Info Junagadh GoG

Info Junagadh GoG page of District Information Office, Junagadh, Government of Gujarat

05/08/2026

✨ અનંત... અનાદિ... અવિસ્મરણીય... વડનગર! 🛕

ગુજરાતના ગૌરવ સમા પ્રાચીન નગર વડનગરના ભવ્ય ઇતિહાસ, આધ્યાત્મિક વારસા અને સાંસ્કૃતિક વૈભવને સર્જનાત્મક રીતે રજૂ કરવાની સુવર્ણ તક આવી છે.

🎥 શ્રાવણોત્સવ 2026 – Reel Competition

📌 આ સપ્તાહની થીમ: "અનંત અનાદિ વડનગર"

પ્રાચીન મંદિરો, ઐતિહાસિક કીર્તિતોરણો, શર્મિષ્ઠા તળાવ અને વડનગરની અવિનાશી સંસ્કૃતિને તમારી ઓરિજિનલ રીલ દ્વારા સમગ્ર ગુજરાત સુધી પહોંચાડો.

🏆 રોકડ ઇનામો
🥇 પ્રથમ – ₹31,000
🥈 દ્વિતીય – ₹21,000
🥉 તૃતીય – ₹11,000

📅 પ્રથમ તબક્કો: 02 થી 05 ઑગસ્ટ, 2026

✅ તમારી ઓરિજિનલ રીલ Instagram અથવા YouTube પર Public પોસ્ટ કરો અને પછી MyGov પર તેની Public Link સબમિટ કરીને સ્પર્ધામાં જોડાઓ. સ્પર્ધામાં દર સપ્તાહે નવી ઓરિજિનલ રીલ સાથે ભાગ લઈ શકાય છે.

🔗 ભાગ લેવા માટે:
"MyGov Reel Competition" (https://reference-url-citation.invalid/1)

ચાલો, આપણા ગૌરવશાળી વારસાને વિશ્વ સમક્ષ સર્જનાત્મક રીતે રજૂ કરીએ.



CMO Gujarat Gujarat Information Collector Junagadh

માળિયાહાટીના તાલુકા આરોગ્ય અધિકારી ડૉ. ડાભીના માર્ગદર્શન હેઠળ તાલુકા આરોગ્ય ઓફિસ, માળિયા દ્વારા સમગ્ર તાલુકામાં સગર્ભા મ...
04/08/2026

માળિયાહાટીના તાલુકા આરોગ્ય અધિકારી ડૉ. ડાભીના માર્ગદર્શન હેઠળ તાલુકા આરોગ્ય ઓફિસ, માળિયા દ્વારા સમગ્ર તાલુકામાં સગર્ભા માતાઓ અને ધાત્રી માતાઓ ના સ્વાસ્થ્ય રક્ષણ તથા નવજાત શિશુની સંભાળ અર્થે વિશેષ કામગીરી હાથ ધરવામાં આવી હતી.
આ સઘન ઝુંબેશ અંતર્ગત આરોગ્ય વિભાગના મેડિકલ ઓફિસર (MO), આયુષ મેડિકલ ઓફિસર (AYUSH MO), ફીમેલ હેલ્થ વર્કર (FHW), કમ્યુનિટી હેલ્થ ઓફિસર (CHO) તથા આશા બહેનો (ASHA) દ્વારા વિવિધ ગામોની આંગણવાડીઓની રૂબરૂ મુલાકાત લેવામાં આવી રહી છે. આ મુલાકાત દરમિયાન સગર્ભા અને ધાત્રી માતાઓ સાથે સીધો સંવાદ સાધીને ગર્ભવતી મહિલાઓ અને નવજાત શિશુ માટે જરૂરી આરોગ્ય વિષયક માર્ગદર્શન પૂરું પાડવામાં આવ્યુ હતુ.
માતાઓ અને પરિવારજનો સાથે જૂથ ચર્ચા યોજીને જન્મના પ્રથમ એક કલાકમાં સ્તનપાન (Early Initiation of Breastfeeding), પ્રથમ ૬ મહિના સુધી માત્ર ને માત્ર માતાનું ધાવણ, પોષણયુક્ત આહાર અને નિયમિત તપાસના મહત્વ વિશે સમજણ આપવામાં આવી રહી છે. તેમજ શિશુની દેખભાળમાં પરિવારના સભ્યોનો સહયોગ વધે અને સ્તનપાન માટે માતાને પ્રોત્સાહક વાતાવરણ મળે તે માટે પરિવારજનો સાથે પણ વિશેષ ચર્ચા કરવામાં આવી રહી છે. સાથે સાથે આરોગ્ય વિષયક જાગૃતિ લાવવા માટે બેનરો, પત્રિકાઓ અને સોશિયલ મીડિયા માધ્યમો દ્વારા સઘન પ્રચાર-પ્રસાર (IEC) કરવામાં આવી રહ્યો છે.
આરોગ્ય વિભાગ દ્વારા જણાવવામાં આવ્યું છે કે માતૃ અને શિશુ મૃત્યુદર ઘટાડવા તેમજ સગર્ભા અને નવજાત બાળકના સુદ્રઢ સ્વાસ્થ્ય માટે તમામ આરોગ્ય કર્મચારીઓના સહયોગથી આવી જાગૃતિ પ્રવૃત્તિઓ સળંગ ચાલુ રાખવામાં આવશે.

