漁農自然護理署 Agriculture, Fisheries and Conservation Department

漁農自然護理署 Agriculture, Fisheries and Conservation Department Contact information, map and directions, contact form, opening hours, services, ratings, photos, videos and announcements from 漁農自然護理署 Agriculture, Fisheries and Conservation Department, Government Organization, Hong Kong.

歡迎瀏覽香港特別行政區政府漁農自然護理署Facebook專頁。

漁農自然護理署致力促進本地漁農業生產及發展，保護瀕危物種、動植物及自然生境，管理郊野公園、地質公園、特別地區、海岸公園及海岸保護區，以及保障動物福利和控制動植物疾病。

如有查詢、建議或投訴，可以致電 2708 8885 或發送電郵至 [email protected] 以便本署跟進。

#活動快訊【「做個盡責任的寵物主人」巡迴展覽 – 9月篇】想做個更盡責、更貼心嘅寵物主人😺🐶？記得嚟「做個盡責任的寵物主人」巡迴展覽！現場嘅教育展板👩‍🏫可以畀你一站式了解照顧寵物嘅實用知識，仲有互動遊戲🎯，邊學邊玩更輕鬆！🎁 免費精美紀...
08/09/2026

#活動快訊【「做個盡責任的寵物主人」巡迴展覽 – 9月篇】

想做個更盡責、更貼心嘅寵物主人😺🐶？記得嚟「做個盡責任的寵物主人」巡迴展覽！

現場嘅教育展板👩‍🏫可以畀你一站式了解照顧寵物嘅實用知識，仲有互動遊戲🎯，邊學邊玩更輕鬆！

🎁 免費精美紀念品 — 玩完遊戲記得拎走🤗
💰 費用全免 — 啱晒一家大細👨‍👩‍👧‍👦一齊出動🙌

想了解更多？即刻click入嚟👇
pets.gov.hk/tc_chi/highlights/roving_exhibition.html

#漁護署 #做個盡責任的寵物主人 #巡迴展覽 #寵物護理 #寵物絕育 #狂犬病疫苗 #狗隻管理 #牽引犬隻須知

#紅潮注意 【🚨深灣魚類養殖區紅潮報告⚠️】政府跨部門紅潮工作小組今日（9月8日）喺深灣魚類養殖區發現紅潮，呢宗紅潮由旋紋環溝藻組成。旋紋環溝藻常見於本港水域，不含毒素。我哋已提醒咗深灣魚類養殖區養魚戶，要留意魚排情況，適時增氧🐟🫧。紅潮...
08/09/2026

#紅潮注意 【🚨深灣魚類養殖區紅潮報告⚠️】

政府跨部門紅潮工作小組今日（9月8日）喺深灣魚類養殖區發現紅潮，呢宗紅潮由旋紋環溝藻組成。旋紋環溝藻常見於本港水域，不含毒素。

我哋已提醒咗深灣魚類養殖區養魚戶，要留意魚排情況，適時增氧🐟🫧。

紅潮至今仍然持續。暫時並無收到相關嘅魚類死亡報告。我哋會繼續主動監測紅潮出現嘅情況🔎，盡量減低對本地海魚養殖業同市民可能造成嘅影響🙏🏻。

#漁護署 #深灣魚類養殖區 #紅潮報告 #水質監察 #旋紋環溝藻

#漁護快訊【破邊洲段試行預約制 — 首個周末運作實況】剛剛過去嘅星期六日，係萬宜地質步道—破邊洲段試行預約制嘅首個周末，兩日共有約 1,560 人登記入場（包括即場預約人士）。兩日嘅整體運作順暢，入場人士經掃描預約二維碼及核證身份便可登山...
07/09/2026

#漁護快訊【破邊洲段試行預約制 — 首個周末運作實況】

剛剛過去嘅星期六日，係萬宜地質步道—破邊洲段試行預約制嘅首個周末，兩日共有約 1,560 人登記入場（包括即場預約人士）。

兩日嘅整體運作順暢，入場人士經掃描預約二維碼及核證身份便可登山，大部分時段可即時入場，無需排隊。訪客均表示現場指示清晰，預約同核證過程流暢，滿意安排；亦有訪客指出，山徑人流比起實施預約制前減少，特別係觀景台秩序顯著改善，未覺擠擁，大大提升遊覽體驗。期間，工作人員喺山徑沿途同觀景台維持秩序及監察人流，並使用無人機協助監察情況。

