11/07/2026
সন্মানীয় মুখ্যমন্ত্ৰী ডাঙৰীয়া ,আপোনাৰ নতুন অসমৰ বিকাশৰ যাত্ৰাত ভাৰতীয় মিঞা মুছলমানকো অন্তৰ্ভুক্ত কৰা উচিত । আপুনি এদিন কৈছিল ,"মই মুছলমানৰ আটাইতকৈ ভাল বন্ধু "-- আপোনাৰ এই কথাষাৰ অসমৰ মিঞা মুছলমানৰ অন্তৰত আশাৰ বতৰা আনিছিল । আপোনাৰ দক্ষতাক অসমৰ প্ৰতিজন ভাৰতীয় মিঞা নাগৰিকে আন্তৰিকতাৰে ছালাম কৰে । আপোনাৰ চৰকাৰৰ শ্লোগান-" সবকা সাথ সবকা বিকাশ"- । সেয়ে আপোনাৰ নতুন বিকাশৰ যাত্ৰাত অসমৰ এটা জনগোষ্ঠীৰ নাগৰিক সকলৰ ডাঙৰ সমস্যা যাতে বাদ পৰি নাযায় তাৰ প্ৰতি আপুনি অলপ দৃষ্টি দিয়া উচিত । আমি অসমৰ খিলঞ্জীয়া মিঞা জনগোষ্ঠীয়ে উচ্ছেদিত সকলক "এটুকুৰা মাটি" - দিয়াৰ পদক্ষেপলৈ বহু আশাৰে বাট চাই আছো । আশা কৰো আপোনাৰ বাজেটত উচ্ছেদিত খিলঞ্জীয়া মিঞাৰ মাটিৰ সমস্যাৰ সমাধান নিশ্চয় কৰিব । কাৰণ গৰাখহনীয়াৰ ফলতহে মাটি বাৰী হেৰুৱাই মানুহে চৰকাৰী ভূমিত বসবাস কৰিছিল , ফলত আজি উচ্ছেদিত হৈছে । সেয়ে আপোনাৰ দূৰদৃষ্টি,দক্ষতাকলৈ আমি আশাবাদী ।আপুনি নিশ্চয় সু চিন্তা কৰিব বুলি আমি আশাবাদী । ধন্যবাদেৰে......অধিবক্তা ৰেজাউল কৰিম , সভাপতি, মুছলিম পৰিষদ অসম
