https://www.facebook.com/301310556688336/

和富鄰里芯 Wofoo Neighbour Hub

Home
Hong Kong
Hong Kong
和富鄰里芯 Wofoo Neighbour Hub

Contact information, map and directions, contact form, opening hours, services, ratings, photos, videos and announcements from 和富鄰里芯 Wofoo Neighbour Hub, Social service, Hong Kong.

「和富鄰里芯」延續「社區改變者聯盟」，以推動鄰里友愛互的精神，及秉持和富的信念：「人和家富，民和國富」繼續「支援社區，與家庭同行」。
「和富鄰里芯」以義工為主導去發展不同的服務，以義工為中心去了解及推行服務。他們的切身體會，最能計劃出最貼合社區需要的服務。
期望在將來，我們各小隊的義工，能跟不同的持份者有更多的合作空間，一同去關顧各區身心靈有需要的人。我們不單期望作出支援，更期望令到社區更友愛、和諧，更具抗逆力。
歡迎各機構、學校、中小企等聯絡我們，一起「支援社區，與家庭同行」。

27/08/2026

多謝富山康健日托暨日間中心嘅紀錄！🌱
好開心見到一班老友記玩得咁投入，估味道、摸葉紋、飲花茶，仲帶埋親手種嘅「蕾絲公主」返屋企。感謝義工們嘅用心，亦感謝中心俾機會我哋一同創造美好時光。
我哋會繼續努力，將大自然帶入社區每個角落！❤️
#和富鄰里芯 #社區 #關心社區 #義工活動 #關愛

14/08/2026

【和富鄰里芯 X 樂耕園 - ⭐太子社區客廳手作工作坊回顧】
#和富鄰里芯 X 樂耕園義工隊於上週六首次與樂群社會服務處轄下嘅太子社區客廳合作🤝，為佢哋嘅會員舉辦咗一場「浮游花筆🖊️＋芬芳擴香石工作坊」。義工們好高興能夠介紹並指導各位會員親手設計同製作屬於自己嘅浮游花筆同芬芳擴香石。💐
製作過程中，大家都運用咗色彩繽紛、種類繁多嘅乾花🌷，發揮無限創意，配搭出自己鍾意嘅顏色組合，創作出極具個人風格嘅浮游花筆同擴香石。今次仲好開心有小朋友參與，☺️等佢哋都可以一齊感受小手作嘅樂趣。
兩項小手工唔單止讓社區客廳會員以巧手打造出實用又精緻嘅作品，🥰更珍貴嘅係俾佢哋喺一貼一砌之間忘卻煩惱，沉浸喺創作帶嚟嘅喜悅同自我肯定之中。💪
#和富鄰里芯 X 樂耕園期望未來可以同更多社區客廳合作，服務社區入面唔同年齡層嘅街坊。
#和富鄰里芯 #社區 #關心社區 #義工活動 #關愛 #太子 #太子社區客廳

28/07/2026

【和富鄰里芯 X 樂耕園 - 手作同樂油尖旺活動回顧】🎨
#和富鄰里芯 X 樂耕園義工隊近期將服務拓展到油尖旺區，陸續同區內更多院舍同機構展開合作🤝。我哋喺7月份分別走訪咗 #大角咀安老院同 #曉光（得如）護老中心，同老友記一齊互動，齊齊動手製作扇畫同香囊包，共度開心又充實嘅時光☀️。
每次設計小手工活動，義工隊都細心考慮長者嘅需要同能力。畫扇面嘅環節，除咗發揮創意，仲可以鍛鍊手部靈活性同手指小肌肉，等老友記喺傳統美學中感受繪畫嘅樂趣🖌️。而製作香囊包就用上玫瑰乾花同薰衣草乾花，天然花香有助放鬆神經、減輕焦慮，仲有提神醒腦嘅作用🌷。長者可以將香囊掛喺床頭或者隨身佩戴，幫助呼吸順暢，改善睡眠質素。活動期間，義工仲會簡單講解香囊嘅歷史同傳統習俗，等手作過程加多幾分文化趣味📜。
兩項小手工唔單止讓老友記親手完成實用又靚嘅扇同香囊，更重要嘅係畀佢哋放鬆心情，享受創作過程帶嚟嘅滿足感同樂趣😌。 #和富鄰里芯會繼續凝聚更多有心人，走入唔同社區，為長者日常加多一點溫暖同色彩🌈。
#和富鄰里芯 #社區 #關心社區 #長者探訪 #義工活動 #關愛 #油麻地 #旺角 #大角咀 #社區關懷

