აჭარის განათლების ფონდი / Ajara Education Fund

07/09/2026

✅ 2026 წლის 4 სექტემბერს საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილი, აჭარის განათლებისა და სპორტის მინისტრთან მაია ხაჯიშვილთან ერთად აჭარის რეგიონის საჯარო სკოლების დირექტორებს შეხვდა.
✅ თამარ მახარაშვილმა შეხვედრების მონაწილეებს ზოგადი განათლების სისტემის რეფორმის ეროვნული კონცეფციის ფარგლებში 2026-2027 სასწავლო წლისთვის დაგეგმილი სიახლეების შესახებ დეტალური ინფორმაცია მიაწოდა.
✅ საუბარი შეეხო ისეთ მნიშვნელოვან საკითხებს, როგორებიცაა: სასკოლო ფორმები, სახელმძღვანელოები, ეროვნული სასწავლო გეგმა, განახლებული საგნობრივი სტანდარტები და მასწავლებელთა პროფესიული განვითარებისა და მხარდაჭერის მექანიზმები.
✅ შეხვედრას ასევე ესწრებოდნენ: სსიპ მასწავლებელთა ეროვნული ცენტრის დირექტორის მოადგილე - ნინო ბეგლარაშვილი; აჭარის განათლების ფონდის (ბათუმის მასწავლებლის სახლის დირექტორი - სულიკო, თებიძე, დირექტორის მოადგილე - ლალი ლომთათიძე და აჭარის საგანმანათლებლო რესურსცენტრების ხელმძღვანელები.
✅ შეხვედრა კითხვა-პასუხის რეჟიმში წარიმართა და დამსწრე საზოგადოებას შესაძლებლობა ჰქონდა აქტუალურ საკითხებთან დაკავშირებით ამომწურავი ინფორმაცია მიეღო.

04/09/2026

➡️ ბათუმის შოთა რუსთაველის სახელმწიფო უნივერსიტეტში აჭარის ა.რ. განათლებისა და სპორტის სამინისტროს მხარდაჭერით „საქართველოს მათემატიკოსთა კავშირის XVI საერთაშორისო კონფერენცია“ გაიხსნა. კონფერენცია 31-5 სექტემბრის ჩათვლით გაგრძელდება და მასში მონაწილეობას მიიღებს საქართველოსა და უცხოეთის უნივერსიტეტებისა და სამეცნიერო-კვლევითი დაწესებულებების 300-ზე მეტი მეცნიერი. აღნიშნული თანამშრომლობა ხელს შეუწყობს ინსტიტუტებს შორის სამეცნიერო კავშირების გაღრმავებას, ერთობლივი კვლევითი საქმიანობის განვითარებასა და გაცვლითი პროგრამების გაფართოებას.
➡️ კონფერენციის მონაწილეებს მისასალმებელი სიტყვით მიმართეს და კონფერენციის მნიშვნელობაზე ისაუბრეს: ბსუ-ს რექტორმა ტიტე აროშიძემ, აჭარის ა.რ. განათლებისა და სპორტის მინისტრის მოადგილემ ჯემალ სურმანიძემ და საქართველოს მათემატიკოსთა კავშირის პრეზიდენტმა, ბსუ-ს საპატიო დოქტორმა ალექსანდრე მესხმა.
➡️ კონფერენცია შერეული ფორმატით წარიმართება და მოიცავს 10 პარალელურ სექციას:
☑️ ალგებრა და რიცხვთა თეორია
☑️ დიფერენციალური და ინტეგრალური განტოლებები და მათი გამოყენებები
☑️ გეომეტრია და ტოპოლოგია
☑️ ლოგიკა, ენა და ხელოვნური ინტელექტი
☑️ მათემატიკური განათლება და მათემატიკის ისტორია
☑️ მათემატიკური ლოგიკა და დისკრეტული მათემატიკა
☑️ მათემატიკური მოდელირება და რიცხვითი ანალიზი თეორიული ფიზიკა
☑️ ალბათობის თეორია, სტატისტიკა და ფინანსური მათემატიკა
☑️ ნამდვილი და კომპლექსური ანალიზი
➡️ კონფერენციის ფარგლებში ასევე დაგეგმილია სამი მინი-სიმპოზიუმი, რომელთა მუშაობაშიც მონაწილეობას მიიღებენ მსოფლიოში აღიარებული მკვლევრები. კონფერენციის შრომათა კრებული გამოიცემა ელექტრონული ფორმატით და განთავსდება საერთაშორისო ღია სამეცნიერო ბაზაში.
➡️ კონფერენციის პარალელურად გაიმართება სეზონური სკოლა „მათემატიკა ხელოვნური ინტელექტისთვის“ (Mathematics for AI). სკოლის მიზანია მონაწილეებისთვის ხელოვნური ინტელექტის მათემატიკური საფუძვლების გაცნობა, რეგიონში საერთაშორისო საგანმანათლებლო პლატფორმის ჩამოყალიბება, ახალგაზრდა თაობებს შორის აკადემიური თანამშრომლობის გაძლიერება და ცოდნის გაზიარება. განსაკუთრებული ყურადღება დაეთმობა მონაწილეებსა და მოწვეულ ლექტორებს შორის სამომავლო აკადემიური თანამშრომლობის ჩამოყალიბებას.
➡️ კონფერენციის მხარდამჭერები და სპონსორები არიან: ბათუმის შოთა რუსთაველის სახელმწიფო უნივერსიტეტი; აჭარის ავტონომიური რესპუბლიკის განათლებისა და სპორტის სამინისტრო; საქართველოს შოთა რუსთაველის ეროვნული სამეცნიერო ფონდი; International Mathematical Union-ის განვითარებისა და თანამშრომლობის კომისია (CDC); Springer Science+Business Media.
➡️ კონფერენციის ფარგლებში შერჩეული სამეცნიერო ნაშრომები გამოქვეყნდება გამომცემლობა Springer-ის საერთაშორისო სამეცნიერო ჟურნალში Journal of Mathematical Sciences.

