Geo Channel 土力場

  • Home
  • Geo Channel 土力場

Geo Channel 土力場 土木工程拓展署●土力工程處 Facebook 專頁
Official page of the Geotechnical Engineering Office, Civil Engineering and Development Department

This is the official page of the Geotechnical Engineering Office (GEO) of the Civil Engineering and Development Department (CEDD). The GEO is responsible for a wide range of geotechnical engineering and slope safety activities related to the safe and economic utilization and development of land.
此乃土木工程拓展署土力工程處 Facebook 官方網頁。土力工程處專責各項岩土工程及斜坡安全工作，使土地的運用和開發符合安全及經濟原則。

The Civil Engineering

and Development Department has also set up a page:
土木工程拓展署另設有Facebook專頁：
https://www.facebook.com/ceddhkgov/

【與業界攜手提升香港勘探工程安全、效率和可持續性】土木工程拓展署一直積極與業界保持緊密合作，轄下的土力工程處日前（8月4日）與香港建造商會地質勘探小組進行半年度聯絡會議，探討如何優化本地地質勘探工程，以達至更安全，更高效，更具可持續性。香港...
07/08/2026

【與業界攜手提升香港勘探工程安全、效率和可持續性】

土木工程拓展署一直積極與業界保持緊密合作，轄下的土力工程處日前（8月4日）與香港建造商會地質勘探小組進行半年度聯絡會議，探討如何優化本地地質勘探工程，以達至更安全，更高效，更具可持續性。

香港建造商會執行總監陸偉雄工程師、土力工程處副處長（規劃及測試）楊暉工程師、各本地地質勘探業界代表，以及相關部門同事於會議中就香港地質勘探工程進行深入交流，聚焦討論以更安全、更高效的方式提升地質勘探工程的整體水平，其中特別探討如何應用重型無人機搬運勘探工程機械，以及研究如何優化香港勘探工程標準並與國家標準接軌。

土木工程拓展署會繼續就各個範疇與業界保持緊密溝通，全面實現政商合作，與業界攜手推動建造業向前發展。

#土木工程拓展署 #土力工程處 #香港建造商會 #香港地質勘探 #重型無人機 #勘探工程標準

【🌏地理網誌：足下億萬年 – 峰巒之上 、靜修之地🙏🌿】⛰️ 嶼小編對靜修甚有興趣，於是今日就帶石敢當一齊探索大嶼山各處嘅靜修之地！🚶‍♂️漫步於羗山鹿湖一帶，隱約見到不少寺廟藏於林中🍃，石敢當驚嘆：「原來喺咁偏遠嘅山區都會有人建寺廟？」嶼...
06/08/2026

【🌏地理網誌：足下億萬年 – 峰巒之上 、靜修之地🙏🌿】

⛰️ 嶼小編對靜修甚有興趣，於是今日就帶石敢當一齊探索大嶼山各處嘅靜修之地！

🚶‍♂️漫步於羗山鹿湖一帶，隱約見到不少寺廟藏於林中🍃，石敢當驚嘆：「原來喺咁偏遠嘅山區都會有人建寺廟？」

嶼小編笑住答：「因為遠離塵囂係靜修嘅最佳地方🌲！十九世紀末至二十世紀初，不少道士、和尚同尼姑喺峰巒環抱嘅鹿湖、羗山、昂坪一帶興建道觀、佛寺同禪修靜室等場所🏞️。你身在環山中，係咪都感受到寧靜致遠嘅氣氛呢?」

🌟 路上遇到考察緊嘅工程獅，佢話要去大東山。嶼小編同石敢當仍有充沛體力同足夠糧水，於是決定一齊登山。上到山頂除咗見到連綿嘅草坡，仲見到零星分布嘅屋仔🏚️。嶼小編指住眼前嘅屋仔講：「自1925年起，即一個世紀前，一群歐洲同北美嘅外籍基督新教宣教士，因為唔習慣香港炎熱同潮濕嘅天氣，所以開始喺又偏遠、地勢又高嘅大東山同二東山建立咗多間石屋🏚️，而家統稱為『爛頭營』。呢啲石屋唔單止係避暑地方，亦係佢哋進行宗教退修嘅重要營地🙏。」🌄 石敢當深受啟發：「大嶼山嘅鄉郊看似平平無奇，原來早已蘊藏著多元嘅文化！」

