海岸清潔 Clean Shorelines

Home
Hong Kong
Hong Kong
海岸清潔 Clean Shorelines

此專頁為推廣海岸清潔而設

21/08/2026

【My First Cleanup🏖️!】

首次解鎖海岸清潔活動！坦白講，出發前內心超緊張，但一去到現場見到大家，又變得好興奮！😍 睇到大家為咗同一個目標、咁齊心咁為海岸付出，個畫面真係好治癒、好有愛。鬼鬼突然靈感大爆發💡！一於唱返首歌送畀大家，希望用音符將呢份環保力量傳出去！🌊🎶

海岸流行～流行不留印痕～
海灣迷人～唔好留低膠樽物品～
海岸流行～帶走垃圾愛護同行～
海岸至迷人～綠色習慣在流行！

其實最型嘅唔只係特登落場淨灘！平時去海邊「自己垃圾自己帶走」、少用即棄用品、好好愛護海岸生態，呢啲全部都係引領潮流嘅海岸態度❤️！當保護海洋變成一種潮流，垃圾自然會越嚟越少，海岸亦都會越嚟越靚啦😆～

#海岸清潔

19/08/2026

【我哋上電視啦！📺 「組織海岸清潔活動 8 部曲」！】

仲記唔記得我哋喺 6 月份同大家介紹過嘅「組織海岸清潔活動 8 部曲」？
當時希望可以用簡單嘅步驟，幫到更多想去清潔沙灘嘅小夥伴，估唔到迴響咁大，吸引到電視台嘅注意！

我哋海岸清潔組前日上咗港台節目啦！🎉

香港電台節目-–《政正關你事 - 清潔海岸8部曲》 [https://www.rthk.hk/tv/dtt31/programme/governmentandyou/episode/1107656]

喺節目入面，除咗有義工分享佢哋嘅清潔嘅點滴同心得，我哋亦簡單介紹咗點樣實踐呢「8部曲」。❤

再次由衷感謝貓哥、利利姐，同埋每位曾經係唔同海岸流過汗嘅義工，希望大家繼續努力，一齊守護我哋嘅美麗海灣！

#海岸清潔 #上電視啦 #組織海岸清潔活動8部曲 #保護海岸 #綠色生活

17/08/2026

【 #淨灘時光機🕰️－7月海岸清潔活動摘要】

踏入盛夏，7月嘅陽光特別猛烈☀️，海風吹過都帶住陣陣熱氣。即使天氣炎熱，一班熱心嘅義工依然冇停低腳步，就算汗流浹背都走到唔同海岸，彎低腰將散落喺沙灘同石縫周圍嘅垃圾逐一清走。真係好感激每一位義工嘅堅持同無私付出，睇到你哋用汗水換嚟咁乾淨嘅沙灘，真係好感動！全靠有你哋默默守護，海岸先可以保持整潔，繼續成為大家享受夏日，聽浪打卡嘅好地方✨。

除咗參與淨灘活動，日常生活入面嘅小習慣，同樣可以保護海岸環境出一分力：
👋🏻 減少使用即棄用品
😆 出門帶備水樽、餐具同購物袋
🏖️ 去完海邊記得 #自己垃圾自己帶走

今個夏天，等我哋一齊將呢份守護海岸嘅心意延續落去啦🌊💙！

#海岸清潔 #淨灘時光機

14/08/2026

【微膠珠先至要 Skip🃏🚫！】

玩卡Game嗰陣，一張Skip Card就可以暫停下一位玩家嘅行動⏸️～但如果唔覺意畀「微膠珠」流入大海，到時就算連出幾張 Skip Card，都阻止唔到佢哋可能對海洋生態帶嚟嘅影響💥！

本靚鬼平時用去角質產品嘅時候，都會特別睇清楚成分表👀。因為嗰啲特意添加落去洗面膏、磨砂膏入面嘅微膠珠極度細小，佢哋一旦流入海洋後有機會被海洋生物誤食而進入食物鏈🐟。

