Kannur City Police

01/06/2026

പുതിയ അദ്ധ്യയനവർഷത്തിലേക്ക് കടക്കുന്ന എല്ലാ മക്കൾക്കും കണ്ണൂർ സിറ്റി പോലീസിന്റെ ആശംസകൾ!
സുരക്ഷിതമായും സന്തോഷമായും പഠനത്തിൽ മികവ് പുലർത്താൻ ഈ പറയുന്ന കാര്യങ്ങൾ ശ്രദ്ധിക്കേണേ..

🔸​റോഡ് മുറിച്ചുകടക്കാൻ എപ്പോഴും സീബ്രാ ക്രോസിംഗ് ഉപയോഗിക്കുക. നടക്കുമ്പോൾ ഫുട്പാത്തിലൂടെ മാത്രം നടക്കുക, ഇല്ലെങ്കിൽ റോഡിന്റെ വലതുവശം ചേർന്ന് നടക്കുക. നിർത്തിയിട്ട വാഹനങ്ങൾക്ക് മുന്നിലോ പിന്നിലോ കൂടി റോഡ് മുറിച്ചുകടക്കരുത്. വാഹനങ്ങളിൽ സഞ്ചരിക്കുമ്പോൾ കൈയോ തലയോ പുറത്തിടരുത്. ഹെൽമറ്റ്, സീറ്റ് ബെൽറ്റ് എന്നിവ നിർബന്ധമായും ഉപയോഗിക്കുക. തിരക്ക് ഒഴിവാക്കാൻ കൃത്യസമയത്ത് വീട്ടിൽ നിന്നും ഇറങ്ങുക.
​🔸പഠനത്തിനും വിനോദത്തിനും കൃത്യമായ സമയക്രമം ഉണ്ടാക്കുക. ദിവസവും എന്ത് പഠിക്കണം എന്ന് മുൻകൂട്ടി പ്ലാൻ ചെയ്യുക. ക്ലാസിൽ അധ്യാപകർ പറയുന്നത് ശ്രദ്ധിക്കുക, സംശയങ്ങൾ അപ്പോൾ തന്നെ ചോദിച്ചു തീർക്കുക. പഠനത്തിനൊപ്പം ഉറക്കത്തിനും വിശ്രമത്തിനും മതിയായ സമയം നൽകുക.
​🔸സോഷ്യൽ മീഡിയയ്ക്കും ഫോണിനും പ്രത്യേക സമയം മാത്രം മാറ്റിവെക്കുക. രക്ഷിതാക്കളുടെ ഫോൺ അവരുടെ അനുവാദത്തോടെ മാത്രം ഉപയോഗിക്കുക.
🔸​സുഹൃത്തുക്കൾ നിർബന്ധിച്ചാലും ലഹരിയോട് 'ഇല്ല' എന്ന് ധൈര്യത്തോടെ പറയുക. ലഹരി ഉപയോഗിക്കുന്നവരുമായി കൂട്ടുകൂടാതിരിക്കുക. ഇതുമായി ബന്ധപ്പെട്ട എന്തെങ്കിലും അറിഞ്ഞാൽ ഉടൻ അധ്യാപകരെയോ രക്ഷിതാക്കളെയോ അറിയിക്കുക. സഹായത്തിനായി 112 എന്ന എമർജൻസി നമ്പർ എപ്പോഴും ഓർമ്മയിലുണ്ടാവട്ടെ.
🔸​മാനസിക സമ്മർദ്ദം അനുഭവപ്പെട്ടാൽ അധ്യാപകരോടോ, രക്ഷിതാക്കളോടോ, അടുത്ത സുഹൃത്തുക്കളോടോ തുറന്നു സംസാരിക്കുക. കൂടുതൽ പിന്തുണ ആവശ്യമുണ്ടെങ്കിൽ കേരള പോലീസിന്റെ 'ചിരി' ഹെൽപ്പ് ലൈൻ നമ്പറായ 9497900200-ൽ വിളിക്കുക.

31/05/2026

30/05/2026

Heartfelt festival greetings to all the devotees attending the Kottiyoor Vaisakhi Mahotsavam, especially those traveling long distances from other states, including Karnataka!