🌅石敢當同嶼小編這次峰巒之行收穫豐富，仲喺大東山睇到好靚嘅日落。期待下一集再見🌿！

👉閱讀地理網誌《足下億萬年- 峰巒之上》全文🔗：https://sslo.cedd.gov.hk/tc/exploring-more/nature-conservation/geo-logs/on-the-hills/index.html

🎥 延伸影片：《嶼南風土 – 細說爛頭營》🔗: https://sslo.cedd.gov.hk/filemanager/template/common/images/tai-o/LantauMountainCamp.mp4

#土木工程拓展署 #可持續大嶼 #土力場 #地理網誌 #足下億萬年 #工程獅 #石敢當 #石仔 #嶼小編 #鹿湖 #羗山 #大東山 #二東山 #靜修 #爛頭營

【私人斜坡保養pt.1 ── 例行維修檢查】究竟石仔匿埋咗喺邊度?🕵🏻‍♂️ 石敢當好落力咁搵緊佢呀🧗🏻‍♂️ 唔知大家又搵唔搵到佢呢🔍原來石仔匿埋咗喺斜坡上面危危乎，好似就嚟跌咁😲石敢當提提各位私人斜坡業主📢 為咗保障大家嘅安全🏡 建議業...
05/08/2026

【私人斜坡保養pt.1 ── 例行維修檢查】

究竟石仔匿埋咗喺邊度?🕵🏻‍♂️
石敢當好落力咁搵緊佢呀🧗🏻‍♂️
唔知大家又搵唔搵到佢呢🔍
原來石仔匿埋咗喺斜坡上面
危危乎，好似就嚟跌咁😲

石敢當提提各位私人斜坡業主📢
為咗保障大家嘅安全🏡
建議業主每年安排一次例行維修檢查🛠️ (細節見備註)
好好履行斜坡維修責任💪🏻
例如清除斜坡上嘅碎石🪨
定期清理排水渠嘅枯葉泥石🍂
減低因爲淤塞而出現溢流嘅機會🙌🏻
如果發現排水渠或者斜坡護面有裂縫就要及早修補

大家齊齊做好風險管理，防患未然💯

備註：
若斜坡及擋土墻的人命後果類別屬第一及第二級，需每年進行一次例行維修檢查；而人命後果類別屬第三級的斜坡，則需每兩年進行一次例行維修檢查。
詳情請參閲《斜坡維修指南》
https://www.cedd.gov.hk/filemanager/tc/content_113/cg5_2023.11.pdf

#護坡特訓班
⋯⋯⋯⋯⋯⋯⋯⋯⋯⋯⋯⋯⋯⋯⋯
⚒️ Like & Follow 我哋嘅FB同IG
⚒️ 更多斜坡安全資料，即去Bio click香港斜坡安全網頁條link睇下

#土力場 #石仔 #例行維修檢查

【🌏地理網誌：足下億萬年 — 大嶼山曾是一座火山？！🌋】上集講到，石敢當話大嶼山曾經係一座火山！🌋 嶼小編聽到之後，即刻開始發問「十萬個為甚麼」！🤔石敢當一邊指住遠處嘅山峰，一邊開始講故事：喺大約一億四千八百萬年前嘅恐龍時代🦖，一座位於大嶼...
04/08/2026

【🌏地理網誌：足下億萬年 — 大嶼山曾是一座火山？！🌋】

上集講到，石敢當話大嶼山曾經係一座火山！🌋 嶼小編聽到之後，即刻開始發問「十萬個為甚麼」！🤔

石敢當一邊指住遠處嘅山峰，一邊開始講故事：喺大約一億四千八百萬年前嘅恐龍時代🦖，一座位於大嶼山中部嘅火山曾經猛烈爆發，當時熔岩四溢，火山灰喺空中飄散，隨後經過漫長嘅平靜時期，火山灰同熔岩層層堆積、慢慢冷卻，最終變成堅硬嘅岩石，形成巨型破火山口。

