Samindla Vani - Municipal Chairman, Jagtial

25/07/2026

ఖేలో ఇండియా జిల్లా స్థాయి అథ్లెటిక్స్ పోటీలను ప్రారంభించిన చైర్‌పర్సన్ సమిండ్ల వాణి శ్రీనివాస్

జగిత్యాల జిల్లా అథ్లెటిక్స్ అసోసియేషన్ ఆధ్వర్యంలో ఏర్పాటు చేసిన ‘అస్మిత ఖేలో ఇండియా’ జిల్లా స్థాయి మహిళా అథ్లెటిక్స్ పోటీలు ఘనంగా ప్రారంభమయ్యాయి.

ఈ కార్యక్రమానికి జగిత్యాల మున్సిపల్ చైర్‌పర్సన్ సమిండ్ల వాణి శ్రీనివాస్ గారు ముఖ్య అతిథిగా హాజరై, పోటీలను ప్రారంభించారు.

ఈ సందర్భంగా మాట్లాడుతూ.. మహిళల్లో దాగి ఉన్న క్రీడా నైపుణ్యాలను వెలికితీయడానికి ‘అస్మిత’ లీగ్ ఒక అద్భుతమైన వేదిక అని కొనియాడారు. క్రీడాకారులు క్రీడా స్ఫూర్తితో రాణించి జిల్లాకు, దేశానికి మంచి పేరు తీసుకురావాలని ఆకాంక్షించారు.

ఈ కార్యక్రమంలో మున్సిపల్ కౌన్సిలర్ అరవ లక్ష్మి గారు, జిల్లా అథ్లెటిక్స్ అసోసియేషన్ సెక్రటరీ ముత్యం రెడ్డి గారు, ఫిజికల్ డైరెక్టర్ టి.జి. విశ్వప్రసాద్ గారు, అసోసియేషన్ ప్రతినిధులు, వ్యాయామ ఉపాధ్యాయులు మరియు పెద్ద సంఖ్యలో మహిళా క్రీడాకారిణులు పాల్గొన్నారు.

23/07/2026

జగిత్యాల పట్టణంలో తాగునీటి సరఫరా వ్యవస్థను పర్యవేక్షించిన మున్సిపల్ చైర్‌పర్సన్ సమిండ్ల వాణి శ్రీనివాస్

జగిత్యాల పట్టణ ప్రజలకు సురక్షితమైన, స్వచ్ఛమైన తాగునీటిని అందించడమే మున్సిపాలిటీ ప్రథమ ప్రాధాన్యత అని జగిత్యాల మున్సిపల్ చైర్‌పర్సన్ సమిండ్ల వాణి శ్రీనివాస్ గారు పేర్కొన్నారు. గురువారం నాడు విద్యానగర్‌లోని ప్రధాన వాటర్ ట్యాంక్ వద్ద నీటి సరఫరా వ్యవస్థను, అలాగే ట్యాంకుల క్లీనింగ్ పనులను మున్సిపల్ కమిషనర్ సత్య ప్రణవ్ మరియు కౌన్సిలర్లతో కలిసి ఆమె పర్యవేక్షించారు.

ఈ సందర్భంగా చైర్‌పర్సన్ మాట్లాడుతూ, వర్షాకాలం దృష్ట్యా ప్రజల ఆరోగ్య రక్షణ కోసం తాగునీటి ట్యాంకులను క్రమం తప్పకుండా బ్లీచింగ్, క్లోరినేషన్ చేస్తూ పరిశుభ్రంగా ఉంచాలని అధికారులను ఆదేశించారు. పట్టణంలోని అన్ని వార్డులకు తాగునీటి సరఫరాలో ఎలాంటి అంతరాయం కలగకుండా ముందస్తు చర్యలు చేపట్టాలని, ఎక్కడైనా పైప్‌లైన్ లీకేజీలు ఉంటే వెంటనే యుద్ధప్రాతిపదికన మరమ్మతులు చేయాలని సూచించారు. తాగునీటి సరఫరా విషయంలో నిర్లక్ష్యం వహిస్తే కఠిన చర్యలు ఉంటాయని హెచ్చరించారు.

