15/06/2026
დღეს, ქალთა და ბავშვთა საკითხებზე მომუშავე მუნიციპალური საბჭოს ორგანიზებით, საგანმანათლებლო რესურსცენტრისა და საქართველოს სტუდენტური პარლამენტისა და მთავრობის სენაკის წარმომადგენლობის მხარდაჭერით, საკრებულოს სხდომათა დარბაზში, ინტელექტუალური თამაშის „წიგნების თარო“ ფინალური შეხვედრა გაიმართა.
ფინალურ ეტაპზე ერთმანეთს N3 და ნოსირის საჯარო სკოლების გუნდები შეხვდნენ.
მონაწილეებმა სხვადასხვა თემატიკის შეკითხვებს უპასუხეს, ცოდნისა და გუნდური მუშაობის უნარები წარმოაჩინეს.
დაძაბული და საინტერესო შეხვედრის შედეგად გამარჯვება N3 საჯარო სკოლის გუნდმა მოიპოვა.
ინტელექტუალურ თამაშს, ორგანიზებას სენაკის მუნიციპალიტეტის საკრებულოს თავმჯდომარის მოადგილე, ქალთა და ბავშვთა საკითხებზე მომუშავე მუნიციპალური საბჭოს თავმჯდომარე მანანა გვიჩია და საკრებულოს წევრი ნიკოლოზ ქეცბაია უწევდნენ.
ფინალურ შეხვედრას, სენაკის მუნიციპალიტეტის საკრებულოს თავმჯდომარე ჯუმბერ ტყებუჩავა, თავმჯდომარის პირველი მოადგილე ლევან უჩანეიშვილი, მერის მოადგილე ნანა ზარანდია, საკრებულოს სოციალურ საკითხთა კომისიის თავმჯდომარე ინგა ქარდავა, საკრებულოს ინფრასტრუქტურის კომისიის თავმჯდომარე გიორგი შომახია და საბჭოს წევრები ესწრებოდნენ.
,,რამდენიმე თვის განმავლობაში სენაკის სკოლების მოსწავლეები, ინტელექტუალური თამაშის „წიგნების თარო“ ფარგლებში ერთმანეთს ცოდნაში, ლოგიკურ აზროვნებასა და წიგნიერებაში ეჯიბრებოდნენ. თითოეული შეხვედრა ახალგაზრდებისთვის იყო საშუალება, წარმოეჩინათ საკუთარი შესაძლებლობები, გაეღრმავებინათ ცოდნა და კიდევ ერთხელ დარწმუნებულიყვნენ, რომ წიგნი, განათლება და მუდმივი განვითარება წარმატების მყარი საფუძველია.
ფინალური შეხვედრის დასრულების შემდეგ გამოვლინდა გამარჯვებული გუნდი, თუმცა ამ პროექტის მთავარი გამარჯვებული თითოეული მონაწილეა. ყველა სკოლამ, ყველა გუნდმა და თითოეულმა მოსწავლემ მნიშვნელოვანი წვლილი შეიტანა იმ საინტერესო და მეგობრული გარემოს შექმნაში, რომელმაც ჩვენთვის „წიგნების თარო“ განსაკუთრებულ საგანმანათლებლო მოვლენად აქცია. მადლობა ყველას, ვინც ამ ლამაზი ინტელექტუალური თავგადასავლის ნაწილი იყო.
გულითად მადლობას ვუხდით მონაწილე სკოლებს, მოსწავლეებს, პედაგოგებსა და მხარდამჭერებს აქტიური ჩართულობის, მონდომებისა და ღირსეული ასპარეზობისთვის. სწორედ თქვენი ძალისხმევა და ენთუზიაზმი განაპირობებს მსგავსი ინიციატივების წარმატებას.
გვჯერა, რომ „წიგნების თარო“ მომავალშიც დარჩება სივრცედ, სადაც ცოდნა, წიგნიერება, მეგობრობა და ჯანსაღი კონკურენცია ერთმანეთს ხვდება და ახალგაზრდების განვითარებას ემსახურება“- აღნიშნეს პროექტის ინიციატორებმა და მხარდამჭერებმა.
ინტელექტუალურ თამაშში 19 საჯარო სკოლის 76 მოსწავლე მონაწილეობდა. ღონისძიების ფარგლებში ყველა მონაწილემ სერტიფიკატი მიიღო, ხოლო გამარჯვებულები სიმბოლური საჩუქრებით დაჯილდოვდნენ.
ქალთა და ბავშვთა საკითხებზე მომუშავე მუნიციპალური საბჭოს თავმჯდომარის მოადგილილემ ინგა ქარდავამ პირადი ინიციატივით, N3 საჯარო სკოლის მოსწავლეს, ბლიცტურის გამარჯვებულს გეგა გვასალიას ფულადი ჯილდო გადასცა.