不過，一座山唔會永遠不變嘅，你依家所見大嶼山最高嘅鳳凰山，就係當時形成嘅火山岩，仲經歷緊長年累月嘅風化同侵蝕㗎。

💭 嶼小編不自覺諗起：以前行大東山同鳳凰山，只會一邊走一邊喊好攰好辛苦，冇意識到原來腳下一直踩住嘅，就係一億四千八百萬年前火山爆發所留低嘅足跡！🤯當時嘅場面一定好震撼！

👀下集預告:
除咗火山岩，大嶼山仲有啲咩獨特嘅地質寶藏？嶼小編、工程獅、石敢當同石仔下集繼續帶大家尋寶！💎

大家行山之餘，想增長埋地理知識？快啲點擊完整地理網誌連結🔗 https://sslo.cedd.gov.hk/tc/exploring-more/nature-conservation/geo-logs/the-ancient-story/index.html ，探索大嶼山精彩嘅地質歷史啦！

#土木工程拓展署 #可持續大嶼 #土力場 #足下億萬年 #工程獅 #石敢當 #石仔 #嶼小編 #火山岩 #沉積岩 #鳳凰山 #大東山

【🌏地理網誌：足下億萬年 — 大嶼山的侵入岩🪨】🔍繼上集同大家講解過大嶼山火山岩嘅來歷，今集石敢當就深入探討另一種重要嘅岩石- 侵入岩！石敢當又開始講解🤔：「火山活動並唔係大嶼山地質故事嘅終結！當時蘊藏喺地底深處岩漿庫嘅岩漿冇爆發出地面，喺...
04/08/2026

【🌏地理網誌：足下億萬年 — 大嶼山的侵入岩🪨】

🔍繼上集同大家講解過大嶼山火山岩嘅來歷，今集石敢當就深入探討另一種重要嘅岩石- 侵入岩！

石敢當又開始講解🤔：「火山活動並唔係大嶼山地質故事嘅終結！當時蘊藏喺地底深處岩漿庫嘅岩漿冇爆發出地面，喺地底慢慢冷卻結晶形成侵入岩，例如堅硬而且有較長節理嘅花崗岩。花崗岩形成時間較火山岩略晚，約相差300-600萬年，地形多數比較低矮，例如芝麻灣半島和分流一帶。」💎

💡 石仔補充：「如果大家喺大嶼山見到又大又圓，上面仲有閃亮並且晶體互鎖嘅巨石，好大機會就係花崗岩喇！」 工程獅加入補充：「花崗岩喺香港岩土工程中好常見，同我哋嘅基建發展息息相關。」

嶼小編記得以前行山時見過啲又大又閃嘅巨石，依家先知道原來佢哋記錄住咁悠久嘅地質歷史，今次又長知識啦。🤗

💬 下集預告：除咗火山岩同侵入岩，大嶼山西北部原來仲有一種島上較少見嘅岩石。嶼小編、工程獅、石敢當同石仔下集繼續為你解開更多地質之謎！💎

依家即刻點擊完整地理網誌🔗一齊探索更多大嶼山嘅精彩地質故事，增長地理知識啦！https://sslo.cedd.gov.hk/tc/exploring-more/nature-conservation/geo-logs/the-ancient-story/index.html

#土木工程拓展署 #可持續大嶼 #土力場 #足下億萬年 #工程獅 #石敢當 #石仔 #嶼小編 #花崗岩 #芝麻灣半島 #古大嶼山

【🌏地理網誌：足下億萬年 — 大嶼山的沉積岩】🔍嚟到地質初探之旅嘅最後一站，嶼小編一行四人走到北大嶼嘅大澳附近，突然有種似曾相識嘅感覺，醒起原來之前坐船「望過」！即刻對石敢當大嗌：「呢度附近的岩石橙啡色夾雜住白色，同火山岩和侵入岩好唔同。我...
04/08/2026

【🌏地理網誌：足下億萬年 — 大嶼山的沉積岩】

🔍嚟到地質初探之旅嘅最後一站，嶼小編一行四人走到北大嶼嘅大澳附近，突然有種似曾相識嘅感覺，醒起原來之前坐船「望過」！即刻對石敢當大嗌：「呢度附近的岩石橙啡色夾雜住白色，同火山岩和侵入岩好唔同。我仲記得有條斜靠住岸邊嘅將軍石，好神氣！！」

