എന്റെ ഗ്രാമം -കടയ്ക്കൽ (Ente Gramam-Kadakkal)

30/08/2026

URGENT❗❗❗

30/08/2026

എസ്എൻഡിപി യോഗം കടയ്ക്കൽ യൂണിയൻ നടത്തിയ 172 മത് ശ്രീനാരായണ ഗുരുദേവ ജയന്തി ഘോഷയാത്ര

30/08/2026

29/08/2026

ആദരാഞ്ജലികൾ 🌷
കടയ്ക്കൽ ഗ്രാമ പഞ്ചായത്ത് മുൻ പ്രസിഡൻ്റ് ശ്രീ. R ശ്രീകുമാറിൻ്റെ ഭാര്യ ഷീജ അന്തരിച്ചു.
സംസ്ക്കാരം നാളെ രാവിലെ 10 മണിക്ക്.

29/08/2026

*പ്രിയദർശിനി 'ഓണാഘോഷവും പ്രതിഭാ സംഗമവും' സംഘടിപ്പിച്ചു; പൊതുപ്രവർത്തകനപുരസ്‌കാരം കുമ്മിൾ ഷമീറിനും മാധ്യമ പുരസ്‌കാരം മനോരമ ഗോപനും എം.എൽ.എ സമ്മാനിച്ചു*

കടയ്ക്കൽ: പ്രിയദർശിനി കലാ സാംസ്കാരിക കേന്ദ്രം, പുള്ളിപ്പച്ചയുടെ ആഭിമുഖ്യത്തിൽ ഓണാഘോഷവും പ്രതിഭാ സംഗമവും പ്രൗഢ ഗംഭീരമായി സംഘടിപ്പിച്ചു. വിവിധ കലാ-കായിക മത്സരങ്ങൾ സംഘടിപ്പിച്ചു. ആൽത്തറമൂട് ചിലമ്പ് കലാസമിതി അവതരിപ്പിച്ച കൈകൊട്ടിക്കളി പരിപാടിക്ക് കൂടുതൽ മിഴിവേകി. പരിപാടിയുടെ ഉദ്ഘാടനം ചടയമംഗലം എം.എൽ.എ എം. എം. നസീർ നിർവ്വഹിച്ചു. ചടങ്ങിൽ വെച്ച് എം.എൽ.എയെ പ്രിയദർശിനിക്ക് വേണ്ടി രക്ഷാധികാരി സക്കറിയ ഇടിഞ്ചിറ പൊന്നാട അണിയിച്ച് മൊമെന്റോ നൽകി പ്രിയദർശിനിയുടെ ആദരം നൽകി.
എസ്.എസ്.എൽ.സി, പ്ലസ് ടു പരീക്ഷകളിൽ ഉന്നതവിജയം കൈവരിച്ച വിദ്യാർത്ഥികളെയും, എൽ.എസ്.എസ്, യു.എസ്.എസ് പരീക്ഷകളിൽ മികച്ച വിജയം കരസ്ഥമാക്കിയവരെയും, കലാ-കായിക രംഗങ്ങളിൽ മികവു തെളിയിച്ചവരെയും ചടങ്ങിൽ ആദരിച്ചു.
മികച്ച പൊതുപ്രവർത്തകനുള്ള രണ്ടാമത് പ്രിയദർശിനി പുരസ്കാരം കുമ്മിൾ ഷമീറിനും, മികച്ച മാധ്യമപ്രവർത്തകനുള്ള പുരസ്കാരം ഗോപൻ കടയ്ക്കൽ(മലയാള മനോരമ )എം.എൽ.എ നൽകി ആദരിച്ചു. കൂടാതെ മികച്ച കർഷകനുള്ള അവാർഡ് സലാഹുദ്ദീൻ കൊച്ചുവീടിനും, മികച്ച തേനീച്ച കർഷകനുള്ള കുമ്മിൾ പഞ്ചായത്തിന്റെ അവാർഡിന് അർഹനായ മിഥുൻ എസ്. ബാബുവിനെയും ചടങ്ങിൽ എം.എൽ.എ ആദരിച്ചു. ഓണാഘോഷത്തോടനുബന്ധിച്ച് നടന്ന കലാ-കായിക മത്സരങ്ങളിൽ വിജയികളായവർക്കുള്ള സമ്മാനദാനം കോണ്ടോടി വാർഡ് മെമ്പർ നസീലാ നസീർ നിർവ്വഹിച്ചു.
പ്രിയദർശിനി പ്രസിഡന്റ് അൻസാരി പുള്ളിപ്പച്ച അധ്യക്ഷത വഹിച്ച ചടങ്ങിൽ സെക്രട്ടറി ടി. സോജൻ സ്വാഗതം ആശംസിച്ചു. രക്ഷാധികാരി കെ.സക്കറിയ ഗ്രാമപഞ്ചായത്ത് അംഗങ്ങളായ കുമ്മിൾ ഷമീർ, നസീലാ നസീർ, സുജ റെജി , സംസ്കാര സാഹിതി ബ്ലോക്ക് ചെയർമാൻ കുമ്മിൾ മുനീർ, സിയാദ് പുള്ളിപ്പച്ച,ബൈജു വയൽക്കര, അൻസാം, സ്വജേഷ്, ആനപ്പാറ സുരേഷ്, സിയാദ് കുളപ്പാറക്കുന്നിൽ, രാഹുൽ ചിതറ, അരുൺ വി. അജിത്,ഇർഷാദ് കുമ്മിൾ,കബീർ എന്നിവർ സംസാരിച്ചു.

