心房子 Heart and Hut

Home
Hong Kong
Hong Kong
心房子 Heart and Hut

「心房子」與你每天一起踏出一小步，打開心房子，在日常生活中提醒自己，用心聆聽，用愛接觸，感受家人的每一點愛。

每個人的「心房子」也不盡相同，有的是寬敞明亮，願意讓身邊的人進入；有的慣常把房門鎖上，把自己關在房子裡，甚至拒人於門外。無論「心房子」是打開或是鎖上，我們明白各人都有不同原因和難處。但是，每個人也可以選擇打開心裡的鎖。

一百個人，有一百個不同的「心房子」。面對最親密的家人，讓我們用心聆聽和接觸，感受家人一切說話/作為的善意，才會聽懂/看懂家人的愛。當聽懂/看懂家人的愛，心房子打開了，就好好珍惜和回應家人的愛吧!

如有需要，可向我們或專業人士求助。

免責聲明：
此平台開放，可自由發表意見，但不會逐一回覆。任何惡意/人身攻擊、粗言穢語、誹謗、淫褻、侵犯知識產權、侵犯個人私隱或作商業推廣等留言將會被刪除。

30/07/2026

【 #心鎖全家福：噢！心鎖爸發火了！】

#心鎖爸掟手機嘅嗰一刻，全屋靜晒🤫⋯⋯

嗰晚 #心鎖仔一路食飯一路玩手機📱，心鎖爸提醒咗一次、兩次、三次都冇反應，語氣愈講愈重，最後終於忍唔住爆發💥。其實，佢唔係真係想使用暴力，只係失望同困倦一齊湧上嚟，情緒一時失控。

好多家長都試過有呢種時刻。每個人都會有情緒💛，唔係要求自己永遠唔發火，而係點樣發同埋發火之後點樣修復關係！

一家人可以一齊訂立屬於自己嘅「生氣停一停」小規矩🛑，例如情緒上嚟時先數十秒🌬️、等大家冷靜落嚟先傾。當衝突變成學習情緒管理嘅機會，小朋友學到嘅，唔只係規矩，而係點樣面對情緒、尊重彼此，知道屋企係一個可以理解、接納自己有唔同情緒嘅地方🏡💛

爸爸媽媽係彼此最重要嘅隊友🤝，當一方情緒升溫，另一方可以溫柔提醒、接力處理當下情況，畀對方一個冷靜落嚟嘅空間，共同營造一個穩定、安心嘅家庭環境，陪住小朋友健康成長❤️

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

27/07/2026

【 #心鎖爸心事台：做個高EQ大人，唔好急住講「道理」，而係學識「用心聆聽」！👂🏻】

有一日， #心鎖仔放學返到屋企，成個人垂頭喪氣，一句說話都無講😞。 #心鎖爸我問佢發生咩事，佢先細細聲講：「今日測驗唔及格」📚。見到個仔咁失落，我第一時間安慰佢：「唔緊要啦，下次再努力啲！加油！💪🏻」我明明係關心佢，但心鎖仔聽完之後，反而將個頭耷得更低，無再講落去。

其實好多家長都經歷過類似嘅場面。當見到小朋友唔開心、發脾氣或者遇上挫折，我哋嘅本能反應係去鼓勵佢、教導佢，甚至幫佢解決問題。但有時小朋友最需要嘅，未必係答案同說教，而係想有人明白佢當下嘅感受。

香港基督教女青年會喺2022年訪問咗超過1,300對家長同子女，發現小朋友嘅負面情緒除咗係嚟自考試測驗📝同功課📖之外，「家長責罵」同「家長要求太多」都係主要原因之一。而最值得留意嘅係，雖然超過九成家長認為自己有聆聽孩子嘅感受👂🏻，但只有約一半小朋友認同父母真係有做到。換句話講，大人以為自己已經「用心聽」，但小朋友未必感受到。

點解會咁？可能係因為喺小朋友表達情緒時，大人往往太快進入「解決問題模式」🔧。例如當小朋友喊住話好唔開心，大人可能即刻話「好小事啫，做咩要喊啊」或者「加油，下次做好啲就得」。雖然出發點係想安慰小朋友，但佢哋聽到嘅，可能係「爸爸媽媽唔明白呢件事對我嚟講有幾重要」或者「爸爸媽媽唔接受我嘅情緒」😭。