「係呀！將軍石屬沉積岩，係岩石家族中嘅長輩，佢嘅歷史比大嶼山嘅火山岩同侵入岩更加悠久！呢種岩石主要係由細小嘅岩石碎片同其他物質經過長時間嘅堆積、壓實、凝結而成，主要會喺大嶼山西北部沿岸見到。」

💡石仔補充：「沉積岩外表係層層分明嘅，有明顯嘅層理，記錄住唔同地質年代嘅故事，真係一部天然地質年鑑！🌊 呢啲岩石仲顯示咗海洋同河流嘅演變歷史，對地質研究有重要價值呀！」🛠️

工程獅舉手贊成：「喺大嶼山嘅沙灘同山谷，例如貝澳沙灘，大家亦可以見到最新形成嘅沉積物。依啲沉積物通常係由河流搬運、⛰️古時山泥傾瀉同埋海浪沖積慢慢堆積成，日積月累咁塑造大嶼山嘅地貌。」

嶼小編後記：夕陽映照下，我哋四個嘅影子落喺大澳碼頭嘅石磚上，為這次旅程畫上具詩意嘅休止符。原來大嶼山有唔同類型嘅岩石，佢地嘅分佈影響住地貌嘅演變。我相信大嶼山嘅高山低谷正正孕育咗豐富嘅生態環境，又深深影響住先民嘅生活同發展模式。👣呢個大島就好似一間野外博物館，等待我哋深入探索，由多角度認識大自然偉大嘅力量，下一輯將同大家繼續探索。

依家即刻點擊完整地理網誌🔗，提升地理知識啦！👉 https://sslo.cedd.gov.hk/tc/exploring-more/nature-conservation/geo-logs/the-ancient-story/index.html

#土木工程拓展署 #可持續大嶼
#土力場 #足下億萬年 #工程獅 #石敢當 #石仔 #嶼小編 #沉積岩 #大澳 #貝澳

【🌏地理網誌：足下億萬年 – 峰巒之上 雲霧茶香🍵】嶼小編知道石敢當鍾意品茶，決定帶佢去尋找鳳凰茶嘅產茶蹤跡。石敢當問：「嶼小編，你係咪記錯咗，鳳凰茶應該係產自潮州嘅鳳凰山喎﹗」嶼小編望住遠方嘅雲霧山頭🌫️🏔️，笑住答：「香港嘅鳳凰山係本地...
04/08/2026

【🌏地理網誌：足下億萬年 – 峰巒之上 雲霧茶香🍵】

嶼小編知道石敢當鍾意品茶，決定帶佢去尋找鳳凰茶嘅產茶蹤跡。

石敢當問：「嶼小編，你係咪記錯咗，鳳凰茶應該係產自潮州嘅鳳凰山喎﹗」

嶼小編望住遠方嘅雲霧山頭🌫️🏔️，笑住答：「香港嘅鳳凰山係本地嘅高山之一，經常雲霧繚繞，擁有陡峭地勢同埋帶酸性嘅土壤，呢啲條件令鳳凰山成為產茶嘅好地方。📜十九世紀初嘅《新安縣志》都記載咗鳳凰山出產嘅鳳凰茶，被譽為『邑中之最著者也』，係大嶼山嘅名物！唔係淨係潮州先有鳳凰茶㗎! 🌟」

行到半山腰，嶼小編同石敢當停低休息，深深吸入清新空氣，彷佛有一陣茶香撲鼻🍵✨。

落到嶼南道，抬頭北望，眼前就係鳳凰山同大東山兩座高山⛰️。嶼小編指住山下嘅村落：「根據前理民官許舒收集到嘅資料，喺以前，壩尾同貝澳嘅村民會到大東山摘山茶，而塘福嘅村民就去鳳凰山採摘。」石敢當忽然想起最近行經鳳凰山附近嘅昂坪時，曾見過【昂坪茶園】嘅標誌，不過，當時只見密密麻麻嘅樹林🌲🌲同殘破嘅屋仔，似乎見唔到茶園嘅痕跡 。嶼小編即刻補充：「位於昂坪高原、木魚山北坡附近嘅昂坪茶園，係喺二戰後由當時嘅御用大律師貝納祺經營嘅，不但種植茶樹，採茶同產茶，仲打造咗著名品牌🏷️，將昂坪【雲霧茶🍵】賣到本地市場同海外✈️，好威水㗎！可惜上世紀七十年代尾，茶園就漸漸式微📉。今時今日就無法請你去嗰度飲茶喇！🙁」

