Samegrelo DMO

30/03/2026

27/03/2026

🇬🇪 საერთაშორისო ტურისტულ პლატფორმაზე Global Travel Awards საქართველომ 2026 წლის საუკეთესო განვითარებადი ტურისტული მიმართულების „Best Emerging Travel Destination“ კატეგორიაში გამარჯვება მოიპოვა 🏆

23/03/2026

🚑 ზუგდიდში პირველი დახმარების ტრენინგი წარმატებით ჩატარდა

ტურიზმის სფეროში მომსახურების ხარისხისა და უსაფრთხოების გაუმჯობესების მიზნით, საქართველოს ტურიზმის ეროვნული ადმინისტრაციის ორგანიზებით, ზუგდიდში გაიმართა ტრენინგი თემაზე – პირველი დახმარება.

ტრენინგში მონაწილეობდნენ ტურიზმის სექტორში დასაქმებული და დაინტერესებული პირები — გიდები, განთავსებისა და კვების ობიექტების წარმომადგენლები და სხვა.
მოხარულები ვართ, რომ პროცესში Samegrelo DMO-ს წარმომადგენლებიც იყვნენ ჩართული და მხარს უჭერდნენ მსგავსი მნიშვნელოვანი ინიციატივების განხორციელებას რეგიონში.

📅 ტრენინგი ჩატარდა 22–23 მარტს და მოიცავდა როგორც თეორიულ, ისე პრაქტიკულ ნაწილს.

პროგრამის ფარგლებში მონაწილეებმა შეისწავლეს:
✔️ გულ-ფილტვის რეანიმაცია (CPR)
✔️ სისხლდენის მართვა
✔️ ტრავმებისა და დამწვრობების პირველადი დახმარება
✔️ გადაუდებელ სიტუაციებში სწორად მოქმედება

🎓 ტრენინგის დასრულების შემდეგ მონაწილეებს გადაეცათ სერტიფიკატები.

🌿 Samegrelo DMO მომავალშიც გააგრძელებს მსგავსი აქტივობების მხარდაჭერას, რაც რეგიონში ტურიზმის უსაფრთხო და მდგრად განვითარებას უწყობს ხელს.

20/03/2026

🌿 ეკოტურიზმის განვითარებაზე მუშაობა რეგიონში აქტიურად გრძელდება

ამჯერად სამუშაო დისკუსია მარტვილის მუნიციპალიტეტში გაიმართა, სადაც ეკოტურიზმის განვითარების გეგმის შემუშავების პროცესზე იმსჯელეს.

პროცესში ჩართული იყვნენ მუნიციპალიტეტის წარმომადგენლები, შესაბამისი სამსახურები და ეკოტურიზმით დაინტერესებული პირები.
Samegrelo DMO-სთვის მნიშვნელოვანია მსგავსი ინიციატივებში მონაწილეობა და მოხარულები ვართ, რომ მოწვეული მხარის სტატუსით აქტიურად ვიყავით ჩართული განხილვებში.

🌱 ინიციატივა განხორციელდა კავკასიის რეგიონული გარემოსდაცვითი ცენტრის მხარდაჭერით და მიზნად ისახავს მუნიციპალიტეტებისთვის ეკოტურიზმის განვითარების ეფექტური გეგმის მომზადებას, სხვადასხვა მხარის აქტიური ჩართულობით.

18/03/2026

🌿 ეკოტურიზმის განვითარების მიმართულებით მუშაობა გრძელდება

ჩხოროწყუს მერიაში გაიმართა სამუშაო დისკუსია ეკოტურიზმის განვითარების გეგმის შემუშავებასთან დაკავშირებით.

განხილვაში მონაწილეობდნენ ჩხოროწყუს მუნიციპალიტეტის მერი ჯუმბერ იზორია, საკრებულოს თავმჯდომარე ჯანო პერტაია, მათი მოადგილეები, შესაბამისი სამსახურების წარმომადგენლები და ეკოტურიზმით დაინტერესებული მხარეები.
მოხარულები ვართ, რომ პროცესში Samegrelo DMO-ს წარმომადგენლებიც ვიყავით ჩართული მოწვეული მხარის სტატუსით.

🌱 ინიციატივა ეკუთვნის კავკასიის რეგიონული გარემოსდაცვითი ცენტრის წარმომადგენლობას. პროცესის მიზანია მუნიციპალიტეტისთვის ეკოტურიზმის განვითარების გეგმის მომზადებაში სხვადასხვა დაინტერესებული მხარის აქტიური ჩართულობა.

დისკუსიის ფარგლებში ჩამოყალიბდა ფოკუსჯგუფები, რომლებიც ეკოტურიზმის განვითარების გეგმის სხვადასხვა მიმართულებაზე იმუშავებენ.

