Cyngor Abertawe

Cyngor Abertawe Tudalennau Facebook swyddogol Cyngor Abertawe. Un o awdurdodau lleol gorau’r DU – Gwobrau LGC 2025.

Gellir rhwystro pobl sy'n postio gwybodaeth niweidiol, anghywir neu gamarweiniol, sbam neu sy'n trolio'n sarhaus. Darllenwch ein telerau defnydd cyfryngau cymdeithasol www.abertawe.gov.uk/teleraucyfryngaucymdeithasol

I adrodd am broblem fel casgliad ailgylchu a gollwyd, bin sbwriel llawn neu dwll yn y ffordd y mae angen ei atgyweirio, gwnewch hynny ar-lein yn https://www.abertawe.gov.uk/adrodd

M

ae gennym amrywiaeth o swyddi ar gael yn https://www.abertawe.gov.uk/swyddi

Gallwch ddod o hyd i'n tudalen Facebook Cymraeg yn www.facebook.com/swanseacitycouncil

Mae gwirfoddolwyr yn greiddiol i raglenni cymorth yr haf Abertawe, ac wrth i Wythnos Gwirfoddolwyr ddechrau, mae Cyngor ...
01/06/2026

Mae gwirfoddolwyr yn greiddiol i raglenni cymorth yr haf Abertawe, ac wrth i Wythnos Gwirfoddolwyr ddechrau, mae Cyngor Abertawe'n cydnabod y gwahaniaeth maen nhw'n ei wneud ar draws y ddinas.

Mae eu cefnogaeth yn helpu i ddarparu popeth o weithgareddau'r gwyliau ar gyfer plant a phobl ifanc i ddarpariaeth bwyd mewn argyfwng i'r rheini y mae arnynt ei angen fwyaf.

Heb eu hamser, eu hymrwymiad a'u gwybodaeth leol, ni allai llawer o'r gwasanaethau hyn weithredu.

Fel rhan o'i ymgyrch , mae Cyngor Abertawe wedi sicrhau bod bron £700,000 ar gael mewn cyllid grant i helpu grwpiau gwirfoddol a sefydliadau cymunedol i ddarparu bwyd a gweithgareddau dros yr haf.

Mae ceisiadau'n parhau i fod ar agor, ond anogir sefydliadau i wneud cais yn fuan, gyda'r dyddiad cau ar 8 Mehefin.

Mae'r cyllid yn cefnogi ystod o gynlluniau, gan gynnwys darpariaeth bwyd yn ystod gwyliau'r ysgol, cymorth bwyd brys a gweithgareddau sy'n hyrwyddo lles, cynhwysiant a chysylltiad cymunedol i blant, pobl ifanc a phreswylwyr hŷn.

Mae llawer o'r sefydliadau sy'n elwa o'r cyllid yn dibynnu'n drwm ar wirfoddolwyr. Un o'r rhain yw Banc Bwyd Abertawe, sy'n darparu bwyd mewn argyfwng a lle croesawgar i bobl sy'n wynebu caledi ar draws y ddinas.

Meddai Kristina Williams o Fanc Bwyd Abertawe, "Roedd ein gwirfoddolwyr wedi pacio bwyd ar gyfer dros 11,500 o bobl a oedd yn wynebu caledi y llynedd. Roeddent wedi rhoi o'u hamser i groesawu pobl, gwneud paned o de, gwrando a helpu gyda chymorth ymarferol. Mae Banc Bwyd Abertawe'n ddibynnol ar wirfoddolwyr sy'n rhoi eu hamser a'u gofal i wneud gwahaniaeth yn eu cymuned leol. Rydym yn ddiolchgar iawn; allwn ni ddim gwneud heboch."

Mae Banc Bwyd Abertawe'n gweithredu canolfannau mewn ardaloedd sy'n cynnwys Clydach, Port Tennant, Gorseinon, Mayhill, Penlan ac Uplands. Mae gwirfoddolwyr yn cefnogi ystod eang o rolau, o bacio parseli bwyd a didoli rhoddion i groesawu pobl i ganolfannau banc bwyd a helpu i'w cyfeirio at wasanaethau lleol eraill.

Mae Cyngor Abertawe'n annog mudiadau gwirfoddol, grwpiau cymunedol a phartneriaid lleol sydd â phrofiad o weithio mewn cymunedau i wneud cais am grantiau'r haf. Mae cyllid ar gael i sefydliadau sefydledig a grwpiau llai sydd â chysylltiadau lleol cryf.

Mae'r fenter yn rhan o weledigaeth y cyngor i gefnogi ein cymunedau drwy'r argyfwng costau byw.