雖然絕大部分微膠珠喺污水處理過程中都可以被清除，但想最有效避免佢哋對海洋嘅影響，最直接嘅方法一定係淘汰佢哋！

同本靚鬼一齊「Skip」走微膠珠，從源頭開始，選用天然替代成分🌿 ！（例如燕麥🌾、海鹽🧂、咖啡渣☕）咁就可以為守護海洋出一分力喇～

即刻 click 入專題網頁，check 下有邊啲不含微膠珠嘅品牌👇🏻
🔗 https://www.epd.gov.hk/epd/clean_shorelines/byebyemicrobeads/tc/brands.html

#海岸清潔

06/08/2026

【海岸清潔的秘密🌅】

嘩～點解呢片海可以咁靚㗎✨？

鬼鬼留意咗好耐，終於發現咗呢片美麗海岸嘅秘密......原來背後，一直有一班默默付出嘅守護佢嘅人💙。

有人會特意抽時間嚟清理海灘；有人更定期參與海岸清潔活動；有人日常生活中堅持自備水樽、可重用餐具同購物袋；仲有人每次做到離開海邊時都堅持自己垃圾自己帶走。

正因為好嘅習慣，令到我哋擁有咁靚嘅海岸～

鬼鬼希望，以後大家欣賞日落、聽住海浪聲嘅時候，都會記得你同我都有份守護呢片美麗嘅海灣🌊～

#海岸清潔

30/07/2026

【放假Mode 🆚 日常Mode】 🏖️💼

放假定返工，心情可能兩個世界，但愛護海岸嘅心，隨時都可以「全天候 On Call」！🤙✨

以為只有放假「淨灘」先算幫到海岸？其實你日常嘅每一個綠色小習慣，都係默默保護緊海岸㗎！🌊

🌱 【放假 Mode】變身淨灘達人 🏖️
• 帶齊裝備去淨灘，清走垃圾超有成就感！🗑️💪
• 自備餐盒去野餐，享受大自然同時「零廢棄」！🍱

💼 【日常 Mode】綠色打工人上陣🍱
• 返工自備餐盒同餐具，少用即棄用品！♻️
• 放工買餸帶環保袋，由源頭減少垃圾，輕鬆減廢！🛍️

無論係放假戶外活動，定係平日返工，只要大家喺日常生活做多一步，從源頭減廢，就可以一齊守護美麗海灣！❤️
👉 即刻留言分享下：你日常最堅持嘅一個「綠色習慣」係咩？👇

#海岸清潔

28/07/2026

【海邊高質旅伴！令人好感度爆棚嘅9種海岸守護神👀？】

去海灘除咗打卡影靚相，你仲可以為我哋嘅海岸做更多！ Summer 去海邊，除咗想遇到好天氣，本鬼最想就係遇到以下幾位海岸「神隊友」👇🏻，快啲睇下自己同朋友中咗邊幾樣守護特質啦！

🌟你係...
• 👨‍👩‍👧 「身教滿分家長」 – 帶埋小朋友一齊清潔海岸，最有愛！
• 👋 「順手一執大師」 – 行過見到垃圾就順手執埋，超細心！
• 🍱 「走塑美食家」 – 帶備自用餐盒野餐，先至係真‧識食！
• 🚫 「海邊『無痕』達人」 – 玩完好似冇嚟過咁乾淨，最高境界！
• 🔧 「神級淨灘裝備黨」 – 工欲善其事，必先自備神級淨灘裝備！
• 📸 「絕美風景紀錄員」 – 只帶走靚相，垃圾絕對唔留低！
• ♻️ 「分類回收嚴格擔當」 – 垃圾分類，放入回收箱，我最在行！
• ⚪ 「極簡主義修行者」 – 空手而來，空手而回，貫徹極簡精神！
• 🤝 「海洋生態親善大使」 – 步步為營，小心唔好踩到紅樹林入面嘅小生物！

