu guma maareekkisiisate baalunku halamme hasiissanota wondo gennetete quchumu gashshooti xawisi.Woxawaaje ...
07/08/2026

Woyyaawino rosu guma maareekkisiisate baalunku halamme hasiissanota wondo gennetete quchumu gashshooti xawisi.

Woxawaaje 01/12/2018M. D
Wondo gennetete quchumi gashshooti mootimmate komunikeeshiine hajubba borro mine.Wondo gennete

Aliyye sidaami zoone wondo gennetete quchumi gashshooti Rosu minna borro mini 2028M.D Rosu diri loosu jeefishshi keenonna 2018 bajeetete dirita loosu jeefonna 2019 bajeetete diri mixote qixxaawo lainohunni millimillote ba're harinsi.

Dargaho leelle afiifa'note hasaawa assinohu wondo gennetete quchumi gashshooti 2kki kantiibinna mazegaajju borro mini sooreessi kalaa Zerfu Hayissoha ikkanna isino sokkasinni,heewisamaano rosaano kalaqate mootimma illacha tugge loossanni afantannota xawisino.

Rosu Minna Borro Mini sooreessi kalaa Sixooti Bashaatihu rosaano dancha guma mareekitanno gede deerru deerrunkunni afantanno bissa mootimmate anga calla la'a ikkitu ikkiinni rosanna rosiisate injo kalatate jiro gamba assanna daaimu hoshsho rosi mininni kayse aliidi dirimi geeshsha rosaanote injinoha assa hasiissanotano huwachiishshino.

Wole rosu minnara noota wirro biifisate gatamarshu loossa loosa hasiissanota xawise qoxeessa illete biife dancha hexxonna ajuujja halashirate qooxxeessu biinfi'li qara baycho amadanotano kulino.

Konni dirirra 22,338 rosaano daaimu hoshsho rosinni kayse 12kki kifile geeshsha mareekantano yine mixi'ne loonsanni hee'noonita rosu minna borro mini sooreessi xawisino.

Ledote mashalaqqera linke xiibbine e'e.
https://www.facebook.com/profile.php?id=61565827546873

ወንዶ ገነት ከተማ አስተዳደር የሕዝብን የመልማት ፍላጎት ለመመለስ እየተከናወኑ ካሉት የልማት ሥራዎች መካከል:-
06/08/2026

ወንዶ ገነት ከተማ አስተዳደር የሕዝብን የመልማት ፍላጎት ለመመለስ እየተከናወኑ ካሉት የልማት ሥራዎች መካከል:-

Dagate uyinanni owaante lifixa assate illacha tunge loonsanni hee'noonita:- Ayirradu kalaa Abirhaam Maarshallohu xawisi...
06/08/2026

Dagate uyinanni owaante lifixa assate illacha tunge loonsanni hee'noonita:- Ayirradu kalaa Abirhaam Maarshallohu xawisino.

Maaja 29/2018M.D
Wo/Ge/Qu/Ga/Mootimnate komunikeeshiine hajubba borro mine.
Wondo gennete.

Sidaamu Dagoomu Qoqqowi Mootimma, Aliyye sidaami zoone wondo gennetete quchumi gashshootira loonsonni addi addi latishshu loosanna masoowe mittu mereeshi ijaari dagate owaante uynanni baychi iillinno deerra sidaamu dagoomu qoqqowi jireenyu paarte sinu borro mini sooreessi ayirradu kalaa Abirhaam Marshallohunni massagantanno gaamo towaanyo assittu.

Sidaamu Qoqqowi jireenyu paarte sinu borro mini 2018 bajeetete diri loosu jeefo xaphishshi bare harisirinnoha ikkanna paarte sa'u yannara dagate owaante uyinanni amanyooti lifixa ikkanno gede illacha tugge loossanni keeshsh*tinnota xawise loonsoonni loossa eela dirrine towaatate amanyootino barete mitto biso ikkasi xawinsoonni.

Towaanyote yannara qoqqowu aliidi massagaano,Aliyye sidaami zoone qaru gashshaanchi aliyye shoolente zoone paartete mereershi massagaano,hawaasi quchumi paartete mereershi massagaanonna hattono addi addi woradanna quchumma paartete mereershi massagaano noowa ikkasi xawinsoonni.

Wondo Gennetete Quchumira loosantanni afantannoti latishshu loossa wolootta quchummuranna woraddara lawishsha ikkitara dandiitannota ikkasenna kowiichnni rosicho adhine woyyaabbinno qooxeessa kalaqate massagaano murcira hasiissannota kayinsoonni.

Quchunma pilaanete wodho agadhino garinni dagate ledo halamatenni fakkanna xintu latishshi loossa loonsoonnita wondo gennetete quchumi qaru Kantiibi injineeri Temesgen Terrefehu huwachiishshino.

Quchumu giddo haammata xintu latishshi loossa loosantanni afantannoha ikkanna mesoobi mereershi,koriderete loosi,fayyimmatenna rosu loosi hattono dagate qarra ikkite keeshsh*tinnoti babbaxitinno giddooyidi doogga fanate loosi kaajje sufe noota injineer Temesgen Terrefehu xawisinno.

Baalanti bissa loonsoonni loossa lekkatenni doyte lainoha ikkkanna xaano.

Ledote mashalaqqera linke xiibbine e'e.
https://www.facebook.com/profile.php?id=61565827546873

"Hexxo kayinso" yaano kaiminni gobbate deerrinni assinanni haanju harumi kaayishshi loosi Wondo Gennetete Quchumira iibb...
03/08/2026

"Hexxo kayinso" yaano kaiminni gobbate deerrinni assinanni haanju harumi kaayishshi loosi Wondo Gennetete Quchumira iibbino garinni harinsi.

maaja 27/11/2018M.D.
Wondo Gennetete Quchumi Gashshooti Mootimmate Komunikeeshiine Hajubba Borro Mine.

Chiginyete kaayishshi amanyootira leelle hanafisiisinohu Aliyye sidaami zoone jireenyu paarte sinu borro mine tantanote handaari sooreessi Ayirradu kalaa Teshoome Nahoomiha ikkanna gobbate gede jawa illacha tunge loonsanni hee'noonni loossa giddo mitto ikkinnoha haanju harumi looso gobbate deerrnni 800,000,000 (sette xibbe miiloone) chiginye kaayinsanni barrira hawalle iillishi'ne yee kaayinseemmo chiginye ga'a ilamara latyinno gobba ragisiisatenna aantete kalqete ayyerete gade soorramme gargadha dandiitanota ikkase xawisinno.

Quchumunnihu Qaru Kantiibi ayirradu injineer Temesgeni Terrefehu kalaqamu akatinke Yanna yannatenni kalaqantanno ayyerete gade soorramanni moolle gargarate haanju harumi jawa horo afi'rinota kule Mulqantino baatto marro latisatenni ayyerete gade soorro gargara baalunkuwinni agaranni looosoti yiino.

Quchumu deerrinni babbaxino baayicho haanju harumi loosi kaajje sufe afamannota dargaho leelline buuxa dandiinoonni.

Ledote mashalaqqera linke xiibbine e'e.
https://www.facebook.com/profile.php?id=61565827546873

Address

Wondo Genete
Wendo

Website

Alerts

Be the first to know and let us send you an email when Wondo Gennetete Qu/ Ga/Mo/Ko/Ha/Bo/ Mine.የወንዶ ገነት ከተማ አስ/የመንግስት/ኮሙ/ጉ/ጽ/ቤት posts news and promotions. Your email address will not be used for any other purpose, and you can unsubscribe at any time.

Shortcuts

Share

Category