Mae manylion llawn am gymhwysedd, meini prawf a sut i wneud cais ar gael yn www.abertawe.gov.uk/granthafLlawnLles2026.
Rhaid i sefydliadau gyflwyno ceisiadau erbyn 8 Mehefin.

🌍 Lansio Strategaeth Addasu i'r Hinsawdd Abertawe - tocynnau am ddim ar gael nawrMae newid yn yr hinsawdd yn digwydd yma...
01/06/2026

🌍 Lansio Strategaeth Addasu i'r Hinsawdd Abertawe - tocynnau am ddim ar gael nawr

Mae newid yn yr hinsawdd yn digwydd yma yn Abertawe - ac rydyn ni'n cymryd camau gweithredu.

Ymunwch â ni ar gyfer lansiad Strategaeth Addasu i Newid yn yr Hinsawdd Abertawe Gydnerth ar 9 Mehefin, 2pm-4pm yn Y Storfa.

Lluniwyd y strategaeth hon gan bobl ar draws Abertawe - os ydych chi wedi bod yn rhan o hyn, dewch i weld y fersiwn derfynol.

🎬Bydd yn cynnwys dangosiad o'r ffilm Briffio Argyfwng Cenedlaethol
🤝Cewch glywed gan bartneriaid lleol ac am yr hyn sy'n digwydd yn awr a’r hyn fydd
yn digwydd nesaf
💬Gallwch ofyn cwestiynau a chael rhagor o wybodaeth

Nifer cyfyngedig o leoedd sydd ar gael - archebwch docyn am ddim nawr 👇

Mae unedau Cyffordd Dyfaty’n agor eu drysau.Ymunwch â ni yn eich man cymunedol newydd ar y Stryd Fawr am ddigwyddiadau g...
01/06/2026

Mae unedau Cyffordd Dyfaty’n agor eu drysau.
Ymunwch â ni yn eich man cymunedol newydd ar y Stryd Fawr am ddigwyddiadau galw heibio agored drwy gydol mis Mehefin.
Dewch i weld yr unedau, cwrdd â’r tîm, mwynhau paned a rhannu’ch syniadau ar gyfer yr hyn yr hoffech ei weld yn digwydd yma.
Dyddiadau galw heibio:
• 10 Mehefin, 10am i 12pm
• 17 Mehefin, 2pm i 4pm
• 23 Mehefin, lansiad swyddogol o 2pm
• 25 Mehefin, 2pm i 4pm
Mae Cyffordd Dyfaty’n rhan o’r prosiect Clirio, Dal, Adeiladu sy’n cefnogi cymuned gryfach a mwy diogel.
Mae croeso i bawb.

❤ Ydych chi erioed wedi rhoi gwaed o'r blaen? Mae Gwasanaeth Gwaed Cymru yn galw ar fwy o drigolion Abertawe i ddechrau ...
30/05/2026

❤ Ydych chi erioed wedi rhoi gwaed o'r blaen?

Mae Gwasanaeth Gwaed Cymru yn galw ar fwy o drigolion Abertawe i ddechrau achub bywydau!

Ewch i https://wbs.wales/SwanseaCouncil i drefnu apwyntiau i roi rhodd sy'n achub bywydau

Rhybudd pwysig i fodurwyrYn ystod y penwythnos gŵyl y banc prysur diweddar, roedd ein meysydd parcio ger traethau Bae Ca...
29/05/2026

Rhybudd pwysig i fodurwyr

Yn ystod y penwythnos gŵyl y banc prysur diweddar, roedd ein meysydd parcio ger traethau Bae Caswell a Bae Langland a'r ffyrdd cyfagos yn llawn cerbydau a oedd wedi’u parcio'n anghyfreithlon ac yn beryglus. Arweiniodd hyn at yr heddlu yn cau ffyrdd i ardal Bae Caswell ar ŵyl y banc ddydd Llun.

Rhoddwyd mwy na 300 o hysbysiadau o dâl cosb gan ein gwasanaeth Gorfodi Parcio Sifil yn ystod y penwythnos. Ddydd Llun gŵyl y banc ym Mae Caswell, rhoddwyd mwy na 90 o docynnau parcio gan ein tîm i fodurwyr a oedd wedi dewis gadael eu cerbydau mewn safleoedd peryglus ar y ffordd.

Byddwn yn cynyddu ein patrolau mewn lleoliadau ger y traeth i barhau â chamau gorfodi yn erbyn modurwyr sy'n parcio'n anghyfreithlon.

Os ydych chi'n bwriadu ymweld ag un o'r lleoliadau hyn yn ystod cyfnod prysur yr haf, parciwch yn ystyriol ac yn gyfreithiol. Os yw ein meysydd parcio yn llawn, ystyriwch ymweld â rhan arall o benrhyn Gŵyr.

https://www.abertawe.gov.uk/meysyddparciortraeth

29/05/2026

Mae ein timau casglu sbwriel ar y traeth yn parhau i ymdrechu i gadw ein traethau'n lân ac yn ddi-sbwriel.