25/08/2026

11/08/2026

✅ 2026 წლის 7 აგვისტოს ინდივიდუალური განრიგის შესაბამისად ჩატარდა უცხოეთში (ქ. ვროცლავში) საზოგადოებრივი მიმართულების ბლოკის (გეოგრაფიის) მასწავლებლების სტაჟირების განმეორებითი კონკურსის მეორე ეტაპი - გასაუბრება.
✅ გასაუბრებაში მონაწილეობის უფლება ქონდა იმ 12 კანდიდატს, რომლებმაც გადალახეს შესარჩევი კონკურსის პირველი ეტაპი. კანდიდატების შეფასების თემატიკა და კრიტერიუმები წინასწარ იყო გამოქვეყნებული იყო ორგანიზაციის საიტზე.
✅ საკონკურსო გასაუბრების კომისიის შემადგენლობაში იყვნენ: სულიკო თებიძე - ა(ა)იპ აჭარის განათლების ფონდის დირექტორი/კომისიის თავმჯდომარე; დარინა მსხალაძე - აჭარის არ განათლებისა და სპორტის სამინისტროს განათლების დეპარტამენტის უფროსი; ლალი ლომთათიძე - განათლების ფონდის დირექტორის მოადგილე; ედუარდ მიქელაძე - განათლების ფონდის დირექტორის მოადგილე; ლუიზა რევიშვილი - ბათუმის მასწავლებლის სახლის ტრენერი.
✅ განმეორებითი კონკურსის მეორე ეტაპზე გეოგრაფიის საგნობრივ მიმართულებაში გამოვლინდნენ შემდეგი გამარჯვებული:
- გიორგაძე ლილი - (ქობულეთი, სოფელი ხალა)
- ცინარიძე ნათია (ქ. ბათუმი, 29-ე საჯარო სკოლა)
✅ პოლონეთში, ქვემო სილეზიის მასწავლებელთა მომზადების ცენტრში (ქ. ვროცლავი) საზოგადოებრივ მეცნიერებათა მიმართულების საგანთა მასწავლებლების ერთკვირიანი სტაჟირება განხორციელდება მიმდინარე წლის 4-11 ოქტომბერს. სტაჟირება სრულად დაფინანსდება აჭარის არ განათლების და სპორტის სამინისტროსა და ქვემო სილეზიის მთავრობის მიერ.