相比起急住講道理或者幫小朋友搵解決方法，有時先理解同接納小朋友嘅感受其實更重要。喺小朋友嬲緊、喊緊或者失望嘅時候，家長可以先停一停⏸️，攬吓小朋友再講：「你一定好失望、好唔開心喇，我陪你坐一陣先。」當小朋友感受到自己被接納同被理解，情緒自然更容易平復落嚟。

高EQ嘅大人未必會成日講鼓勵說話或者大道理📣，亦唔一定可以用最快嘅方法幫小朋友解決問題。好多時候，真正有力量嘅支持，係願意用心聆聽。一句「我明白你唔開心」，可能比「加油」更有力量；而一顆願意陪伴嘅心❤️，亦比急住糾正，更能令小朋友感受到愛同支持。

參考資料
香港基督教女青年會. (2023). 家長處理兒童情緒方法調查　孩子對父母關心印象不深刻社工寄語家長「先聆聽後教育」. 擷取自香港基督教女青年會: https://www.ywca.org.hk/zh-hant/%E6%96%B0%E8%81%9E%E7%A8%BF/%E5%AE%B6%E9%95%B7%E8%99%95%E7%90%86%E5%85%92%E7%AB%A5%E6%83%85%E7%B7%92%E6%96%B9%E6%B3%95%E8%AA%BF%E6%9F%A5

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

20/07/2026

【 #心鎖媽法寶袋：學前兒童課餘託管服務🤝🏻】

#心鎖媽我早排同啲在職父母朋友食飯，發現大家都面對緊同一個難題——點樣搵人幫手照顧小朋友！雙職家長好多時都無後援，面對幼稚園有時返半日學，再加埋漫長嘅學校假期，家長真係攞曬啲假都搞唔掂😵‍💫！

各位正身處水深火熱之中嘅家長， #心鎖媽我要同你哋分享一個好消息！社會福利署已經喺唔同地區開設咗「學前兒童課餘託管服務」，等家長可以安心工作之餘，小朋友亦能夠喺安全同充滿關愛嘅環境下得到照顧，仲可以參加唔同嘅活動，實現全方位發展💛！

❤️學前兒童課餘託管服務❤️

👦🏻對象
1️⃣ 三至六歲以下兒童；或者
2️⃣ 正就讀幼稚園／幼稚園暨幼兒中心幼兒班（K1）、低班（K2）或高班（K3）嘅兒童

📚內容
提供個人／小組活動，以滿足學前兒童嘅發展需要

⏰服務時間
逢星期一至星期五（公眾假期除外）開放，喺上午、下午同黃昏三個時段提供服務
個別中心會因應地區需要，有額外開放時間（例如星期六、日或者公眾假期）

💡想了解更多服務詳情同服務單位資料，即上https://www.swd.gov.hk/tc/pubsvc/family/cat_childcareservice/ascppc/index.html ！
如果想申請服務，記得直接同營辦機構聯絡呀～

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

15/07/2026

【：Tranquility】

📖意思：
寧謐（Tranquility）係一種內在寧靜平和嘅狀態🌿。面對小朋友扭計同家庭瑣事，家長都要抽時間獨處，畀自己一個緩衝空間調整心態，搵返內心嘅寧謐。
記得先處理心情，後處理事情💛

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

10/07/2026

【：新一代爸爸嘅挑戰！🤯】

比起以前，而家新一代嘅爸爸通常都要「全方位」投入育兒角色，同媽媽一齊承擔養家同照顧小朋友嘅責任～既要返工掙錢，又要湊仔同做家務🧹，仲要兼顧教育決策同情緒支援💬，真係一啲都唔簡單～嗰日食飯，我留意到 #心鎖爸呢排壓力大到就嚟爆，差少少就忍唔住對 #心鎖仔「火山爆發」🔥！