29/05/2026

ചുരമിറങ്ങുമ്പോൾ ബ്രേക്ക് കിട്ടാതാവുന്നത് (Break fade) എങ്ങനെ തടയാം? എഞ്ചിൻ ബ്രേക്കിംഗിനെക്കുറിച്ച് അറിയേണ്ടതെല്ലാം

🔸ചുരം റോഡുകളിലും ഹിൽ സ്റ്റേഷനുകളിലും സ്ഥിരമായി വണ്ടി ഓടിക്കുന്നവർ നേരിടുന്ന വലിയൊരു പ്രശ്നമാണ് പെട്ടെന്ന് ബ്രേക്ക് ഫെയ്ഡ് (Break fade) ആകുന്നത്.
🔸വാഹനങ്ങളുടെ ബ്രേക്ക് സിസ്റ്റം പ്രവർത്തിക്കുന്നത് കൈനറ്റിക് എനർജിയെ (ചലന ഊർജ്ജം) ഫ്രിക്ഷൻ (വലച്ചിൽ) വഴി ഹീറ്റ് എനർജി (താപ ഊർജ്ജം) ആക്കി മാറ്റിയാണ്.
🔸ബ്രേക്ക് പാഡുകൾ ബ്രേക്ക് ഡിസ്കിനെ അമർത്തിപ്പിടിക്കുമ്പോഴാണ് വാഹനം നിൽക്കുന്നത്, എന്നാൽ ചുരമിറങ്ങുമ്പോൾ തുടർച്ചയായി ബ്രേക്ക് ഉപയോഗിക്കുന്നത് മൂലം ഇവയ്ക്ക് തണുക്കാനുള്ള സമയം ലഭിക്കാറില്ല.
🔸അമിതമായി ചൂടാവുന്നത് കാരണം ബ്രേക്ക് പാഡുകളുടെ ഫ്രിക്ഷൻ നഷ്ടപ്പെടുകയും, ഡിസ്ക് റോട്ടറിൽ പിടുത്തം കിട്ടാതെ വണ്ടി നിൽക്കാത്ത അവസ്ഥ വരികയും ചെയ്യുന്നു.
🔸ബ്രേക്ക് സിസ്റ്റം അമിതമായി ചൂടാകുമ്പോൾ ബ്രേക്ക് ഫ്ലൂയിഡിനുള്ളിലെ ഈർപ്പം നീരാവിയായി മാറി എയർ ബബിളുകൾ രൂപപ്പെടുകയും, ബ്രേക്ക് ലിവർ/പെഡൽ ഉള്ളിലേക്ക് താഴ്ന്നുപോയി ബ്രേക്ക് കംപ്ലീറ്റായി നഷ്ടപ്പെടുകയും ചെയ്യാം.
🔸ഈ അപകടം ഒഴിവാക്കാൻ പഴയ ഡ്രൈവർമാർ പറയുന്ന മികച്ചൊരു ടെക്നിക്കാണ് ഏത് ഗിയറിലാണോ മല കയറിയത്, അതേ ചെറിയ ഗിയറിൽ തന്നെ മല ഇറങ്ങുക എന്നത്.
🔸ഇറക്കങ്ങളിൽ ആക്സിലറേറ്ററിൽ നിന്ന് കാലെടുത്ത് ഫസ്റ്റ് അല്ലെങ്കിൽ സെക്കൻഡ് ഗിയറിലിട്ട് വണ്ടി ഓടിക്കുന്നതിനെയാണ് 'എഞ്ചിൻ ബ്രേക്കിംഗ്' (Engine braking) എന്ന് പറയുന്നത്.
🔸ആക്സിലറേറ്റർ വിടുമ്പോൾ എഞ്ചിനിലേക്ക് പോകുന്ന വായു നിയന്ത്രിക്കപ്പെടുകയും, മൂവ് ചെയ്യുന്ന പിസ്റ്റണുകൾ ഉള്ളിൽ ഒരു വാക്വം (റെസിസ്റ്റൻസ്) സൃഷ്ടിച്ച് എഞ്ചിന്റെ വേഗത കുറയ്ക്കുകയും ചെയ്യുന്നു.
🔸എഞ്ചിന്റെ വേഗത കുറയുന്നതോടെ വീലുകളുടെ സ്പീഡും ഓട്ടോമാറ്റിക്കായി നിയന്ത്രിക്കപ്പെടും, ഇത് സാധാരണ ബ്രേക്കുകളുടെ ഉപയോഗം വലിയ രീതിയിൽ കുറയ്ക്കാൻ സഹായിക്കും.
🔸എഞ്ചിൻ ബ്രേക്കിംഗ് എന്നത് വാഹനത്തിന്റെ വേഗത നിയന്ത്രിക്കാൻ മാത്രമുള്ളതാണ്; വണ്ടി പൂർണ്ണമായി നിർത്താനും പെട്ടെന്ന് എന്തെങ്കിലും മുന്നിൽ ചാടിയാൽ ബ്രേക്ക് ചെയ്യാനും സാധാരണ ബ്രേക്കുകൾ തന്നെ ഉപയോഗിക്കണം.

