21/12/2023
আজি সমগ্ৰ ৰাজ্যতে সদৌ অসম জিলা প্ৰশাসন কৰ্মচাৰী সন্থাৰ সমূহ জিলা ও মহকুমা (অসামৰিক) সমিতিয়ে পুৱা ১০:০০ -১২:০০ বজালৈকে দুঘণ্টা ধৰ্ণা কাৰ্যসূচী পালন কৰে।
সন্থাৰ দীৰ্ঘদিনীয়া দাবী সমূহ দীৰ্ঘদিন ধৰি পূৰণ নোহোৱাৰ বাবে ৩ ডিচেম্বৰ/২০২৩ তাৰিখে শোণিতপুৰ জিলাৰ তেজপুৰত অনুষ্ঠিত সভাৰ প্ৰস্তাৱ মৰ্মে আজি আৰু কালিলৈ দুঘণ্টাৰ এই ধর্ণা কাৰ্যসূচী পালন কৰা হৈছে।
সন্থাৰ মূল দাবী সমূহ হল-
🔴জিলা আয়ুক্ত কাৰ্যালয়ৰ কৰ্মচাৰী সমূহক সুকীয়া দৰমহা গাঁথনি প্ৰদান কৰা।
🔴Graduate Pay Scale প্ৰদান কৰা।
🔴মুখ্য পিয়ন/মুখ্য জৰিকাৰক পদ সৃষ্টি কৰা।
🔴অধীক্ষক(Superintendent)/গাণনিক(Acccountant) ও মুখ্য সহায়কৰ পদ সৃষ্টি ও বৃদ্ধি কৰা।
🔴জাৰিকাৰক (Process Server) সকলৰ ৩% Increment বাহাল কৰা।
🔴NPS আঁতৰাই OPS পুনৰ প্ৰবৰ্তন কৰা।
🔴লগতে অন্যান্য আৰু দাবী ইয়াৰ লগত সংলগ্ন আছিল।
উল্লেখ্য যে, চৰকাৰৰ মূল চালিকা শক্তি হৈছে এই জিলা প্ৰশাসন, ও মূলতে জিলা প্ৰশাসনৰ এই সমূহ কৰ্মচাৰী। সকলো কাম কাজ, আঁচনি আদি ৰূপায়ন হয় এই বিভাগৰ পৰাই। তথাপিও সন্থাৰ দাবী সমূহৰ প্ৰতি গুৰুত্ব আৰোপ নকৰাৰ বাবে সন্থাৰ হাতত কোনো অন্য উপায় নথকা বাবে এই গণতান্ত্ৰিক পদক্ষেপ লবলৈ বাধ্য হয়। জনতাৰ কোনো অসুবিধা যাতে নহওঁক, তাৰ প্ৰতি লক্ষ্য ৰাখি বৰ্তমান কেৱল দুঘণ্টিয়া কাৰ্যসূচী হাতত লোৱা হৈছে।
কিন্তু আগন্তুক দিনত চৰকাৰে বা সংশ্লিষ্ট বিভাগে কোনো সদুত্তৰ নিদিলে পুনৰ ২৯ ডিচেম্বৰ তাৰিখে সৰ্বাতমক কৰ্মবিৰতি পালন কৰিবলৈ সন্থা বাধ্য হব।
Jayanta B Kayastha