唔知其他爸爸有無遇到類似嘅情況呢？等我睇吓數據先！

根據香港路德會社會服務處2024年嘅調查📊，喺超過二百位育有6歲以下小朋友嘅爸爸當中，有超過一半受訪者表示做爸爸有壓力😣；超過60%需要兼顧養家💰；仲有大約70%爸爸會間中或者經常參與子女功課輔導📚。爸爸除咗擔任經濟支柱角色之外，仲要投放時間同心機喺日常育兒同家庭事務上面，壓力自然就跟住上升📈。呢種轉變亦會影響夫妻之間嘅關係💞。超過40%嘅爸爸曾經同太太喺管教小朋友方面出現衝突⚖️，當中最常見嘅矛盾係規矩問題（52%）🚫，其次係價值觀差異（28.3%）💭同學業安排（23.2%）📖！

另外，香港樹仁大學商業經濟及公共政策研究中心嘅研究都指出，爸爸喺參與教養時面對唔少限制，例如：
❌工作繁忙，無足夠時間
❌唔太清楚自己可以為孩子做啲咩
就算爸爸想同仔女建立親密關係，但礙於工作時間長同教養知識不足，佢哋都無從入手😞。

由此可見，爸爸喺育兒方面嘅壓力同困難絕對唔少，喵～男士好多時比較內斂🤐，較少主動同伴侶講自己嘅壓力同感受，所以容易令人覺得佢哋「應該頂得住」。其實收收埋埋反而會令問題越積越多，令家庭關係同角色分工變得更緊張！

要改善呢種情況，父母之間一定要建立清晰同持續嘅溝通機制💬，包括分享期望同感受，仲有協調角色分工同時間分配。陪伴、聆聽同肯定，對爸爸同媽媽嚟講一樣咁重要，係維持家庭和諧嘅關鍵！

記住啊，喺育兒路上，父母唔係各自作戰，而係彼此嘅最佳隊友🤝🏻，當雙方都互相理解同支持，先可以一齊行得更遠、更穩💪🏻～喵！

參考資料
香港樹仁大學商業、經濟及公共政策研究中心. (2024). 「在家長教育場景中重尋爸爸的蹤影: 策略與出路」圓桌會議. 擷取自香港樹仁大學商業、經濟及公共政策研究中心: https://www2.hksyu.edu/bepp/2024/02/29/%e3%80%8c%e5%9c%a8%e5%ae%b6%e9%95%b7%e6%95%99%e8%82%b2%e5%a0%b4%e6%99%af%e4%b8%ad%e9%87%8d%e5%b0%8b%e7%88%b8%e7%88%b8%e7%9a%84%e8%b9%a4%e5%bd%b1-%e7%ad%96%e7%95%a5%e8%88%87%e5%87%ba%e8%b7%af%e3%80%8d/
巴士的報(2024).調查揭逾半男⼠作「爸爸」感壓⼒逾4成因管教子女與太太爆衝突. 擷取自: 巴士的報: https://www.bastillepost.com/hongkong/article/14123866-%E8%AA%BF%E6%9F%A5%E6%8F%AD%E9%80%BE%E5%8D%8A%E7%94%B7%E2%BC%A0%E4%BD%9C%E3%80%8C%E7%88%B8%E7%88%B8%E3%80%8D%E6%84%9F%E5%A3%93%E2%BC%92-%E9%80%BE4%E6%88%90%E5%9B%A0%E7%AE%A1%E6%95%99%E5%AD%90

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

06/07/2026

【 #心鎖仔二揀一：當家長情緒就嚟爆，細路又唔聽話🔥，應該「忍一忍」，定係「即刻出聲」？】

#心鎖爸呢排返工趕緊deadline，忙到無停手，搞到身心俱疲。以為返到屋企可以回吓氣，點知食緊飯嘅時候， #心鎖仔淨係顧住玩手機，叫極都唔停📱！工作壓力未散，屋企細路又唔聽話🔥，心鎖爸feel到自己越嚟越煩躁！！