📍 აღნიშნული პროექტი ხორციელდება სამეგრელო–ზემო სვანეთისა და იმერეთის რეგიონების 8 მუნიციპალიტეტში.

17/03/2026

🌿 სამეგრელოში ეკოტურიზმის განვითარების მიმართულებით მნიშვნელოვანი შეხვედრა გაიმართა

წალენჯიხის მერიაში გაიმართა სამუშაო შეხვედრა, რომელიც ეკოტურიზმის განვითარების გეგმის შემუშავებას შეეხებოდა.

საინფორმაციო შეხვედრაში მონაწილეობდნენ წალენჯიხის მუნიციპალიტეტის ხელმძღვანელი პირები, შესაბამისი სამსახურების წარმომადგენლები და ეკოტურიზმით დაინტერესებული მხარეები.
შეხვედრას Samegrelo DMO-ს წარმომადგენლებიც ვესწრებოდით და აქტიურად ვიყავით ჩართული განხილვებში.

🌱 შეხვედრა წარიმართა კავკასიის რეგიონული გარემოსდაცვითი ცენტრის ინიციატივით და მისი მიზანი იყო მუნიციპალიტეტისთვის ეკოტურიზმის განვითარების გეგმის მომზადების პროცესში სხვადასხვა დაინტერესებული მხარის ჩართულობის უზრუნველყოფა.

🤝 შეიქმნა სამუშაო ფოკუსჯგუფები, რომლებიც ეკოტურიზმის განვითარების სხვადასხვა მიმართულებაზე იმუშავებენ.

📍 Samegrelo DMO მომავალშიც გააგრძელებს აქტიურ მონაწილეობას მსგავს პროცესებში, რათა რეგიონში ეკოტურიზმის განვითარება უფრო სწრაფად და ეფექტურად მოხდეს.

16/03/2026

ა(ა)იპ ,,სამეგრელოს დანიშნულების ადგილის მართვის ორგანიზაცია”-სა და სსიპ ზუგდიდის შოთა მესხიას სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა.

მემორანდუმის საფუძველია ერთმანეთთან გრძელვადიანი და პარტნიორული ურთიერთობების განვითარებისა და განათლებისა და მეცნიერების სფეროში ურთიერთთანამშრომლობა.

მემორანდუმის მიზანია სსიპ შოთა მესხიას სახელმწიფო უნივერსიტეტის ,,ტურიზმის“ საბაკალავრო და „ტურიზმის მენეჯმენტის“ სამაგისტრო საგანმანათლებლო პროგრამის ფარგლებში პრაქტიკის სწავლების/კვლევითი კომპონენტის განხორციელება.

განათლების სფეროში, სტუდენტების კვალიფიკაციის ამაღლების, პროფესიული უნარ-ჩვევების გამომუშავებისა და პრაქტიკული გამოცდილების მიღების ხელშეწყობა.

23/02/2026

Samegrelo DMO ესწრებოდა კოლეჯ „ლაკადაში“ გამართულ საქართველოს შეფთა ასოციაციასა და კოლეჯის ერთობლივ კულინარიულ კონკურსს 💚

ღონისძიება მნიშვნელოვანი ნაბიჯი იყო პროფესიული განათლების მხარდაჭერისა და რეგიონში სტუმარ-მასპინძლობის კულტურის განვითარების მიმართულებით. მსგავსი აქტივობები პირდაპირ უკავშირდება ტურიზმის ხარისხის ზრდას სამეგრელოში.

კონკურსის ფარგლებში ჩვენი დირექტორი, ლაშა ჯიქია, ესწრებოდა ღონისძიებას და პირველ ადგილზე გასულ გუნდს ჯილდო გადასცა.

Samegrelo DMO-სთვის განსაკუთრებით მნიშვნელოვანია ახალგაზრდების მხარდაჭერა, მათი პროფესიული განვითარება და იმ სფეროების გაძლიერება, რომლებიც რეგიონალური ტურიზმის მდგრად განვითარებას უწყობს ხელს.

