20/07/2026
მიმდინარე წლის 18 და 19 ივლისს, იუსტიციის უმაღლეს სკოლაში, მოსამართლეებისთვის და სასამართლოს მოხელეებისთვის ტრენინგი თემაზე: „გამოხატვის თავისუფლება, მათ შორის სიძულვილის ენასთან დაკავშირებული საკითხები“ გაიმართა.
სემინარს უძღვებოდნენ ქართველი მოსამართლე ტრენერები.
შეხვედრის ფარგლებში მონაწილეება განიხილეს შემდეგი საკითხები: გამოხატვის თავისუფლების როლი დემოკრატიულ საზოგადოებაში; გამოხატვის თავისუფლების შეზღუდვის საპატიო გარემოებები; გამოხატვის თავისუფლება მედიის სფეროში; ჟურნალისტებისა და სხვა მედია აქტორების გამოხატვის თავისუფლება მანიფესტაციებისა და სხვა კრიზისული ვითარების დროს; პოლიტიკური გამოხატვის თავისუფლება; რელიგიური გრძნობები და გამოხატვის თავისუფლება; მართლმსაჯულების კრიტიკის ფარგლები; მოსამართლის გამოხატვის თავისუფლება; სისხლისსამართლებრივი სანქცია; ინფორმაციის ხელმისაწვდომობის უფლება; ინტერნეტი და გამოხატვის თავისუფლება; საქართველოსთან მიმართებით ევროპული სასამართლოს მიერ მე-10 მუხლზე მიღებული ძირითადი გადაწყვეტილებების მიმოხილვა და სხვა.
სემინარს ესწრებოდნენ მოსამართლეები და სასამართლოს მოხელეები: საქართველოს უზენაესი სასამართლოს, თბილისის სააპელაციო, თბილისის საქალაქო, გორის, მცხეთის, ბოლნისისა და თელავის რაიონული სასამართლოებიდან.
ტრენინგი, 2026 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
