可持續大嶼 Sustainable Lantau

20/08/2026

【東涌東基礎設施工程簽約儀式 順利進行🎉 】

喺今個月中，我哋舉行咗「東涌新市鎮擴展－東涌東餘下基建工程」(合約編號: NL/2026/08) 嘅簽約儀式🖋️，正式同承建商生興 - 德寶聯營👷🏻👷🏻‍♂️簽訂工程合約📄，標誌住呢項基礎設施工程正式展開。呢份工程合約主要包括建造新道路及相關的附屬工程如行人路及單車徑以及填料處置。

工程展開後，工程團隊將致力為東涌居民建造一個更美好、更宜居嘅東涌社區。

想了解更多項目詳情，歡迎瀏覽我哋網站：https://sslo.cedd.gov.hk/tc/our-projects/development-projects/tung-chung/index.html

#土木工程拓展署 #南拓展及可持續大嶼辦事處 #東涌新市鎮擴展 #東涌東 #基礎設施工程 #工程合約

11/08/2026

11/08/2026

【活動回顧｜東涌小炮台公園 · 運動及寵物同樂日😊 🐕 🏃🏻】

🌞 喺7月19日呢個周日，東涌小炮台公園滿載笑聲、汗水、毛孩足印，亦係全城運動迷、寵物同主人嘅盛大派對！

🐕 寵物區 —— 毛孩放電樂園
喺寵物障礙挑戰賽嘅賽道上，狗狗們個個變身運動健將，跨欄、穿隧道，跑得快過主人！狗狗喺草地上盡情奔跑🌿🐕，狗狗跑得開心，主人坐喺度放空都特別寫意，幸福其實可以好簡單😍。

💪 健身區 —— 揮灑汗水 · 釋放活力
「活力挑戰賽」嘅參加者由細路仔到銀髮族都有！多元戶外健身設施考驗大家嘅體能同耐力，喺藍天白雲同樹蔭下做運動，特別醒神！完成挑戰嘅朋友個個都滿頭大汗但笑容滿面，換領美食區嘅小食同禮物時，滿足感爆燈！

好多參加者都話，第一次嚟到呢個公園🌳，真係有驚喜😄。無論係想放電、放空，定係放狗，呢度都一次過滿足晒！😘

📸 同樂日當天我哋捕捉咗好多值得分享嘅片段，一齊睇片重溫當日嘅精彩時刻啦！🎬

#土木工程拓展署 #南拓展及可持續大嶼辦事處 #東涌新市鎮擴展 #東涌西 #奧雅納工程顧問 #利基顯豐土木聯營 #東涌小炮台公園 #竣工典禮 #寵物公園 #健身園地 #多用途活動區 #寵物 #寵物友善 #寵物活動 #寵物好去處 #狗狗活動 #運動 #運動好去處 #同樂日 #離島 #大嶼山 #東涌 #香港好去處 #假日好去處 #東涌新地標

06/08/2026

【🎉東涌小炮台公園開幕 ✨】

小編「工程獅」🦁又有好消息呀😊，「東涌小炮台公園」喺尋日(8月5日)正式開放喇🎉！即刻同大家介紹一下呢個全新嘅東涌休憩地標啦！

「東涌小炮台公園」係由土木工程拓展署設計及建造，由康樂及文化事務署負責管理。大家知唔知道，點解呢個公園會叫做「東涌小炮台公園」📍？原來公園嘅旁邊正正係法定古蹟 ——「東涌小炮台」，所以就用咗呢個具有歷史意義嘅名嚟命名。

呢個公園位於東涌市中心同逸東邨、馬灣涌村之間嘅天然山丘，隔籬就係法定古蹟「東涌小炮台」，公園總面積約1.3公頃，公園入面分咗三大區域，包括寵物公園🐶、健身園地💪🏻同多用途活動區，啱晒唔同年齡、唔同喜好嘅朋友。公園四通八達，喺東涌道北、順東路及翠群徑都設有出入口，而喺順東路及東涌道北更設有無障礙通道出入公園，真係好細心呀。公園亦連接現有行山徑，市民可以輕鬆沿住行山徑登山欣賞東涌灣美景🌿，沿途亦可以喺附近涼亭休息下舒展身心👫🏻。

