E&M Young Ambassador 機電青少年大使

Q: What is the address?

香港九龍啟成街3號機電工程署總部大樓

Home
Hong Kong
Hong Kong
E&M Young Ambassador 機電青少年大使

機電青少年大使計劃由機電工程署舉辦，目的是培養青少年成為機電工程署的大使，在日常生活中推廣機電安全﹑能源效益以及機電業發展。

計劃宗旨是：
促進青少年對機電安全﹑能源效益及機電業的知識
建立一支活潑的青少年團隊，在社區推動機電安全﹑能源效益及機電業發展

本Facebook專頁歡迎大家分享意見，但本Facebook專頁管理團隊並非二十四小時運作，亦未必會逐一回覆留言。任何人身攻擊、粗言穢語、誹謗、淫褻、侵犯知識產權、侵犯個人私隱或作商業推廣等留言將會被刪除。

31/08/2026

【電力安全】夏日熱辣辣，吹風要留神🌬️

天氣熱到爆，想慳電唔開冷氣開風扇🥵，記住留意以下小貼士，咁就用得安全又放心💙！

✅選購配備三腳插頭嘅風扇
✅唔用時記住熄風扇
✅風扇附近唔好擺放紙張、毛巾、窗簾等雜物
✅定期清潔風扇，保持散熱良好
✅如果有怪聲、震動或有異味，立即停用同安排檢查

28/08/2026

【】Customs YES探秘！揭開啟德「巨型冷氣機」嘅秘密 ❄️🤫

Customs YES（香港海關青年發展計劃）日前嚟到啟德區域供冷系統三號廠房實地參觀！一行人走入呢個極具規模嘅節能基建，親身體驗工程與環保科技嘅完美結合！

🚩今次參觀內容極之豐富，有專業導賞員🚶‍♂️帶領會員穿梭平常難得一見嘅廠房各個核心區域🏢，近距離直擊供冷系統❄️嘅運作架構，感受宏偉嘅基建規模！深入淺出咁講解區域供冷系統嘅節能效益、運作原理同背後嘅工程智慧🍃♻️！大家都聽得非常入神，問答環節互動仲相當熱烈添🔥！

希望今次嘅跨界交流，可以加深大家對香港綠色基建嘅認識，同時喺心底種下投身機電業同可持續發展嘅種子🌱💪。
未來EMYA會繼續推動更多跨界別嘅青年交流，帶大家探索機電世界嘅無限可能😉！

#機電工程署 #啟德區域供冷系統三號廠房 #跨界交流 #機電青少年大使

24/08/2026

【】機電青少年大使計劃9月份活動｜太陽能車STEAM工作坊！☀️🚗

大家有冇諗過，一架車仔點解淨係靠陽光就可以跑得郁？🌞💨
太陽能背後又隱藏住幾多綠色能源嘅科學奧秘？🔬

今次EMYA STEAM工作坊，我哋會帶大家走入太陽能嘅奇妙世界🌏，認識光伏板（Solar Panel）點樣將陽光轉化為電能⚡、電動馬達嘅運作原理⚙️，仲會拆解太陽能車嘅機械結構同傳動系統🔧。現場更有專業工程師👷🏻同大家分享可再生能源嘅應用，帶大家了解太陽能點樣改變緊我哋嘅未來生活🌱，一齊為地球出一分力！💚

最精彩嘅係，大家可以喺工作坊親手組裝屬於自己嘅太陽能車模型🏗️，仲可以即場測試佢跑得有幾快🏁，完成後仲可以帶返屋企繼續研究同改良㗎！🏠✨

📋活動詳情：
🗓️日期：2026年9月12日（星期六）
⏰時間：第一場：10:00-12:00 / 第二場：14:00-16:00
🏢地點：機電工程署總部（九龍灣啟成街3號）
👫對象：3-25歲會員（3-7歲小朋友歡迎家長陪同）

名額有限，先到先得，快啲報名啦！☀️🚗
一齊嚟探索太陽能嘅科學奧秘，感受綠色能源嘅無限可能，培養STEAM思維同環保意識！🚀🌍

✅活動由即日起至9月6日接受會員報名📝，現有會員可以登入會員系統進行報名！立即報名或了解🔍更多活動詳情👉https://emya.emsd.gov.hk/tc/new-activities/index_id_165.html （掃QR Code亦得！📱）