試行預約制係為咗更有效管理郊野公園熱門景點嘅人流，以保護山徑同提升訪客體驗。訪客喺不同時段嚟破邊洲段遊覽，亦起到分散人流嘅作用。到達的訪客大部分按預約時段到達東壩，僅有少量遊人於早上 9 時前到達，大致達到分流的效果。喺嚟緊嘅試行期間（即 9 月嘅周末、中秋節及內地國慶黃金周假期），我哋會繼續收集現場數據同訪客意見，並持續監測山徑及人流狀況、同訪客嘅出行及遊覽模式，於試行結束後作詳細檢討，全面評估措施成效及長遠管理安排。

最後提提大家，如果行程有變真係嚟唔到，記得喺預約時段開始前48小時上網取消，將名額留畀其他人呀！我哋亦會繼續因應現場實際情況，彈性釋放登山名額，盡量讓蒞臨破邊洲段嘅遊客，有美好難忘嘅體驗。

#漁護署 #香港地質公園 #香港郊野公園 #西貢東郊野公園 #萬宜水庫 #東壩 #破邊洲 #預約制 #行山有道

#活動快訊【海下遊客中心：「海龜歷險記」免費工作坊】原來香港有唔止一種海龜？ 由9月12日至11月29日期間，逢星期六、日同公眾假期，大家可以帶埋小朋友嚟海下遊客中心，深入認識喺香港可以見到嘅海龜，仲可以參與「海龜歷險記」工作坊，摺出屬於...
07/09/2026

#活動快訊【海下遊客中心：「海龜歷險記」免費工作坊】

原來香港有唔止一種海龜？

由9月12日至11月29日期間，逢星期六、日同公眾假期，大家可以帶埋小朋友嚟海下遊客中心，深入認識喺香港可以見到嘅海龜，仲可以參與「海龜歷險記」工作坊，摺出屬於自己嘅海龜摺紙，參加「海龜歷險」互動環節，享受一個輕鬆又有意義嘅周末！

預約傳送門👉🚪https://forms.gle/wip8qAXCBk9Pcn3N9

#漁護署 #海岸公園 #海下遊客中心 #海下灣 #海龜 #海洋保育

#漁護快訊【🌊現代化水產養殖業進階培訓班🧑‍🏫】漁護署、中國海洋大學、香港漁民團體聯會同香港專業教育學院（IVE）聯合舉辦「現代化水產養殖業進階培訓班」，帶大家一同了解更多水產養殖業專業同現代化發展資訊，為未來發展作好準備。🗓️9月15日...
07/09/2026

#漁護快訊【🌊現代化水產養殖業進階培訓班🧑‍🏫】

漁護署、中國海洋大學、香港漁民團體聯會同香港專業教育學院（IVE）聯合舉辦「現代化水產養殖業進階培訓班」，帶大家一同了解更多水產養殖業專業同現代化發展資訊，為未來發展作好準備。

🗓️9月15日（星期二）
⏰9:00-12:00
💬專題講座：內地“十五五”規劃與藍色糧倉建設導向
🗣️講者：麥康森院士

🗓️9月15日（星期二）
⏰14:00-16:30
💬專題講座：現代海產種苗繁育與基因選育技術（以石斑魚為例）
🗣️講者：包振民院士

🗓️9月16日（星期三）
⏰09:00-12:00
💬專題講座：香港養殖業如何與國家政策對接，爭取大灣區合作機遇
🗣️講者：艾慶輝教授

🗓️9月17日（星期四）
⏰09:00-12:00
💬專題講座：智慧化深遠海桁架式網箱與養殖工船技術概覽
🗣️講者：黃六一教授

🏢培訓地點：新界葵涌興盛路20號香港專業教育學院（葵涌）
💰講座費用全免（漁民及從事漁業者優先 | 名額有限，先到先得）

📞報名或查詢：2150 7127
⌛截止報名日期：9月11日

#漁護署 #現代化水產養殖業進階培訓班 #可持續發展

#餵唔好呀【猴子相關宣傳教育工作】猴子係野生動物，佢哋會走去郊野公園附近、轉車站、屋苑或者市區邊緣，好多時都係因為被人類留低嘅食物所吸引！人為餵飼同垃圾處理不當，都會令猴子走近人群覓食，造成滋擾。喺上星期六（9月5日），我哋喺城門郊野公園...
07/09/2026