12/06/2026

【和富鄰里芯 X 樂耕園 - 綠意手作送暖活動回顧】🌱
#和富鄰里芯 X 樂耕園義工隊早前走訪咗「 #嗇色園可富耆英鄰舍中心」，舉行咗一場充滿綠色氣息嘅探訪服務💚。今次活動除咗送上關懷同陪伴，更特別引入近年好流行嘅水苔球家居擺設，同長者一齊動手DIY，親身體驗綠色生活帶嚟嘅樂趣同滿足感😊。
義工們細心指導長者善用日常資源，只需少量材料同簡單動作，就可以打造出清新可愛嘅家居擺設，為屋企增添一抹綠意🌿。活動期間，長者們專注咁搓水苔、包植物，不但鍛鍊咗手部精細動作同手眼協調，仲喺製作過程中獲得放鬆同成功感💪。水苔球實用又環保，可以幫植物保水，減少淋水次數，好適合長者輕鬆打理；而呢份綠意盎然嘅擺設，亦有助舒緩情緒、提升生活質感，為家中帶嚟一份自然生氣🍃。
今次活動讓長者們喺歡笑聲中親手創造屬於自己嘅綠色小作品，既充實咗日常時間，亦感受到社區嘅溫暖同支持🥰。「和富鄰里芯」嘅服務已經由黃大仙、荃灣同深水埗區擴展到唔同區域，我哋期望繼續走入更多社區角落，推動綠色生活同鄰里關懷並行💚✨。
#和富鄰里芯 #社區 #關心社區 #長者探訪 #義工活動 #關愛 #黃大仙 #社區關懷 #荃灣 #深水埗

30/04/2026

【和富鄰里芯 X 樂耕園 - 手工藝活動回顧】
#和富鄰里芯 X 樂耕園嘅院舍及長者中心探訪服務已推行近一年❤️。一路走來，全賴一眾義工嘅熱心付出，以及各院舍及長者中心嘅信任，先能夠將歡笑同關懷送到長者身邊。
喺恆常探訪中，手工藝製作一直係深受長者喜愛嘅活動😊。我哋嘅義工用心揀適合長者能力嘅手作項目，包括：
🎨 青草地水彩畫
🧸 毛巾公仔
🌿 如意香草福袋
☕ 咖啡渣畫
🌸 和諧粉彩畫
🎀 香囊包
🍊 扭扭吉祥桔
長者透過親手製作，不但享受當中嘅樂趣，更能喺過程中鍛鍊手部精細動作與手眼協調能力、獲得感官刺激、放鬆心情、逐步建立自信同埋減少孤單與無聊感。
每一件小手作，都係身心健康嘅累積。💪
未來， #和富鄰里芯 X 樂耕園會繼續將服務帶到更多區域，期望凝聚更多社區上嘅有心人，一同支援有需要嘅長者，令關懷不斷延續。🥰
#和富鄰里芯 #社區 #關心社區 #長者探訪 #義工活動 #關愛 #黃大仙 #社區關懷 #荃灣 #深水埗

13/04/2026

【和富鄰里芯義剪隊 - 📊小小統計 · 大大感動】
由2025年1月開始，我哋和富鄰里芯嘅義剪隊聯同一班合作夥伴（包括老人院舍及長者地區中心），已經舉辦咗多場義剪活動，服務咗接近 1000 人次 💇‍♀️
每一個數字嘅背後，都係義工們用雙手加愛心，一點一滴累積出嚟嘅成果 💪同時，亦好多謝一班合作夥伴嘅信任同陪伴，讓我哋走得更遠 💕
衷心感謝每一位義工嘅熱心參與同鼎力支持！因為有你哋，我哋先可以不斷成長，為更多長者帶嚟笑容同關懷 ✨
#和富鄰里芯 #義剪傳愛 #社區 #義工活動 #關愛 #黃大仙 #荃灣 #深水埗

20/02/2026

【和富鄰里芯 X 樂耕園 - 新春帶暖意活動回顧】
#和富鄰里芯 X 樂耕園聯同各界合作伙伴，於2月4日及2月7日走訪咗「 #香港互勵會曹舒菊英老人中心」、「 #圓玄安老院」、「 #保良局癸未年樂頤居暨耆安長者日間護理中心」同「 #耆康會荃灣長者地區中心」，合共舉辦5場新春關懷活動，將節日暖意傳遞俾區內長者😊。
5場活動內容豐富多元，義工們同長者一齊玩「推波波」遊戲、寫揮春，重拾節日歡樂；為長者理髮💇，等佢哋以清爽形象迎接新歲；一齊整🍊「吉」祥如意小手工🎋，寓意新一年大吉大利，更送贈新春福袋，為長者送上節日祝福；義工上門探訪，送上誠摯問候同小禮物；義工上門協助長者進行新春「大掃除」🧹，等佢哋喺潔淨舒適嘅環境中過年。❤️
「和富鄰里芯 X 樂耕園」好高興能夠聯同一班熱心人士，包括碩士生同專業人士，一齊投入服務。活動當日，大家都懷住熱忱，盡心盡力同長者互動交流，讓愛與關懷流動喺每一個角落。
我哋期望未來有更多來自各界嘅朋友加入💪，一齊同行，將溫暖送到更多有需要嘅長者身邊，令鄰里間嘅芯火相傳，越燃越亮。🥰
🧧人和家富馬躍新程🧧
福臨萬家喜氣盈門🎉祝願大家新一年身心康泰、事事順利，同心關愛社群，共建更美好香港！
#和富鄰里芯 #社區 #關心社區 #長者探訪 #義工活動 #關愛 #黃大仙 #荃灣 #深水埗