ગુજરાત રાજ્ય યોગ બોર્ડના માર્ગદર્શન હેઠળ જૂનાગઢ જિલ્લાના ગ્રામ્ય વિસ્તારોમાં યોગના પ્રસાર-પ્રચાર માટે સતત કામગીરી હાથ ધર...
04/08/2026

ગુજરાત રાજ્ય યોગ બોર્ડના માર્ગદર્શન હેઠળ જૂનાગઢ જિલ્લાના ગ્રામ્ય વિસ્તારોમાં યોગના પ્રસાર-પ્રચાર માટે સતત કામગીરી હાથ ધરવામાં આવી રહી છે. આ અભિયાનના ભાગરૂપે તાજેતરમાં નરેડી, નાકરા અને બાટવા સહિત ૧૩ નવા ગામોમાં યોગ વર્ગોનો પ્રારંભ કરવામાં આવ્યો છે.
ગુજરાત રાજ્ય યોગ બોર્ડના ચેરમેન શ્રી શિશપાલ સાહેબના માર્ગદર્શન હેઠળ "દરેક ગામ સુધી યોગ"ના સંકલ્પને સાકાર કરવા ઝોન કો-ઓર્ડિનેટર ચેતનાબેન ગજેરા, જિલ્લા કો-ઓર્ડિનેટર જયંતી કાછડીયા, યોગ કોચ જીજ્ઞાબેન રામાણી તથા યોગ ટ્રેનર કાજલબેન અભિનચાંદની દ્વારા ગ્રામ્ય વિસ્તારોમાં યોગ અંગે જાગૃતિ અને નવા યોગ વર્ગોની શરૂઆત માટે કામગીરી કરવામાં આવી રહી છે.
આ કામગીરીના પરિણામે મેંદરડા, માળીયા હાટીના, માણાવદર, માંગરોળ અને વંથલી તાલુકાઓમાં હાલમાં કુલ ૫૧ યોગ વર્ગો કાર્યરત છે. તાજેતરમાં શરૂ કરાયેલા ૧૩ નવા ગામોના યોગ વર્ગોથી વધુ ગ્રામજનોને નિયમિત યોગાભ્યાસ સાથે જોડાવાની તક મળશે.
યોગ વર્ગોના માધ્યમથી ગ્રામજનોમાં આરોગ્ય પ્રત્યે જાગૃતિ વધે, નિયમિત યોગાભ્યાસની ટેવ વિકસે તેમજ નિરોગી જીવનશૈલીને પ્રોત્સાહન મળે તે દિશામાં ગુજરાત રાજ્ય યોગ બોર્ડ દ્વારા સતત પ્રયાસો કરવામાં આવી રહ્યા છે.
નરેડી, નાકરા, બાંટવા સહિત સંબંધિત ગામોના ગ્રામજનો દ્વારા યોગ વર્ગોને સારો પ્રતિસાદ મળ્યો છે. આગામી સમયમાં જિલ્લાના અન્ય ગામોમાં પણ વધુ યોગ વર્ગો શરૂ કરવાની કામગીરી હાથ ધરવામાં આવશે.

જૂનાગઢ જિલ્લા મહિલા અને બાળ અધિકારીની કચેરી દ્વારા નારી વંદન ઉત્સવ અન્વયે ‘બેટી બચાવો બેટી પઢાવો દિવસ ‘નિમિતે ગુડ ટચ...
04/08/2026

જૂનાગઢ જિલ્લા મહિલા અને બાળ અધિકારીની કચેરી દ્વારા નારી વંદન ઉત્સવ અન્વયે ‘બેટી બચાવો બેટી પઢાવો દિવસ ‘નિમિતે ગુડ ટચ બેડ ટચ કાર્યક્રમ આશ્રમ શાળા જૂનાગઢ ખાતે યોજાયો હતો. આ કાર્યક્રમમાં વિદ્યાર્થીઓની સુરક્ષા, સલામતી અને જાગૃતિ માટે વિવિધ મહત્વપૂર્ણ મુદ્દાઓ પર માર્ગદર્શન આપવામાં આવ્યુ હતુ.

