28/03/2026
ଏହା ଦ୍ୱାରା ଝାରଖଣ୍ଡ ମୁକ୍ତି ମୋର୍ଚ୍ଚାର ସମସ୍ତ ବ୍ଲକ ସଭାପତି ଏବଂ ସଦସ୍ୟ/ସଦସ୍ୟାମାନଙ୍କୁ ଅବଗତ କରାଯାଉଛି ଯେ—
ଆସନ୍ତା ତାରିଖ ୨୯-୦୩-୨୦୨୬ (ରବିବାର) ଦିନ ପୂର୍ବାହ୍ନ ୧୧ଟା ସମୟରେ ଆମ ରାଜ୍ୟର ମାନନୀୟା ରାଜ୍ୟ ସଭାପତି ଶ୍ରୀମତୀ ଅଞ୍ଜନୀ ସୋରେନଙ୍କର ବହଳଦା ବ୍ଲକ ଅନ୍ତର୍ଗତ ସୋନାପୋଷି ଗ୍ରାମକୁ ଆଗମନ କାର୍ଯ୍ୟକ୍ରମ ନିର୍ଦ୍ଧାରିତ ଥିଲା। କିନ୍ତୁ କୌଣସି ଅନିବାର୍ୟ କାରଣବଶତଃ ଉକ୍ତ କାର୍ଯ୍ୟକ୍ରମଟିକୁ ପରିବର୍ତ୍ତନ କରାଯାଇ ଏବେ ତାରିଖ ୩୦-୦୩-୨୦୨୬ (ସୋମବାର) ଦିନ ପୂର୍ବାହ୍ନ ୧୧ଟା ସମୟରେ ଅନୁଷ୍ଠିତ ହେବ।
ଉଲ୍ଲେଖ୍ୟ ଯେ, ଗତ ୧୨-୦୩-୨୦୨୬ ତାରିଖରେ ବହଳଦା ବ୍ଲକର ବିଂଝୁଆ ଗ୍ରାମରେ ଘଟିଥିବା ଏକ ଲଜ୍ଜାଜନକ ଘଟଣାକୁ କେନ୍ଦ୍ର କରି ସୃଷ୍ଟି ହୋଇଥିବା ତୀବ୍ର ପରିସ୍ଥିତି ପରିପ୍ରେକ୍ଷିତରେ, ସୋନାପୋଷି ଗ୍ରାମର ୩୪ ଜଣ ନିର୍ଦୋଷ ମହିଳା ଓ ପୁରୁଷଙ୍କୁ ଜିଲ୍ଲା ପୋଲିସ ଦ୍ୱାରା ଜେଲ ହାଜତକୁ ପଠାଯାଇଥିଲା।
ଏହି ପରିପ୍ରେକ୍ଷିତରେ ମାନନୀୟା ରାଜ୍ୟ ସଭାପତି ଉକ୍ତ ପୀଡିତ ଲୋକମାନଙ୍କୁ ଭେଟିବା ସହିତ ଘଟଣା ସମ୍ବନ୍ଧରେ ବିସ୍ତୃତ ଆଲୋଚନା କରିବେ।
ଏହେତୁ, ସମସ୍ତଙ୍କୁ ବିନମ୍ର ଅନୁରୋଧ ଯେ, ପୂର୍ବ ନିର୍ଦ୍ଧାରିତ ତାରିଖ ୨୯-୦୩-୨୦୨୬ (ରବିବାର) ପରିବର୍ତ୍ତେ ନବନିର୍ଦ୍ଧାରିତ ତାରିଖ ୩୦-୦୩-୨୦୨୬ (ସୋମବାର) ଦିନ ପୂର୍ବାହ୍ନ ୧୧ଘଟିକା ସମୟରେ ଉପସ୍ଥିତ ହୋଇ କାର୍ଯ୍ୟକ୍ରମଟିକୁ ସଫଳ କରିବାରେ ସହଯୋଗ କରିବେ।
ଆବାହକ
ଝାରଖଣ୍ଡ ମୁକ୍ତି ମୋର୍ଚ୍ଚା
ମୟୁରଭଞ୍ଜ ଜିଲ୍ଲା କମିଟି