早前，小編🦁仲邀請咗方學誠署長、離島民政事務處、康樂及文化事務署、東涌鄉事委員會及離島區區議員嘅代表參與竣工典禮暨運動及寵物同樂日，一同分享公園竣工嘅喜悅😍。

當日參與同樂日嘅市民第一次去到公園暢遊，大讚公園環境相當優美，健身園地有好多唔同款式嘅健身設施🏃🏻，拉筋、練肌力都一應俱全。帶同毛孩嘅市民表示好鍾意公園入面嘅寵物公園🐱，毛孩一邊喺草坪上遊玩，主人一邊欣賞東涌灣嘅日落美景，真係人生一大樂事！

分享咗咁多，大家快啲同親朋好友、毛孩一齊去「東涌小炮台公園」親身體驗啦😎！

#土木工程拓展署 #工程獅 #南拓展及可持續大嶼辦事處 #東涌新市鎮擴展 #東涌西 #奧雅納工程顧問 #利基顯豐土木聯營 #東涌小炮台公園 #竣工典禮 #寵物公園 #健身園地 #多用途活動區 #寵物 #寵物友善 #寵物活動 #寵物好去處 #狗狗活動 #運動 #運動好去處 #同樂日 #離島 #大嶼山 #東涌 #香港好去處 #假日好去處 #東涌新地標

29/07/2026

🌟✨ 南拓展及可持續大嶼辦事處(辦事處)網站全新「 盛事 / 活動」專頁登場！快啲嚟探索下大嶼山嘅精彩活動啦！📢

大嶼山粉絲集合～🎉 我哋辦事處嘅官方網站更新咗，💻 新功能亮點搶先睇：

大聲公 icon📢
位於網站右上角，讓你快速選擇 👉 「大嶼精彩盛事及活動」👉「大嶼山保育基金活動」，輕鬆搵到最啱嘅活動！

即時活動預覽 📖
主頁會展示大嶼山嘅最新活動與海報，活動預告一目了然，隨時隨地掌握最新資訊！

專屬活動介紹 🎊
點擊你有興趣嘅活動，即刻可以睇到活動詳情，方便揀到最啱自己嘅活動！

👉 即刻瀏覽全新官方網站： https://sslo.cedd.gov.hk/tc/event-activity/index.html

記得留意我哋Instagram同Facebook ，第一時間收到更多精彩活動資訊！🥳

#可持續大嶼 #大嶼山活動 #大嶼精彩盛事及活動 #大嶼山保育基金

28/07/2026

【 #蜻出嶼南｜2/8蜻蜓生態研習團｜即日接受公眾報名🚩】

🚩立即報名：https://forms.gle/JuyBE6BMWNBzE73Y6
🧾活動宣傳小冊子： https://drive.google.com/file/d/1yXAWn30RewxDRzY4JKCq17UaWzZF8rio/view?usp=sharing

錯過咗上次？機會又嚟啦！
原定 7 月 26 日舉行的「蜻蜓生態研習團」，因惡劣天氣順延至 8 月 2 日（星期日）舉行，現尚有少量名額開放報名！上次報唔到名嘅朋友，今次一定要把握機會啦！
⏳ 名額有限，先到先得，額滿即止！

｜活動簡介
梅窩擁有多元化的生境，蜻蜓多樣性十分豐富，是香港其中一個觀蜻熱點。是次活動將會帶領公眾親身到訪梅窩進行考察，並經本計劃培訓的樂齡人士及青年人引領下，進一步認識大嶼山的蜻蜓生態，提升對大嶼山的保育意識。

