鄧炳強 Tang Ping Keung

鄧炳強 Tang Ping Keung 保安局局長

【初心為本 • 逆境不移】今日下午我接受 5 位小學生主持嘅訪問，同學嘅問題純真又有溫度，佢哋問到我人生經歷起起跌跌，點樣喺順境同逆境之間繼續前行，不被打敗。回望自己由大學畢業起就投身政府，我睇任何事從來都係以服務大眾為出發點。即使遇到失敗...
11/08/2026

【初心為本 • 逆境不移】

今日下午我接受 5 位小學生主持嘅訪問，同學嘅問題純真又有溫度，佢哋問到我人生經歷起起跌跌，點樣喺順境同逆境之間繼續前行，不被打敗。回望自己由大學畢業起就投身政府，我睇任何事從來都係以服務大眾為出發點。即使遇到失敗、不如意，甚至面對壓力同批評，我都提醒自己，做事唔係為咗個人榮辱，而係要做對社會最啱嘅決定。我同小朋友分享，人生難免有高低，但初心就係引領我哋前行嘅明燈，只要守住底線，唔好因一時得失而迷失，就能夠一步一步走出逆境。無論係基層出身、考試失利，定係臨危受命，初心一直都係我嘅指引。服務社會、守護香港，係我成世人嘅習慣，相信即使有一日退休，呢份初心都唔會改變。

#初心唔止係信念
#更係一種力量
#為了社會更大公義
#個人得失瑣碎像塵

【面對面聽好意見 • 實實在做好施政】今日行政長官再次率領我哋一眾官員，到九龍塘出席第二場五年規劃及施政報告地區諮詢會，繼續聆聽市民對政府施政同未來規劃嘅意見。唔少市民都關心青年發展同AI應用，保安局同轄下紀律部隊會繼續透過我哋嘅青少年制服...
09/08/2026

【面對面聽好意見 • 實實在做好施政】

今日行政長官再次率領我哋一眾官員，到九龍塘出席第二場五年規劃及施政報告地區諮詢會，繼續聆聽市民對政府施政同未來規劃嘅意見。唔少市民都關心青年發展同AI應用，保安局同轄下紀律部隊會繼續透過我哋嘅青少年制服團隊，培育更多有承擔、有視野嘅年輕人，貢獻國家同香港；而科技發展一日千里，我哋亦會持續應用同研究新科技，以提升執法同服務市民嘅效率，加強守護社區安全！

#每次諮詢都收到好多好意見
#會認真研究同檢討
#多謝市民認可唔同政策
#係我哋前進嘅動力

【全力推進 • 絕不鬆懈】今日我陪同政務司司長到新皇崗大樓視察，向佢匯報港方工程嘅最新進度，了解港方口岸區嘅設施同未來運作安排。同時我同跨部門團隊持續巡視唔同區域，跟進執漏工程細節，軟硬件同步推進。團隊亦正制訂之後演練嘅內容同流程，涵蓋人流...
06/08/2026

【全力推進 • 絕不鬆懈】

今日我陪同政務司司長到新皇崗大樓視察，向佢匯報港方工程嘅最新進度，了解港方口岸區嘅設施同未來運作安排。同時我同跨部門團隊持續巡視唔同區域，跟進執漏工程細節，軟硬件同步推進。團隊亦正制訂之後演練嘅內容同流程，涵蓋人流車流、系統檢驗同緊急應變等，務求喺開通前把握每一次測試機會，為口岸日後暢順運作做好萬全準備。重建後皇崗口岸嘅開通係承擔亦係使命，我同團隊必定全力以赴，絕不鬆懈。

#感謝跨部門同事

#為呢項民生大工程而努力

【禁毒教育 • 由BB班開始】禁毒宣傳唔應該只係對住青年同成年人。從長遠著想，我哋要將防線拉前，由孩童時期開始，向小朋友灌輸「毒品有害、絕對唔可以試」呢個簡單嘅概念。所以今年禁毒處首次將禁毒教育前移至幼稚園，透過簡單有趣嘅小情境故事，配合輕...
05/08/2026

【禁毒教育 • 由BB班開始】

禁毒宣傳唔應該只係對住青年同成年人。從長遠著想，我哋要將防線拉前，由孩童時期開始，向小朋友灌輸「毒品有害、絕對唔可以試」呢個簡單嘅概念。所以今年禁毒處首次將禁毒教育前移至幼稚園，透過簡單有趣嘅小情境故事，配合輕鬆舞步，令小朋友喺歡樂中吸收「毒品係衰嘢」嘅訊息。早前我就去到一間幼稚園，同小朋友分享毒品可能出現嘅小情境故事，帶住佢哋一齊跳「聽我講」舞步，仲出動埋可愛嘅幼兒禁毒IP Bobo同大家見面。我好開心見到小朋友全程投入，跟住Bobo又跳又笑，好快就理解到毒品有害、唔可以試。禁毒教育愈早開始，愈可以減低佢哋日後因好奇而嘗試毒品嘅風險，拉長社會嘅禁毒防線！