喺呢個時候，你覺得心鎖爸應該點做？
🅰️沉住氣，咩都唔講住，控制好自己嘅情緒先
🅱️即刻出聲，糾正小朋友嘅錯誤行為，等佢哋即時知道做錯咩

留言講低你會點揀，心鎖仔PM分析畀你知！
⬇️
⬇️
⬇️
⬇️
⬇️
⬇️
⬇️

#心鎖仔分析🧠：
🅰️沉住氣，咩都唔講住，控制好自己嘅情緒先
如果覺得自己嘅情緒或者壓力已經去到臨界點，家長選擇暫時收住啲火，唔即時回應，可以避免喺高壓同激動狀態下，講出傷人嘅說話甚至做出衝動嘅行為！仔女可以慢慢教，但親子關係嘅裂痕唔係咁易修補㗎。家長可以等自己情緒平伏咗，再慢慢同仔女傾返佢哋之前做錯啲咩，講清楚正確嘅做法、界線，同對佢哋嘅期望。家長要適時照顧自己嘅情緒，透過休息、搵人傾偈或者其他正面方法減壓😮‍💨，有需要時可以搵另一半或者其他屋企人幫手。如果長時間壓抑情緒又無適當嘅宣洩，壓力會不斷累積，最後以更激烈嘅方式爆發出嚟💥！

🅱️即刻出聲，糾正小朋友嘅錯誤行為，等佢哋即時知道做錯咩
呢個做法可以令小朋友即時明白問題所在，亦有助建立清晰嘅界線同價值觀。家長要用「平靜而堅定」嘅語氣溝通，將焦點放喺唔啱嘅行為本身，而唔係針對小朋友，再話畀小朋友知你見到佢做錯咗啲咩同講出自己嘅感受，例如「你食飯都係咁睇手機，我覺得你唔尊重我。」咁樣做可以令情緒有適當出口，同時可以幫小朋友認識自己嘅錯誤。「平靜而堅定」嘅說話方式往往比「聲大夾惡」嘅訓話更有效，更加容易入到小朋友嘅耳仔㗎。不過，家長要評估當時自己嘅情緒同狀態，如果喺「火遮眼」嘅時候教導小朋友，就要小心自己嘅表達方式會唔會過激，反而令衝突升級！

了解更多「心房子」嘅活動同資訊
📚心房子 Heart and Hut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

01/07/2026

【 #心鎖爸活動大推：7月份☀️】

就快放暑假喇，爸爸媽媽係時候帶小朋友出去放電，一齊試吓新嘢，創造難忘回憶 👨‍👩‍👧‍👦💛！ #心鎖爸我幫大家搜羅咗好多暑期活動，由煮飯仔、藝術手作到遊戲工作坊都應有盡有，包保大人細路都玩得開心✨！

🍳 親子下廚樂
一家人齊齊煮嘢食👩‍🍳，邊煮邊傾偈、分享生活點滴，感情自然越嚟越好💬💖！今個月有「親子入廚樂」同「仲夏溫馨家庭烘焙派對」畀你揀，快啲同屋企人一齊嚟玩啦🥐！

🎨 藝術療癒時光
藝術除咗可以陶冶性情🎭，仲可以幫你放鬆心情🌿！想培養小朋友對藝術嘅興趣🖌️，可以參加「愛相聚之和諧粉彩體驗工作坊」或者「『童沙漫遊』親子沙畫工作坊」，用唔同方式感受藝術嘅樂趣。如果想留住溫馨家庭時光，可以參加「『合拍』家庭 – 故事館小組」，同屋企人影張靚相📸，再親手整返本獨一無二嘅家庭相冊📖，記錄美好家庭小故事！

🎲 親子同樂遊戲
今個月嘅「童心同行：親子成長四部曲」同「暑假親子嘉年華」🎯啱曬活力滿滿嘅家庭；鍾意動腦筋嘅朋友，可以挑戰「動動手動動腦—芬蘭木棋」，大人同小朋友一齊玩遊戲，親子感情肯定更上一層樓💞！

🔒🌟 心鎖爸特別推介 🌟🔒
夏日炎炎，想搵啲活動消消暑、降降溫❄️？參加「親子冰團」就最啱喇！⛸️💙一家大細齊齊踏上冰面，透過互相鼓勵、溝通同合作，提升親子默契🤝！溜冰仲可以訓練平衡力、手腳協調同專注力🎯～快啲一齊嚟挑戰自己，喺歡笑聲中度過一個涼爽又難忘嘅夏天啦！

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #中西南及離島區 #東區及灣仔區 #觀塘區 #黃大仙及西貢區 #九龍城及油尖旺區 #深水埗區 #沙田區 #大埔及北區 #元朗區 #荃灣及葵青區 #屯門區 #強制舉報 #強制舉報虐兒守護孩子童年 #強制舉報虐待兒童條例

