25/03/2015
კერძო სპეციალისტი ყოველთვის არ ნიშნავს სწრაფ და იაფ მომსახურებას. გთავაზობთ 5 მიზეზს რა უპირატესობა აქვს ავტორიზებულ სერვისს კერძო სპეციალისტთან შედარებით :
1. სათადარიგო ნაწილების ფასები ავტორიზებულ სერვისებში საკმაოდ დაბალია, რადგან ნაწილის მიწოდება საყოფაცხოვრებო ტექნიკის მწარმოებელი ფირმებისგან დაბალ ფასში ხორციელდება. კერძო სპეციალისტს არ აქვს შესაძლებლობა ჰქონდეს ორიგინალი ნაწილების მარაგი და საჭიროების შემთხვევაში დიდ დროს კარგავს ნაწილის მოძიებისას. მეტიც, შესაძლოა ადგილობრივ ბაზარზე არაორიგინალი ნაწილი შეიძინოს და მომხმარებელი დატოვოს მოტყუებული. კერძო სპეციალისტი ხშირ შემთხვევაში თვითონ მომხმარებელს სთხოვს ნაწილის შეძენას ავტორიზებულ სერვისში, ან აყენებს შერემონტებულ ნაწილს, რომლის ექსპლუატაციის ვადაც ძალიან მცირეა;
2. მომსახურების საფასური (მომსახურების ტარიფები) ავტორიზებულ სერვისში განსაზღვრულია და ყველასთვის შესაძლებელია მისი წინასწარ დაზუსტება, ხოლო კერძო სპეციალისტი მომსახურების საფასურს ადგენს - „თვალით", მომხმარებლის საცხოვრებელი სახლის და გარემო ფაქტორების გათვალისწინებით;
3. გამოცდილება და პროფესიონალიზმი ავტორიზირებული სერვისის სპეციალისტის, რომელიც რეგულარულად გადის ტრენინგებს ტექნიკის მწარმოებელი ბრენდების წარმომადგენლებთან, შემდგომში საშუალებას იძლევა სწრაფად დაადგინოს დაზიანების მიზეზი და შეაკეთოს ნივთი. კერძო სპეციალისტს არ გააჩნია არავითარი ტექნიკური დოკუმენტაცია, ტყუილად აწვალებს ტექნიკას და მომხმარებელსაც;
4. ავტორიზებული სერვისი პასუხისმგებელია შესრულებული სამუშაოს ხარისხზე და სრულად წარმოადგენს ყველა საჭირო დოკუმენტს. კერძო სპეციალისტს არ გააჩნია არავითარი ვალდებულება და მოსალოდნელია საერთოდ გაქრეს, უბრალოდ შეცვალოს თავისი პირადი მობილურის ნომერი;
5. რთული დაზიანების შემთხვევაში, როდესაც შეკეთებისთვის საჭიროა შემადგენელი ნაწილების სრული შეცვლა, ავტორიზებულ სერვისს შეუძლია მოიძიოს სრულყოფილად ყველა დეტალი და წარმატებულად დაასრულოს შეკეთების პროცესი, ხოლო კერძო სპეციალისტი კი უმეტეს შემთხვევაში იღებს მარტივ გადაწყვეტილებას და მომხმარებელს ურჩევს იყიდოს ახალი ნივთი;
კერძო სპეციალისტის გამოძახება ყოველთვის გამართლებასთანაა დაკავშირებული. ზოგჯერ შესაძლებელია გაგიმართლოთ, მაგრამ ყოველთვის არა!
