جندوبي و رأسي عالي

14/08/2026

السيد وزير الصحة نحب اذكرك بلقاءك بالسيد رئيس الجمهورية اش قالك و هذا الكلام موجه ايضا الي السيد وزير التعليم العالي
أكّد رئيس الدّولة على أنّ المقدّمة الطبيعية الأولى لتحقيق مطالب الشعب التونسي في كلّ الجهات اذا السادة الكرام مطلب الجنادبة هو رجعو لنا حقنا و تتمثل في كلية الطب و شكرا
راه حقنا باش ترجعوه موش مزية

12/08/2026

المسؤولين الا عندك لا عندهم حس المسؤولية و لا والو ايا سيدي الكريم هبطت فيديو المرة الا فاتت علي الروقارات مسدودين و الأوساخ الا البلدية في عوض تنطف أصبحت هي الا تكدس في الأوساخ و هاو كل شيء قدامك
انت يا سيد المدير الجهوي للتجهيز ياخي خدمة كعور دز اللعور بعثت جماعتك زعمة زعمة نحو الماء اما خلو الروقارات مسدودين و هاو كل شيء قدامك اخدم خدمتك و الا برا شد دارك سيب عليك من المسؤولية
السيد كاتب عام بلدية جندوبة شنية ها الكدس انتاع الأوساخ هذا ياخي حي هذا او كوري و بعد دجي اطالب المواطنين بدفع الزبلة و الخروبة نحب نسألكم يا هل تري ترضو هذا دياركم
السيد معتمد جندوبة الشمالية من المفروض انت المسؤول الأول علي الحي موش معقول الا قاعد يوصلني المسؤولية راهي أمانة عطهالك ربي سبحانه وتعالى لازم ان تكون قد المسؤولية
#السيد والي جندوبة هاو وين وصلنا من المسؤولين الا شادين البلاد سيدي الكريم نحب نعلمك الا عمدة الملجا الكحلة بعث ميساج مع زوجة السيد الا صور قال لها بالحرف الواحد راجلك اتبع في ولد خليفة قلو سيب عليك راه المعتمد عمل اجتماع او باش يعمل عليه اجتماع سيدي وصلنا الي التهديد راه المواطنين من حقهم اوثقو كل شيء ملا كيفاش باش نصلحو البلاد و تنظاف موش بالتهديد و التعطيلات
في الأخير نحب نوصل ميساج الي اي مسؤول راه ولد خليفة لكم بالمرصاد و اي حاجة توصلني راني باش نفضحكم قف انتهي

11/08/2026

سأظل كما انا
سأظل كما انا صوت الحق و صوت ولايتي جندوبة العزيزة علينا
ساندتني او ما تساندنيش سأظل كما انا احارب علي حق ولايتي جندوبة العزيزة علينا
سأظل كما انا شوكة في حلق كل مسؤول فاسد و يريد تعطيل مصالح ولايتي جندوبة العزيزة
سأظل كما انا لا أخاف الا الله سبحانه وتعالى مهما كان منصبك
سأظل كما انا لا أتراجع و لا استسلم كلفني ما كلفني
@الا ربتو الصيودة و عاشر الذيوبة ما تلعبش بيه القرودة
مواصل ان شاء الله مازل قدامنا عمل كبير في جميع القطاعات
لازم ارجعو حقوق جندوبة الا سرقوها منا بدينا بالمستشفى الجامعي و البقية بقدرة ربي سنحققه و يرجع الا تسرق منا

11/08/2026

11/08/2026

بعد زقفوني الا قال لا نحبو ماء و لا نحبو ضوء نحبو قيس سعيد 2029 اجي دور زقفوني اخر قال بعد ربي سبحانه قيس سعيد انت روحي و أملي و شرفي هههههههههه هههههههههه