#餵唔好呀【猴子相關宣傳教育工作】

猴子係野生動物，佢哋會走去郊野公園附近、轉車站、屋苑或者市區邊緣，好多時都係因為被人類留低嘅食物所吸引！人為餵飼同垃圾處理不當，都會令猴子走近人群覓食，造成滋擾。

喺上星期六（9月5日），我哋喺城門郊野公園附近嘅城門隧道轉車站，向市民派發宣傳小冊子，提醒大家遇到猴子嘅注意事項：

🚫 唔好餵飼猴子或其他野生動物
餵飼會令猴子🐵依賴人類食物🍌🍞，亦會吸引牠哋去人多嘅地方搵食

🚫 唔好喺猴子面前進食
見到猴子時，請將食物、膠袋同外賣袋🥡放入布袋或背囊🎒，避免引起猴子注意

🚮 妥善處理垃圾同食物殘渣
食物垃圾要放入有蓋或可預防猴子滋擾嘅垃圾箱🔘🗑️，唔好留下任何食物來源

↔️🐒 保持距離，保持冷靜
遇到猴子時唔使驚🫨，唔好行近、觸摸或騷擾猴子，特別係幼猴；亦唔好大叫😫、直視猴子👀，或者向牠哋拋擲食物或物件，以免令猴子感到受威脅或慌張

喺一般情況下，猴子係唔會主動接近人。要有效減少猴子滋擾，最好嘅方法係唔餵飼、收好食物、處理好垃圾。每一個小動作，都可以幫助減少人猴衝突。如受猴子滋擾，可致電📞 1823 通知漁護署跟進；如猴子對人身安全或財產構成即時威脅，請即時致電999求助⚠️。

想了解更多有關本地猴子同預防滋擾嘅資訊，可瀏覽以下專題網頁🌐
https://bit.ly/3Uxb6Pd

#漁護署 #猴子知多啲 #唔好餵猴子 #野生動物 #猴子 #全城唔餵

#漁護快訊【⛰️破邊洲段試行預約制首日運作情況🥾】今日（9月5日）係萬宜地質步道—破邊洲段預約制試行嘅首日，漁護署署長黎堅明、環境及生態局副秘書長譚卓姿同立法會議員何俊賢、葉傲冬同方國珊一齊實地視察，了解預約制嘅宣傳策略，同埋現場嘅運作情...
05/09/2026

#漁護快訊【⛰️破邊洲段試行預約制首日運作情況🥾】

今日（9月5日）係萬宜地質步道—破邊洲段預約制試行嘅首日，漁護署署長黎堅明、環境及生態局副秘書長譚卓姿同立法會議員何俊賢、葉傲冬同方國珊一齊實地視察，了解預約制嘅宣傳策略，同埋現場嘅運作情況。

今日破邊洲段共有約1,800 人預約到訪👣，全日有約900人登記入場（包括即場預約人士）。今日到訪嘅遊客同市民輪候秩序良好，喺工作人員核對電子憑證及身份證明文件後有序入場，整體運作暢順。漁護署會繼續密切監察入場情況，因應實際情況釋放名額供即場預約，亦會持續監測山徑嘅人流及周邊環境狀況，於試行預約制結束評估措施成效。

想由即日起至10月7日期間嘅周末、中秋節及國慶黃金周假期前往破邊洲嘅遊客同市民，記得提前透過指定平台免費預約。而中秋節假期（9月25-27日）及國慶黃金周（10月1-7日）嘅預約名額，將分別於9月14日及9月21日早上11點起開放。為提醒有意喺呢兩段熱門時段到訪破邊洲段嘅旅客，我哋會繼續加強內地社交媒體（如小紅書）嘅宣傳，提醒旅客必須提前預約，做好行程規劃。

另外亦提提大家，預約時切勿重複登記，以免預約被取消。

希望大家喺享受舒服嘅行山體驗之餘，亦都可以守護香港嘅美麗大自然✨！

👉 預約平台：klook.com/zh-HK/activity/226636-high-island-geo-trail-po-pin-chau/

#漁護署 #香港地質公園 #香港郊野公園 #西貢東郊野公園 #萬宜水庫 #東壩 #破邊洲 #預約制 #行山有道

#漁護快訊【四川省農業農村廳代表團到訪】漁護署署長黎堅明今日（9月4日）同四川省農業農村廳二級巡視員江坤峰率領嘅代表團會面，就農業發展🌱同農產品貿易🍎📦等議題作深入交流💬。漁護署會繼續同內地、海外唔同單位及機構保持緊密聯繫🤝🏻，為本港業界...
04/09/2026

