08/02/2019
सीबील क्रेडिट स्कोअर तुमची आमची आर्थिक कुंडली.
आजच्या काळात घरासाठी, गाडीसाठी, लग्नासाठी आणि इतर गोष्टींसाठी सहज कर्ज उपलब्ध होते. अर्थात, हे कर्ज मंजूर होणे किंवा नाकारले जाणे हे तुमच्या ‘क्रेडिट स्कोअर’वर अवलंबून असते हे अनेकांना माहीत नसते. सिबिलसह (CIBIL) काही संस्था हा क्रेडिट रिपोर्ट तयार करीत असतात. तुम्ही कर्जाची किंवा क्रेडिट कार्डच्या बिलांची परतफेड कशी करीत आहात, ती वेळेत होते आहे की नाही, हाच तो ‘क्रेडिट स्कोअर’. म्हणजे तुमच्या आर्थिक ‘पापपुण्या’ची नोंदच जणू सिबिलरूपी ‘चित्रगुप्त’ करीत असतो. तेव्हा कर्ज नक्कीच घ्या, पण ठरल्याप्रमाणे परतफेड करून आपले ‘क्रेडिट’ सांभाळा!
आपला CIBIL आजच चेक करा
https://www.creditmantri.com/share-code/?referral_code=JEZD1826PJ
तुम्ही उच्चशिक्षित तसेच पगारदार असाल आणि तुम्हाला लग्न करायचे असेल, घर किंवा नवी कार घ्यायची असेल तर आपली बिले आणि हप्ते वेळच्या वेळी फेडा. तुम्ही म्हणाल की, याचा आणि लग्न-घर-कार इत्यादी गोष्टींचा काय संबंध? पण संबंध आहे. तो प्रत्यक्ष दिसत नसला तरी अप्रत्यक्षरीत्या तुमच्या आर्थिक क्षमतेची मोजदाद तिसऱ्याच ठिकाणी होत असते. तुमची बिल भरण्याची किंवा न भरण्याची कृती, तुमची कर्ज घेण्याची आणि त्याच्या परतफेडीच्या क्षमतेची मोजदाद कुठे तरी होत असते हे जर तुम्हाला सांगितले तर तुम्हाला आश्चर्य वाटेल. कदाचित खरे वाटणार नाही, पण हे खरे आहे. त्यामुळे वरील गोष्टी वेळीच न करण्याची प्रवृत्ती तुमचे लग्नाचे स्वप्न धोक्यात आणू शकते.
आजच्या काळात एकवेळ कुंडली पाहिली नाही तरी चालेल, पण विवाहेच्छुक मंडळींनी लग्न करण्यापूर्वी सिबिल (CIBIL) स्कोअर पाहून घेणे योग्य ठरेल!
CIBIL हा कर्ज मंजूर करण्याच्या प्रक्रियेतील महत्त्वाचा भाग आहे. सिबिल यंत्रणा ही बँकेला ग्राहकांचा क्रेडिट रिपोर्ट (ऋणपत्रक) मिळवून देणारी यंत्रणा आहे. अर्थात हा क्रेडिट रिपोर्ट म्हणजे असतो तरी काय? तो बँकेला का हवा असतो? आणि कसा मिळतो? सिबिल यंत्रणा यात काय आणि कशा प्रकारे मदत करते, असे अनेक प्रश्न आहेत आणि त्याची उत्तरे शोधण्याचा प्रयत्न लेखात केला आहे.
