18/12/2021
*അറബി ഭാഷാദിനം ആചരിച്ചു.*
___________________________
മൂത്തേടം :- മരത്തിൻകടവ് യൂണിറ്റ് എസ്.കെ.എസ്.ബി.വിയുടെ നേതൃത്വത്തിൽ അറബിഭാഷാദിനാചരണം നടത്തി. മരത്തിൻകടവ് ഹയാത്തുൽ ഇസ് ലാം മദ്രസയിൽ വെച്ച് നടന്ന പരിപാടിയിൽ വിദ്യാർത്ഥികളും അധ്യാപകരും പങ്കെടുത്തു.
എസ്.കെ.എസ്.എസ്.എഫ് മൂത്തേടം ക്ലസ്റ്റർ സെക്രട്ടറി ഇഹ്സാനുൽഹഖ് വാഫി ഉദ്ഘാടനം ചെയ്തു. മഹല്ല് ഖത്വീബ് സ്വലാഹുദ്ദീൻ ഫൈസി അറബിഭാഷാദിന സന്ദേശം നൽകി. സിദ്ധീഖ് ഉലൂമി ചുങ്കത്തറ അദ്ധ്യക്ഷനായ പരിപാടിക്ക് ശാഖാ കമ്മറ്റി ഭാരവാഹികൾ നേതൃത്വം നൽകി. വിദ്യാർത്ഥികൾ തയ്യാറാക്കിയ നിറം പകർന്ന ചിത്രങ്ങളും അറബി കാലിഗ്രഫികളും ഭാഷാദിന സന്ദേശങ്ങളും പ്രദർശനം നടത്തി.