👉閱讀地理網誌《足下億萬年-峰巒之上》全文🔗：https://sslo.cedd.gov.hk/tc/exploring-more/nature-conservation/geo-logs/on-the-hills/index.html
👉 延伸閱讀：《昂坪雲霧茶傳奇》🔗:https://sslo.cedd.gov.hk/filemanager/common/LCF_The%20legend%20of%20Ngong%20Ping%20Tea%20Garden_CUHK_booklet%20ebook.pdf

#土木工程拓展署 #可持續大嶼 #土力場 #足下億萬年 #工程獅 #石敢當 #石仔 #嶼小編 #鳳凰山 #大東山 #鳳凰茶 #昂坪茶園 #茶香故事

天文台昨日（7月31日) 於上午11時05分發出紅色暴雨警告信號。土力工程處由昨日至今日下午6時共接獲6宗山泥傾瀉報告，分別位於長洲(2宗) 、山頂布力徑、尖沙咀、青山公路葵涌段及南灣道，皆屬小型山泥傾瀉。薄扶林道另有一宗擋土牆護面損毀報告...
01/08/2026

天文台昨日（7月31日) 於上午11時05分發出紅色暴雨警告信號。土力工程處由昨日至今日下午6時共接獲6宗山泥傾瀉報告，分別位於長洲(2宗) 、山頂布力徑、尖沙咀、青山公路葵涌段及南灣道，皆屬小型山泥傾瀉。薄扶林道另有一宗擋土牆護面損毀報告。本處的土力工程師已經聯同維修部門完成全部個案的視察，並建議所需的緊急復修工程。

近日天氣不穩，天文台預測受廣闊低壓槽影響，未來一兩日華南沿岸雨勢有時頗大及有狂風雷暴。請繼續留意山泥傾瀉風險，如發現所處地點附近發生山泥傾瀉，應立即離開，並在安全的情況下報警。

土力工程處今日（8月1日）約上午10時接獲一宗位於南區南灣道的山泥傾瀉報告，隨即派出土力工程師到場進行視察。經現場視察，山泥傾瀉的範圍約為8米（長）x 2米（闊），影響斜坡底部的一條行車線。路政署已按本處建議安排進行緊急復修工程，受影響的行...
01/08/2026

土力工程處今日（8月1日）約上午10時接獲一宗位於南區南灣道的山泥傾瀉報告，隨即派出土力工程師到場進行視察。

經現場視察，山泥傾瀉的範圍約為8米（長）x 2米（闊），影響斜坡底部的一條行車線。路政署已按本處建議安排進行緊急復修工程，受影響的行車線可於緊急工程完成後重開。請駕駛人士留意現場指示，小心駕駛。

［更新： 受影響的行車線已經重開，行人路仍然封閉，請使用對面的行人路。］土力工程處於今日（7月31日）約12時接獲通知，在薄扶林道100號有磚石從一幅擋土牆掉落。本處隨即派出土力工程師聯同路政署進行實地視察。經視察後確認，事故只涉及擋土牆的...
31/07/2026

［更新： 受影響的行車線已經重開，行人路仍然封閉，請使用對面的行人路。］

土力工程處於今日（7月31日）約12時接獲通知，在薄扶林道100號有磚石從一幅擋土牆掉落。本處隨即派出土力工程師聯同路政署進行實地視察。

經視察後確認，事故只涉及擋土牆的非結構性砌石護面，因水壓上升令護面出現局部損毀，該擋土牆及其上方斜坡的穩定性不受影響。路政署已按本處建議安排緊急復修工程，包括處理鬆散物料、覆蓋受影響牆面及清理排水設施等。受影響的行車線預計會於今日稍後重開，該段行人路則會在緊急復修工程完成後重開。

近日天氣不穩，請大家繼續留意山泥傾瀉風險，盡量遠離斜坡。

Address


Website

Alerts

Be the first to know and let us send you an email when Geo Channel 土力場 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Geo Channel 土力場:

Shortcuts

  • Want your organization to be the top-listed Government Service?

Share