｜活動詳情
日期及時間：
(1) 2026年8月2日 (日) 上午9:00至下午1:00
(2) 2026年8月2日 (日) 下午1:00至下午5:00
集合及解散地點：東涌港鐵站 (大會安排免費接駁巴士來往集合及考察地點)
考察地點：梅窩
語言：廣東話
對象：16-65歲公眾人士^
收費：由大嶼山保育基金資助，費用全免*
名額：每場24人
報名日期：即日開放至額滿即止
^尚未年滿18歲之個人報名人士須於活動前遞交家長/監護人同意書
*大會將以電郵方式公佈報名結果，敬請留意。
☎️查詢： 3619-0626 或 [email protected] ｜Vito 譚先生
---
💰支持OWLHK環境教育工作：http://www.owlhk.org/zh/donation
🔔免費登記成為OWL Friends：http://www.owlhk.org/zh/contact-us -owl-friends
#大嶼山保育基金 #蜻出嶼南 #蜻蜓 #環境教育
---
【大嶼山保育基金 | 蜻出嶼南 | 蜻蜓生態教育保育計劃】
🌳資助機構：
大嶼山保育基金
🌳主辦機構：
香港戶外生態教育協會
---
可持續大嶼 Sustainable Lantau
(在本刊物/活動內表達的任何意見、研究成果、結論或建議，並不一定反映香港特別行政區政府或大嶼山保育基金諮詢委員會的觀點。)

24/07/2026

【🌏地理網誌：足下億萬年 – 峰巒之上】

上次了解到大嶼山億萬年嘅地質演變，原來同島上豐富嘅生態環境及人文生活息息相關。嶼小編一直對此念念不忘，趁近日天氣穩定🌞，即刻約石敢當🔍，從香港第二高嘅鳯凰山出發，發掘地質、地形、生境三者之間的連繫。

嶼小編忽然靈機一觸🤔：「大嶼山明明係個島，點解要叫『山』，唔叫『大嶼島』？」

石敢當笑答：「正所謂『島如其名』，因為佢高山多平地少，一直以嚟就叫佢做『大嶼山』。而佢嘅英文名『Lantau』，聽講就係從鳳凰山嘅土名『爛頭山』翻譯過嚟嘅！」(嶼小編: 🤯) 「大嶼山好威水，700米以上的高山就有五座! 全部都係火山岩地質嘅! 你知唔知係邊五座呀? 打開地圖搵搵啦! 之前咪講過熔岩同埋火山灰冷卻形成咗流紋岩同凝灰岩，呢啲岩質夠晒『堅』，歷經億萬年依然巍峨屹立！以前啲航海家未有地圖🗺️，就係靠呢啲山分辨方向！」

⛰️行到近住北坡，石敢當望咗一眼前方茂密嘅樹林，嶼小編即刻指住話：「關於自然，等我話你知。鳳凰山山頂氣溫比地面低5-10度，加上地勢陡峭，風勢強勁，山頂經常被雲霧包圍🌫️，濕度偏高，造就獨特而遠離人類干擾嘅高山生態環境，孕育出唔少稀有植物，如馬蹄荷屬、木蓮屬、八角科嘅植物，同埋稀有動物如大草鶯同擬四眼矍眼蝶🦋等！」

嶼小編筆記：鳯凰山同大東山早喺上世紀1976及1980年已被列為具特殊科學價值地點(SSSI)，又喺1978年同被納入郊野公園，以保護呢片珍貴嘅生態寶地！所以大家行山時，都要記住愛護佢嘅一草一木同所有動物呀!

👉即時用地政總署線上應用平台「Open3Dhk」地圖感受鳳凰山嘅地貌之美🔗：https://3d.map.gov.hk/mapviewer/app/map?flyto=22.026479632894176,113.94240052089243,18152.854653809856,359.99999999999255,35.01278531206099,359.9999999998998&l=zh-HK
👉探索更多關於大嶼山地質故事🔗：https://sslo.cedd.gov.hk/tc/exploring-more/nature-conservation/geo-logs/the-ancient-story/index.html

#土木工程拓展署 #可持續大嶼 #土力場 #足下億萬年 #工程獅 #石敢當 #石仔 #嶼小編 #鳳凰山 #大東山 #蓮花山 #彌勒山 #二東山 #地政總署