Mae'r dyddiau diwethaf wedi bod yn brysur iawn yn dilyn gŵyl y banc lle, yn anffodus, roedd rhai ymwelwyr wedi gadael llawer o sbwriel ar y traeth, gan gynnwys caniau gwag, poteli, barbeciwiau tafladwy a deunydd lapio bwyd.

Rydym yn lwcus iawn bod gennym amrywiaeth eang o draethau hyfryd sy'n gallu cystadlu â thraethau o gwmpas y byd.

Gofalwch am y traethau hyn trwy ddefnyddio biniau sbwriel a biniau barbeciw. Os yw'r rhain yn llawn, ewch â'ch sbwriel adref gyda chi.

Mae Ethan, un o'n glanhawyr traeth tymhorol gwych yn gwneud ei ran, gwnewch eich rhan chi. Byddwch fel Ethan.

Effaith economaidd twristiaeth ar Abertawe yn agos at £700m yn 2025!Mae ffigurau diweddar yn dangos bod effaith economai...
29/05/2026

Effaith economaidd twristiaeth ar Abertawe yn agos at £700m yn 2025!
Mae ffigurau diweddar yn dangos bod effaith economaidd twristiaeth ar yr ardal bellach yn fwy na £696m (*ffigurau 2025), sef cynnydd o fwy na 2% ers 2024.

Mae'r diwydiant twristiaeth yn parhau i gynnal bron 5,500 o swyddi yn yr ardal. Cyfanswm y diwrnodau y treuliodd ymwelwyr yma oedd 8.47m, a chynyddodd nifer yr ymwelwyr a arhosodd dros nos 2.5% i 1.64m.

Mae'r ffigurau hyn yn cael eu hategu gan lefelau defnyddio gwestai blynyddol cryf yn Abertawe yn 2025, sef 79%.

Meddai Tracey McNulty, Pennaeth Gwasanaethau Diwylliannol, Parciau a Glanhau, 'Mae'n wych gweld effaith twristiaeth ar Fae Abertawe, y Mwmbwls a Gŵyr yn parhau i wella o flwyddyn i flwyddyn, gyda hyd yn oed mwy o ymwelwyr yn dewis aros dros nos yn yr ardal.'

Mae Tîm Twristiaeth y cyngor yn parhau i hyrwyddo'r cyrchfan drwy ymgyrchoedd marchnata proffil uchel a gafaelgar, gan gynnwys gweithgareddau cyfryngau yn yr awyr agored mewn marchnadoedd allweddol, hysbysebu ar y teledu a deunydd cysylltiadau cyhoeddus, gan weithio'n agos gyda busnesau twristiaeth lleol i gynnal ymweliadau gan newyddiadurwyr a dylanwadwyr yn ogystal ag ymgyrchoedd digidol penodol sy'n canolbwyntio ar fideos o safon.

Mae fideos ymgyrch lwyddiannus Lle Hapus/Hwyl wedi cael eu gweld fwy nag 11m o weithiau ers iddi gael ei lansio ym mis Chwefror 2025, ac mae fideo newydd yn cael ei ryddhau bob wythnos. Mae gwefan cyrchfannau swyddogol yr ardal, croesobaeabertawe.com, y mae ei thudalennu'n cael eu gweld fwy na 189k o weithiau bob mis, yn parhau i gynnig platfform allweddol i fwy na 300 o fusnesau twristiaeth lleol, gan gynnwys darparwyr llety, gweithgareddau, atyniadau, caffis, bariau, bwytai, tafarndai a digwyddiadau.

Mae gan Abertawe enw cadarnhaol am gynnal digwyddiadau blynyddol proffil uchel megis Sioe Awyr Cymru ac Ironman 70.3 Abertawe, sy'n parhau i ddenu ymwelwyr o'r tu allan i'r ardal, a bydd digwyddiadau diwylliannol yn denu'r sylw yn 2027 wrth i Abertawe gynnal British Art Show 10 (BAS10). Hi fydd yr unig ddinas yng Nghymru i wneud hynny.

Mae'r ffactorau cyfunol hyn yn cyd-fynd â phrosiectau adfywio helaeth ac uchelgeisiol parhaus dan arweiniad Cyngor Abertawe ledled Abertawe ac ardal ehangach Bae Abertawe, gan gefnogi cyflogaeth a chynyddu refeniw busnesau twristiaeth a lletygarwch.