25/06/2026

相信唔少家長都有過呢啲經歷😮‍💨：
🧻屋企突然有人大叫：「媽咪／爹哋～～～！」
🙈行街見到夾公仔機同玩具舖會即刻兜路
☎️一收到學校嘅電話即刻心跳加速
📱「無法使用電話，請於5分鐘後再試」

今次 #心鎖仔想邀請大家分享可以引起家長共鳴嘅「家長時刻」，📸 用一張相／一句說話／一個生活片段，同其他爸爸媽媽一齊取暖❤️

以下係 #心鎖仔示範 👇
作為一位高雅嘅女士，對住男廁大叫：「唔好周圍掂野呀？有無洗手呀？？」
在廁格內進行兒歌金曲演唱會：「Baby Shark doo doo doo doo doo」
📱手機相簿有九成都係仔女相

到你啦😆👇
留言分享最真實嘅「家長時刻」，就有機會贏取豐富獎品🎁！

📸 有獎遊戲參加方法
1️⃣ 喺 #心房子 Facebook 、Instagram或者Threads留言分享一張相／一句說話／一個生活片段，分享為人父母嘅日常👨‍👩‍👧‍👦
2️⃣ Like & share 呢個post
3️⃣ Tag 2個朋友，邀請佢哋一齊留言，加入「家長取暖區」🙌

📌活動詳情
日期：2026年6月25號至7月15號
對象：歡迎所有人士參加，無年齡限制
每人只可以喺心房子Facebook／Instagram／Threads參加一次

🎁 豐富獎品
🏆「最有共鳴家長獎」（3名）：價值港幣500元嘅超市禮券同解壓疊石積木📸
😂「最爆笑日常獎」（5名）：價值港幣200元嘅超市禮券同馬賽克杯墊DIY材料包🎨
💛「溫暖鼓勵獎」（25名）：心房子家族限定禮品（放鬆筋膜球）

📜 條款同細則
1. 參加者必須按照指定方法提交作品或者留言，否則會被視為參加無效。
2. 主辦方會喺活動結束後7個工作天內喺留言區公布得獎名單（Facebook、Instagram同Threads共33個得獎名額），並以私訊方式聯絡得獎者。
3. 得獎者必須喺指定期限內領取獎品，逾期將被視為放棄，獎品不得轉讓或者兌換現金。
4. 主辦單位評審團將從留言中，根據內容、原創性同正面感染力選出各獎項得主。
5. 參加作品必須為原創，如果涉及抄襲、侵權或者其他爭議，參加資格將被取消。
6. 參加者一旦提交作品，將被視為同意授權主辦方使用其作品作推廣同展示用途，主辦方無需另行通知參加者或者支付任何費用。
7. 活動開放予公眾參與，但參與籌辦是次活動嘅工作人員、評審小組成員同其直系親屬唔可以參加活動。主辦方有權核實參加者身分，亦會保留取消參加者資格嘅權利。
8. 主辦方保留修改、取消或者延遲活動嘅權利，並對活動擁有最終決定權。
9. 參加活動即代表已經閱讀同同意遵守以上條款細則同所有參加規定。

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

22/06/2026

【 #心鎖仔二揀一：小朋友唔開心嘅時候，家長應該「好好關心」定「好好陪伴」？😮】

嗰日 #心鎖妹返到屋企，一臉委屈，扁住嘴咩都唔講😔。 #心鎖媽好心急🥴——佢一方面好想知心鎖妹發生咩事，另一方面又怕逼得太緊會令 #心鎖妹覺得有壓力……

👇🏻你哋覺得，喺小朋友唔開心嘅時候，家長應該點做呢？
🅰️好好關心，耐心鼓勵子女分享，表達父母嘅支持同關懷
🅱️好好陪伴，靜靜坐喺仔女身邊，畀啲空間仔女主動分享

留言講低你會點揀，心鎖仔PM分析畀你知！
⬇️
⬇️
⬇️
⬇️
⬇️
⬇️
⬇️

#心鎖仔分析🧠：
其實兩個方法都可行㗎！
🅰️好好關心，耐心引導佢講出感受 ✅
當小朋友唔開心，家長可以用溫柔嘅語氣同佢哋講：「我見你有啲唔開心，發生咩事呀？你慢慢講，我聽緊㗎～」先專心聆聽、唔打斷，小朋友會覺得自己被重視同理解👂。呢種「被聽見」嘅感覺，可以幫助佢哋學識用語言表達情緒，而唔係收埋自己或者發脾氣。之後父母可以適當咁表示關心同愛護，同小朋友討論佢唔開心嘅原因，再分享合適嘅人生經驗同建議，同子女一齊面對困𩁘，咁樣有助子女學習點樣解決問題。長遠嚟講，小朋友會更願意同父母打開心扉，建立更深厚嘅信任同安全感❤️！