બાળકોમાં શારીરિક સુરક્ષા અને જાગૃતિ કેળવવા માટે ગુડ ટચ અને બેડ ટચ વિશે સરળ ઉદાહરણો દ્વારા માર્ગદર્શન અપાયું હતુ જેથી તેઓ અસુરક્ષિત સ્પર્શને ઓળખી શકે અને ડર્યા વગર વાલીઓ, શિક્ષકો કે હેલ્પલાઇન પર તેની ત્વરિત જાણ કરી શકે તેની વિગતવાર સમજ પૂરી પાડવામાં આવી હતી. કાર્યક્રમમાં પ્રાથમિક શાળાના આચાર્યશ્રી,શિક્ષકો,DHEW,OSC સ્ટાફની ટીમ હાજર રહયા હતા.

જિલ્લા મહિલા અને બાળ અધિકારીશ્રી તેમજ દહેજ પ્રતિબંધક સહ રક્ષણ અધિકારીશ્રીના માર્ગદર્શન હેઠળ બેટી બચાવો બેટી પઢાવો દિવસ નિમિતે સિવિલ હોસ્પિટલ ખાતે જન્મેલ દીકરીઓને વધામણા કીટ અને વ્હાલી દીકરી યોજના ફોર્મ વિતરણ કરવામાં આવ્યુ હતુ. આ તકે આરોગ્ય વિભાગનાં કર્મચારી,DHEW,OSC સ્ટાફની ટીમ ઉપસ્થિત રહી હતી.

ગુજરાતની અસ્મિતા અને સદીઓ જૂની સાંસ્કૃતિક પરંપરાના જીવંત પ્રતીક સમાન વડનગરની વિરાસતને દુનિયા સમક્ષ રજૂ કરવા માટે રાજ્ય સ...
03/08/2026

ગુજરાતની અસ્મિતા અને સદીઓ જૂની સાંસ્કૃતિક પરંપરાના જીવંત પ્રતીક સમાન વડનગરની વિરાસતને દુનિયા સમક્ષ રજૂ કરવા માટે રાજ્ય સરકાર દ્વારા એક નવતર અભિગમ અપનાવવામાં આવ્યો છે. પવિત્ર શ્રાવણ માસ દરમિયાન વડનગરમાં ઉજવાઈ રહેલા શ્રાવણોત્સવના ભાગરૂપે ગુજરાત સરકાર અને MyGov પ્લેટફોર્મના સંયુક્ત ઉપક્રમે એક ભવ્ય રીલ કોમ્પિટિશનનું આયોજન કરવામાં આવ્યું છે.

આ સ્પર્ધામાં જૂનાગઢ જિલ્લાનાં યુવાનો, કલાકારો, કન્ટેન્ટ ક્રિએટર્સ અને નાગરિકોને પણ ભાગ લેવા માટે આમંત્રિત કરવામાં આવ્યા છે. આ સ્પર્ધાનો મુખ્ય ઉદ્દેશ્ય વડનગરની ઐતિહાસિક ધરોહર, આધ્યાત્મિક મહાત્મ્ય અને બૌદ્ધ સંસ્કૃતિના અવશેષોને આજના ડિજિટલ યુગમાં સર્જનાત્મક રીતે ઉજાગર કરવાનો છે.

આગામી શ્રાવણ માસના ચાર અઠવાડિયા દરમિયાન ચાર અલગ-અલગ વિષયો પર આ સ્પર્ધાનું આયોજન કરવામાં આવશે, જેમાં પ્રથમ સપ્તાહની થીમ ‘અનંત અનાદિ વડનગર’ નિર્ધારિત કરવામાં આવી છે. આ સ્પર્ધા અંતર્ગત સહભાગીઓએ વડનગરના પ્રખ્યાત કીર્તિ તોરણ, પવિત્ર હાટકેશ્વર મહાદેવ મંદિર અને પ્રાચીન બૌદ્ધ સંસ્કૃતિના અવશેષો જેવી વિરાસતોને આવરી લેતી આકર્ષક રીલ્સ તૈયાર કરવાની રહેશે.