ఈ కార్యక్రమంలో మున్సిపల్ కమిషనర్ సత్యప్రణవ్, కౌన్సిలర్లు పంబాల సుజాత రాము, బొల్లారపు స్వప్న గిరిధర్, కోరె జయ గంగమల్లు, సుంకేటి మమత రామకృష్ణారెడ్డి, అనుగుల లావణ్య రాజేందర్, అనీస్ ఖుతీజా, దుమాల రాజ్ కుమార్, కతురు శేఖర్, బడుగు పద్మ రాజేందర్, కో-ఆప్షన్ సభ్యులు గట్టు సతీష్, డీఈ అరుణ్ మరియు వాటర్ సప్లై సిబ్బంది తదితరులు పాల్గొన్నారు.

22/07/2026

రాహుల్ గాంధీ, ప్రియాంక గాంధీల అక్రమ అరెస్టుకు నిరసనగా జగిత్యాలలో భారీ నిరసన: మంత్రి అడ్లూరి లక్ష్మణ్ కుమార్, ఎమ్మెల్యే డా. సంజయ్ కుమార్, డీసీసీ అధ్యక్షులు గాజంగి నందయ్యలతో కలిసి పాల్గొన్న మున్సిపల్ చైర్‌పర్సన్ సమిండ్ల వాణి శ్రీనివాస్

ఢిల్లీలో లోక్‌సభ ప్రతిపక్ష నాయకుడు శ్రీ రాహుల్ గాంధీ, ఏఐసీసీ ప్రధాన కార్యదర్శి శ్రీమతి ప్రియాంక గాంధీల అక్రమ అరెస్టును నిరసిస్తూ జగిత్యాల తహసీల్ చౌరస్తాలో భారీ నిరసన కార్యక్రమం చేపట్టారు. రాష్ట్ర సంక్షేమ శాఖ మంత్రివర్యులు శ్రీ అడ్లూరి లక్ష్మణ్ కుమార్ గారు, స్థానిక శాసనసభ్యులు డాక్టర్ సంజయ్ కుమార్ గారు మరియు జిల్లా కాంగ్రెస్ పార్టీ (డీసీసీ) అధ్యక్షులు గాజంగి నందయ్య గారితో కలిసి మున్సిపల్ చైర్‌పర్సన్ సమిండ్ల వాణి శ్రీనివాస్ కేంద్ర ప్రభుత్వ ప్రజాస్వామ్య వ్యతిరేక వైఖరిపై తీవ్ర నిరసన వ్యక్తం చేశారు.

ఈ కార్యక్రమంలో జిల్లా లైబ్రరీ చైర్మన్ దినేష్, కౌన్సిలర్లు, పట్టణ, మండల కాంగ్రెస్ పార్టీ అధ్యక్షులు, వివిధ హోదాల్లో ఉన్న ప్రజాప్రతినిధులు, పార్టీ నాయకులు మరియు కార్యకర్తలు భారీ సంఖ్యలో పాల్గొని విజయవంతం చేశారు.

22/07/2026

21/07/2026

కౌన్సిలర్ కూతురు శేఖర్ గారి పుట్టినరోజు సందర్భంగా జగిత్యాల మున్సిపల్ కార్యాలయంలో మున్సిపల్ చైర్‌పర్సన్ సమిండ్ల వాణి శ్రీనివాస్ గారిని మర్యాదపూర్వకంగా కలిశారు.

ఈ సందర్భంగా చైర్‌పర్సన్ గారు శేఖర్ గారికి జన్మదిన శుభాకాంక్షలు తెలిపారు

21/07/2026

మల్లికార్జున ఖర్గే జన్మదిన వేడుకలు: శుభాకాంక్షలు తెలిపిన ఎమ్మెల్యే డా. సంజయ్ కుమార్, చైర్‌పర్సన్ సమిండ్ల వాణి శ్రీనివాస్ మరియు డీసీసీ అధ్యక్షులు గజంగి నందయ్య

అఖిల భారత కాంగ్రెస్ పార్టీ (AICC) అధ్యక్షులు, రాజ్యసభ ప్రతిపక్ష నాయకులు శ్రీ మల్లికార్జున ఖర్గే గారి పుట్టిన రోజు సందర్భంగా జగిత్యాల ఎమ్మెల్యే క్యాంపు కార్యాలయంలో వేడుకలు ఘనంగా జరిగాయి.ఈ సందర్భంగా జగిత్యాల ఎమ్మెల్యే డా. సంజయ్ కుమార్ గారు, మున్సిపల్ చైర్‌పర్సన్ సమిండ్ల వాణి శ్రీనివాస్ గారు మరియు జిల్లా కాంగ్రెస్ పార్టీ అధ్యక్షులు గజంగి నందయ్య గారు కలిసి కేక్ కట్ చేసి శుభాకాంక్షలు తెలియజేశారు.

