扶貧委員會

扶貧委員會 歡迎瀏覽扶貧委員會(CoP)的專頁，我們會在此與大家分享CoP和轄下兩個專責小組的最新工作動向。

第五屆扶貧委員會的任期由2023年1月1日起開始。2022年《施政報告》宣布本屆政府的策略是精準扶貧，把資源投放到最需要幫助的人身上。新一屆扶貧委員會將會研究和識別其他精準扶貧的目標群組，並就扶貧事宜向政府提供意見，以及推廣跨界別合作精準處理貧窮問題。扶貧委員會亦會監督關愛基金(CCF)和社會創新及創業發展基金(SIE Fund)的運作，通過補漏拾遺和推動社會創新處理貧窮問題。

本專頁為一開放平台，管理員不會對留言逐一回覆。如有涉及人身攻擊、粗言穢語、誹謗、淫褻、重複相同意見、侵犯知識產權或作商業推廣的留言，可能被刪除。

#扶貧新氣象 【立秋 迎戰「秋老虎」🐯！】二十四節氣入面嘅第十五個節氣係「立秋」，代表住秋季正式開始喇🍂！不過盛夏餘熱未消，天氣依然係非常炎熱，所以立秋又被稱為「秋老虎」☀️！同時，亦都代表暑假亦已經嚟到中段！各位同學仔喺盡情放電放假嘅同...
05/08/2026

#扶貧新氣象 【立秋 迎戰「秋老虎」🐯！】

二十四節氣入面嘅第十五個節氣係「立秋」，代表住秋季正式開始喇🍂！不過盛夏餘熱未消，天氣依然係非常炎熱，所以立秋又被稱為「秋老虎」☀️！

同時，亦都代表暑假亦已經嚟到中段！各位同學仔喺盡情放電放假嘅同時，記得要好好分配時間完成暑期功課，媽媽就安心唔使變「虎媽」啦✍️！

家長們，「在校課後託管服務計劃」喺新一個學年嘅服務名額維持不設上限🙌🏼，開學記得留意仔女讀緊嘅小學有無參與「計劃」啦！✨

想了解參與「計劃」嘅學校名單同申請資格等，請參閱：
https://www.swd.gov.hk/tc/svcdesk/funds/ccf/ccf_current/

#在校課後託管服務計劃 #課後託管 #功課輔導 #單親家庭 #溝通技巧 #親子關係 #扶貧委員會 #立秋 #秋老虎

04/08/2026

#扶助指南針 【解構你的「資源福袋」🧧 睇睇政府每月幫你承擔咗幾多開支】

幾乎每位香港市民喺日常生活中，都有用到政府嘅教育🎓、醫療衞生🩺、房屋🏢或社會福利🫂支援。

其實政府一直都有投放大量資源喺上面提到嘅四大政策範疇，保障大家嘅基本生活✔️。

今次我哋就用廣受國際採用嘅「社會資源價值分析」呢個工具，同大家計一計數，睇吓👀政府畀我哋嘅「資源福袋」有幾豐富，幫各受惠住戶承擔咗幾多支出啦！

詳情都可以參閱《香港精準扶貧成果報告》，睇下呢份溫暖人心的扶貧成果！❤️
https://www.commissiononpoverty.gov.hk/chi/impactreport.html

#香港精準扶貧成果報告 #精準扶貧 #政商民合作 #社會資源價值 #扶貧委員會

#扶助指南針 【扶助新方向：主動識別、精準扶助👀】《香港精準扶貧成果報告》已經推出，展示政、商、民三方合作下，精準扶貧策略取得階段性成功！亦意味住我哋要改變單純「接濟」嘅角度，轉向嶄新嘅兩大核心概念：「主動識別」同「精準扶助」🔍！🔍主動識...
03/08/2026

#扶助指南針 【扶助新方向：主動識別、精準扶助👀】

《香港精準扶貧成果報告》已經推出，展示政、商、民三方合作下，精準扶貧策略取得階段性成功！亦意味住我哋要改變單純「接濟」嘅角度，轉向嶄新嘅兩大核心概念：「主動識別」同「精準扶助」🔍！

🔍主動識別
政府會循序整合各項數據，主動發掘社會上最缺乏支援、最有需要嘅「隊尾」人士，及早發現佢哋喺經濟、身心、社交同發展等嘅需要，讓服務由「被動回應」走向「主動介入」。

🫴🏻精準扶助
搵到最有需要嘅群組後，我哋會以社區為主場、以家庭為載體、以預防為優先，回應佢哋嘅多方面需要，提供具針對性嘅綜合支援。政策着眼點唔再局限於短期成效，而係着重長遠影響，例如：