સર્જનાત્મકતાને પ્રોત્સાહન આપવા માટે ગુજરાત સરકાર દ્વારા વિજેતાઓ માટે આકર્ષક રોકડ ઇનામોની જાહેરાત કરવામાં આવી છે. આ સ્પર્ધામાં પ્રથમ ક્રમે આવનાર વિજેતાને રૂ. ૩૧,૦૦૦, દ્વિતીય ક્રમે રૂ. ૨૧,૦૦૦ અને તૃતીય ક્રમે આવનાર વિજેતાને રૂ. ૧૧,૦૦૦નું પ્રોત્સાહક ઇનામ એનાયત કરવામાં આવશે.

સ્પર્ધકોએ પોતાની એન્ટ્રીઓ MyGov પોર્ટલ પર આપેલી લિંક https://www.mygov.in/task/shravanotsav-2026-reel-competition દ્વારા સબમિટ કરવાની રહેશે. આ અનોખી પહેલ દ્વારા વડનગરના વૈભવ, આસ્થા અને વિરાસતને સર્જનાત્મક માધ્યમથી સમગ્ર વિશ્વમાં પ્રચલિત કરવાનો નિર્ધાર કરવામાં આવ્યો છે.

રસ ધરાવતા સ્પર્ધકો તા. ૦૫ ઓગસ્ટ ૨૦૨૬ સુધીમાં પોતાની એન્ટ્રીઓ સબમિટ કરી શકશે. આ રીલની સમયમર્યાદા ૧ થી ૩ મિનિટની રાખવામાં આવી છે અને તે ગુજરાતી, હિન્દી અથવા અંગ્રેજી ભાષામાં બનાવી શકાશે. સ્પર્ધામાં માત્ર ઓરિજિનલ વીડિયો જ સ્વીકારવામાં આવશે, જ્યારે એઆઈ (AI) દ્વારા નિર્મિત અથવા સ્ટોક ફૂટેજનો ઉપયોગ કરનાર એન્ટ્રીઓ માન્ય રહેશે નહીં. વીડિયો ફોર્મેટ MP4, AVI અથવા MOVમાં લઘુત્તમ 720p રિઝોલ્યુશન સાથે હોવું અનિવાર્ય છે.

01/08/2026

📘 પારદર્શક પરીક્ષાઓ, સશક્ત યુવાનો અને વિકસિત ભારત.

Public Examinations Act-2026 સાથે વિશ્વાસભર્યું શિક્ષણતંત્ર વધુ મજબૂત બનશે.


PMO India CMO Gujarat Gujarat Information

01/08/2026

🎯 દરેક વિદ્યાર્થીની મહેનતનું સાચું મૂલ્ય જળવાઈ રહે તે માટે નિષ્પક્ષ પરીક્ષાઓ જરૂરી છે.

જૂનાગઢ જિલ્લાના વિદ્યાર્થીઓ Public Examinations Act-2026નું સમર્થન કરે છે.


PMO India CMO Gujarat Dr Pradyuman Vaja Gujarat Information Collector Junagadh

01/08/2026

💡 શિક્ષણમાં ઈમાનદારી અને પારદર્શિતા જ ઉજ્જવળ ભવિષ્યનો માર્ગ છે.

Public Examinations Act-2026 એ આ દિશામાં એક મહત્વપૂર્ણ પહેલ છે.


PMO India CMO Gujarat Gujarat Information Collector Junagadh

01/08/2026

🤝 વિશ્વાસપૂર્ણ પરીક્ષા વ્યવસ્થા, આત્મવિશ્વાસી વિદ્યાર્થીઓ.

જૂનાગઢ જિલ્લાના વિદ્યાર્થીઓ દ્વારા Public Examinations Act-2026નું સ્વાગત.

#સુરક્ષિત_ભવિષ્ય_વિકસિત_ભારત

PMO India CMO Gujarat Gujarat Information Collector Junagadh

01/08/2026

📖 મહેનતનો સાચો હક, નિષ્પક્ષ પરીક્ષાઓ સાથે.

Public Examinations Act-2026 પરીક્ષા પ્રક્રિયાને વધુ પારદર્શક અને વિશ્વસનીય બનાવવાની દિશામાં મહત્વપૂર્ણ પગલું છે. જૂનાગઢ જિલ્લાના વિદ્યાર્થીઓએ આ પહેલને આવકારીને શિક્ષણમાં વિશ્વાસ વધુ મજબૂત બનાવ્યો.

#સુરક્ષિત_ભવિષ્ય_વિકસિત_ભારત
PMO India CMO Gujarat Gujarat Information Collector Junagadh

Address

Sardar Bag Nr. Bahumali Bhavan, India
Junagadh

Website

Alerts

Be the first to know and let us send you an email when Info Junagadh GoG posts news and promotions. Your email address will not be used for any other purpose, and you can unsubscribe at any time.

Shortcuts

Share

Category