ఈ సందర్భంగా మాట్లాడుతూ, అణగారిన వర్గాల గళంగా, దేశ సేవలో ఖర్గే గారి పాత్ర అద్భుతమని కొనియాడారు. పార్టీని విజయపథంలో నడిపిస్తున్న ఆయన మార్గదర్శకత్వం అందరికీ స్ఫూర్తిదాయకమన్నారు. ఖర్గే గారి నాయకత్వంలో కాంగ్రెస్ పార్టీ మరింత బలోపేతం అవుతుందని నమ్మకం వ్యక్తం చేస్తూ, ఆయన ఆయురారోగ్యాలతో వర్ధిల్లాలని ఆకాంక్షించారు.

ఈ కార్యక్రమంలో పట్టణ అధ్యక్షులు కొత్త మోహన్ గారు, కో-ఆప్షన్ సభ్యులు గట్టు సతీష్ గారు, కౌన్సిలర్లు హరీష్, మల్లవ్వ తిరుమలయ్య, కోరుకంటి రాము, పంబాల సుజాత రాము, కూతురు శేఖర్, కూతురు రాజేష్, పిట్ట ధర్మరాజు, చీటి లక్ష్మీనారాయణ, జిల్లా ఎస్సీ సెల్ అధ్యక్షులు దుమల రాజ్ కుమార్, పట్టణ నాయకులు మరియు కార్యకర్తలు పాల్గొన్నారు.

21/07/2026

జగిత్యాల పట్టణంలో SIR ప్రక్రియ 100% విజయవంతం కావాలి: ఎమ్మెల్యే డా.సంజయ్ కుమార్ మరియు మున్సిపల్ చైర్‌పర్సన్ సమిండ్ల వాణి శ్రీనివాస్

పట్టణ 7, 8, 9 వార్డులలో స్పెషల్ ఇంటెన్సివ్ రివిజన్ (SIR) ప్రోగ్రామ్ సరళిని అధికారులు, ప్రజాప్రతినిధులతో కలిసి జగిత్యాల ఎమ్మెల్యే డా. సంజయ్ కుమార్ గారు, మున్సిపల్ చైర్‌పర్సన్ సమిండ్ల వాణి శ్రీనివాస్ గారు పరిశీలించారు.

ఈ సందర్భంగా ఎమ్మెల్యే డా. సంజయ్ కుమార్ గారు మాట్లాడుతూ, ప్రతి ఒక్కరూ తమ ఓటు ఉండేలా శ్రద్ధ వహించాలని, అర్హులైన ప్రతి కుటుంబం సర్వేలో నమోదయ్యేలా ప్రజాప్రతినిధులు, అధికారులు అవగాహన కల్పించాలన్నారు. లోకల్, నాన్-లోకల్ ఓటర్లను త్వరగా గుర్తించాలని, గడువు ముందే ప్రక్రియను పూర్తి చేయడానికి BLA, BLO లు కార్యాచరణ చేపట్టాలని కోరారు. 7, 8, 9 వార్డులలో 60 శాతం కన్నా తక్కువ ప్రక్రియ జరిగిందని, గడువు ఉందని నిర్లక్ష్యం చేయకుండా అధికారులు వార్డుకు వచ్చినప్పుడు ఫాం అందజేసి అవకాశాన్ని సద్వినియోగం చేసుకోవాలన్నారు. ప్రజాస్వామ్యంలో ఓటు ఒక ఆయుధమని, రాజకీయాలకు అతీతంగా అందరూ ఇందులో పాల్గొని విధిగా ఓటు హక్కును రాయించుకోవాలని పిలుపునిచ్చారు.