03/08/2026

☑️ ა(ა)იპ აჭარის განათლების ფონდის (ბათუმის მასწავლებელთა სახლის) მიერ გამოცხადებული საზოგადოებრივი მეცნიერებათა ბლოკის (გეოგრაფიის) მასწავლებლების უცხოეთში (ქ. ვროცლავი, პოლონეთი) სტაჟირების განმეორებითი კონკურსის მეორე ეტაპი - გასაუბრება ჩატარდება 2026 წლის 7 აგვისტოს ინდივიდუალური განრიგის შესაბამისად.

☑️ ა(ა)იპ აჭარის განათლების ფონდის (ბათუმის მასწავლებელთა სახლის) მიერ გამოცხადებული  საზოგადოებრივი მეცნიერებ....

14/07/2026

✅ ა(ა)იპ აჭარის განათლების ფონდი (ბათუმის მასწავლებლის სახლი) აცხადებს აჭარის საჯარო სკოლის საზოგადოებრივ მეცნიერებათა საგნების მასწავლებლების შესარჩევ კონკურსს პოლონეთში, ქვემო სილეზიის მასწავლებელთა მომზადების ცენტრში (ქ. ვროცლავი) ერთკვირიანი სტაჟირებისათვის.
✅ კონკურსის შედეგად შეირჩევა: 2 გეოგრაფიის პედაგოგი აჭარის ავტონომიურ რესპუბლიკის საჯარო სკოლებიდან. მათი სტაჟირების სრული დაფინანსება განხორციელდება ა(ა)იპ აჭარის განათლების ფონდის (ბათუმის მასწავლებლის სახლი) მიერ.
✅ კონკურსში მონაწილეობის მიღება შეუძლია: აჭარის ავტონომიური რესპუბლიკის საჯარო სკოლების მოქმედ უფროს/წამყვან/მენტორ მასწავლებელს, რომლებიც სტაჟირების პროგრამის ფარგლებში არ არიან ნამყოფი ზემოხსენებულ ცენტრში.

 ✅ ა(ა)იპ აჭარის განათლების ფონდი (ბათუმის მასწავლებლის სახლი) აცხადებს აჭარის საჯარო სკოლის საზოგადოებრივ მეცნ.....

10/07/2026

☑️ აჭარის ავტონომიური რესპუბლიკის განათლებისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდში (ბათუმის მასწავლებლის სახლში) მიმდინარეობს საგნობრივი საგამოცდო ტრენინგები აჭარის სკოლების მოქმედი მასწავლებლებისათვის, რომელთაც კომპეტენცია დადასტურებული აქვთ საგნობრივ ჯგუფში შემავალ ერთ-ერთ საგანში.
☑️ 2026 წლის 1-5 ივლისს, მოქმედი მასწავლებლებისათვის, რომელთაც კომპეტენცია დადასტურებული აქვთ საბუნებისმეტყველო მეცნიერებების საგნობრივ ჯგუფში შემავალ ერთ-ერთ საგანში (გარდა ბიოლოგიისა), Microsoft Teams-ს პლატფორმაზე ჩატარდა ვებინარული ტრენინგი: „საგნობრივი ტრენინგი ქიმიაში“.
☑️ ტრენინგ-მოდულს ატარებდა ბათუმის მასწავლებლის სახლის ტრენერი - ნანა ვარდმანიძე. მოდულის ხანგრძლივობა და დროში განაწილება: 15 საკონტაქტო საათი, 5 სესია, ერთი სესია - 3 საათი.
☑️ ტრენინგ-მოდულის მიზანი იყო: გაუღრმავოს მონაწილეებს საგნობრივი ცოდნა ბიოლოგიის ძირითადი თემების მიმართულებით (უჯრედული და მოლეკულური ბიოლოგია, გენეტიკა, ადამიანის ანატომია და ფიზიოლოგია, ბიომრავალფეროვნება, ევოლუცია და ეკოლოგია) და მხარი დაუჭიროს საგნობრივი კომპეტენციის დადასტურებაში.
☑️ ტრენინგ-მოდულის ბოლოს მისაღწევი შედეგები: ტრენინგ-მოდულის წარმატებით დასრულების შემდეგ მონაწილეები შეძლებენ ცოდნის დემონსტრირებას ბიოლოგიის საკვანძო თემებიდან; სხვადასხვა ტიპის ტესტური დავალებების შესრულებას; ილუსტრაციების, გრაფიკების, სქემების ანალიზსა და ინტერპრეტაციას.
☑️ ტრენინგის მიმდინარეობას პერიოდულად ეცნობოდა დირექტორის მოადგილე - ლალი ლომთათიძე.