29/05/2026

കുഴിയിൽ വീണ് തലയ്ക്ക് പരിക്കേറ്റയാൾക്ക് രക്ഷകനായി ഹോം ഗാർഡ് രജിത്ത് പി.പി.

വളപട്ടണം: ചിറക്കലിൽ അബദ്ധത്തിൽ കുഴിയിൽ വീണ് തലയ്ക്ക് ഗുരുതരമായി പരിക്കേറ്റ തമിഴ്‌നാട് സ്വദേശിക്ക് രക്ഷകനായി വളപട്ടണം പോലീസ് സ്റ്റേഷനിലെ ഹോം ഗാർഡ് രജിത്ത് പി.പി.

രാത്രി ഏഴു മണിയോടെ ചിറക്കൽ പഞ്ചായത്തിലെ പുതിയതെരു സ്റ്റൈലോ കോർണറിന് സമീപമാണ് സംഭവം. തമിഴ്‌നാട് സ്വദേശിയായ മാരിമുത്തു എന്നയാൾ നടന്നുപോകുന്നതിനിടയിൽ അബദ്ധത്തിൽ അഞ്ചടിയോളം താഴ്ചയുള്ള കുഴിയിലേക്ക് വീഴുകയായിരുന്നു. വീഴ്ചയുടെ ആഘാതത്തിൽ ഇയാളുടെ തലയ്ക്ക് ഗുരുതരമായി പരിക്കേൽക്കുകയും ചോര വാർന്ന് അബോധാവസ്ഥയിലാവുകയും ചെയ്തു. ഈ സമയം സ്ഥലത്തുണ്ടായിരുന്ന വളപട്ടണം പോലീസ് സ്റ്റേഷനിലെ ഹോം ഗാർഡ് ശ്രീ. രജിത്ത് പി.പി. ഒട്ടും സമയം കളയാതെ ഉടനടി ഇയാൾക്ക് ആവശ്യമായ പ്രഥമശുശ്രൂഷ നൽകി. തുടർന്ന് പോലീസ് വാഹനത്തിന്റെ സഹായത്തോടെയോ നാട്ടുകാരുടെ സഹകരണത്തോടെയോ ഇയാളെ എത്രയും വേഗം തൊട്ടടുത്ത

27/05/2026

എല്ലാവർക്കും കണ്ണൂർ സിറ്റി പോലീസിൻ്റെ ബക്രീദ് ആശംസകൾ

26/05/2026

നിങ്ങളുടെ സന്ദേശം ഒരപകടം ഒഴിവാക്കിയേക്കാം

ട്രാഫിക് സംബന്ധമായ കുറ്റകൃത്യങ്ങൾ 9747001099 എന്ന whatsapp നമ്പറിൽ ചിത്രം/വീഡിയോ, സ്ഥലം, സമയം എന്നിവ സഹിതം അറിയിക്കുക

