03/09/2026
【見習青年大使實地考察：走進北部都會區】
作為YDC青年大使計劃2026專題分享／體驗系列嘅第二講，47位見習青年大使（YA）走入北部都會區實地考察，全方位了解規劃嘅最新情況。
佢哋先到訪粉嶺北社區聯絡中心，由發展局北部都會區統籌辦事處規劃及發展組組長吳劍偉簡介北部都會區嘅最新進展、同見習YA面對面交流；之後就登上古洞北新發展區工程地盤寫字樓嘅天台遠望工程現場🏗️。最後，大家喺漁農自然護理署嘅導賞下參觀塱原自然生態公園🌾，深刻體會到政府藉住發展古洞北／粉嶺北新發展區嘅機遇，發展塱原自然生態公園，以保育同提升呢片重要嘅淡水濕地嘅生態價值🌳。
見習YA呂鈞翹分享💬：「喺現場見到核心基建全力推進，感覺好震撼。北都以『基建先行』同鐵路為骨幹，加上新跨境鐵路規劃，為將來有意把握大灣區發展機遇嘅青年提供咗實質便利。」
見習YA劉樂情表示：「最深刻係戴住耳機漫步塱原，親身感受城鄉共融嘅可能性。北都希望打造成碳中和社區，好期待未來呢度嘅綠色生活環境。」
見習YA李光達認為：「北都開拓3,000多公頃土地、提供超過50萬個新住宅單位，同時預留咗土地發展藝文康體同青年設施。希望配套逐步落實，等青年人可以安居樂業、一展所長。」
北部都會區係香港未來發展嘅重要引擎，具有巨大經濟價值同發展潛力📈。今次考察相信為見習YA帶嚟唔少啟發而且加強咗佢哋對宏觀趨勢嘅認識。希望見習YA繼續好好裝備自己💪，發揮青年力量✨，融入同服務國家發展大局。
#青年引領未來 #民青局 #北部都會區
