喜閱．飛越

Home
Hong Kong
Hong Kong
喜閱．飛越

閱讀讓我們飛越界限，感受無盡喜悅。緊貼香港公共圖書館的最新消息，投入多元化的閱讀活動。

27/08/2026

【線上節目《星空中尋找幸福》🌟 開啟一場療癒觀星之旅】

觀星唔單止可以認識天文科學，浩瀚嘅星空更可以療癒心靈✨。

「夏日圖書館節 2026」線上節目《星空中尋找幸福》即將上線🎬！由香港跨媒體天文教育者薛俊朗主持，一連三集帶大家由北極圈出發，跨越地球另一端，融合STEAM知識與跨界視角，喺星空下一齊尋找幸福嘅五個核心元素🔭！

節目即將上線，記得密切留意，約定你從星空尋找專屬嘅幸福感💛！

#夏日圖書館節2026 #星空中尋找幸福 #書訊集 #喜閱飛越 #香港公共圖書館

26/08/2026

【「喜」動圖書館🚚下一站，約定你啟德、將軍澳見！】

喺忙碌嘅日常，閱讀一樣可以輕鬆融入生活！「喜」動圖書館持續走入全港多個社區，將圖書館服務直接送到你身邊！大家可以喺車上自助借還圖書📚，仲可以閱覽豐富嘅電子資源！

嚟緊「喜」動圖書館將會到訪兩個全新地點，分別係九龍城啟德．東寓同將軍澳善明邨，將精選好書推廣到更多社區，一齊感受閱讀為生活帶嚟嘅喜悅😊。

想了解更多「喜」動圖書館嘅到訪地點，即刻Click入嚟睇睇啦：https://bit.ly/3Sv5jLV

#喜動圖書館 #喜閱飛越 #書訊集 #香港公共圖書館

25/08/2026

【中國歷史系列：紀念抗戰，珍惜和平🕯️】

歷史唔單止係教科書上嘅文字，更承載住前人團結不屈、共渡時艱嘅共同記憶🙌🏻。

今年適逢九一八事變95周年，香港公共圖書館以「中國歷史系列：紀念抗戰，珍惜和平」為主題，舉辦專題展覽講述抗日戰爭三個階段嘅史事及日佔時期嘅香港狀況，同步展出有關中國抗戰歷史嘅書籍，仲有中國傳統繩結工作坊！從多角度帶大家回顧歷史，體會和平嘅珍貴⏳。

工作坊名額有限，記得預先報名。立即了解展覽及工作坊詳情👉https://bit.ly/4grDMD9

#中國歷史系列 #紀念抗戰 #喜閱飛越 #書訊集 #香港公共圖書館

24/08/2026

【文學101－香港文學地圖《西西》第二集：從「候鳥」到「土著」】

文學作家西西曾戲稱自己係「土人」、「土著」，原來呢個講法同土瓜灣有著密不可分嘅關係🧐？

《香港文學地圖：西西》第二集，將會跟隨西西嘅文字足跡✍️，走入佢居住、讀書、工作、寫作同生活咗大半生嘅土瓜灣，探索呢片土地如何成為佢重要嘅創作養分，同時感受西西筆下獨具文學色彩嘅土瓜灣，細味街角巷弄之間嘅人情味。

想了解西西喺土瓜灣嘅生活點滴？即刻睇片啦🎥！

🎞【文學101－香港文學地圖】短片重溫 🎞 https://bit.ly/3ToBhtP

#文學101 #香港公共圖書館 #康文署寓樂頻道

21/08/2026

【學海書樓人生學問講座 🗣️ 古代大俠的謀生與反詐指南】

小說入面嘅大俠總係仗劍天涯、行俠仗義⚔️，但大家有冇諗過，真實嘅江湖其實係日復一日嘅柴米油鹽。而古時冇互聯網、冇防騙App，賺到銀兩之後，更要諗點樣提防騙徒，避免落入陷阱🤔！

今次講座將帶大家翻閱古籍📖，探討古代江湖嘅謀生之道，從人情世故與生存智慧中，了解古人點樣喺江湖中立足！

名額有限，有興趣嘅朋友，即刻上網報名👉🏻：https://bit.ly/4zcgnhO

「 #學海書樓人生學問講座」由香港公共圖書館與學海書樓合辦，由不同學者以深入淺出嘅方式講述中國文學典籍中嘅文化意蘊。如果想知道未來嘅主題同內容，又或者想重溫昔日講座，歡迎瀏覽👉🏻：https://bit.ly/4qnSZrQ