25/05/2026

⛈️🚨 മഴക്കാല ജാഗ്രത: സുരക്ഷിതമായി ഡ്രൈവ് ചെയ്യാം

മഴക്കാലത്ത് കേരളത്തിലെ റോഡുകളിലൂടെയുള്ള അമിതവേഗതയും വണ്ടിഭ്രാന്തും ഒഴിവാക്കി, സുരക്ഷിതമായി യാത്ര ചെയ്യാൻ ഈ കാര്യങ്ങൾ പ്രത്യേകം ശ്രദ്ധിക്കുക:
▶️വൈപ്പറുകൾ കൃത്യമായി പ്രവർത്തിക്കുന്നുണ്ടെന്ന് ഉറപ്പുവരുത്തുക. പഴയ ബ്ലേഡുകൾ മാറ്റുക; കനത്ത മഴയും കാറ്റും പെട്ടെന്ന് കാഴ്ച മറച്ചേക്കാം.
▶️ ഹെഡ്‌ലൈറ്റ്, ടെയിൽലൈറ്റ്, ഇൻഡിക്കേറ്ററുകൾ എന്നിവ കൃത്യമായി പ്രവർത്തിക്കണം. കനത്ത മഴയിലും മഞ്ഞിലും മറ്റ് വാഹനങ്ങൾക്ക് നിങ്ങളെ പെട്ടെന്ന് തിരിച്ചറിയാൻ ഇത് സഹായിക്കും.
▶️ റോഡിലെ വേഗത സാധാരണയേക്കാൾ കുറയ്ക്കുക. നനഞ്ഞ റോഡുകളിൽ ബ്രേക്ക് ഇടുമ്പോൾ വാഹനം പെട്ടെന്ന് നിൽക്കില്ല (Skidding സാധ്യതയുണ്ട്).
▶️ റോഡിലെ വലിയ വെള്ളക്കെട്ടുകളിലൂടെ വാഹനം ഓടിക്കാതിരിക്കുക. വെള്ളത്തിനടിയിൽ വലിയ കുഴികളോ തകർന്ന റോഡുകളോ മറഞ്ഞിരിപ്പുണ്ടാകാം.
▶️ മലയോര മേഖലകളിൽ ഉരുൾപൊട്ടലിനും മരം വീഴാനുമുള്ള സാധ്യതയുള്ളതിനാൽ അതീവ ജാഗ്രത പുലർത്തുക. മലഞ്ചെരുവുകളിലും വലിയ മരങ്ങളുടെ ചുവട്ടിലും വാഹനം പാർക്ക് ചെയ്യരുത്.
▶️ടയറുകളുടെ തേയ്മാനം (Tread depth) പ്രത്യേകം പരിശോധിക്കുക. ത്രെഡ് കുറഞ്ഞ ടയറുകൾ നനഞ്ഞ റോഡിൽ പെട്ടെന്ന് തെന്നിമാറാൻ (Hydroplaning) കാരണമാകും.
▶️ബസുകൾ, വലിയ ലോറികൾ എന്നിവയുടെ തൊട്ടുപിന്നാലെ പോകാതിരിക്കുക. ഇവയുടെ വലിയ ടയറുകൾ തെറിപ്പിക്കുന്ന ചെളി വെള്ളം നിങ്ങളുടെ വിൻഡ്ഷീൽഡിലെ കാഴ്ച പൂർണ്ണമായി മറച്ചേക്കാം.
▶️ രാത്രിയിൽ കനത്ത മഴ പെയ്യുമ്പോൾ റോഡിലെ വെള്ളക്കെട്ടുകളുടെ ആഴം മനസ്സിലാക്കാൻ ബുദ്ധിമുട്ടായതിനാൽ പരമാവധി രാത്രിയാത്രകൾ ഒഴിവാക്കുക.
▶️ റോഡിന്റെ വശങ്ങളിലുള്ള മൺതിട്ടകളിലേക്ക് വാഹനം ഇറക്കാതിരിക്കുക. മഴവെള്ളം കുത്തിയൊലിച്ച് മണ്ണ് ഇളകിക്കിടക്കുന്നതിനാൽ വാഹനം താഴ്ന്നുപോകാൻ സാധ്യതയുണ്ട്.
▶️കൽഭിത്തികളുടെയോ തകരാൻ സാധ്യതയുള്ള മതിൽക്കെട്ടുകളുടെയോ അടിയിലായി വാഹനങ്ങൾ നിർത്തരുത്. മഴയത്ത് ഇവ തകർന്ന് വാഹനങ്ങൾക്ക് മുകളിലേക്ക് വീഴാൻ സാധ്യതയുണ്ട്.