26/09/2026
महाराष्ट्रातील शेतकऱ्यांना मोठा दिलासा!
महाराष्ट्रातील सुमारे २६५ तालुक्यांमध्ये दुष्काळ जाहीर करण्यात आला असून, आपल्या छत्रपती संभाजीनगर जिल्ह्यातील सर्व तालुक्यांचा समावेश आहे. दुष्काळग्रस्त तालुक्यांसाठी जमीन महसुलात सूट, पीक कर्जाचे पुनर्गठन, शेतीशी संबंधित कर्जवसुलीस स्थगिती, कृषी पंपांच्या वीजबिलात सवलत, परीक्षा शुल्क माफी, रोहयोच्या कामांना प्राधान्य तसेच पिण्याचे पाणी, चारा आणि अन्नधान्याची व्यवस्था अशा विविध सवलती व उपाययोजना लागू करण्यात आल्या आहेत.
दुष्काळाच्या या कठीण परिस्थितीत शेतकरी आणि शेतमजुरांना दिलासा देण्यासाठी आवश्यक त्या उपाययोजना प्रभावीपणे राबविण्यावर भर देण्यात येणार आहे. जलसंधारणाची कामे, पिण्याचे पाणी आणि जनावरांसाठी पाण्याचे नियोजन यासोबतच शेतपिकांच्या नुकसानीबाबतची मदत स्वतंत्र शासन निर्णयाद्वारे जाहीर करण्यात येणार आहे. दुष्काळग्रस्त शेतकऱ्यांच्या पाठीशी शिवसेना-महायुती सरकार ठामपणे उभे आहे.
#दुष्काळ