09/07/2026

✅ აჭარის ავტონომიური რესპუბლიკის განათლებისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდში (ბათუმის მასწავლებლის სახლში) მიმდინარეობს საგნობრივი საგამოცდო ტრენინგები აჭარის სკოლების მოქმედი მასწავლებლებისათვის, რომელთაც კომპეტენცია დადასტურებული აქვთ საგნობრივ ჯგუფში შემავალ ერთ-ერთ საგანში.
✅ 2026 წლის 1-5 ივლისს, მოქმედი მასწავლებლებისათვის, რომელთაც კომპეტენცია დადასტურებული აქვთ საბუნებისმეტყველო მეცნიერებების საგნობრივ ჯგუფში შემავალ ერთ-ერთ საგანში (გარდა ქიმიისა), Microsoft Teams-ს პლატფორმაზე ჩატარდა ვებინარული ტრენინგი: „საგნობრივი ტრენინგი ქიმიაში“.
✅ ტრენინგ-მოდულს ატარებდა ბათუმის მასწავლებლის სახლის ტრენერი - ნუკრი კობახიძე. მოდულის ხანგრძლივობა და დროში განაწილება: 15 საკონტაქტო საათი, 5 სესია, ერთი სესია - 3 საათი.
✅ ტრენინგ-მოდულის მიზანი იყო: გაუღრმავოს მონაწილეებს საგნობრივი ცოდნა ქიმიის ძირითადი თემების მიმართულებით და მხარი დაუჭიროს საგნობრივი კომპეტენციის დადასტურებაში.
✅ ტრენინგ-მოდულის ბოლოს მისაღწევი შედეგები: მსმენელები გაეცნობიან გამოცდების ცენტრის მიერ ბოლო წლებში გამოყენებულ ქიმიის პედაგოგების საგამოცდო ტესტებს, მათ შინაარსსა და სტრუქტურას, შეფასების სქემებს. ბუნდოვანი საკითხების სიღრმისეულად გასააზრებლად გამოყენებული იქნება სწავლების ინდუქციური მიდგომა - კონკრეტული პრობლემური და ბუნდოვანი საკითხების უკეთ გაგების მიზნით შესაბამისი თეორიული მასალის განხილვა და დამუშავება.
✅ ტრენინგის მიმდინარეობას პერიოდულად ეცნობოდა დირექტორის მოადგილე - ლალი ლომთათიძე.

