British National (Overseas)affirmative action 英國國民(海外)平權運動

17/02/2026

10/02/2026

BNO 平權個群 刪左？？

09/12/2025

呢篇應該係跌followers 文
不過都係個句 啱用就share

1. 最近幾篇文都有藍絲share去藍絲群，如果我冇留意錯的話，應該係被藍絲群主極速delete。理由好簡單，因為我幾篇文都係叫人思考，其中一篇更係教人如何思考。

2. 領導⁠藍絲嘅人最怕藍絲識思考，但唔好以為呢樣野只適用於藍絲。Inconvenient truth is ，所有喺管理層面嘅人都怕被管治嘅人突然識得思考。

3. ⁠如果有睇過The Secret 嘅朋友，應該有講點解秘密叫秘密。因為吸引力法則係被管理階層嚴禁流傳出去嘅概念。唔講太虛嘅嘢，就如67暴動後，英政府對A-level大幅改革，就係要青年人專注於學業，無時間去諗其他嘢。

4. ⁠英國美國，就連中國都一樣，多角度思考嘅課堂，都只會在私校同貴族學校出現。

5. ⁠咁有人問，點解唔要全民進步，咁管治者都會冇咁辛苦。要知道，law of attraction 也好，思考方式也好，財富也好，全部都只係一套工具。用途結果嘅好壞，全賴於掌管工具嘅人手中。

6. ⁠民主自由當然同樣道理。不管英政府也好，中共政府也好，對港政策一直都係用愚民統治方式。長期灌輸TVB劇情俾大眾。

7. ⁠The Art of Reasoning 其中一課講思考，內容大概係講所謂嘅電視劇邏輯會唔會喺現實世界出現。如果認真留意身邊大小事，往往發現電視劇邏輯與現實世界邏輯並不一致，但人類行為會傾向相信電視劇邏輯。

8. ⁠耳聽未為實，眼見未為真。警匪片宮廷劇薰陶加上內鬥基因強烈，呢兩句話演變成一種每個人都可以係間諜，每個人都有可能被間諜利用嘅價值觀。

9. ⁠喺開始推動平權時我講過，平權第一關不是什麼政府，而係香港人。

10. ⁠我多次強調，我不喜歡靠攏任何立場。接觸並不等於支持。而我嘅立場就係由我一步一步行出嚟嘅路。

11. ⁠喺我DOVC同HKPCIC群組內，多次講過，人生中，只有知識不會背叛自己。人要保持謙虛，就要不停學習，得到嘅知識愈多，就愈知自己知得愈少，選擇亦會愈多。

12. ⁠因此，我哋經常強調，平權係一個提高民智嘅過程。並非香港人唔叻，而係一直以來，香港人都係愚民政策下成長，睇間諜戲長大。因為平權係一個英國政府唔想大家思考範圍內嘅選擇，停止內鬥係中共政府最害怕見到嘅事。

13. ⁠我反對嘅事就係大眾一直所追隨嘅事，例如無意義嘅聯署及浪費資源嘅遊行。我認為要做嘅係現有聲音最唔想大家做嘅事，就係反思究竟一直以來，香港民主歷程喺邊個位行錯路，會唔會曾經有一個或多個選擇係會令今日嘅局面唔同。

14. ⁠呢個時間，無論身在何處嘅香港人，應該思考嘅係香港人應如何走下去。

15. ⁠當知道自己想要咩，請放下偏執，睇清楚第一個障礙會係咩，咩人最唔想大家思考平權。我又又又又又重覆，香港人嘅未來建基於我地嘅思考模式是否能趕上時代變遷。

09/12/2025

我哋唔係睇低難民， 有好多難民係非常有經濟能力，我自己都認識幾個。只係如果將BNO同難民放埋一齊講，咁香港歷史就永遠得不到平反。

難民係因為自身安全問題所以在原本國家得不到保障而需要到別國尋找安身之所。

要理解到一個人性定律，當自己未搞掂自己嘅時候，係冇多餘嘅同情心俾其他人，無論人哋幾慘，都同自己冇關。

在反移民浪潮下，尤其係難民問題嚴重情況下，再加上英國人民本身都過得唔多好嘅時候，將BNO移民身份同難民放埋一齊係相當不智。

香港難民問題，對香港人嚟講未必熟悉，因為好多人都難以想像香港人會成為難民。而事實上，的確有香港人因政治問題而成為難民。所以，喺追尋公義角度，並不是將BNO人歸類成難民爭取平等待遇，而係因國籍不平等問題而產生難民問題加而正視。