Meddai Kate Bowen, Rheolwr Cyffredinol The Morgans Collection, 'Mae adroddiad newydd STEAM sy'n dangos bod twristiaeth yn werth bron £700m i Abertawe yn gadarnhaol iawn i holl ardal Bae Abertawe, y Mwmbwls a Gŵyr. Mae gwesty Morgans yn elwa o weithio'n agos gyda Thîm Twristiaeth y cyngor ar ymgyrchoedd marchnata cyrchfannau proffil uchel, yn ogystal ag elwa o'r rhaglen digwyddiadau mawr drwy gynnig pecynnau a chynigion drwy gydol y flwyddyn. Mae'n wych gweld bod nifer yr ymwelwyr sydd wedi aros dros nos wedi cynyddu hefyd ac rydym yn gweithio mewn partneriaeth â gwestai eraill yn yr ardal i sicrhau ein bod yn cyfeirio pobl iddynt pan fyddwn yn llawn, er mwyn cadw busnes yn yr ardal.'

Ychwanegodd Carly, Rheolwr Marchnata a Hysbysebu'r King Arthur Hotel, Reynoldston, 'Mae ffigurau STEAM sydd newydd eu rhyddhau yn galonogol iawn. Rydym bob amser wedi gweithio'n agos gyda Thîm Twristiaeth y cyngor, gan gefnogi'r ymgyrch cysylltiadau cyhoeddus, drwy gynnal ymweliadau gan newyddiadurwyr a dylanwadwyr, mewn partneriaeth â darparwyr llety a gweithgareddau eraill, atyniadau, bwytai a chaffis ledled Bae Abertawe, y Mwmbwls a Gŵyr. Rydym wedi bod yn un o bartneriaid Croeso Bae Abertawe ers blynyddoedd lawer a byddwn yn parhau i wneud cymaint ag y gallwn i gefnogi'r diwydiant twristiaeth lleol a chyflogaeth yn y sector allweddol hwn ledled yr ardal.'

Rydym yn falch ein bod yn gallu lansio Grant Urddas Mislif yn y Gymuned 2026/27.Mae cyllid refeniw gwerth £72,000 ar gae...
28/05/2026

Rydym yn falch ein bod yn gallu lansio Grant Urddas Mislif yn y Gymuned 2026/27.

Mae cyllid refeniw gwerth £72,000 ar gael i Abertawe drwy'r Grant Urddas Mislif yn y Gymuned. Caiff pob cais ei asesu ar sail ei haeddiannau, fodd bynnag, o ystyried niferoedd blaenorol sefydliadau a gefnogwyd, rydym yn disgwyl ceisiadau am gyllid gwerth hyd at £1,500.

Nod y cyllid, drwy Grant Urddas Mislif yn y Gymuned Llywodraeth Cymru, yw sicrhau bod cynhyrchion mislif ar gael i fenywod, merched a phobl sy'n cael mislif, gan flaenoriaethu'r rhai hynny o aelwydydd incwm isel, a hynny am ddim ac yn hygyrch yn y modd mwyaf ymarferol ac urddasol posib.

Mae'n rhaid i o leiaf 85% o'r cynhyrchion mislif a brynir fod yn ecogyfeillgar, e.e. cynhyrchion ailddefnyddiadwy a/neu gynhyrchion heb blastig.

Rhoddir blaenoriaeth i sicrhau bod cynhyrchion mislif ar gael i gymunedau nad ydynt yn cael eu gwasanaethu digon, gan gynnwys y canlynol:

Cymunedau Pobl Ddu, Asiaidd a Lleiafrifioedd Ethnig
Sipsiwn, Roma a Theithwyr
Ceiswyr lloches a ffoaduriaid
Pobl anabl
Gofalwyr
Cymunedau LHDTC+
Dioddefwyr cam-drin domestig
Y rheini sy'n ddigartref neu nad oes ganddynt gartref sefydlog
Y dyddiad cau ar gyfer derbyn ceisiadau yw dydd Iau 25 Mehefin 2026, 11.59pm

I wneud cais, llenwch y ffurflen ar-lein gan ddefnyddio'r dolenni isod:

https://www.abertawe.gov.uk/GrantUrddasMislifynyGymuned

https://www.swansea.gov.uk/perioddignitygrant

Address

Canolfan Ddinesig, Heol Ystumllwynarth
Swansea
SA13SN

Opening Hours

Monday 8:30am - 5pm
Tuesday 8:30am - 5:30pm
Wednesday 8:30am - 5:30pm
Thursday 8:30am - 5pm
Friday 8:30am - 4:30pm

Telephone

+441792633000

Website

Alerts

Be the first to know and let us send you an email when Cyngor Abertawe posts news and promotions. Your email address will not be used for any other purpose, and you can unsubscribe at any time.

Contact The Organisation

Send a message to Cyngor Abertawe:

Shortcuts

Share

Category