27/08/2026
આજ રોજ જૂનાગઢ બહાઉદ્દીન સરકારી કોલેજ આયોજિત ભક્ત કવિ નરસિંહ મહેતા યુનિવર્સિટી, આંતર કોલેજ ની ભાઈઓને કબડી સ્પર્ધાનું આયોજન થયું હતું, જેમાં યુનિવર્સીટીની જુદી જુદી 15 કોલેજોએ ભાગ લીધો હતો.અંતે ફાઇનલમાં પહોંચેલ બે કોલેજોમાં એક કોડીનારની શ્રી જે. એસ. પરમાર કોલેજ અને જૂનાગઢની સરકારી બાઉદીન કોલેજ વચ્ચે કટોકટી અને સટોસટીની રસાકસીભરી પરિસ્થિતિ નિર્માણ થઈ હતી. વર્ષોથી કબડીમાં જીત મેળવીને વિજય થતી કોડીનારની શ્રી જે.ઍસ. પરમાર કોલેજને સરકારી બહાઉદ્દીન કોલેજે પરાજિત કરી હતી.વર્ષોનો કોડીનાર કોલેજનો રેકોર્ડ તોડી વિજય થનાર સરકારી બહાઉદ્દીન કોલેજ પર અભિનંદનની વર્ષા થઇ હતી.
સ્પોર્ટસ અને એમાં પણ કબડ્ડીની રમતમાં શારીરિક શ્રમ અને કૌશલ્યનું બહુ મહત્વ હોય છે. તેથી રમતગમતને સતત પ્રોત્સાહન આપતા રહેલા કોલેજના આચાર્યશ્રી ડો. જેસીંગ વાંઝાસાહેબે કબડી માટે એક મહિનાથી વહેલી પ્રભાતથી જ પી.ટી.આઇ. મોસીન કુરેશી સાહેબ દ્વારા તાલીમ અપાવી રહ્યા હતા. અને તેનું આજે સફળ પરિણામ મળતા આચાર્યશ્રીએ કોલેજના પી.ટી.આઈ.અને કબડીના સ્પર્ધક વિદ્યાર્થીઓને અભિનંદન આપી નવાજ્યા હતા.આ વિજય ક્ષણને વિડીયોમાં કંડારી લીધી હતી. શ્વાસ ઊંચો થઇ જાય, તેવા એક એક પોઇન્ટનાં સ્કોર માટે જે સટ્ટોસટ્ટી સર્જાઈ હતી તે રાસાકસીભરી આવી અમર ક્ષણનો આ વિડીયો સૌ માટે સાદર 🙏