你係邊一種守護神？留言同本鬼分享吓啦！

#海岸清潔

24/07/2026

【「鱟」宮傳奇！一文解鎖馬蹄蟹身世與泥灘安全秘笈✨】

大家都叫佢做「馬蹄蟹」，但你知道佢真名其實係叫「鱟」（讀音：后 / hau6）嗎？「馬蹄蟹」係佢英文名「horseshoe crab」翻譯過黎😉。

呢隻起源於 4 億幾年前嘅「遠古活化石」，喺唔同成長階段都有特定嘅棲息地。成年馬蹄蟹平時出沒喺較深水域，而年幼嘅馬蹄蟹就最鍾意喺潮間帶泥灘同鄰近紅樹林生活（例如下白泥、水口同東涌灣等）🌱。

保護呢啲海岸棲息地，就係守護馬蹄蟹仔嘅「育幼場」👶🏡！想身體力行幫手海岸清潔？出發前記得做足功課：

⚠️ 淨灘安全守則
注意防滑：泥灘濕滑鬆軟，記得放輕步伐。
留意潮汐：出發前查閱天文台預報，選擇合適嘅低潮位。
愛護生態：只帶走垃圾，切勿騷擾海岸生物！

截至 2026 年 7 月中，我哋已經協調同支援咗 13 場喺下白泥、東涌灣同水口嘅淨灘活動！非常感謝各大義工團體熱心出力！💪✨ 下半年仲有多場海岸清潔活動持續進行中！

守護馬蹄蟹嘅家園需要持之以恆 🌊！想組隊去淨灘？其實好簡單！我哋特意整理咗「組織海岸清潔活動八部曲」懶人包，幫各位搞手一圖睇清由選址、申請物資到後勤對接嘅所有步驟 📋。

🔗 「組織海岸清潔活動八部曲」傳送門：https://www.epd.gov.hk/epd/clean_shorelines/files/CSL-2026-8Steps.jpg

👉立即組隊淨灘！一齊用行動守護馬蹄蟹嘅未來啦！💙🙌

#海岸清潔 #馬蹄蟹 #活化石 #下白泥 #東涌灣 #水口

22/07/2026

【淨灘日常的大矛盾 💭 理想 vs 現實】

去淨灘前，大家係咪都同鬼鬼一樣有好多美麗嘅幻想？✨但往往一去到現場，先發現理想同現實……真係好大差距！😂即刻睇吓以下 3 個淨灘大矛盾，你又有無共鳴？👇

🛑 矛盾一：諗住好快搞掂 🆚執到細微垃圾
理想（YES）：得幾件大樽，夾起就走得！
現實（BUT）：認真魔人上身！夾到眼花都要仔細清理，一件都唔放過！

🛑 矛盾二：諗住影打卡相 🆚 埋頭苦幹無暇打卡
理想（YES）：「淨灘 BUDDY，嚟！合照打卡先！」📸
現實（BUT）：大家一見到垃圾就自動進入「戰鬥模式」，結果……「呃，相……下次再影啦！」🤐💪

🛑 矛盾三：一眼認得出 🆚 猜猜我是誰？
理想（YES）：膠樽、拖鞋，EASY 啦！一眼就認得出。
現實（BUT）：呢嚿佈滿青苔、被海水腐蝕到穿窿嘅「謎之物體」。原本到底係咩垃圾嚟㗎？！🔍

雖然淨灘過程充滿驚喜，但睇住海岸因為大家嘅努力變得乾淨，嗰種成就感真係無可比擬！❤️

🌊✨你哋淨灘嗰陣又遇過咩趣事或者「大矛盾」？喺下面留言跟我們分享下啦！👇💬

#海岸清潔 #淨灘日常 #理想與現實

Address

Hong Kong

Telephone

25946578

Website

https://www.epd.gov.hk/epd/clean_shorelines/tc/index.html

Alerts

Be the first to know and let us send you an email when 海岸清潔 Clean Shorelines posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 海岸清潔 Clean Shorelines:

Want your organization to be the top-listed Government Service in Hong Kong?