N_store

20/07/2018

情緒G點

喂！雖然無係度蒲頭好耐，但係店長W一直都有攪下呢攪下路架！！！

最近就同朋友籌備緊一個電台節目》情緒G點《，想用輕鬆有趣既方法同大家介紹唔同情緒，想用一個公平既態度對待唔同所謂既「負面情緒」，要為佢地大平反！其實所有情緒都好有用，只係我地點用者！！

想聽店長W把聲，就快啲click條link，入去搵》情緒G點《，畀個like啦！！！

CIBS (Community Involvement Broadcasting Service，社區參與廣播服務) 鼓勵本地團體及個人參與電台廣播，並設立「社區參與廣播基金」(CIBF)提供資助。成功申請者將自行創製13集1小時或半小時的電台節目，在香港電台數碼台播放。

13/02/2018

《突發》

今日店長W霸佔左朋友既攤檔係觀塘同人傾計聽故事！
觀塘翠屏道遊樂場位呀！黎say個hi 呀！

09/04/2017

Draword - 畫字Terra Journey 土地行

啦啦啦！N_store的拍檔都是頂呱呱，誇啦啦！最重要都係小強咁生命力旺盛，老是常出現呀！

之前土地行幫手整理過既卡板木竟然可以重生，係黎緊既復活節旅遊市集度出現，由畫字重新賦與新作用同價值，真係聽到都興奮呀！

耶！快啲mark低時間一齊去市集探我地啦！！

09/03/2017

死唔斷氣之又係店長W

點解N_store身邊既人會咁多才多藝架呢？有朋友膽粗粗攪左個旅遊市集，話要講旅遊講旅人講旅途！

有時間既咪去個市集行下睇下囉！因為好似話店長W都會出現～

【旅人 x N_store 對談】

旅人 · 市集不只是快閃式的實體市集，也是一個連結不同旅人的網上平台，姑且稱之為「市集2.0」。未來的日子，我們會邀請不同的人，談談旅途上的種種，第一次就請旅人在大學時代認識不夠三個月，就癲左一齊去台灣旅行的 N_store 店長W 來傾下偈：）
>>最長的一次旅行有多久？去了哪裡？
最長一次係大學畢業後去愛爾蘭工作假期，日日都好似去探險咁認識新地方新文化新朋友。之後仲有超過100日歐洲背包遊，邊行邊去搵返之識落嘅朋友，有啲仲要係4、5年無見添呀！嗰時終於明白世界好細同有緣再見的意思。

>>講講一次讓你最難忘的旅行...
冰島火山爆發時我係馬爾他，本身係去德國Frankfurt點知成個德國嘅機場都開，就係我去個度唔開，咁我又無地方住，個機場又多人到搵唔到位坐，所以我就是但叫航空公司畀個德國機位我。於是我就去咗柏林。個時我同自己講，只要係晚上八點落機，就會訓機場，所以個晚我係機場過夜。點知夜晚有個醉酒佬入左黎，係咁講野，嚇到我訓唔到。第二朝係廁所刷牙時，見到個女仔我地講起件事，再係咁傾計，原來佢係瑞士人，佢知我backpacking，佢就邀請我去佢屋企住同玩。我地交換左facebook，我都以為佢係講下，點知佢好認真咁搵哂資料畀我，於是我過左一/兩個星期就去咗瑞士搵佢，住咗佢屋企成個星期！佢仲帶我去參觀佢做野嘅幼稚園！！！

>>對你來說，旅行最開心的是...
最開心係可以認識世界，打破好多迷思，旅途中有好多時間去重新審視自己，究竟自己係一個點樣嘅人。

>>如果人生只能夠再去多一次旅行，你會去哪裡？
呢一個旅行會係環遊世界。世界，就係我嘅目的地。

>>旅途上發生過最蝦碌的一件事...
有邊個會係台灣日月潭踩單車盪失路？我同另外兩個朋友都係路痴，其中一個其實嫁咗去台灣一段時間，佢同我地講可以圍住日月潭踩一個圈都係3、4個鐘，點知我地踩踩下去咗公路，仲要天黑落大雨，我差啲以為自己會凍死台灣。好彩中途遇到一家小店店主，佢幫我地打電話搵救兵同請我地飲野，但係太夜好辛苦先搵到一架小貨車黎接我地，結果我要坐係個無頂無圍欄嘅擺貨位，係山路度叫到好似坐緊過山車咁。

*攝於台南米街漫半拍
******************
《旅人 · 市集》檔攤募集中
4月15至16日
詳情：
https://goo.gl/forms/6myIWtmwPnD94Uvz1

04/03/2017

N_store完結了差不多一年了，很多朋友都會問幾時會再有N_store，店長W想講既係，店鋪不在，但精神一直都在。

好開心係N_store 認識到好多不同的人，成為朋友，成為知己，成為人生中的動力。今晚有ONE ONE Studio 一壹工作室 借出空間，畀我地一齊圍埋講故事，聽故事，認識同交流。我相信咩人會有咩朋友！我地都係一班有自己想法有堅持有夢想既人，世界未必會因為我地改變，但我地堅持係會改變自己既世界！

有無人有興趣下次參加我地既故事夜？

12/02/2017

Draword - 畫字 叻叻豬呀！

估唔到過左咁耐，仲可以見到N_store既作品同場地係報導度出現，係超開心！！！

真係托畫字鴻福，可以將之前既展覽作品同點滴再呈現！

好掛住N_store呀，好掛住大家；（

不過好開心見到有好多N_store認識既朋友朝住自己夢想進發，有啲細鋪搬大鋪，有啲有自己既studio，有啲有新工作新演出，人人都努地生活的同時，亦不忘自己的夢想，實在好安慰。

遲啲介紹個正正地方畀大家，因為店長W都會不定期上去hea，話唔定可以jam到啲小既交換故事/換物活動！

❤️ xoxoxoxo. 店長W上

最近有書法創作者，以冰塊演繹 毛筆書法 ，墨水散落，然後慢慢融化消失，過程緩慢而療癒。如此花時間的藝術作品，卻能吸引慣於速食文化的網民停下腳步，享受當中過程，一起來看新一代網絡流行的書法魅力吧！

22/05/2016

唔知而家D細路仲識唔識slam dunk呢？
細個逢禮拜夜晚就埋位睇「男兒當入樽」
D片頭片尾曲仲好好聽添
就算而家睇番都係萬分感動㗎呢～

其中店長N最鐘意嘅角色就係三井壽喇
今日係三井5月22日嘅生日，
生日快樂！
咁你地又最鐘意邊個角色呢？

07/05/2016

仲有個令鐘就係媽媽節喇，諗定點慶祝未？

店長N

23/04/2016

話說16/4 係N_store最後一場表演，第一次的純舞蹈表演，雖然唔係好長，但係好鍾意當中既Q&A環節，好多討論，仲有即場JAM舞，真係好好睇呀！！！睇到店長W都想跳埋一份呢~*

17/04/2016

《再見，再見。》

終於，都曲終人散，到謝幕的時候了。

在2016年4月17日的1800將會交還N_store的鎖匙，從此以後，這裡的一切都不再與我們有什麼關係，漏水也好，水浸也好，停電又好，全部統統都不再是我們的操心的項目。

人走茶涼，未關門，就已經有人unlike這個page了。原來，有些事，你以爲可以繼續，其實別人也未必想讓你走下去。

感謝一直以來大家的支持。千字文，會在安頓好後，慢慢沉澱出來。

16/04/2016

mini farewell gathering is ON!!!!