08/07/2026

➡️ აჭარის ავტონომიური რესპუბლიკის განათლებისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდში (ბათუმის მასწავლებლის სახლში) მიმდინარეობს საგნობრივი საგამოცდო ტრენინგები აჭარის სკოლების მოქმედი მასწავლებლებისათვის, რომელთაც კომპეტენცია დადასტურებული აქვთ საგნობრივ ჯგუფში შემავალ ერთ-ერთ საგანში.
➡️ 2026 წლის 1-5 ივლისს, მოქმედი მასწავლებლებისათვის, რომელთაც კომპეტენცია დადასტურებული აქვთ საბუნებისმეტყველო მეცნიერებების საგნობრივ ჯგუფში შემავალ ერთ-ერთ სხვა საგანში და/ან მათემატიკაში და/ან საინფორმაციო ტექნოლოგიებში, Microsoft Teams-ს პლატფორმაზე ჩატარდა ვებინარული ტრენინგი: „საგნობრივი ტრენინგი ფიზიკაში“.
➡️ ტრენინგ-მოდულს ატარებდა ბათუმის მასწავლებლის სახლის ტრენერი - ქეთევან ბასილაძე. მოდულის ხანგრძლივობა და დროში განაწილება: 15 საკონტაქტო საათი, 5 სესია, ერთი სესია - 3 საათი.
➡️ ტრენინგ-მოდულის მიზანი იყო: გაუღრმავოს მონაწილეებს საგნობრივი ცოდნა ფიზიკის ძირითადი თემების მიმართულებით, როგორიცაა მექანიკა, ოპტიკა, სითბური მოვლენები და თერმოდინამიკა. ელექტრომაგნეტიზმის, ატომური და ბირთვული ფიზიკა, მხარი დაუჭიროს საგნობრივი კომპეტენციის დადასტურებაში.
➡️ ტრენინგ-მოდულის ბოლოს მისაღწევი შედეგები: მსმენელები აღმოფხვრიან ფიზიკის თეორიულ ცოდნაში არსებულ ხარვეზებს; გაიუმჯობესებენ ფიზიკის ამოცანების ამოხსნის უნარებს;
➡️ ტრენინგის მიმდინარეობას პერიოდულად ეცნობოდა დირექტორის მოადგილე - ლალი ლომთათიძე.

07/07/2026

☑️ აჭარის ავტონომიური რესპუბლიკის განათლებისა და სპორტის სამინისტროსა და სსიპ მასწავლებელთა პროფესიული განვითარების ეროვნულ ცენტრს შორის არსებული ურთიერთთანამშრომლობის მემორანდუმის ფარგლებში ა(ა)იპ აჭარის განათლების ფონდში (ბათუმის მასწავლებლის სახლში) მიმდინარეობს საგნობრივი საგამოცდო ტრენინგები აჭარის სკოლების მოქმედი მასწავლებლებისათვის, რომელთაც კომპეტენცია დადასტურებული აქვთ საგნობრივ ჯგუფში შემავალ ერთ-ერთ საგანში.
☑️ 2026 წლის 26-30 ივნისსა და 1-5 ივლისს, მოქმედი მასწავლებლებისათვის, რომელთაც კომპეტენცია დადასტურებული აქვთ საგნებში: მათემატიკა დაწყებითი საფეხური (I-VI), ან/და ფიზიკა, ან/და კომპიტერული ტექნოლოგიები Microsoft Teams-ს პლატფორმაზე სამი ჯგუფისათვის ჩატარდა ვებინარული ტრენინგი: „საგნობრივი ტრენინგი მათემატიკაში (საბაზო-საშუალო საფეხური)“.
☑️ ტრენინგ-მოდულს ატარებდა ბათუმის მასწავლებლის სახლის ტრენერი - როინ ნაკაიძე. მოდულის ხანგრძლივობა და დროში განაწილება: 15 საკონტაქტო საათი, 5 სესია, ერთი სესია - 3 საათი.
☑️ ტრენინგ-მოდულის მიზანი იყო: გაუღრმავოს მონაწილეებს საგნობრივი ცოდნა საბაზო-საშუალო საფეხურის მათემატიკის ძირითადი თემების მიმართულებით და მხარი დაუჭიროს საგნობრივი კომპეტენციის დადასტურებაში.
☑️ ტრენინგ-მოდულის ბოლოს მისაღწევი შედეგები: მონაწილეთა საგნობრივი კომპეტენციის ამაღლება უმაღლესი და სასკოლო მათემატიკის რთულ საკითხებში, საგამოცდო ტესტის სტრუქტურის სპეციფიკის გაცნობა და ხელოვნური ინტელექტის (AI) ინსტრუმენტების ინტეგრირება დამოუკიდებელი მეცადინეობისა და სწავლების პროცესში.
☑️ სამივე ჯგუფში ტრენინგის მიმდინარეობას პერიოდულად ეცნობოდა დირექტორის მოადგილე - ლალი ლომთათიძე.