#古代大俠的謀生與反詐指南 #學海書樓人生學問講座 #喜閱飛越 #香港公共圖書館 #學海書樓

19/08/2026

幸福源自生活事，留言分享溫暖字。

生活再忙碌，也別忘了給自己留點空間，靜心尋找和細味生活中的小確幸。

你心目中的「幸福」又是甚麼呢？一杯剛泡好的熱咖啡？一本令你愛不釋手的好書？還是一個來自摯愛給你的溫暖擁抱？

香港公共圖書館與香港電台第五台合辦「幸福字在——幸福感言」網上活動，誠邀你留言分享對「幸福」的看法，有機會獲得價值100港元的書券！

立即留言分享，並邀請親朋好友一同參加及為你的留言點讚，一同贏取書券，感受幸福！

活動詳情：
1. 活動日期：即日起至9月18日（星期五）中午12時
2. 參加方法：於留言區分享你的「幸福」經歷或感受（字數限制：50字，包括中英文字、數字、標點符號及表情符號）；獲得最多「讚好」的30位參加者將每人獲得價值100港元書券乙張
3. 請留意本活動受條款及細則約束，詳情：https://www.hkpl.gov.hk/expressionsofjoy

14/08/2026

【味道的交融：香港飲食文化的創新與傳承🥢】

香港嘅飲食文化唔止豐富多元，更不斷推陳出新。面對餐飲環境轉變，加上人工智能興起，香港食肆點樣喺挑戰中尋找出路🔀？

今次講座邀請到蕭欣浩博士同大家分享，從經營模式、食材選取到宣傳策略，探討本地餐飲業點樣喺傳承中華飲食文化精髓嘅同時，開拓更多可能性，以創新方式延續滋味💫。

講座以粵語主講，免費入場，名額有限，先到先得！即刻了解活動及報名詳情👉🏻 https://bit.ly/4qbB7SF

#味道的交融 #香港飲食文化 #喜閱飛越 #書訊集 #香港公共圖書館

13/08/2026

【枕經籍書　心瞻四庫——倫明及其文化成就展📚】

歷史文化名人倫明一生醉心典籍，致力搜集與收藏中華文獻，對文化傳承貢獻深遠✨。

香港中央圖書館現正舉辦「倫明及其文化成就展」，展出東莞圖書館嘅研究成果。展覽涵蓋倫明嘅詩書傳家、讀書、教書、藏書、著書、交遊、生平及手跡等篇章，全面展現其學術思想、文化成就與愛書精神，帶大家感受閱讀與典籍傳承嘅深厚魅力。

有興趣了解倫明嘅傳奇一生，千祈唔好錯過！

#倫明 #中華文化 #書訊集 #喜閱飛越 #香港公共圖書館

12/08/2026

【香港記憶：深水埗社區歷史圖片展🎞】

大家知唔知1920年代嘅深水埗警署，同而家有咩分別？你仲記得荔園嘅旋轉木馬嗎？深水埗碼頭原來曾經有船直接去澳門 😯？

以上同更多珍貴嘅歷史圖片，都可以喺 #香港記憶網站推出嘅「深水埗社區歷史圖片展」特藏睇得到！透過相片、剪報同地圖等珍貴歷史檔案資料，帶大家發掘深水埗區唔同時期嘅面貌，一齊穿梭昔日歲月，探索深水埗區嘅發展軌跡💫。

立即認識更多歷史故事，感受社區魅力：https://bit.ly/4yUOtXp

#深水埗 #歷史圖片 #香港記憶 #喜閱飛越 #香港公共圖書館

11/08/2026

【香港記憶講座系列：被遺忘的香港消失村落🏘️】

曾經有唔少村落因城市發展而被遷徙、拆卸，甚至逐漸消失。大眾對呢啲村落嘅記憶，亦漸漸被時間沖刷，瀕臨湮沒。今次講座邀請到黃競聰博士，透過口述歷史、文獻、檔案以及舊地圖🗺️，重現香港消失村落嘅面貌與故事，重新撰寫屬於香港嘅共同記憶。

講座免費入場，座位有限，記得預早報名！立即了解詳情👉🏻 https://bit.ly/4yXhL7E
講座亦將於香港公共圖書館YouTube頻道同步直播👉🏻 https://bit.ly/4wp4Glc

想認識更多消失村落嘅故事，Click入「香港記憶」網站睇睇啦👉🏻 https://bit.ly/4wpSK2L

#香港村落 #香港記憶 #喜閱飛越 #書訊集 #香港公共圖書館

Address

Hong Kong

Website

http://www.hkpl.gov.hk/

Alerts

Be the first to know and let us send you an email when 喜閱．飛越 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 喜閱．飛越:

Want your organization to be the top-listed Government Service in Hong Kong?