28/08/2026

റംലാബീവിയുടെ സ്വപ്ന ഭവനം യാഥാർത്ഥ്യമായി.

കുമ്മിൾ: .കുമ്മിൾ ഗ്രാമപഞ്ചായത്തിലെ തച്ചോണം വാർഡിൽ പേഴും മൂട് റംലാബീവിക്ക് ഗ്രാമപഞ്ചായത്തിന്റെ നേതൃത്വത്തിൽ നിർമ്മിച്ചു നൽകിയ വീടിന്റെ ഉദ്ഘാടനം ചടയമംഗലം എം.എൽ.എ എം. എം. നസീർ നിർവഹിച്ചു. സ്വന്തമായി ഒരു വീട് എന്ന റംല ബീവിയുടെ സ്വപ്നമാണ് ഇതോടെ യാഥാർഥ്യമായത്.
കൊല്ലം ജില്ലാ പഞ്ചായത്തിന്റെയും കുമ്മിൾ ഗ്രാമപഞ്ചായത്തിൻ്റെയും ഫണ്ട് ഉപയോഗിച്ചാണ് ഭവനനിർമാണത്തിനായി സ്ഥലം വാങ്ങി നൽകിയത്. തുടർന്ന് ഗ്രാമപഞ്ചായത്ത് അനുവദിച്ച നാല് ലക്ഷം രൂപയും നിരവധി സുമനസ്സുകളുടെ സഹായവും കൊണ്ടാണ് വീട് നിർമ്മാണം പൂർത്തിയാക്കിയത്.
കുമ്മിൾ ഗ്രാമപഞ്ചായത്ത് പ്രസിഡന്റ് കുമാരി അശ്വതി ഉത്തമൻ അധ്യക്ഷത വഹിച്ച ചടങ്ങിൽ വൈസ് പ്രസിഡന്റ് എ.എം ഇർഷാദ് സ്വാഗതം ആശംസിച്ചു. കൊല്ലം ജില്ലാ പഞ്ചായത്ത് അംഗം സന്തോഷ് മതിര ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺമാരായ ജാസ്മിൻ .കെ, സുജാ റെജി, എൽ രജികുമാരി ഗ്രാമപഞ്ചായത്ത് അംഗങ്ങളായ ഷാനവാസ് മുക്കുന്നം, കെ. മധു, കുമ്മിൾ ഷെമീർ, സജീനാ ബീവി, കെ.എൽ നസീല നസീർ, അഭയ
ഗ്രാമപഞ്ചായത്ത് സെക്രട്ടറി മുഹമ്മദ് റിസ, അസിസ്റ്റന്റ് സെക്രട്ടറി ബൈജു ബഷീർ, തമീമുദീൻ. എം, കെ. കൃഷ്ണപിള്ള, ബി.എച്ച് നിഫാൽ, ശശി തുടങ്ങി സാംസ്കാരിക–സാമൂഹിക രംഗത്തെ പ്രമുഖരും ചടങ്ങിൽ സന്നിഹിതരായി.
അതിദരിദ്ര ഭവന പദ്ധതിയുടെ ഭാഗമായാണ് റംലാ ബീവിയ്ക്ക് വീട് നിർമ്മിച്ച് നൽകിയത്.