Sikhamoni Bezbaruah Goswami

Home
India
Guwahati
Sikhamoni Bezbaruah Goswami

Social & cultural Activist Dr Sikhamoni Bezbaruah Goswami, daughter of Mr.Mohendra Nath Bezbaruah &Mrs.Lily Bezbaruah was born at Sibsagar district of Assam.

🧿FB-3️⃣✅(Page)
✅National General Secretary cm North-East Incharge at NMVM(women wing)🇮🇳
✅State President at NMVM,Assam Pradesh,Mohila Shakha(2024-25)
✅Renowned Social worker and Cultural Activist,Organizer ,Assam.
✅Founder President of ITYADI:ইত্যাদি. She started her social work since 2008. She is involved in various social organizations from her school days. She is the founder Secretary General

of poet association "Barnamala".She is the founfer Secretary General and the director of Bezbaruah Old Age Care Society. In 2017 she was the founder and State chief co-ordinator of "Bor Asxom Samajik-Sanskritik Mancha".She was the executive member of All Assam Poet Association.Vice president at Kamrup District kobi Sanmilan. Secretary General of Brihattar Guwahati Mohila Mancha Sanskritik Sangstha. Dr.Sikhamoni Bezbaruah Goswami is also a active cultural worker.She lives in Guwahati,Assam.

01/09/2026

কি যে হ’ব…!
ফেচবুকত অফাৰ পাই ষাঠি টকাত 2K followers কিনি পেলালো,এতিয়া দেখিছো এটা এটাকৈ কমি গৈ আছে।শেষত অৰিজিনেল কেইটাও নোহোৱা হৈ শেষেই হৈ যায় বুলিহে চিন্তা হৈছে!
ইয়াতকৈ বেদনা লাগে নে ঐ লাহৰী…🥲🥲😃🤓

😊

28/08/2026

✍️…সঘনাই ঘটি থকা প্ৰাকৃতিক তাণ্ডৱবোৰে তেওঁৰ কথাবোৰ বাৰে বাৰে উপলব্ধি কৰাইছে।কি আছে মানুহৰ জীৱনটোত! এই পৃথিবীত ধন-সম্পদ,আত্মীয়-স্বজন বা জনসমাজ সকলোৱেই ক্ষণস্থায়ী, মিছা মায়া!

সঁচা কথা ক’বলৈ গ’লে মোৰ মানহজনৰ ঘৰ-মাটি আদিৰ প্ৰতি আগৰে পৰাই আগ্ৰহ নাছিলে।তেওঁৰ চাকৰি সূত্ৰে আমি উত্তৰ গুৱাহাটীত বহু বছৰ ভাড়াঘৰ,কোৱাটাৰ আদিত থাকিলো।প্ৰথমাৱস্থাত আমাক বহুত কম দামত ভাল ভাল জেগাত উপযাচি মাটি দিবলৈ আহিছিল কিন্তু তেওঁ আগ্ৰহ প্ৰকাশ কৰা নাছিলে।মইহে পিছলৈ কথা শুনাই আছিলো যে সদায় কিমান ভাড়া ঘৰত থাকিম ল’ৰা ডাঙৰ হৈ আহিছে কিবা এটা চিন্তা কৰিব লাগে।তেতিয়া তেওঁৰ উত্তৰ আছিল-“কিমান মানুহ বছৰ বছৰ ধৰি ভাড়া ঘৰত থাকে,ভাড়া ঘৰতে মৰে”!

এৰা!মোৰ অহৰহ তাগিতাত মানুহজনে আমাক ফ্লেট,ঘৰ-মাটি সকলো দিলে সঁচা,কিন্তু তেওঁৰ অবৰ্তমানে আন এটি গুৰুত্বপূৰ্ণ জীৱনৰ শিক্ষা দি গ’ল যে এটা ডাঙৰ ফ্লেট বা ঘৰ-মাটি কিনিব পাৰিলেই জীৱনলৈ সুখ আৰু শান্তি আহিব সেয়া মিছা!বাস্তৱত ভৌতিক সম্পত্তিয়ে কেতিয়াও মানসিক শান্তি নিশ্চিত কৰিব নোৱাৰে।

মানসিক শান্তি সম্পূৰ্ণৰূপে এটা অন্তৰ্নিহিত বিষয়। সুস্থ শৰীৰ অবিহনে কোনো অট্টালিকাই সুখ দিব নোৱাৰে। কাৰোবাৰ বাবে কিবা কৰিব পৰাৰ আনন্দই জীৱনটো অৰ্থবহ কৰি তোলে…!