如果報名人數超出活動人數上限，我哋將會以「抽籤方式」決定入選會員！工作人員將於9月8日陸續以電郵📧同電話📞形式通知入選會員確認參與，敬請報咗名嘅會員到時候留意。

❗如果有任何查詢，歡迎致電3757-6162與職員聯絡。
未成為會員嘅你🌟免費登記成為會員就可以報名參與我哋嘅活動啦！🎉

💥只要年齡介乎3-25歲，即可登記成為機電青少年大使😎
立即登記👉會員天地

#機電青少年大使 #太陽能 #可再生能源

20/08/2026

🔥【 #氣體安全】邊爐可以慢慢打，安全唔可以慢半拍！

有啲朋友仔喺屋企打邊爐🍲會用手提卡式石油氣爐。見到個爐打得著火仲用得，就以為個爐夠晒安全嗎？未必⚠️

如果爐具已經嚴重鏽蝕、又或者外殼、配件或爐架損毀，即使仲可以點到火，可能已經存在安全隱患。更值得留意係，如果室內空氣唔流通，令氧氣不足而導致不完全燃燒，就大大增加產生一氧化碳嘅風險。😨

一氧化碳無色、無味、無臭，人體好難察覺。過量吸入可能會令人頭暈、作嘔，嚴重甚至會危及生命！

所以大家使用手提卡式石油氣爐前，記得做好以下幾件事👇
✅1｜先認住「GU」標誌
購買及使用已獲機電署批准，並附有「GU」標誌嘅手提卡式石油氣爐
✅2｜每次使用前都檢查
唔好淨係睇「仲點唔點得著火」，如果發現：
🔸爐身嚴重鏽蝕
🔸外殼變形
🔸配件或爐架損毀
🔸聞到石油氣味
🔸聽到漏氣聲
都應立即停止使用，切勿勉強開爐🙅
✅3｜保持空氣流通
唔好以為淨係開冷氣就夠，使用手提卡式石油氣爐時，仲要記住：
🪟開窗保持空氣流通
💨開抽氣扇
🚫唔好閂晒所有門窗
良好通風，可以減低一氧化碳產生同積聚嘅風險。

🔥記住：
「點得著火」唔代表安全。記住要花幾分鐘檢查爐具，保持空氣流通，就可以減少意外發生。

#機電工程署 #機電青少年大使 #卡式石油氣爐 #打邊爐安全

14/08/2026

【 💭 區域供冷系統家家戶戶都用得？】 #啤啤日誌

相信有Follow開啤啤嘅你哋對🌟區域供冷系統🌟都唔會陌生～呢個系統利用規模效應同共享設施嘅概念，喺中央供冷站製造冷凍水，再通過配水管網絡將冷凍水輸送到唔同嘅用戶樓宇作空調用途～有啤粉sss嚟問啤啤🤔，如果我哋屋企都可以用到呢個系統，咪可以慳到好多能源囉🌱？

等啤啤話你知答案啦......區域供冷系統並唔太適合喺一般住宅建築使用❌❌❌！

首先如果住宅建築要接駁到區域供冷系統☃️，住宅建築本身係必須要設有中央空調系統🧑‍💻，而唔係現時我哋屋企普遍採用嘅獨立窗口式或分體式空調，因為使用區域供冷需要喺住宅建築內安裝喉管及風機💨，再加埋要有管道同室內頂部空間嘅配合供走線➕安裝設備🔨，整體嚟講會大大影響住宅單位嘅設計同建築成本💰

另外，每個住宅用戶有各自嘅使用習慣，例如唔同家庭嘅溫度喜好、開關時間等⌚，加上分散嘅業權同物業管理結構，要喺住宅建築應用區域供冷真係會好複雜㗎🥶

所以區域供冷系統更適合用喺設有中央空調系統嘅商業同政府機構或社區樓宇，咁就可以利用呢項共享設施去降低建設成本及使用費💡而住宅就適合繼續沿用傳統獨立空調，唔使額外安裝喉管及風機，達致更靈活同低成本嘅效果喇📝！

提提咁多位啤粉sss選購家用空調機嘅時候，記得要留意能源標籤，揀能源效益最高，貼有「1級」能源標籤嘅產品，齊齊為節能減碳出一分力啦💚！
- - - - - - - - - - - - - - - - - - - - - - -
🥰Follow我哋Instagram : emsdwittybear
⭐️下載「機智啤啤 & 智析寶寶」WhatsApp Sticker：https://bit.ly/4fhwNKJ

#機電工程署 #機智啤啤 #智析寶寶 #機電知識 #區域供冷系統 #住宅建築 #機電迷思 #節能減碳 #實現碳中和 #留意日常生活細節 #一樣可以慳能源又慳錢

13/08/2026

🌧️【升降機及自動梯安全】落雨搭扶手梯，真係要企穩啲⚠️

雨季又到啦！☔
商場、港鐵站啲扶手梯濕濕滑滑，如果仲一路睇手機📱一路搭，真係分分鐘跣一跣就出事😵‍💫例如：尤其有時返學返工趕時間、同屋企人或者朋友傾緊偈。
搭扶手梯記住幾樣嘢👇
💛 喺梯級黃格內企定定
💛 緊握扶手
💛 唔好掛住睇電話
💛 拎大件行李🧳或者BB車就搭𨋢啦～
💛 到出口記得即刻行開