🅱️好好陪伴，靜靜坐喺身邊就夠 ✅
另一種情況係，小朋友嗰刻根本唔想講嘢，甚至唔知點樣表達自己，淨係想有個空間靜吓。家長如果可以靜靜坐喺佢隔嚟，唔追問、唔逼佢🥤，呢種無聲嘅陪伴，反而可以令小朋友感到被接納🧸。家長可以同佢哋講: 「我隨時都喺度，只要你準備好想講，我就會聽～」令小朋友明白：原來唔使即刻講出嚟，父母都會接受佢哋嘅情緒。呢種安全感，係情緒穩定嘅重要基石✨！當仔女有足夠嘅安全感，自然會主動分享。

無論係「好好關心」定係「好好陪伴」，最重要嘅係家長願意放下自己嘅焦急，真正支持同接受小朋友嘅情緒。每個小朋友需要嘅嘢都唔一樣，有時佢哋需要傾訴，有時只要有人靜靜陪住佢哋就夠。家長要識得觀察佢哋嘅需要同尊重佢哋嘅選擇，令佢哋知道自己並不孤單💕！

了解更多「心房子」嘅活動同資訊
📚心房子 Heart and Hut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

18/06/2026

以前老一輩成日話「不打不成器」，呢種觀念到咗今日依然影響住部分家長，令佢哋低估咗體罰嘅嚴重性。

世界衛生組織嘅報告指出 🌍，每年約有12億個0至18歲嘅兒童喺屋企遭受體罰😢！香港中華基督教青年會亦喺2025年做過調查，發現有近三成家長認為適當體罰可以改變子女行為，仲有接近兩成受訪家長認為「用物件擊打小朋友」唔會觸犯虐兒相關條例！

等陣先！體罰只會令小朋友因為驚被父母懲罰而「聽話」，但表面上「屈服」並唔代表佢哋真係會改變或者成長㗎，喵！😾

因為做錯事而被體罰嘅小朋友，反而無咁容易培養到真正嘅「道德良知」，因為佢哋學到嘅唔係「呢件事唔啱」，而係「咁做會捱鬧甚至被打」！就算佢喺你面前唔敢再犯錯，但當外界監控（例如家長同老師）消失，佢好大機會又會故態復萌。世衞指，大量研究證實體罰同多項負面結果相關，包括影響認知（例如對自己同世界嘅睇法）同社會情感發展（例如情緒管理同社交技巧） 🧠，特別係調節情緒同解決衝突嘅能力；而當小朋友無法將社會規範轉化為自己嘅價值觀，佢哋出現反社會行為嘅機會就會增加💔。

💡真正嘅內化同成長，係小朋友打從心底覺得「呢件事唔應該做」，而唔係「因為怕被爸爸媽媽鬧或者打先唔做」。

再提提大家！「強制舉報虐待兒童條例」已經喺香港正式生效喇～如果醫護人員、教師同社工等25類專業人士發現兒童遭受嚴重傷害或者面臨遭受嚴重傷害嘅風險，必須盡快舉報！守護孩子，人人有責 🛡️！

📚參考資料
世界衞生組織. (2025). 兒童體罰與健康. 擷取自世界衞生組織: https://www.who.int/zh/news-room/fact-sheets/detail/corporal-punishment-and-health

香港中華基督教青年會. (2025). 「家長對『保護兒童』及『強制舉報機制』的認知」問卷調查. 擷取自香港中華基督教青年會: https://ymca.org.hk/2025/03/16/news-release-250314/

了解更多「心房子」嘅活動同資訊
📚心房子 Heart and Hut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

Address

Hong Kong

Website

https://www.swd.gov.hk/tc/pubsvc/family/

Alerts

Be the first to know and let us send you an email when 心房子 Heart and Hut posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Hong Kong?