08/01/2026
მნიშვნელოვანი ინფორმაცია "უნიბოქსის" პარტნიორებისთვის
მოგესალმებით,
უპირველეს ყოვლისა, მადლობას გიხდით ნდობისა და მჭიდრო თანამშრომლობისთვის. ჩვენთვის სასიხარულოა, რომ ერთობლივი მუშაობით თქვენი გაყიდვები და, შესაბამისად, გზავნილების რაოდენობა მუდმივად იზრდება.
სწორედ გაზრდილი რაოდენობის პირობებში, ჩვენი მთავარი პრიორიტეტი მომსახურების მაღალი ხარისხის შენარჩუნება და თითოეული გზავნილის ადრესატამდე დროული მიტანაა. იმისათვის, რომ თავიდან ავიცილოთ შეფერხებები და თქვენმა მომხმარებლებმა კვლავინდებურად სწრაფად მიიღონ შეკვეთები, „უნიბოქსი“ ორშაბათიდან (12.01.2026 ) აახლებს შეკვეთების მიღების გრაფიკს:
რა იცვლება?
შეკვეთის გაფორმების დრო: იმისათვის, რომ კურიერმა გზავნილის წაღება იმავე დღეს უზრუნველყოს, გთხოვთ, შეკვეთები გააფორმოთ არაუგვიანეს 11:00 საათისა.
მინიმალური რაოდენობა: კურიერის გამოძახება შესაძლებელი იქნება 2 ან მეტი შეკვეთის დაფიქსირების შემთხვევაში.
რატომ არის ეს აუცილებელი?
ამ ეტაპზე გზავნილების რაოდენობა იმდენად გაიზარდა, რომ ძველი გრაფიკით მუშაობა საფრთხეს უქმნის ჩაბარების ვადებს. ამ მცირე ცვლილებით ჩვენ ვინარჩუნებთ იმავე დღეს ჩაბარების (Same Day Delivery) პრინციპს.
გვესმის, რომ შესაძლოა გარკვეულ დისკომფორტთან იქნება ეს ცვლილებები დაკავშირებული, თუმცა,
წინააღმდეგ შემთხვევაში, იძულებულნი ვიქნებოდით გადავსულიყავით „მეორე დღეს ჩაბარების“ მოდელზე, რაც თქვენი მომხმარებლებისთვის ლოდინის დროს გაზრდიდა. ჩვენი მიზანი კი სწორედ ამის თავიდან აცილებაა.
შენიშვნა : 11:00 საათის შემდეგ დარეგისტრირებული ან ერთეული შეკვეთები მომსახურებაში მიიღება მომდევნო სამუშაო დღეს.
იმ შემთხვევაში თუ გზავნილს თავად მოიტანთ ოფისში რაოდენობრივი შეზღუდვა არ იქნება.
გვჯერა, რომ ეს ნაბიჯი კიდევ უფრო მოწესრიგებულს და ეფექტურს გახდის ჩვენს საერთო საქმეს.
გმადლობთ, რომ ხართ ჩვენი პარტნიორი!
პატივისცემით,
უნიბოქსის გუნდი