落雨天鞋底濕咗，真係要更加小心👟自己同埋提醒屋企人做好安全習慣，大家都安心好多☺️
你有冇試過喺扶手梯差啲跣親？👀

#機電工程署 #升降機及自動梯安全 #扶手梯安全 #緊握扶手 #企定定唔好行 #雨天安全 #香港日常

11/08/2026

【】機電青少年大使嘉年華2026活動點滴

今屆嘅機電青少年大使嘉年華2026喺上星期六（8月8日）喺九龍灣機電工程署總部大樓順利舉行👏！當日典禮儀式重頭戲連場，精彩Recap 📸：

🚗氫能車競賽大挑戰 2026 夏季版：即場頒發冠、亞及季軍，恭喜各位零碳小車手！

🥇「卓越大使嘉許計劃」首度亮相：為獲得金、銀及銅級會員嘅大使頒發證書，感謝各位大使一路以來嘅支持及持續學習嘅精神！再次恭喜所有得獎大使！👏👏

🚀童軍「機電先鋒章」隆重啟動：非常榮幸邀請到香港童軍總會香港總監同我哋管理層一齊見證歷史性一刻，標誌著機電青少年大使計劃邁向新里程！

🎊突破百間紀錄：現場更一同見證「第 100 間學校會員」嘅誕生！代表校園計劃得到學界嘅認同，共同攜手推動機電安全、節能環保及創科應用💡！

今年我哋帶來四大主題探索體驗，一連兩個時段等大家親身感受科技、工程同綠色創新嘅無限可能！✨✨大小朋友喺「綠色未來🌱」、「築夢工程🎓」、「氫能先鋒🚗」同「AI體驗🤖」四大主題中盡情探索，仲有限定導賞團🚛帶大家參觀重新開幕嘅機電創科專區、近距離直擊氫能洗街車同無人駕駛車，玩到唔捨得走！

再次感謝每一位蒞臨同支持嘅大家💛，希望大家都帶走咗滿滿嘅知識同歡樂。大家最鍾意當日邊個環節？留言同我哋分享下啦！👇😊

#機電工程署 #機電青少年大使 #嘉年華2026

06/08/2026

🌊【日內瓦國際發明展2026 | 金獎巡禮 Part 2】AI慳電 x 海浪發電！⚡

未來工程師們！繼續同大家介紹機電署另外兩項金獎發明，今次重點係「綠色能源」！🌱

❄️ AI空調自動控制系統
夏天開冷氣最怕乜？梗係電費爆錶啦！😱
室內溫度有時會出現「過冷」情況，凍到要着外套，仲會嘥電！

呢個AI系統點幫到手？
🤖 智能分析實際冷氣需求
📊 優化空調處理機組效能
🌡️ 提升室內熱舒適度
🏥 適用於一般醫療場地

🌊 創新海洋能源發電
香港四面環海，海浪能量用唔盡！機電署同海事處合作，將海浪變電力！💡

點樣將海浪變電？
🔄 海洋能源轉換器捕獲海浪動能
⚡ 儲存並轉化成電能
🚢 為離岸海事設施供電
♻️ 100%可再生能源，零碳排放！
🌏 為香港邁向碳中和出一分力

兩項發明都展示咗點樣用創新科技解決能源問題！作為香港未來嘅工程師，你哋都可以為可持續發展出謀獻策！🚀
想知多啲？即刻去機電創科網上平台睇吓：inno.emsd.gov.hk

#機電青少年大使 #日內瓦國際發明展 #海洋能源發電 #香港創科

31/07/2026

【EMYA】雙月會訊

近年受全球暖化🌍🌡️同極端天氣🥵嘅影響，香港嘅夏季越來越長，平均最高氣溫亦不斷上升。上期會訊帶各位機電青少年大使認識咗機電工程署喺部分地區規劃及推行緊嘅「區域供冷系統」（District Cooling System）💧，而今期會訊就帶大家了解一下夏天必備嘅「神器」- 冷氣機！❄️

機電工程署一直扮演推動節能減排♻️同保障公共安全⚠️嘅雙重關鍵角色，而冷氣機嘅「安全使用」喺一門綜合學問，由選購、安裝、日常保養，到雪種處理及維修安排🛠️，每一個環節都同我哋嘅生活安全💒、生活品質息息相關㗎！💞

想知多啲？一齊嚟睇睇今期會訊啦！✨
https://emya.emsd.gov.hk/tc/newsletter/index.html

#機電工程署 #機電青少年大使 #冷氣機 #雪種
#能源效益標籤 #電力安全 #氣體安全

Address

香港九龍啟成街3號機電工程署總部大樓
Hong Kong

Telephone

+85237576162

Website

https://emya.emsd.gov.hk/

Alerts

Be the first to know and let us send you an email when E&M Young Ambassador 機電青少年大使 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to E&M Young Ambassador 機電青少年大使:

Want your organization to be the top-listed Government Service in Hong Kong?