🌱 提升青年嘅發展機會
💼 支援有需要家長重投職場
💞 加強長者嘅社交聯繫同社區網絡支援

未來，政、商、民三方將會繼續攜手合作🤝，以更敏銳嘅觸覺同精準嘅政策，將資源投放喺最需要嘅地方🤩！

想了解更多《香港精準扶貧成果報告》嘅詳情，即刻去專題網頁睇睇啦：
🔗 https://www.commissiononpoverty.gov.hk/chi/impactreport.html

#主動識別 #精準扶助 #香港精準扶貧成果報告 #精準扶貧 #政商民合作 #以人為本 #主動介入 #扶貧委員會

31/07/2026

#扶貧新視角 【一發即中！「在校課後託管服務計劃」網羅所有家庭】

影片入面拯救唔同家庭嘅英雄🦸🏻，會帶班小朋友去邊度🤔？原來係將佢哋安全送去參加「在校課後託管服務計劃」呀🤗！

「在校課後託管服務計劃」畀小朋友可以喺安全嘅校園環境完成功課同溫習，同時減輕家長照顧壓力，等爸媽可以專注工作 。計劃已經開放畀所有小學生參與，名額不設上限，歡迎有需要嘅家庭報名，符合資格嘅學生更可以免費參與💞。

如果學校暫時未有相關支援，記得快啲向就讀學校查詢同反映，請佢哋報名申請喇😉！

想了解參與「計劃」嘅學校名單、申請資格等，請參閱：https://www.swd.gov.hk/tc/svcdesk/funds/ccf/ccf_current/

#在校課後託管服務計劃 #課後託管 #功課輔導 #單親家庭 #溝通技巧 #親子關係 #扶貧委員會

#扶貧小學堂 之 #客廳指南【共享備餐間大解密 🍳 】每個「社區客廳」都一定配備容量充足嘅雪櫃，方便會員使用。新會員張太初嚟報到，差啲將生肉同街坊嘅飯盒擺埋一齊😨！好彩有職員林姑娘及時出手～喺社區客廳使用共享備餐間，要記住以下幾點：🌡️...
29/07/2026

#扶貧小學堂 之 #客廳指南【共享備餐間大解密 🍳 】

每個「社區客廳」都一定配備容量充足嘅雪櫃，方便會員使用。新會員張太初嚟報到，差啲將生肉同街坊嘅飯盒擺埋一齊😨！好彩有職員林姑娘及時出手～喺社區客廳使用共享備餐間，要記住以下幾點：

🌡️安全溫度： 雪櫃保鮮格維持 4°C 或以下，冰格 -18°C 或以下。
🥩生熟分開： 緊記「熟上生下」，生肉放底，血水就唔會滴落熟食度啦！
🚰保持清潔： 洗完生肉記得要徹底清潔同消毒鋅盤，費事啲菌彈嚟彈去。
🔪用具使用：處理生、熟或即食食物，記得要用獨立嘅砧板同刀具！
🔥翻熱注意：翻熱食物嘅時候，注意食物中心溫度要夠 75°C 並翻熱至少 30 秒。食物只可翻熱一次，唔好再擺雪櫃。

「社區客廳」致力為「劏房」戶提供額外生活空間及擴闊佢哋嘅人際網絡，職員亦會隨時提供支援🙌🏼，確保每位會員都用得安心👌🏼！

快啲 Click 入嚟了解更多有關「社區客廳」嘅簡介同申請資格啦👇：
https://www.swd.gov.hk/tc/svcdesk/funds/ccf/ccf_current/

資料來源：食物安全中心
https://www.cfs.gov.hk/tc_chi/multimedia/multimedia_pub/files/Shared_use_kitchen_guidelines_c.pdf

#社區客廳 #共享備餐間 #食物安全 #扶貧委員會

28/07/2026

#扶助指南針 【多面向分析🆙精準鎖定「隊尾」人士🧭】

扶貧委員會現時鎖定咗三個目標群組：分別係「劏房」住戶、單親住戶、全長者住戶。

通過多面向分析 ， 👨‍💻我哋成功識別到每個群組中最需要幫助嘅「隊尾」人士。

佢哋面對嘅，唔單止係經濟上嘅困難💰，仲可能係缺乏照顧支援同日常關懷。 🫂

多面向分析呢個「神器」正正幫到政府更精準咁掌握目標群組嘅需要，提供更到位嘅幫助。💪

想知點樣識別到佢哋？🔎即刻睇片了解！

詳情都可以參閱《香港精準扶貧成果報告》，睇下這份溫暖人心的扶貧成果！❤️
https://www.commissiononpoverty.gov.hk/chi/impactreport.html