అనంతరం మున్సిపల్ చైర్‌పర్సన్ సమిండ్ల వాణి శ్రీనివాస్ గారు మాట్లాడుతూ, జగిత్యాల పట్టణ సర్వతోముఖాభివృద్ధికి అర్హులైన ప్రతి ఒక్కరి ఓటు హక్కు నమోదు ఎంతో కీలకమని పేర్కొన్నారు. మున్సిపల్, రెవెన్యూ యంత్రాంగం మరియు వార్డు నాయకులు పూర్తి సమన్వయంతో పనిచేసి వార్డులలో 100 శాతం సర్వే పూర్తయ్యేలా బాధ్యత తీసుకోవాలని అధికారులను ఆదేశించారు.

ఈ కార్యక్రమంలో డిసిసి అధ్యక్షులు గజంగి నందయ్య, కమిషనర్ సత్య ప్రణవ్, ఎమ్మార్వో రామ్మోహన్, కో ఆప్షన్ సభ్యులు గట్టు సతీష్, కౌన్సిలర్లు హరీష్, మల్లవ్వ తిరుమలయ్య, కోరుకంటి రాము, పంబాల సుజాత రాము, కూతురు శేఖర్, కూతురు రాజేష్, పిట్ట ధర్మరాజు, చీటి లక్ష్మీనారాయణ, జిల్లా ఎస్సీ సెల్ అధ్యక్షులు దుమల రాజ్ కుమార్, మున్సిపల్, రెవెన్యూ అధికారులు, BLO, BLA లు మరియు వార్డు నాయకులు తదితరులు పాల్గొన్నారు.

20/07/2026

జగిత్యాల పట్టణ అభివ్రుద్ది పై మున్సిపల్ చైర్మన్ సమిండ్ల వాణి శ్రీనివాస్ తో కలసి అదనపు కలెక్టర్ రాజా గౌడ్ గారితో చర్చించిన జగిత్యాల ఎమ్మెల్యే డా సంజయ్ కుమార్ గారు.
ఈ కార్యక్రమంలో కమిషనర్ సత్య ప్రణవ్
కో ఆప్షన్ సభ్యులు గట్టు సతీష్ పాల్గొన్నారు.

20/07/2026

*ప్రభుత్వ ఉద్యోగులకు పెన్షనర్స్ కు ఆరోగ్య కార్డులు అందజేయటం పట్ల హర్షం వ్యక్తం చేసిన పెన్షనర్స్ యూనియన్ సభ్యులు...*

*జగిత్యాలలో పెన్షనర్లకు హెల్త్ కార్డుల పంపిణీ: పాల్గొన్న ఎమ్మెల్యే డా. సంజయ్ కుమార్, మున్సిపల్ చైర్‌పర్సన్ సమిండ్ల వాణి శ్రీనివాస్*

*సన్మానించిన పెన్షనర్స్ యూనియన్ సభ్యులు*

తెలంగాణ రాష్ట్ర ప్రభుత్వం నూతనంగా ప్రవేశపెట్టిన హెల్త్ కార్డుల పంపిణీ కార్యక్రమం జగిత్యాల జిల్లా కేంద్రంలో ఘనంగా జరిగింది. తెలంగాణ రాష్ట్ర పెన్షనర్ల సంఘం జగిత్యాల శాఖ ఆధ్వర్యంలో ఏర్పాటు చేసిన ఈ కార్యక్రమానికి జగిత్యాల శాసనసభ్యులు డా. సంజయ్ కుమార్, మున్సిపల్ చైర్‌పర్సన్ సమిండ్ల వాణి శ్రీనివాస్ ముఖ్య అతిథులుగా హాజరై, పెన్షనర్లకు నూతన హెల్త్ కార్డులను పంపిణీ చేశారు.

ఈ సందర్భంగా వారు మాట్లాడుతూ, పెన్షనర్ల ఆరోగ్య భద్రతకు ప్రభుత్వం పెద్దపీట వేస్తోందని, అందులో భాగంగానే ఈ నూతన హెల్త్ కార్డులను అందిస్తోందని తెలిపారు. పెన్షనర్లు ఈ కార్డులను సద్వినియోగం చేసుకోవాలని కోరారు.

ఈ కార్యక్రమంలో మున్సిపల్ కౌన్సిలర్లు బోలుశాని శ్రీనివాస్, కుతురు శేఖర్, కో-ఆప్షన్ సభ్యులు గట్టు సతీష్, పెన్షనర్ల సంఘం అధ్యక్ష కార్యదర్శులు, కార్యవర్గ సభ్యులు మరియు పెద్ద సంఖ్యలో పెన్షనర్లు పాల్గొన్నారు.