#幼兒都知道毒品衰
#食咗會病會嘔會甩頭髮
#聽到都驚咗

【再忙都要動起來】今日行程相當充實，朝早喺特首帶領下，一眾官員到屯門出席首場五年規劃及施政報告嘅地區諮詢會，聽取市民對政府政策嘅寶貴意見，對我哋推動施政非常重要。下午就為「新界區傑出學生選舉」擔任評審。適逢今日係「全民運動日」，我特別喺擔任...
02/08/2026

【再忙都要動起來】

今日行程相當充實，朝早喺特首帶領下，一眾官員到屯門出席首場五年規劃及施政報告嘅地區諮詢會，聽取市民對政府政策嘅寶貴意見，對我哋推動施政非常重要。下午就為「新界區傑出學生選舉」擔任評審。適逢今日係「全民運動日」，我特別喺擔任評審前，爭取時間去青衣體育館，同市民一齊玩足毽、匹克球、地板冰壺同射擊，出一身汗，成個人精神氣爽！工作再忙，我相信健康係做好每項工作嘅基礎。平衡工作同健康，先有最好狀態，繼續服務市民，為香港努力！

#地區諮詢會
#感謝市民表達意見
#再忙都要做運動
#全民運動日

01/08/2026

【議員及傳媒體驗 • 掌握皇崗最新進度】

新皇崗口岸港方口岸區尋日凌晨開始由特區政府管轄，除咗跨部門視察同展開工程執漏，今日我哋亦邀請立法會議員到場了解設施同運作，並安排傳媒參觀，希望透過高透明度，俾議員同市民掌握皇崗口岸嘅最新進度，初步感受大樓模樣同未來運作模式。保安局正聯同各部門全力推進，分階段展開超過100項、涵蓋20個類別嘅嚴格測試，包括人流車流、水電、系統同交通測試等，亦會進行緊急事故同反恐演練。其後更會同深方合作，進行跨境大型測試同演練。我哋會以最高標準嚴格把關，確保萬無一失，令市民未來用得安心、往來暢順。

#大樓內部實用又宏偉
#率先俾大家掌握進度
#同時爭分奪秒準備
#感謝團隊努力不懈

【皇崗口岸交付管轄 • 跨部門進場視察】今日凌晨零時，皇崗口岸港方口岸區正式交付特區政府管轄，今朝我同團隊就聯同跨部門到口岸大樓視察，爭取時間，加快落實各項通關工作。巡視之後隨即召開跨部門準備工作小組會議，聯同運物局、建築署、機電署、運輸署...
31/07/2026

【皇崗口岸交付管轄 • 跨部門進場視察】

今日凌晨零時，皇崗口岸港方口岸區正式交付特區政府管轄，今朝我同團隊就聯同跨部門到口岸大樓視察，爭取時間，加快落實各項通關工作。巡視之後隨即召開跨部門準備工作小組會議，聯同運物局、建築署、機電署、運輸署、路政署、警務處、入境處同海關等部門，各單位報告同檢視工作進度，確保口岸準備工作落實到位。我知道港深兩地市民對皇崗口岸開通引頸以待，我同團隊必定會喺確保所有設施同配套準備就緒嘅前提下，爭取盡快開通，為市民提供嶄新嘅極速通關服務。

#保安局凌晨零時接管港方口岸
#警隊同入境處同事隨即進駐
#每一分一秒都唔浪費
#爭取盡快開通

29/07/2026

【去旅行唔見身份證點算好？】

間唔中就有人問我，出外旅行唔見咗身份證，返嚟香港仲可唔可以入境？今日就同大家講下處理方法。

#呢個小編真抵打
#上次護照過期
#今次又唔見身份證
#返嚟都要鬧下

【紅霞迫近 • 切勿追風】颱風紅霞正逐步逼近本港，保安局EMSC已經喺黃昏啟動，統籌各部門密切監察市面狀況，並隨時調派救援隊伍及資源。市民千祈唔好出外追風，更加唔好走近岸邊。留在家中，保護自己同家人安全先至係最重要。風雨再大，大家同心守護，...
25/07/2026

【紅霞迫近 • 切勿追風】

颱風紅霞正逐步逼近本港，保安局EMSC已經喺黃昏啟動，統籌各部門密切監察市面狀況，並隨時調派救援隊伍及資源。市民千祈唔好出外追風，更加唔好走近岸邊。留在家中，保護自己同家人安全先至係最重要。風雨再大，大家同心守護，就可以安全渡過颱風威脅。

#切勿追風逐浪
#唔好為咗打卡冒險外出
#紀律部隊全程守護
#感謝當風更嘅伙記

22/07/2026

【濟南早餐 • 百年傳統味道】

出訪山東濟南，當然要搵個早上去試下地道早餐。濟南工作人員向我介紹呢間百年老店，鹹香嘅甜沫、順滑嘅奶皮子、香酥嘅牛肉燒餅、新鮮嘅脆蓮子，全部都有驚喜。不枉我晨早6點多就探店，絕對值得！

#甜沫原來係鹹
#牛肉燒餅似漢堡包
#仲有大明湖脆藕
#真係樣樣都不錯

Address

Hong Kong

Website

Alerts

Be the first to know and let us send you an email when 鄧炳強 Tang Ping Keung posts news and promotions. Your email address will not be used for any other purpose, and you can unsubscribe at any time.

Shortcuts

Share

Category