25/05/2026
ଶ୍ରୀମନ୍ଦିରକୁ ଯୋଗାଯୋଗ ବ୍ୟବସ୍ଥାର ଉନ୍ନତି ତଥା ଭକ୍ତମାନଙ୍କ ଦର୍ଶନକୁ ଅଧିକ ସୁଗମ କରିବା ପାଇଁ ଜନନାୟକ ଜାନକୀ ବଲ୍ଲଭ ପଟ୍ଟନାୟକଙ୍କ ଅନ୍ୟ ଏକ ପ୍ରମୁଖ ପରିକଳ୍ପନା ଥିଲା ‘ନୂଆ ଜଗନ୍ନାଥ ସଡ଼କ’।
୧୯୯୬ ମସିହା ନବକଳେବର ସମୟରେ ଲକ୍ଷ ଲକ୍ଷ ଭକ୍ତଙ୍କ ସମାଗମକୁ ଆଗୁଆ ଦୃଷ୍ଟିରେ ରଖି, ଯାତାୟାତକୁ ସହଜ କରିବା ଉଦ୍ଦେଶ୍ୟରେ ରାମେଶ୍ୱର ଦେଇ ପୁରୀକୁ ଏକ ନୂତନ ବିକଳ୍ପ ରାସ୍ତା ନିର୍ମାଣ କରାଯାଇଥିଲା।
ନବକଳେବର ମହାପର୍ବ ପରେ ମଧ୍ୟ ଏହି ସଡ଼କ ଦକ୍ଷିଣ ଏବଂ ପଶ୍ଚିମ ଓଡ଼ିଶାରୁ ଆସୁଥିବା ଭକ୍ତମାନଙ୍କ ପାଇଁ ପୁରୀ ଯିବାର ଏକ ସଂକ୍ଷିପ୍ତ ତଥା ସୁବିଧାଜନକ ମାର୍ଗ ପାଲଟିଛି।
ମହାପ୍ରଭୁ ଶ୍ରୀଜଗନ୍ନାଥଙ୍କ ପ୍ରତି ଜାନକୀ ବାବୁଙ୍କ ଭକ୍ତି କେବଳ ଶବ୍ଦରେ ସୀମିତ ନଥିଲା, ବରଂ ଲକ୍ଷ ଲକ୍ଷ ଭକ୍ତଙ୍କ ଆବଶ୍ୟକତା ଏବଂ ସୁବିଧାକୁ ଦୃଷ୍ଟିରେ ରଖି ନିଆଯାଇଥିବା ଏଭଳି ପଦକ୍ଷେପଗୁଡ଼ିକରେ ତାହାର ପ୍ରକୃତ ପ୍ରତିଫଳନ ଦେଖିବାକୁ ମିଳିଥିଲା।