სწორედ განათლებასა და პრაქტიკულ გამოცდილებაზე დაფუძნებული თანამშრომლობა ქმნის ძლიერ რეგიონს ✨

27/01/2026

სამეგრელოს DMO-მ უმასპინძლა ქართველ ბლოგერს IFIF ANA-ს და მეგზურობა გაუწია სამეგრელოს განსაკუთრებულ ადგილებში 💚
ერთად მოვიარეთ გამორჩეული ადგილები, გავუზიარეთ რეგიონის ისტორია, კულტურა და ის ავთენტური ამბები, რაც სამეგრელოს განსაკუთრებულს ხდის.
მადლობა ანას გულწრფელი ემოციებისა და ულამაზესი ვიდეოსთვის.
სწორედ ასეთი ისტორიებით ვაცოცხლებთ ჩვენს რეგიონს ✨
Samegrelo DMO hosted Georgian blogger IF ANA and guided her through discovering Samegrelo and Zugdidi 💚
Together, we explored remarkable places and shared the region’s history, culture, and those authentic stories that make Samegrelo truly special.
Thank you, Ana, for your sincere emotions and the beautiful video — it is stories like these that bring our region to life ✨

22/01/2026

✨მადრიდში საქართველო 2025 წლის საუკეთესო ტურისტულ მიმართულებად დაასახელეს.

22/01/2026

2025 წელს ტურიზმიდან მიღებული შემოსავლები 6.0%-ით გაიზარდა და რეკორდული ოდენობა, 4,690.2 მლნ აშშ. დოლარი შეადგინა.

✅ 2025 წელს ტურიზმიდან მიღებული შემოსავლები 6.0%-ით გაიზარდა და რეკორდული ოდენობა, 4,690.2 მლნ აშშ. დოლარი შეადგინა

ვრცლად იხილეთ ➡️ gnta.ge/მედია-ცენტრი/stat2025-2

20/01/2026

საქართველოს ინფრასტრუქტურის სამინისტროს საავტომობილო გზების დეპარტამენტმა, სამტრედია-ზუგდიდის გზის მშენებლობისათვის პროექტის მოსამზადებლად საერთაშორისო ტენდერი გამოაცხადა

🔵 საქართველოს ინფრასტრუქტურის სამინისტროს საავტომობილო გზების დეპარტამენტმა, სამტრედია-ზუგდიდის გზის მშენებლობისათვის პროექტის მოსამზადებლად საერთაშორისო ტენდერი გამოაცხადა

🔵 პროექტი დაყოფილია სამ მონაკვეთად: სამტრედია-ფოთის კვანძი, ფოთის კვანძი-ანაკლიის კვანძი და ანაკლიის კვანძი-ზუგდიდი-რუხის მონაკვეთი

🔵 სამტრედია–ფოთის კვანძის მონაკვეთი იწყება ქალაქ სამტრედიაში, თითქმის პარალელურად მიუყვება საერთაშორისო მნიშვნელობის თბილისი–სენაკი–ლესელიძის საავტომობილო გზას სამხრეთ-აღმოსავლეთის მხრიდან და სრულდება სოფელ თეკლათთან, ფოთის კვანძთან, სადაც უერთდება საერთაშორისო მნიშვნელობის სენაკი–ფოთი–სარფის საავტომობილო გზას. მონაკვეთის სიგრძე დაახლოებით 34.4 კილომეტრია

🔵 ფოთის კვანძი–ანაკლიის კვანძის მონაკვეთის სიგრძე დაახლოებით 23 კილომეტრია. ის წარმოადგენს წინა მონაკვეთის გაგრძელებას, სამხრეთ-დასავლეთის მხრიდან თითქმის პარალელურად მიუყვება თბილისი–სენაკი–ლესელიძის საერთაშორისო მნიშვნელობის გზას და ანაკლიის კვანძთან სრულდება

🔵 დაახლოებით 19.3 კილომეტრიანი ანაკლიის კვანძი–ზუგდიდი–რუხის მონაკვეთი ფოთის კვანძი–ანაკლიის მონაკვეთის გაგრძელებაა, მიუყვება თბილისი–სენაკი–ლესელიძის საერთაშორისო მნიშვნელობის გზას დასავლეთის მხრიდან და სრულდება სოფელ რუხში, სადაც კვლავ უერთდება აღნიშნულ საერთაშორისო მაგისტრალს

🔵 საკონსულტაციო მომსახურება მოიცავს სამტრედია–ფოთის კვანძი–ანაკლიის კვანძი–ზუგდიდი–რუხის მონაკვეთის მშენებლობისთვის დეტალური საპროექტო დოკუმენტაციის მომზადებასა და შესაბამისი საავტორო ზედამხედველობის მომსახურების გაწევას

🔵 პროექტის მომზადების ვადა 24 თვეს შეადგენს

🔵 დაინტერესებულმა პირებმა სატენდერო წინადადებები უნდა წარადგინონ არაუგვიანეს 2026 წლის 24 თებერვლის 18:00 საათისა

🔵 ტენდერის შესახებ დეტალური ინფორმაცია ქართულ და ინგლისურ ენაზე იხილეთ ბმულზე: https://s.moi.gov.ge/x2Z91