將BNO移民與難民混為一談，即係將本有問題推向深淵。當難民認為自己水深火熱，隻船沉緊，拉埋bno落水只會沉得更快。

爭取平權，因為我哋知道呢個國籍係制度遺留下來嘅問題。我哋經歷過不同大大小小社會運動，更加了解到民主自由嘅可貴，所以再不懼怕為自己本身應有嘅權利去爭取。

如果BNO真係難民，咁就係英國製造出嚟擁有英國國籍但不被英國接受嘅難民，公道嗎？

06/12/2025

Fool me once, shame on you. Fool me twice, shame on me.

讀完封信，感覺就係，嬲。

“those on the BN(O) visa route will continue to be able to settle in the UK after living here for five years, subject to the mandatory requirements”
將本身consultation paper p.24 copy and paste，咁又有乜意義呢？

Regarding placing the BN(O) route on a statutory footing, …..respond quickly to changing circumstances, …..situation in Hong Kong deteriorated further.
…. flexibility。 呢段咪即係當初我同好多人講，而家所有政黨都會針對移民，所以係時候推平權。而某啲港人組織代表表示不認同，因為認為bno visa只會放寬不會收緊，所以寫入法律就冇左彈性。See，而家係唔係？

即係所有前殖民地護照都受法律保障，難道呢啲國家全部都太平盛世？所以寫入法律保障佢哋有穩定條件渠道係因為呢啲國家全部冇難民問題？

幾十年前賣香港人一次豬仔，可以話係香港人無知，幾十年後你用返同一招？再講，香港狀況再差落去就放寬？你英國政府想見到點差法？個半年報告你有份寫㗎喎，話好咗差咗都係出自你手。定你英國政府想見到人道危機？喂，咪講到個bno visa係你皇恩浩蕩喎，中英聯合聲明你有份簽㗎，唔寫入法律係唔想負責任。

喺移民法律收緊嘅情況下話係因為可以隨時放寬所以唔需要將BNO寫入法律保護？係唔係當香港人唔識字？

如果今次香港人都仲係認為唔應該向政府表達平權訴求，咁只可以話抵華人地位同青山公路樓價一樣。

23/11/2025

22/11/2025

小朋友你有冇BNO 識講粗口 紋身就辦大佬？
https://www.threads.com/.1/post/DLqTR7Lg7nk?xmt=AQF0blRDTVLqPjoPodlWxFwO6C1XlnXxzIW5_F83pIIf6GTvqFtlraXyNB1nRT3V2iVDVoc&slof=1

12/09/2025

https://gofund.me/042d7e3c

補充返尋晚第一位朋友嘅分享
有人話睇唔出同平權有咩關係

BNO係英國嘅身份，理應唔受限制定居英國
但尋日故事嘅主人翁 正正因為係揸住移民visa受入境規則限制而被警告唔好搞大件事 否則會影響到佢定居入籍

第二個故事 :
我移居英國半年後，第一次自己去旅行。
回程返嚟入境時，見到個牌寫住「本地居民可以用e道」，我哋BNO又話有齊啲生物電子技術，平時都講BNO係British，所以我就照排e道。

嗰陣fail咗兩次，有個好好嘅職員話我去人手counter，點知一去到，海關第一句就話：「BNO唔係British。」
我當下其實好嬲，但我無嘈，只係心入面覺得好唔舒服。

網上成日有人講，話啲海關會講「Welcome home」，我都好期待自己有一日會聽到。
但原來第一次入境，就被一個人破壞咗個期待，嗰種失望真係講唔出口。