27/08/2026

📌ভিডিওটো দেখিয়েই কিবা লাগিছে!প্ৰাকৃতিক দুৰ্যোগৰ এনে এক কৰুণ সময়ত য’ত মানুহে ইজনে সিজনক সহায় কৰিব লাগে, তেনে সময়ত নেপালত এজন মৃত ব্যক্তিৰ শৰীৰৰ পৰা কাণৰ সোণৰ ফুলি আজুৰি কাঢ়ি লোৱাৰ দৰে অমানুষিক আৰু নিষ্ঠুৰ আচৰণ সঁচাকৈয়ে অত্যন্ত লজ্জাজনক আৰু মানৱ সমাজৰ বাবে এক কলংক!

26/08/2026

কেওপিনে বেয়াই খবৰ!

24/08/2026

❤️🙏

20/08/2026

✍️…তিনি বছৰৰ আগৰ ফ’টো,যেতিয়া নিজক ভাল পাব পৰাকৈ মন ভাল আছিল ! নিজক ভাল পালেহে মননশীলতা বৃদ্ধি পায় আৰু আনকো সহজ ভাৱে ল’ব পাৰি।

তিনি বছৰৰ বিৰতিৰ পিছত পুনৰ জিমলৈ যাবলৈ ওলাইছো।ওজন বহুত বাঢ়িলে,আনুসংগিক ভাৱে ফেটী লিভাৰ,কলেষ্টৰল,ইউৰিক এচিড…

19/08/2026

📌২২ আগষ্ট ২০২৪ চন:(A page from an old diary)

✍️….কেইবাবছৰৰ মূৰত পৰম্পৰাগত পালনাম ভাগিৰ আয়োজন কৰিছিলো।বহুকেইজনে পৰামৰ্শ দিছিল যে পৰিয়ালৰ বাৰ্ষিক বা নিয়মীয়াভাৱে কৰি অহা কিবা কৰ্ম যদি পালন কৰা নহয় তেতিয়াই বংশ নাশ হয়,অপায় অমঙ্গল হয়।আমিও চিন্তা কৰি ভাৱিলো যে হয় আমি পালনাম ভাগি আগুৱাই নিয়া যাওঁক,যদিও মই বিয়াৰ দিন ধৰি ঘৰখনত এবাৰো পালনাম পতা দেখা নাছিলো।

নতুন অৱস্থাত শহুৰ দেউতাই মাজে মাজে কোৱা শুনিছিলো কিন্তু সেইসময়ত যৌথ পৰিয়ালৰ বোৱাৰী হিচাপে কিবা এটা কৰিবলৈ উদ‍্যোগ লোৱাৰ বা মতামতৰ গুৰুত্ব বিশেষ পোৱা নাছিলো কাৰণেই বা আন কিবা কাৰণতেই হওঁক আমাৰ কৰ্মভাগি কৰা হোৱা নাছিলে।

যি কি নহওঁক আমি মুক্ত মনেৰে স্থানীয় জুৰিপাৰ নামঘৰৰ সহযোগত আমাৰ সংকল্পিত পালনাম ভাগি সুকলমে অনুষ্ঠিত কৰি আমি তিনিও আৰ্শীবাদ লোৱাৰ সৌভাগ‍্যৰ ক্ষণটো আহি পৰিছিল।শিৱসাগৰ চাৰিংৰ দেওৰ গৌতম গোস্বামীয়ে দায়িত্ব লৈ দিখৌমুখৰ পৰা নাম ধৰিবলৈ দীনমনি গোস্বামী আৰু আন দুজন ভকত আনিছিল।জুৰিপাৰবাসী ৰাইজে আগতে উজনিৰ পালনামৰ পৰিবেশ আগতে পোৱা নাছিল।সকলোৰে সহযোগত সুন্দৰকৈ অনুষ্ঠান ভাৱি সম্পন্ন হৈছিল।

পালনামৰ লগত সংগতি ৰাখি আমি ভাওনা এভাগিও আগবঢ়াইছিলো।জুৰিপাৰ নামঘৰত ঠাই কম কাৰণে কলাক্ষেত্ৰৰ ড.বানীকান্ত কাকতি আন্তৰ্জাতিক প্ৰেক্ষাগৃহত আমাৰ কৰ্মশালাৰ শিশু সকলৰ দ্বাৰা “সীতা হৰণ বালী বধ”ভাওনা খনি পৰিবেশন কৰা হৈছিল।