#香港精準扶貧成果報告 #精準扶貧 #政商民合作 #多面向分析 #扶貧委員會

27/07/2026

#扶貧新視角 【「地區服務及關愛隊伍 – 支援長者及照顧者計劃」跳舞挑戰】

咦？長者同關愛隊隊員放咗啲咩入背囊🎒？原來關愛隊將有需要長者嘅社福服務申請表同到診紙收好👌🏼，返去好好跟進！而長者將關愛隊轉介嘅平安鐘🛎️放入背囊，為生活增添多一點安心！

「地區服務及關愛隊伍—支援長者及照顧者計劃」會由關愛隊主動探訪同接觸獨户及雙老住户🧓🏻，提供適切嘅協助🤝，或者轉介有需要個案畀社福機構跟進，將關懷送到長者手中💞！

#關愛隊 #關愛隊支援長者及照顧者計劃 #長者住戶 #獨老住戶 #雙老住戶 #護老者 #三老及以上家庭

23/07/2026

#扶貧頻道 【「在校課後託管服務計劃」 – 精彩活動 幸福時光再延長💕】

有咗「在校課後託管服務計劃」(「計劃」) 👩‍🏫，放學之後嘅校園充滿住溫暖、笑聲同幸福感。

營辦機構除咗安排導師指導小學生做功課同溫習之外，仲精心準備了多姿多采嘅活動，讓學生得到全人發展👧🧒。

呢間學校就準備咗團體遊戲、STEAM工作坊及親親小動物活動🦎🐍🐢，想知呢啲活動有幾豐富🎉？立即去片!

「計劃」由關愛基金資助，非政府機構負責營辦，參加「計劃」嘅小學生課後可以留校🎒接受託管。家長可以放心外出工作💼或進修，改善生活！

#扶貧委員會 #精準扶貧 #在校課後託管服務計劃

#扶貧小學堂 之 #親子教室 【小朋友之間發生爭執點算好？】參加「在校課後託管服務計劃」嘅同學仔，有導師指導下做完功課後，會參與好多團體活動，好似桌遊🧩、球類運動🏸 等，難免有時會出現與同學意見不合嘅時候💢，面對人際關係嘅挑戰，正正係小...
22/07/2026

#扶貧小學堂 之 #親子教室 【小朋友之間發生爭執點算好？】

參加「在校課後託管服務計劃」嘅同學仔，有導師指導下做完功課後，會參與好多團體活動，好似桌遊🧩、球類運動🏸 等，難免有時會出現與同學意見不合嘅時候💢，面對人際關係嘅挑戰，正正係小朋友成長嘅重要課題之一！

喺學校遇到呢啲情況，就話有導師幫手，其實小朋友返到屋企，家長都可以教導佢哋同同學有爭執點處理：家長可以引導小朋友先冷靜，鼓勵佢哋好好表達情緒同需要🗣️，再嘗試同其他小朋友一齊搵出解決辦法.

例如可以咁樣問：「你哋覺得點先公平啲？不如一齊諗諗解決辦法？」透過一步步思考同溝通，小朋友自然能夠喺過程中學識協調同處理衝突♟️，為建立良好人際關係打好基礎💬。

「在校課後託管服務計劃」旨在為有需要同學提供安全嘅校園環境完成功課同溫習，仲有各種豐富嘅小組遊戲同多元活動，除咗照顧同學仔嘅課業需要，仲可以喺課後活動中學習提升人際關係技巧，家長就放心晒啦！

即刻瀏覽以下網頁，了解更多參與「計劃」嘅學校名單同申請資格啦：
https://www.swd.gov.hk/tc/svcdesk/funds/ccf/ccf_current/index.html

#在校課後託管服務計劃 #課後託管 #功課輔導 #單親家庭 #溝通技巧 #親子關係 #扶貧委員會

21/07/2026

#扶助指南針 【KPI全數達標！大學研究團隊話你知 精準扶貧項目成效】

扶貧委員會支持嘅四大精準扶貧項目——「共創明『Teen』計劃」、「在校課後託管服務計劃」、「社區客廳試行計劃」、「地區服務及關愛隊伍—支援長者及照顧者計劃」，項目推出以來，深受各界支持💪，為咗進一步監察🧐呢啲項目嘅進度同成效，委員會委聘了大學研究團隊以科學理論和數據📊，進行全面的實證分析💻。一齊去片，睇吓大學團隊有咩重要嘅發現？

詳情都可以參閱《香港精準扶貧成果報告》，睇下這份溫暖人心🥰的扶貧成果！ https://www.commissiononpoverty.gov.hk/chi/impactreport.html

#扶助指南針 #香港精準扶貧成果報告 #精準扶貧 #政商民合作 #以人為本 #主動介入 #扶貧委員會

Address

Hong Kong

Telephone

3142 2888

Website

Alerts

Be the first to know and let us send you an email when 扶貧委員會 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 扶貧委員會:

Shortcuts

Share

Category