18/11/2025
سیدنا الامام علی فرماتے ہیں میں نبی اکرم ﷺ کے ساتھ مدینہ کے بعض راستوں پر چل رہا تھا کہ ایک باغ آیا۔ میں نے عرض کیا: ’’یا رسول اللہ ﷺ! کیا ہی خوبصورت باغ ہے!‘‘
آپ ﷺ نے فرمایا: ’’کیا خوبصورت ہے؟ بلکہ تمہارے لیے جنت میں اس سے بھی بہتر باغ ہے۔‘‘
پھر ہم دوسرے باغ پر پہنچے۔ میں نے پھر عرض کیا: ’’یا رسول اللہ ﷺ! کیا ہی اچھا باغ ہے۔‘‘
آپ ﷺ نے فرمایا: ’’جنت میں تمہارے لیے اس سے بھی بہتر ہے۔‘‘
یوں ہم سات باغوں کے پاس سے گزرے۔ میں ہر بار عرض کرتا رہا: ’’کیا ہی حَسین باغ ہے۔‘‘
اور آپ ﷺ ہر بار فرماتے: ’’تمہارے لیے جنت میں اس سے بہتر ہے۔‘‘
جب ہم راستے سے ہٹ گئے تو رسول اللہ ﷺ نے مجھے اپنے سینے سے لگا لیا اور رونے لگے۔
میں نے عرض کیا: ’’یا رسول اللہ ﷺ! آپ کیوں رو رہے ہیں؟‘‘
آپ ﷺ نے فرمایا: ’’اس بغض کی وجہ سے جو کچھ لوگوں کے دلوں میں تمہارے لیے ہے، اور وہ میرے بعد ظاہر ہوگا۔‘‘
میں نے پوچھا: ’’کیا میرے ایمان میں ثابت قدمی باقی رہے گی؟‘‘
آپ ﷺ نے فرمایا: ’’ہاں، تمہارا ایمان سلامت اور قائم رہے گا۔‘‘
امام حاکم نیشاپوری فرماتے ہیں:
هَذَا حَدِيثٌ صَحِيحُ الْإِسْنَادِ وَلَمْ يُخَرِّجَاهُ
یہ حدیث صحیح الاسناد ہے لیکن امام بخاری اور امام مسلم نے اس کو نقل نہیں کیا ۔
امام ذہبی نے بھی تلخیص میں اس حدیث کو "صحیح قرار دیا ہے
المستدرک علی الصحیحین، حدیث نمبر : 4672
مجمع الزوائد، ج 9، ص 118، حدیث نمبر: 14690.
المسند أبی یعلی الموصلی، ج 1، حدیث نمبر : 565.
المعجم الكبير للطبرانی، ج 11، ص 60، ح 10923.
البزار، البحر الزخار، حدیث نمبر : 647.
المطالب العالية، ج 4، حدیث نمبر : 4032.
عَنْ أَبِي عُثْمَانَ، عَنْ عَلِيِّ بْنِ أَبِي طَالِبٍ، قَالَ: بَيْنَمَا رَسُولُ اللَّهِ صَلَّى اللهُ عَلَيْهِ وَسَلَّمَ آخِذٌ بِيَدِي، وَنَحْنُ نَمْشِي فِي بَعْضِ سِكَكِ الْمَدِينَةِ، إِذْ أَتَيْنَا عَلَى حَدِيقَةٍ، فَقُلْتُ: يَا رَسُولَ اللَّهِ مَا أَحْسَنَهَا مِنْ حَدِيقَةٍ قَالَ: «لَكَ فِي الْجَنَّةِ أَحْسَنُ مِنْهَا»، ثُمَّ مَرَرْنَا بِأُخْرَى فَقُلْتُ: يَا رَسُولَ اللَّهِ مَا أَحْسَنَهَا مِنْ حَدِيقَةٍ، قَالَ: «لَكَ فِي الْجَنَّةِ أَحْسَنُ مِنْهَا»، حَتَّى مَرَرْنَا بِسَبْعِ حَدَائِقَ، كُلُّ ذَلِكَ أَقُولُ مَا أَحْسَنَهَا وَيَقُولُ: «لَكَ فِي الْجَنَّةِ أَحْسَنُ مِنْهَا»، فَلَمَّا خَلَا لَهُ الطَّرِيقُ اعْتَنَقَنِي ثُمَّ أَجْهَشَ بَاكِيًا، قَالَ: قُلْتُ: يَا رَسُولَ اللَّهِ مَا يُبْكِيكَ؟ قَالَ: «ضَغَائِنُ فِي صُدُورِ أَقْوَامٍ، لَا يُبْدُونَهَا لَكَ إِلَّا مِنْ بَعْدِي»، قَالَ: قُلْتُ: يَا رَسُولَ اللَّهِ فِي سَلَامَةٍ مِنْ دِينِي؟، قَالَ: «فِي سَلَامَةٍ مِنْ دَيْنِكَ»