11/08/2026

#السيد وزير الصحة
#السيد والي جندوبة
المستشفى الجامعي بجندوبة مكسب كبير اما موش بمدير عام كيف المفتش كولومبو ضايع فيها ما ينجم يحكم في حد، المستشفى الجامعي موش بادارة تعيسة تعطل في الخدمة، موش باداريين ما يعرفوش يخدموا الصفقات، موش بقسم شراءات مايعرفش يخدم خدمته، موش بقسم مالية ما فاهمين شي ونهار كامل وهو ما فاصعين، موش بقسم صيانة مافاهم اليمين من اليسار وتحبوا السبيطار تتحسن الخدمات والضو ما يقصش خمسين مرة في النهار واعوان التسجيل معطلين الدنيا والدين والي تمسه تسمع المنطق العادم و السكانار نهار يخدم وعشرين لا على كيف الاعوان .و تحكوا على الرقمنة ومولا الريزو نهار كامل وهو فاصع والسيد المدير والمدير الجهوي لا حول لهم ولا قوة.
يا سيد الوزير المستشفى الجامعي بجندوبة يلزم ادارته تتفور بكلها موش فقط تنحي المدير يلزم الكل يتنحوا و يتحاسبوا . يا سيد الوزير هاذوما ناس ماتحبش تخدم ناس تاخذ في شهريات بدون مجهود ناس تعطل في الخدمة رزق البيليك تمركي نص ساعة خدمة والباقي في البيفات والا في ديارها. المستشفى الجامعي بجندوبة يلزمه مدير صاحب قرار يعرف يتصرف موش مفتش يتفلسف بارك في بيروه ومعمل على ناظرة عامة متمسمرة قدام الكاميراوات في بيرو تتنعم بالكليماتيزور هي والحاشية متاعها ومسيبة الماء على البطيخ وكي يمشي المواطن يشكيلهم يطردوه.المستشفى الجامعي يلزمه نظار فاهمين الخدمة موش يتستروا على اعوان تقسم في الوقت نهار يخدم ونهار لا و اعوان تخدم قارد و تروح تبات في ديارها ولا حسيب ولا رقيب . النظار العامين في مستشفى جندوبة مهمتهم التحليق في البيروات والا فوق كليماتيزورات الميداني لا يهمهم في خدمة ولا في مواطن جاي يشكيلهم . النظار يتستروا على الفاسدين من الاطباء والفراملة والعملة خاطر يستقاتوا مع بعضهم خاطي الكادوات والهدايا والسيد المدير في باله وعامل مولى الدار موش هنا. النظار لا مستوى ولا خبرة اغلبهم حطوهم بالمحاباة والقوادة اما اصحاب الخبرة والعمل الميداني جمدوهم .
#السيد وزير الصحة، مستشفى جندوبة الي كان شاده بشير النخلي وعبد الرزاق البلالي ومنير المناعي يستاهل مدير عام يملا بلاصطه موش المفتش الي يسلك في اموره بالسيف بالقعدات في القهاوي والتستر على الاصحاب والمعارف.
#المستشفى الجامعي بجندوبة يستاهل ما خير
#مسؤول بلا قرار يشد الدار
#جندوبة تستاهل مسؤولين ما خير
#صفحة جندوبي و رأسي عالي

10/08/2026

أعطينا حقنا ماكش باش تعمل علينا مزية الكلية مبرمجة من عهد الرئيس السابق بن علي الله يرحمو العقار موجود و كل شيء متوفر اذا المشروع تم برمجته موش حاجة جديدة

10/08/2026

الله اكبر الله اكبر الله اكبر انا لله وانا اليه راجعون انتقلت الى رحمة الله اليوم الإثنين 10/08/2026 بنت حومتي جميلة عمت طارق/وليد/معز/ و الأستاذ لطيف العبيدي مقيمة بباريس نسأل الله أن يرحمها ويغفر لها ويسكنها فسيح جناته يارب العالمين الله يرحمك خالتي جميلة و ربي اصبر عايلتك و احبابك
احبابي ندعو لها بالرحمة والمغفرة جزاكم الله خير الجزاء
اللهم اغفر لها وارحمها، وعافها واعف عنها، وأكرم نزلها، ووسع مدخلها، واغسلها بالماء والثلج والبرد و أجعل ماواها الجنة يارب العالمين

09/08/2026

ياخي نحب نسأل الشتاء صبت في جندوبة و الا شنية و السيد الا عندو مواد البناء ياخي هذا فوق القانون و الا شنية فهمونا رانا ما فهمنا شيء الصورة قدامكم و بدون تعليق

09/08/2026

شكرا لصاحب الصفحة الملجا الكحلة souvenir و ايضا المشرفين عليها ربي يحفظكم و هذا واجبنا و ما عدناش مزية علي جندوبتنا الغالية

شكرا أنيس ولد خليفة شكرا شكرا شكرا
و قل اعملوا فسيرى الله عملكم و رسوله و المؤمنين
بفضل الله و بحمده اسندت اليوم الصبغة الجامعية للمستشفى الجهوي بجندوبة 👌👌👌
و هذا بفضل العديد من الجهود لكن أبرزها و أكثرها انتماء و دفاع بشراسة و من دون حسابات هو خونا و ولد حومتنا الملجة الكحلة انيس العيادي او انيس ولد خليفة ❤️❤️❤️
بارك الله فيك انوس على كل ما تبذله و كل التضحيات في سبيل الدفاع على المكاسب و المواطنين في ولاية جندوبة