#漁護快訊【四川省農業農村廳代表團到訪】

漁護署署長黎堅明今日（9月4日）同四川省農業農村廳二級巡視員江坤峰率領嘅代表團會面，就農業發展🌱同農產品貿易🍎📦等議題作深入交流💬。

漁護署會繼續同內地、海外唔同單位及機構保持緊密聯繫🤝🏻，為本港業界開闢新投資機遇，協助推動產業升級轉型📈⚙️，促進漁農業可持續發展💪。

#漁護署 #四川省農業農村廳 #漁農業可持續發展藍圖

#漁護快訊【西貢區議會參觀東龍洲魚類養殖區現代化海產養殖示範場】漁護署署長黎堅明、副署長黎存志今日（9月4日）聯同由西貢民政事務專員馬瓊芬率領嘅西貢區議會代表團，參觀漁護署位於東龍洲🐟魚類養殖區嘅現代化海產養殖示範場，並就海魚養殖等議題深...
04/09/2026

#漁護快訊【西貢區議會參觀東龍洲魚類養殖區現代化海產養殖示範場】

漁護署署長黎堅明、副署長黎存志今日（9月4日）聯同由西貢民政事務專員馬瓊芬率領嘅西貢區議會代表團，參觀漁護署位於東龍洲🐟魚類養殖區嘅現代化海產養殖示範場，並就海魚養殖等議題深入交流🗣️💬。

漁護署會繼續同相關持份者積極協作溝通，攜手🤝🏻落實推動現代化水產養殖設施同技術，以實現《漁農業可持續發展藍圖》嘅願景為目標，促進漁業可持續發展💪。

#漁護署 #漁農業可持續發展藍圖 #東龍洲魚類養殖區 #現代化海產養殖示範場 #可持續發展

#漁護快訊【萬宜地質步道—破邊洲段預約制│入場安排📣】聽日（9月5日）就係「萬宜地質步道—破邊洲段」預約制試行嘅第一日！成功預約嘅山友，出發前請留意返以下安排，入場就會更加順暢喇！提提大家，聽日預約人數已達上限嘅6成，其中早上9時至下午1...
04/09/2026

#漁護快訊【萬宜地質步道—破邊洲段預約制│入場安排📣】

聽日（9月5日）就係「萬宜地質步道—破邊洲段」預約制試行嘅第一日！成功預約嘅山友，出發前請留意返以下安排，入場就會更加順暢喇！

提提大家，聽日預約人數已達上限嘅6成，其中早上9時至下午1時時段，預約已經爆滿；而下午1時後仲有預約名額。記得先預約，再出發！

⏰ 準時到達
請於預約時段內到達破邊洲段入口

🎫 入場必備「孖寶」
身份證明文件（須與預約時提供嘅相同）
電子憑證（QR Code）（喺流動裝置打開或印定出嚟）

🚌 行程及交通
「萬宜地質步道—破邊洲段」來回長2公里，路途崎嶇，行完全程約需2小時。沿途冇補給、冇遮蔭，請預備足夠糧水及防曬裝備

⚠️ 注意：若天文台發出黑色暴雨警告或3號或以上熱帶氣旋警告信號，9A專線小巴將暫停服務！
🚨 留意最新天氣情況：預約或會因惡劣天氣情況自動取消，出發前請參閱「郊野樂行」網站有關惡劣天氣嘅安排：www.hiking.gov.hk/ppcbooking

📱 記得用埋「我的天文台」App追蹤最新天氣情況！行山前做足準備，咁先玩得安全又開心🤗！

#漁護署 #香港郊野公園 #郊野資訊 #西貢東郊野公園 #萬宜水庫 #萬宜地質步道 #東壩 #破邊洲段 #預約制 #行山有道

Address

Hong Kong

Telephone

+85227088885

Website

Alerts

Be the first to know and let us send you an email when 漁農自然護理署 Agriculture, Fisheries and Conservation Department posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 漁農自然護理署 Agriculture, Fisheries and Conservation Department:

Shortcuts

Share

Category