03/02/2026

【和富鄰里芯 x Chill Sweet 俏甜 — 派飯關懷長者活動回顧】
#和富鄰里芯好榮幸同攜手合作，先後喺2025年12月20日、2026年1月19日喺青衣，同2026年1月3日、2026年2月2日喺觀塘舉辦派飯關懷長者活動😊。四次活動合共派出450個愛心飯盒，將社區嘅溫暖親手送到長者手中。❤️
「Chill Sweet 俏甜」團隊長期自發派飯關顧長者，同「和富鄰里芯」服務社區嘅理念不謀而合。我哋好高興能夠支持呢項善舉🫶，並透過資源協作，擴大行動嘅影響力，讓更多長者受惠。
活動入面，義工們唔單止協助派發飯盒，更同長者親切交流、送上誠摯祝福，希望讓每位長者感受到被記得、被陪伴嘅溫暖同埋嚟自社區嘅真摯關懷。🥰
未來，「和富鄰里芯」與「Chill Sweet 俏甜」將會持續合作🤝，定期每月初一喺青衣、每月十五喺觀塘舉辦派飯活動。我哋亦期待逐步增加更多派飯點，將呢份溫暖延伸至其他社區，讓更多長者感受到鄰里之間嘅陪伴與暖意。💪
#和富鄰里芯 #社區 #關心社區 #長者探訪 #義工活動 #關愛 #青衣 #觀塘

24/12/2025

【和富鄰里芯 - 牙科保健教學探訪活動回顧】
#和富鄰里芯聯同合作伙伴 #香港諾保科，於12月17日喺「香港互勵會曹舒菊英老人中心」舉辦咗「牙科保健教學探訪活動」😊。今次活動由「香港諾保科」派出專業牙科團隊擔任義工🦷，透過輕鬆有趣嘅講座同互動遊戲，向長者生動講解正確刷牙方法、日常口腔清潔要點，以及定期檢查嘅重要性，同時送上真摯嘅問候同祝福。❤️
活動當日，牙科團隊用佢哋專業知識，幫助長者掌握實用護齒技巧，鼓勵佢哋將口腔清潔融入日常生活，持續保持牙齒健康。😁
「和富鄰里芯」期望以此為起點，牽動社會各界齊心同行💪，將健康同溫暖傳遞俾每位有需要嘅長者。🥰
這個聖誕，大埔火災嘅餘煙雖散，心中嘅傷痛卻仍隱隱作痛。許多家庭正努力學習在缺失中，找尋繼續前行嘅步履。願我們能以一份「和而富足」嘅溫柔彼此支持：喺家庭中多一點體諒，喺社區間多一份關懷。讓這份純粹嘅關愛，成為香港癒合嘅微光。
願我們秉承「獅子山精神」，彼此關懷，活出不熄嘅希望。祝你與所愛嘅人平安，滿載恩典與盼望。
#和富鄰里芯 #社區 #關心社區 #長者探訪 #義工活動 #關愛 #黃大仙

03/11/2025

【和富鄰里芯 - 義工運動教學探訪活動回顧】
#和富鄰里芯聯同合作伙伴 #香港互勵會曹舒菊英老人中心，於10月22日首次為長者舉辦咗「義工運動教學探訪活動」😁。今次活動由和富社企男子足球隊派出教練同球員擔任義工⚽️，親身指導長者進行簡單嘅手腳協調及伸展運動，同時送上真摯嘅關懷及祝福。❤️
活動當日，教練同球員用佢哋專業嘅運動經驗，😎設計咗一套適合長者嘅輕量帶氧運動，希望提升長者嘅心肺功能及身體活力，同時鼓勵佢哋將簡易鍛鍊融入日常生活，😊持續保持身心健康。
教練同球員都表示，今次活動意義深遠，長者嘅積極投入同充沛活力，反過嚟為佢哋注滿正能量🔥。即使嚟自外地嘅球員唔識講廣東話，仍透過身體語言同長者互動無阻，🤝展現咗跨越言語嘅溫暖連結。活動唔單只令教練同球員感受到付出嘅滿足，仲深化咗對社區共融嘅體會。🫶
「和富鄰里芯」期望以此為起點，牽動社會各界齊心同行💪，將愛同關懷傳遞俾每位有需要嘅人。🥰
#和富鄰里芯 #和富社企足球隊 #社區 #關心社區 #長者探訪 #義工活動 #關愛 #黃大仙

Address

Hong Kong

Telephone

+85236515271

Website

facebook.com

Alerts

Be the first to know and let us send you an email when 和富鄰里芯 Wofoo Neighbour Hub posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 和富鄰里芯 Wofoo Neighbour Hub:

Want your organization to be the top-listed Government Service in Hong Kong?