এইটোৱেই আমাৰ তেওঁৰ সৈতে পৰিয়ালকেন্দ্ৰিক শেষ ধৰ্মীয় কৰ্ম আছিল।তাৰ পিছতে সেই বৰ্ষতে অৰ্থাৎ ২০২৪ৰ অক্টোবৰ আৰু ডিচেম্বৰ মাহত ক্ৰমে কলাক্ষেত্ৰ আৰু ধেমাজি ৰাষ্ট্ৰীয় নাট সমাৰোহত তেওঁৰ নিজা পৰিচালনা আৰু অভিনয়েৰে নাট পৰিবেশন কৰি দৰ্শকৰ বিপুল সমাদৰ লাভ কৰিবলৈ সক্ষম হৈছিল …

তেতিয়ালৈকে সুস্থই হৈ আছিল মানুহজন…!
ভগৱানে যি কৰে ভালেই কৰে বুলি শান্তনা লভিবলৈ অভ‍্যাস কৰিছো।কিয়নো কৰ্কট ৰোগৰ শেষ পৰ্য‍্যায়ৰ যন্ত্ৰণাদায়ক সময়ৰ পৰা তেওঁক ভগৱানে তেওঁক আগতীয়াকৈ মুক্তি দিলে…পৰিষ্কাৰ অন্তৰ আৰু উদাৰমনা মৰমৰীয়াল মানুহজন যেন য’তেই আছে কুশলে থাকক সদায়-এয়াই প্ৰাৰ্থনা🙏

18/08/2026

✍️…দুখৰ কোনো বিশেষ ৰং,আকাৰ বা ভাগ নাথাকে। দুখ মানুহৰ এটা সৰ্বজনীন আৱেগ। দুখ মানুহৰ জীৱনৰ এক স্বাভাৱিক অনুভৱ।
প্ৰতিজন মানুহৰ দুখৰ কাৰণ আৰু গভীৰতা সম্পূৰ্ণ সুকীয়া।প্ৰিয়জনৰ হেৰুওৱাৰ বেদনা,বিশ্বাসঘাটকতা,অকলে থকাৰ অনুভৱ, মানসিক চাপ বা হতাশা,আৰ্থিক নাটনি,কেৰিয়াৰৰ খেলিমেলি বা শাৰীৰিক অসুস্থতা আদি দুখৰ বিভন্ন কাৰণ হ’ব পাৰে।
বহু সময়ত মানুহে নিজৰ দুখৰ প্ৰকৃত কাৰণটো নিজেই বুজি নাপায় বা আনক বুজাব নোৱাৰে।
কাৰোবাৰ বাবে যিটো সমস্যা তেনেই সাধাৰণ, আন এজনৰ বাবে সেইটোৱেই হয়তো জীৱনৰ আটাইতকৈ ডাঙৰ দুখ হ'ব পাৰে। সেইবাবেই কাৰো দুখক আনৰ সৈতে তুলনা কৰিব নোৱাৰি।

বানপানীত সৰ্বস্ব হেৰুওৱাৰ দুখ আৰু আপোনজনক হেৰুওৱাৰ বেদনা দুয়োটাই মানুহক ভিতৰৰ পৰা সম্পূৰ্ণৰূপে ভাঙি পেলায়। এই দুয়োবিধ দুখৰে গভীৰতা অতুলনীয় আৰু ইয়াক কোনো কাৰণতে কম-বেছি বুলি জুখিব নোৱাৰি।

প্ৰতিটো দুখৰ নিজা এক ওজন থাকে আৰু ভুক্তভোগীৰ বাবে সেই সময়ছোৱা এক চৰম পৰীক্ষাৰ দৰে।প্ৰিয়জনৰ চিৰবিদায়ে জীৱনত যি চৰম ক্ষতি কৰে, তাক কোনো বস্তু বা ধনেৰে কেতিয়াও পূৰণ কৰিব নোৱাৰি। ই এক চিৰস্থায়ী হৃদয়ৰ দাগ। ঠিক সেইদৰেই বানত জীৱনৰ ঘাম-তেজ দি সজা ঘৰখন, সম্পত্তি, আৰু সপোনবোৰ চকুৰ সমুখতে বিলীন হৈ যোৱাৰ যি যন্ত্ৰণা ই কেৱল আশ্ৰয়হীনতা নহয়, ই ভৱিষ্যতৰ নিৰাপত্তাহীনতা আৰু এক অন্তহীন মানসিক শূন্যতা।আৰু সেই বানপানীত মানুহে যেতিয়া কেৱল ঘৰ-দুৱাৰেই নহয়, নিজৰ আপোনজনকো হেৰুৱাবলগীয়া হয়,ভাৱিবই নোৱাৰি তেতিয়া এই দুয়োটা দুখ একাকাৰ হৈ মানুহজনৰ কি অসহায় অৱস্থা হৈ পৰে…!

