26/07/2026
برادرِ عزیز ملک عمران خلیل کو پاکستان تحریکِ انصاف یوکے کے انٹرا پارٹی الیکشن میں دوبارہ صدر منتخب ہونے پر دلی مبارکباد۔
ملک عمران خلیل میرے دیرینہ ساتھی ہیں۔ انہوں نے ہمیشہ چیئرمین عمران خان کے نظریے، آئین کی بالادستی، جمہوریت، انسانی حقوق اور انصاف کے لیے ثابت قدم ہو کر آواز بلند کی ہے۔ پاکستان میں ہونے والی ناانصافیوں، سیاسی کارکنوں پر جبر، اوورسیز پاکستانیوں کے ساتھ روا رکھے جانے والے ناروا سلوک اور عمران خان سمیت دیگر سیاسی قیدیوں کے حقوق کے لیے وہ مسلسل متحرک رہے ہیں اور برطانیہ میں احتجاجی تحریکوں میں بھرپور کردار ادا کرتے رہے ہیں۔
اپنے والد محترم کے انتقال کے موقع پر بھی پاکستان نہ جا سکنے کی اذیت کے باوجود انہوں نے حق اور انصاف کی آواز بلند کرنا نہیں چھوڑا۔
مجھے یقین ہے کہ آپ اپنی نئی ذمہ داری میں بھی اوورسیز پاکستانیوں کو مزید متحد کریں گے، پاکستان میں ظلم، ناانصافی اور انسانی حقوق کی خلاف ورزیوں کے خلاف مؤثر آواز اٹھاتے رہیں گے، اور پی ٹی آئی یوکے کو مزید مضبوط اور فعال بنائیں گے۔
اللہ تعالیٰ آپ کو مزید استقامت، کامیابی اور عزت عطا فرمائے۔ آمین۔