দুখৰ নদীখনে সকলোকে সমানেই কন্দুৱায়,দি থৈ যায় কেৱল এক অন্তহীন শূণ‍্যতা…!প্ৰাৰ্থনা মাথোঁ এটাই- ভগৱানে যেন সকলোকে কঠিন সময় পাৰ কৰিবলৈ অপৰিসীম ধৈৰ্য্য আৰু শক্তি দিয়ক🙏🙏🙏

#প্ৰাৰ্থনা (Prayer)
#মানৱতা (Humanity)
#জীৱনৰ_দুখ (Sorrows of Life)

17/08/2026

📌২০২৪ চনৰ কথা(A page from an old diary)

✍️…শিৱসাগৰৰ বানে গৰকা বেতবাৰীত অনুষ্ঠিত হোৱা সদৌ অসম ভাওনা প্ৰতিযোগিতাৰ পৰা বাহিৰে বাহিৰে বগীবিল হৈ মাজুলীৰ অসম ভাওনা সমাৰোহলৈ গৈছিলো।তেওঁ নিজেই গাড়ী চলাইছিল।যদিও তেওঁ দীঘলীয়া যাত্ৰাত নিজেই গাড়ী চলাই খুউব ভাল পাইছিল,সেই যাত্ৰাটো ব‍্যক্তিগত বিষাদ-বানে যেন নিশব্দ কৰি তুলিছিল।কিয়নো মাত্ৰ কেইমাহমানৰ আগতে মহানগৰৰীত পথ দূৰ্ঘটনাত আমি আমাৰ জুনটিক হেৰুৱাইছিলো!মনটোক শান্তনা দিয়াৰ বৃথা চেষ্টাৰে আমি যেন একপ্ৰকাৰ মন্ত্ৰবাণত জলকা লাগিছিলো…!

তাৰ মাজতেই তেওঁক ভাওনা সমাৰোহলৈ যাবৰ কাৰণে পাটৰ পাঞ্জাবীটো নতুনকৈ জোৰ কৰি কিনি দিছিলো।আমি মাজুলীলৈ যাম বুলিও আগৰ পৰা ভাৱি অহা নাছিলো।মনৰ অস্থিৰতাত যিকোনো সিদ্ধান্ত মূহূৰ্ততে লৈ পেলাইছিলো!

তেওঁৰ ডিঙিৰ ধুনীয়া গামোচাখন থলুৱা শিপিনীয়ে নিজ হাতে বোৱা।আগদিনা বেতবাৰীৰ ভাওনা প্ৰতিযোগিতাত উদযাপন সমিতিয়ে সম্বৰ্ধনা জনাইছিল।

তেওঁ ভিতৰি মোতকৈও বেছি ভাগি পৰিছিল…!জুনটি নোহোৱাৰ দুটা বছৰ তেওঁ বহুত বেছি কষ্ট সহিছিল!সেয়েহে ছাগে সোনকালেই মায়াময সংসাৰৰ মায়াময় জীৱন নাটৰ সামৰণি মাৰি আঁতৰি গ’ল অজান দেশলৈ…

কিন্তু যাও বুলিলেই যাব নোৱাৰাৰ অযুহাতত বন্দী হৈ থাকিলো আমি!সকলো হেৰুৱাইয়ো সকলো ভাল হোৱাৰ আশাত দিনে-নিশাই স্মৃতিকে সাৱটি সজীৱ কৰি ৰাখিছো চৌপাশৰ পৃথিৱী…!ভাল সপোনৰ পম খেদি জীয়াই থকাৰ পৰিৱৰ্তে প্ৰতি মূহূৰ্তই উপহাৰ দিয়া সৰু-বৰ দুখ-সুখক উপভোগ কৰাৰ আখৰাত ব‍্যস্ত পৃষ্ঠাৰে ভৰাই তোলিছো ডিজিটেল ডায়েৰী…◾️◾️◾️

💚

Address

Guwahati
781022

Telephone

+919954312995

Website

http://artandculture19.wordpress.com/

Alerts

Be the first to know and let us send you an email when Sikhamoni Bezbaruah Goswami posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sikhamoni Bezbaruah Goswami:

Want your organization to be the top-listed Government Service in Guwahati?